Re: 個仔比奶奶湊,依家讀小三,一向奶奶攞飯去學校,但佢今晚暗示叫我哋同個仔訂
乜原來仲牽涉埋其他人呀?!算啦 xp, 好多人都對老人家唔係咁體貼, 反而有d用到盡o既心態o架,(我眼見我老公o既兄弟都係咁).除非你地同大伯&伯娘好friend,否則我估你都係無謂惹d妯娌間不必要o既是非/麻煩,將個波交番比奶奶,表明你o既態度,等佢老人家自己決定啦.
問心講,我自己都好少開口麻煩99佢老人家,而且我估你奶奶大孫女都快升中,都應該六十歲上下啦,每日都要送飯比孫仔女可能都會幾辛苦,尤其打風落雨或者佢自己唔精神呀咁,但送飯呢樣嘢都又冇得臨時因事唔去喎!
佢六年前剛開始咁送就冇乜嘢,但可能而家佢自己都會考慮有機會仲要送多六年的話就好吃力, 所以乘機試探吓d仔同新抱,你同老公商量吓有冇可能係咁情況,再考慮點做啦.
但有時d老人家o既心態好奇怪......我試過同99飲飲吓茶,佢電話响就講咗兩句,跟住怱怱忙忙仆到咁走咗出去,我以為乜事,但其他人就當冇件事照常飲茶食包,(咁我梗係不變應萬變唔出聲),幾分鐘後忽見我老公的兄弟斯斯然一支公上到嚟坐低,我老公招呼佢話叫伙記開位比佢,佢話唔洗佢就走嘞,跟住同我老公傾計,再過多幾分鐘,我99拖住佢個幾歲大o既囡囡番嚟..............傾多兩句tim兩父女就拜拜嘞........
有冇人咁叻估到發生咗咩事呢?????
原來位仁兄同個女出街,個女突然肚痛要去廁所開大,佢知道自己阿媽响附近飲緊茶,就call 阿媽幫手............
我自問連喺屋企收我人工幫我o既bunbun都唔會咁對待,
何況自己阿媽???但我6299最錫就係呢個仔同佢一家...哈哈,呢位仁兄係受過高等教育o既專業人士,唔係文盲bor,我雖然心諗咁都得???但我眼見99簡直甘之如飴, 咁又可以點做呢?
唯有希望我d仔女見到唔好學埋d衰嘢,咪第日激c我.
sorry, 越呻越長tim.
xp 寫道:
其實我哋兩公婆對訂飯係唔抗拒,只不過呢幾年我奶奶都係要攞飯去學校去比我老公個姪女,所以咪攞埋比我個仔囉,但個姪女就出年就升中學,所以我奶奶先會叫我哋訂飯啫!
我仔間學校都係按日計,照計係唔會蝕,所以我都唔明我奶奶既意思,而我大伯應該唔會應承,因為佢個細仔明年又係去我個仔間學校讀,當年佢家姐話要訂飯,但大伯同伯娘死都要我奶奶攞飯!
[img align=left]http://www.msndoll.com/uploads/imdoll-8134.gif[/img]
發表於 
返回列表
