少年成長 今日: 3 | 主題: 15998

積分: 2041

21^#

發表於 07-1-24 20:55 |只看該作者

Re: 昨晚我狠狠地打了我個女一餐！

123BB,

讀K1遲到有乜所謂,放松D,唔駛太緊張

細路百厭,唔聽話,懶散,係好正常,如果好聽話,似個機械人,木木獨獨,on居居,到時你重驚

不要體罰,細路讀上小學就好慘,功課多,又要應付考試,而家比佢開心下啦!佢需要係愛心,你係傭人面前打佢,小心她有樣學樣,你要同傭人講清楚,係你衝動先打佢,唔會有下次

私人傳訊

ChunChunMame

積分: 1185

22^#

發表於 07-1-24 21:07 |只看該作者

Re: 昨晚我狠狠地打了我個女一餐！

I really agreed. I guess when you were small, most of us ge hit by ours parents, do you still remember that, it really hurt. When they go to school, they will afraid their classmate see the mark from 騰條, I will have the hard feeling.!!

私人傳訊

peter011

積分: 2041

23^#

發表於 07-1-24 22:20 |只看該作者

Re: 昨晚我狠狠地打了我個女一餐！

雙子媽媽,

你做得好,掉左條騰條

橡跟拉得太"行",好易斷,斷時會彈手架

你越上心,小朋友不達標,你就越激氣,發火就會體罰,所以凡事要平常心,中庸之道

吃飯是平常事,bb肚餓會大哭,你沖奶耐d都唔得,嘈到拆天,
所以小朋友肚餓一樣會出聲,問題係時間上錯配,要慢慢調較一下

叫你先生多上BK,聽音樂relax下都好好架,加油

私人傳訊

peter011

積分: 2041

24^#

發表於 07-1-24 23:17 |只看該作者

Re: 昨晚我狠狠地打了我個女一餐！

子峰mama ,

小朋友唔係要來控制架,我對e個字眼好反感

有時大人係要從小朋友心態著眼,沖完涼唔肯上水,係因為好玩嘛,好似游緊暖水,換轉係我都唔願起身,比佢玩多一陣又有何不可!玩得太耐,咪加小小凍水囉,唔舒服,佢就會走人

重有你有無聯想到佢係咪好鍾意游水呢!

私人傳訊

fatping

伯爵府

積分: 16667

25^#

發表於 07-1-24 23:52 |只看該作者

Re: 昨晚我狠狠地打了我個女一餐！

首先我覺得你個工人好大問題, 咁既情況下仲講d咁既野, 我唔太贊成打,打得多佢會學我的, 我知有時會好嬲因我都有2個小朋友, 但你都唔好用騰條, 咁細個你巳經用騰條, 大d用物呢, 而且騰條打完有痕d老師會問的, 我如果遇到小朋友唔聽話時, 我會用好嚴肅既語氣同佢講你再唔做媽媽就好唔開心, 叫佢快d黎做, 然後等佢1分鐘時間, 如果佢都唔黎, 我會去拿開佢玩緊既野或停止佢做緊既野, 再同佢面對面講我要佢做既野, 通常佢都會去做, 如咁都唔理我我先打佢一下手或petpet.

私人傳訊

yywhk

子爵府

積分: 11348

醒目開學勳章

26^#

發表於 07-1-25 00:23 |只看該作者

Re: 昨晚我狠狠地打了我個女一餐！

123BB:

我都覺得你工人有d推卸責任之嫌,咁大個人有乜理由tum唔掂一個幾歲大人仔??俾粒糖,俾件玩具都識啩??
再唔掂,有冇可能電話請示吓你或者你老公?? (因我d工人有時吓吓打比我, 我會事後叫佢咪事無大小都打嚟,唔係我當佢揍唔掂,炒!)比你同囡囡講吓電話或者佢又冇咁扭計肯合作呢?但佢一樣都冇做噃!!須知道,佢搞唔掂呢個小朋友係佢失職咋.

另外請問工人係一個揍一個?而你知道囡囡遲到係工人話比你知,定係老師講?? 而囡囡扭扭擰擰唔肯立刻做或多或少係通病,佢可能做緊d野唔想立刻停嘛,你上緊bk人地叫你去沖涼,你都想睇埋個topic啦！好多時都係要比個時限佢地ｏ架．

其實一個揍一個辛苦極有限,仲已經三四歲tim! 會唔會工人將d錯嘢推落細路身上?? 我就覺得你工人抵打d喎!!!!!!!!!

佢仲衰到叫你打多d個女,你唔打佢,我都覺得佢唔係人,我打佢

[img align=left]http://www.msndoll.com/uploads/imdoll-8134.gif[/img]

私人傳訊

cdee

子爵府

積分: 10019

好媽媽勳章

27^#

發表於 07-1-25 00:40 |只看該作者

Re: 昨晚我狠狠地打了我個女一餐！

Agree, 你工人抵打d!! 小朋友去到 "Trouble 3" E 個年紀, 大多數都係會唔聽講架(唔係你個特別難教) 慢慢0黎啦唔使用武力架. 比d耐性喇同佢講多d道理(雖然有時火滾起來難以控制, 但係儘力喇.)之後佢明白, 就會好教d. 因為打不是一個好辦法來.

yywhk 寫道:
123BB:

我都覺得你工人有d推卸責任之嫌,咁大個人有乜理由tum唔掂一個幾歲大人仔??俾粒糖,俾件玩具都識啩??
再唔掂,有冇可能電話請示吓你或者你老公?? (因我d工人有時吓吓打比我, 我會事後叫佢事無大小都打嚟,唔係我當佢揍唔掂,炒!)比你同囡囡講吓電話或者佢又冇咁扭計肯合作呢?但佢一樣都冇做噃!!

另外請問你知道囡囡遲到係工人話比你知,定係老師講??

其實會唔會工人將d錯嘢推落細路身上?? 我覺得你工人抵打d喎!!!!!!!!!

佢仲衰到叫你打多d個女,你唔打佢,我都覺得佢唔係人,我打佢

私人傳訊

積分: 930

好媽媽勳章

28^#

發表於 07-1-25 08:52 |只看該作者

Re: 昨晚我狠狠地打了我個女一餐！

要小心，你工人響你打女的時候推波助瀾，一定唔係好人，更加唔慌有愛心，將來佢會事事恐嚇你個女，有乜事我會話比媽咪聽等佢打死你，阿女聽聽埋埋會點？阿女一定會覺得阿媽好衰好惡，有乜事就打。
細路要唔要打我唔敢講，個個教仔的方法唔同，我響學校做野，見過好多情況，最差的係到五六年級真係會離家出走，因為佢覺得屋企人衰，反而出面d friend就對佢好好。有d細路比屋企人就會還手，日日同屋企開大片，出刀又出較剪。冰封三尺非一日之寒，仇恨係日積月累。不如你試下比個小朋友覺得你好愛錫佢，如果佢曳，你會好失望好唔開心，小朋友會因為唔想你唔開心而改善(當然大家的關係一定係好果隻，唔係佢真係啋你都傻)。

另外，有時仲要抽身睇下，婆婆縱，爸爸打，兩套標準叫個細路點做，個細路可能做左磨心，一個話你越唔比我打，我就偏偏打多d，另一個就覺得你咁慘，成日比人打，我要對你再好d。響咁樣的環境長大，個細路乖就奇。

私人傳訊

積分: 6598

29^#

發表於 07-1-25 10:26 |只看該作者

Re: 昨晚我狠狠地打了我個女一餐！

我都心知係我工人湊細路唔掂,我屋企又唔係大,一家三口仲要老公成日唔係屋企,個工人都得閒到成個下午睇報紙小說,搞唔掂仲要話係我個女既問題,尋日我特登遲出門口,睇佢點照顧我個女,俾我睇到眼火爆,個女一扭擰佢就行開唔理,咁搞唔遲到就奇啦!!!等我叫佢出來同阿女著衫時,佢仲話係我個女既問題,我即刻同佢講係你有問題唔係我個女!!!!!以後跟我要求既去做!!!工人既野唔想再講啦,佢都52歲,如果唔係英文好好,我一早炒左佢!阿女都講我知工人有時會好惡對佢,之前仲打佢添,今晚返屋企我都係掉左條騰條佢,希望唔使再買過!
囡囡遲到事件係我問囡囡既,因為我老公話覺得阿女呢排遲左出門,讀幼稚園係唔使太緊張,不過我主要係唔想個工人形成習慣,而唔係囡囡,工人對佢既時間係最長啊,有乜唔好既野我個女都會學,個工人做野慢條斯理咁,你急佢唔急,阿女唔出門佢都唔去換衫,就算平時出街都要我成家人等佢換衫,佢永遠唔會做左自己既事先,講講下,好似我個日係將對工人既不滿發係個女身上 :-( :-( :-(

私人傳訊

積分: 930

好媽媽勳章

30^#

發表於 07-1-25 12:02 |只看該作者

Re: 昨晚我狠狠地打了我個女一餐！

唔想發生都發生左，試下同個女講sorry，話比佢聽你想佢點，可以的話，保證唔再打佢(當然你諗住做得到先好咁講)，重新建立親子關係對大家都有好處，始終幾歲人仔，好需要人錫，特別係女仔。
仲有盡量唔好響個女面前話佢曳，話佢做野慢吞吞，咁小朋友好容易就label左自己真係唔掂，個人形象對會較低，嚴重的話仲會覺得我唔掂係應該的，媽咪都預左架啦，重新扶返正就好難。你以改為同佢講，媽咪知你可以快d，你一定得之類，個細路會受落好多。

私人傳訊

積分: 6598

31^#

發表於 07-1-25 13:16 |只看該作者

Re: 昨晚我狠狠地打了我個女一餐！

睇左你地既留言真係受益良多,有時真係要上來呻下先得,今晚我會同個女傾下心事,然後係佢面前掉左條騰條..........。

私人傳訊

雙子媽媽

積分: 6830

32^#

發表於 07-1-25 16:49 |只看該作者

Re: 昨晚我狠狠地打了我個女一餐！

尋晚食完飯, 印姐羅垃圾去倒時, 我叫停佢, 叫佢順手掉埋條騰條, 佢好surprise. 而我老公好愕然, 跟住我話廢時你成日打仔, 我話上bk d 媽咪都教唔可以體罰. 佢話人講咩妳就要跟人做咩架啦. 如果係咁, 我覺得好慘羅. 其實佢有咩咁慘..唉.....不果算啦..自從亞b越來越大, 我地2公婆成日都為教仔嘈. 依家已近乎冷戰關係, 大家的話題除左亞仔無其他. 其實我都好悲哀.... :-( :-( . 唔好意思, 離左題tim.

私人傳訊

積分: 6598

33^#

發表於 07-1-25 17:04 |只看該作者

Re: 昨晚我狠狠地打了我個女一餐！

唉.............,你個仔真係可憐!!,我兩公婆就好怪既,佢打個女時我就好肉赤,我打個女時佢又話返我...,我今日同老公講以後屋企冇騰條,佢話以後係咪用棍打?我話係用口教,費時打上癮,
佢就話係我EQ低!!!

私人傳訊

yywhk

子爵府

積分: 11348

醒目開學勳章

34^#

發表於 07-1-25 17:30 |只看該作者

Re: 昨晚我狠狠地打了我個女一餐！

唉!我淨係知道冇乜聽過十優狀元係打出嚟o既,但d出走少年,雙失青年,隱蔽青年就有唔少係由細打到大o既.咁就算冇咁大想頭做十優,都唔想做後者啩?

我都有體罰自己d仔女,但真係好少,大多都係用咗好多其他方法都無効先會用o既原子彈嚟o架,即係用完就預咗生靈塗炭,雖然收効但會有好多後遺症,唔係話打完就算,而要用好多時間同佢講番d道理.

我鼓勵大家試下用取消小朋友最喜愛o既活動嚟代替體罰,(電視節目,課外活動,假日活動.....等等都可以)希望可以減少打小朋友o既次數啦! 收火,收火,共勉之!!

[img align=left]http://www.msndoll.com/uploads/imdoll-8134.gif[/img]

私人傳訊

Lilo

積分: 2536

35^#

發表於 07-1-25 17:33 |只看該作者

Re: 昨晚我狠狠地打了我個女一餐！

我個囡都係讀k1，我都有用間尺打佢pat pat或手，我都知唔好打細路，但係知易行難，我老公就成日話我對個囡太lum，所以比個囡玩番轉頭，佢就主張比一次機會，個囡第一次做錯除非好大件事(如dum野落街)好聲好氣同佢講，第二次

私人傳訊

SandraLo

珍珠宮

積分: 33215

36^#

發表於 07-1-25 23:27 |只看該作者

Re: 昨晚我狠狠地打了我個女一餐！

Lilo：

你用任何方法都唔可以選擇性咁跟，Super Nanny 教用 naughty chair 來罸係一個 isolation，執行時絕對唔可以俾反應，即係話一講咗/開始咗呢個懲罰，就算佢講粗口你都唔好理，要完全 ignore，罰完至搞第二樣，幾次便可見效；如果你响罰緊佢時啋佢或者重同佢鬥咀，根本已經唔係嗰回事，亦唔算罸到佢，就俾佢「义」開咗！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

SandraLo

珍珠宮

積分: 33215

37^#

發表於 07-1-25 23:40 |只看該作者

Re: 昨晚我狠狠地打了我個女一餐！

各位會打小朋友嘅家長：

我今晚啱啱至睇到呢個 topic，希望你們可以不再打小朋友........不少人話「唔知点教」，「火都嚟」就打，有冇諗過去學吓点教？幾歲就打，幾時打到大？到佢青少年反叛期有大力過你時，就變打架啦！
後日星期六我得閒些，會 up 番啲教仔 topic 上嚟俾大家参巧吓先.......唔好淨係話唔識教要打！

私人傳訊

積分: 930

好媽媽勳章

38^#

發表於 07-1-26 08:58 |只看該作者

Re: 昨晚我狠狠地打了我個女一餐！

SUPER NANNY的方法我都用過。我個女脾氣好差又好歪皮，有一次我用super nanny的方法罰佢企，佢仲嬉皮笑臉咁問我企邊呀，我比左個位佢企之後，佢又唱歌又扮鬼扮馬，但我堅持唔啋佢。佢兩歲，所以罰兩分鐘，點知分半鐘後佢開始驚，佢開始同我講以後唔敢，話唔想再企，終於我都係要佢企夠兩分鐘要放佢走。所以我覺得最緊要係堅持，同埋罰完之後一定要同佢講返道理，當然唔少得就係你要接受佢的道歉，同佢來個big hug咁大家都會開心d。

私人傳訊

積分: 930

好媽媽勳章

39^#

發表於 07-1-26 09:09 |只看該作者

Re: 昨晚我狠狠地打了我個女一餐！

雙子媽媽
你的情況響香港都幾普遍，好多夫婦都會因為教仔問題而發生磨擦，不過退一步諗大家都係為個仔好，唔係想鬥快打死個仔，係咪？不如你試下同你老公傾下，例如對個仔要求唔好太高，唔好剩係著眼佢無錯左乜，反而多d欣賞個仔。仲有，兩夫婦響教仔方面一定要有共式，咁小朋友先知乜野係規舉，點樣做先會被接納被欣賞。我覺得每個小朋友的行為都有正反兩面:活潑/百厭，想像力豐富/講大話，有主見/唔聽話，溫純/懦弱，勇敢/惡死......所以睇下點樣可以幫個小朋友發揮佢的長處同特質。

私人傳訊