少年成長

收藏本版
發帖
返回列表
跳至頁

首頁
1234

尾頁
   0
123BB


男爵府

積分: 6598


1#
發表於 07-1-23 15:44 |只看該作者

昨晚我狠狠地打了我個女一餐！

放左工返到屋企，知道個女返學遲到（讀Ｋ１），工人話阿女唔肯洗臉食早餐，只係係道玩，所以遲左出門口，我話工人唔好俾女女一早就玩，要停止佢咁做，佢就多多籍口，跟住我叫女女洗手食飯，個女又是唔肯，拖拖拉拉咁，我一把火就囉起騰條打左佢一餐，嚇到工人都出來阻止我，個女又喊到好慘，工人又跟住喊，仲一路喊一路話我係應該耐唔耐打下個女，話佢湊得好辛苦咁話，唔知你地Ｄ工人係唔係咁？等女女喊完我就教佢以後我地叫佢做野要即刻做，唔好拖拖拉拉，下次再係咁即打，佢係咁點頭應承，我知道佢唔會改，但我又唔想打佢， 可唔可以教我點做 :-( :-(
私人傳訊

星人mama


男爵府

積分: 7504


2#
發表於 07-1-23 16:09 |只看該作者

Re: 昨晚我狠狠地打了我個女一餐！

點都好啦, 我都唔係咁讚成用騰條打佢 佢先讀K1, 仲咁細個, 就算真係打, 用手打佢PATPAT或者嚇佢話用騰條打佢手手, 佢己經會好驚 耐唔耐要打下佢 唔係唔聽話先要罰既咩
私人傳訊

123BB


男爵府

積分: 6598


3#
發表於 07-1-23 16:27 |只看該作者

Re: 昨晚我狠狠地打了我個女一餐！

唉．．．我個女只係驚騰條，唔囉起騰條佢都唔會去做，個工人咁樣我都好興！！我都想問佢點解要我打個女，佢先湊得舒服？個女又爭唔落，所以鬧完工人再打個女，見到囡囡大脾ｄ騰條痕，我都好心痛，唔打佢又唔聽教，點算呀？？
私人傳訊

雙子媽媽


男爵府

積分: 6830


4#
發表於 07-1-23 17:11 |只看該作者

Re: 昨晚我狠狠地打了我個女一餐！

我個仔(1歲7個月)又係見都騰條先驚, 唔出動騰條, 佢就懶懶行, 唔郁. 整都我老公一有咩都拎條騰條出黎, 試過幾次我正在同發脾氣的bb講道理, 佢見我講左好耐亞仔都仲顛緊, 佢突然羅支騰條出黎fit落張檯度, 我都嚇到離一離, 亞仔當然唔使講, 喊到收唔都聲. 我叫左佢好多次唔好咁, 但佢都唔聽, 依家連食飯都要放條騰條係檯面. 為左咁, 我地2公婆都不知鬧左幾多次交. 其實佢每次用騰條打亞仔, 我都不知幾心痛. 但佢好似打上癮咁. :-(

私人傳訊

mymelody2003


男爵府

積分: 8641


5#
發表於 07-1-23 17:12 |只看該作者

Re: 昨晚我狠狠地打了我個女一餐！

我囝囝又係讀緊K1, 情況同你囡囡差唔多, 我發覺囝囝讀左K1後會有自己主見, 開始唔容易被我去控制, 但我亦都唔會比佢常發"皮"氣, 因為我認為要佢做一件事時佢應該專心D去做, 依家唔教遲D好難教得佢聽話.

如果遇著佢唔做時, 我就會先數1,2,3 比機會佢, 但數完後唔做的話, 開始話比佢知佢再唔做我就會訓佢企, 再唔做就打; 這方法對我囝囝幾WORK, 之前我又係成日打佢, 搞到佢打極都唔驚, 後來轉用這方法又出奇地可行, 你不防試下啦

至於工人方面, 我最憎自己教囝時工人幫口, 我教囝關佢咩事呀, 遇著咁的情況我會叫佢即刻收口同埋行入房, 以免囝囝以為有人幫唔受教 :evil:
私人傳訊

123BB


男爵府

積分: 6598


6#
發表於 07-1-23 19:59 |只看該作者

Re: 昨晚我狠狠地打了我個女一餐！

mymelody: 我既諗法同你差唔多,都係怕佢大個d時難教,希望佢專心d,有紀律性d,係呢一個月我發覺佢開始唔聽人講,中意點就點,當初我都有數123架,數到3都要囉騰條先聽囉,訓企真係未試過,我今晚開始都係要認真試下先,今日返工時諗起我都好肉赤架,我第一次打得佢咁勁!頭先佢仲摺起條褲俾我睇條痕 :-( :-( ,俾老師見到實報警啦。
私人傳訊

123BB


男爵府

積分: 6598


7#
發表於 07-1-23 20:10 |只看該作者

Re: 昨晚我狠狠地打了我個女一餐！

雙子媽媽:我同事都同我講過唔好用騰條打仔女,因為就唔到力,會好痛,分分鐘連手指骨都打斷,用間呎會好d,但係唔知邊日我老公去佢家姐屋企囉左條騰條返來,之後我地就開始打個女啦,唉...我個女喊住話:媽咪你唔好咁啦...,聽到心都痛埋,唔打又真係冇辦法,細聲講唔聽,大聲講又唔聽,囉支騰條出來佢就收皮,你話我地做父母既可以點呀?男人打會好重手,我自己試過用騰條打細細力就已經好痛,更何況係嬲個時打?!
私人傳訊

可樂皓皓


伯爵府

積分: 15354


8#
發表於 07-1-23 23:29 |只看該作者

Re: 昨晚我狠狠地打了我個女一餐！

點解要用騰條打? 你地知唔知真係好痛架? 你地講緊既小朋友只係2,3歲, 一個仲話得17個月, 無錯, 小朋友係由細教起, 但唔係由細打起, 小朋友咁樣比你地打, 佢係會記住, 除左記住果種痛之外, 仲會記住你地, 我都好明白, 打在兒身痛在母心哩句說話, 但係用騰條打真係好痛架, 希望你地停止咁做, 要罰小朋友仲有好多方法, 唔一定要用騰條打, 少少既體罰可能有用, 但係最多只係打patpat或者手板, 打之餘還要即時用言語作出教訓.
我個囝兩歲, 都係好奀皮, 好百厭, 教唔聽, 我都學習緊點樣去教導佢, 好多時可能我既處理方法都唔係太好, 但係我發覺首要既係, 訓練自己多一點耐性, 整理好自己既情緒, 我越發癲個仔會跟住我發癲

如果以上說話有咩得罪, 請見諒, 因為我一路睇你個post, 我一路覺得個心痛緊


































17/1~2.81kg;17/2~3.41kg;18/3~5.5kg;29/4~7kg;30/5~7.53kg;17/6~8.1kg;22/7~8.8kg;31/8~9kg;30/9~9.4kg;28/10~9.7kg;29/11~10.3kg;30/12~10.9kg;16/1~10.8kg;28/2~11.3kg;31/3~11kg;30/4~11kg;31/5~12kg;30/6~12kg;17/7~12kg;30/8~12kg21/9~12.7kg;27/10~13kg;29/11~13.5kg;2/1~13.5kg;28/2~13.5kg;13/4~13.25kg
私人傳訊

renren


子爵府

積分: 12024

好媽媽勳章


9#
發表於 07-1-23 23:54 |只看該作者

Re: 昨晚我狠狠地打了我個女一餐！

教細路慢慢黎,要耐性.唔好郁D拎騰條鎮壓,細細個打,幾時打到大?再者,打耐左奀皮D大大下就唔怕騰條,到時唔通用刀咩.
我朋友D仔就係咁,由細打到大,到七八歲時仲識駁咀,叫媽咪用條粗D騰條先有用.
我都贊成有少少體罰,但要先警告俾佢一個訊號無改善無反應唔合作,先出手,但只限打下手板同屁股然后罰企或罰佢無得做佢喜歡O既野好似睇電視/去街/買玩具.
春有百花秋有月 夏有涼風冬有雪 若無閒事掛心頭 便是人間好時節
私人傳訊

sa2501


禁止訪問

積分: 2729


10#
發表於 07-1-24 04:51 |只看該作者

Re: 昨晚我狠狠地打了我個女一餐！

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

GiGiMum


男爵府

積分: 8786

環保接龍勳章 畀面勳章


11#
發表於 07-1-24 10:14 |只看該作者

Re: 昨晚我狠狠地打了我個女一餐！

123BB & all moms,

我女5歳, 據我經験打是沒用的.

她現在K1, 所以怕你, 但你打得幾耐? 打到十歳好未, 咁十歳後點算???

小朋友是愈打愈難教, 因她已慣了.


我記得我去上過健康院的講座, 有很多建議及獲益, 你可打去査詢.

私人傳訊

webjen


珍珠宮

積分: 45350


12#
發表於 07-1-24 10:35 |只看該作者

Re: 昨晚我狠狠地打了我個女一餐！

小心比人告虐兒呀

我都唔會打我個囡,你地都識講好心痛啦 :-( 自己生出黎,我真係打唔落手!!
我囡 2 歲,我會用講道理o既方式教佢,我想佢將來係一個講道理,明事理o既人,打...只會令小朋友以為暴力可以解決問題.....其他媽咪都講,打打下就唔驚,只會越來越反抗反感!!
以前我地個個都比阿媽打,講真有幾多係打到乖架,打完下次一樣曵,根本無用!!依家個d 小朋友更加唔會受打呢一套,佢地接觸o既事物多左,思想更早熟,大 d 就更反叛......
我都同意用讚代替打,讚美下成長o既小朋友會更有自信!!
多係小朋友乖o既時候讚佢啦!!
上網睇下"父母學堂"
我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!
私人傳訊

子峰mama


侯爵府

積分: 23818

好媽媽勳章


13#
發表於 07-1-24 11:08 |只看該作者

Re: 昨晚我狠狠地打了我個女一餐！

做父母o既,日日都過住見招拆招o既生活,其實我一直都唔讚成體罰,因為驚對佢心靈做成創傷或者仇恨我,但漸漸,佢越黎越唔o係我控制範圍之下,乜o野方法都用過晒,玩具利誘~鬧~罰企~123~鎖入房冷靜(每次唔過20秒)~最後出動間尺,基本上鎖佢入房都好work,但我最攪佢唔掂就係沖完涼唔肯上水,係都要o玩水,大佬,熱d就話比你o玩o者,天氣咁凍d水會凍家嘛,咁沖緊涼又唔可以入房冷靜,我先局住用間尺打佢 :-(
私人傳訊

CATMAMAHK


複式洋房

積分: 270


14#
發表於 07-1-24 13:48 |只看該作者

Re: 昨晚我狠狠地打了我個女一餐！

各位打BB既媽咪:

SORRY ....我吾係想話你地,但係我睇到你地講打BB既情況我睇到都覺得好心痛....你地大部份都係BK常客....應該睇過好多關於點教小朋友既方法....我地成日話打係最吾好既方法...小朋友根本吾會因為你打佢就會乖...只會令小朋友同你既關係變差.....好似話BB K1 朝早吾合作遲到.....K1 得3年歲...有時大人天氣冷都吾想返工啦.....點解吾了解一下佢點解吾合作呢....會吾會之前一晚夜瞓吾夠精神...或是有咩吾開心....教一個小朋友係需要好大耐性及爰心....我都有一個K1 BB....未返學前都幾難教....後來我發覺佢吾乖係因為佢吾識表達自己同我地無比正確既指引佢令佢吾知咩叫缺乖....後來我每一次佢發皮氣...我都會抱住佢問佢點解及教佢點表達...例如吾開心...點解吾開心或者有要求吾識講或想媽咪陪佢...教佢點樣表達同時有比佢知道媽咩明白佢感受...咁佢就吾會發咁多皮氣....(係無咁多吾好期望完全吾發...自己都吾可以啦)....同佢做錯事...吾好鬧要話比佢知咁樣係錯....應該係點樣先至係正確...好啦今次你吾我原諒你..下次吾好啦...教多幾次...只要佢有一次做到...即刻稱讚佢話佢好乖媽咪好開心佢做到....咁佢見到你為佢咁開心...咁佢覺得被認同就會KEEP 住做好....當然效果實無打咁快見到...但係就可以教好個小朋友..同有一個好好既親子關係....我個囝囝又難教到我都想放棄...到現在大部份時間都好乖...都係用呢個方法...效果係我身邊啲朋友都話佢乖.......但真係要用好多時間....以上只係我小小感想.有咩得罪敬請包容..因為我真係吾想見到啲小朋友比人....
私人傳訊

emmyfok


男爵府

積分: 8186


15#
發表於 07-1-24 14:31 |只看該作者

Re: 昨晚我狠狠地打了我個女一餐！

Hi 123BB,

你自己放鬆D先啦! 還有, 對小朋友要有盼望, 唔好成日諗 "佢係咁點頭應承，我知道佢唔會改" 好似睇死佢咁.
至於體罰, 有人贊成有人反對, 大家信念不同, 小朋友性情亦不同, 好難就咁一句講體罰對或不對, 我只能肯定, 自己最火滾時用籐條打小朋友是十分危險的.
你有沒有試過用奬勵的方法? eg 乖乖地洗臉食早餐, 早餐後可以食一粒糖 / 得到一個小貼紙... 之類, 只要你D奬品係小朋友心愛的東西就得.
還有, 家人的生活要有紀律, 家中不要有零食. 媽媽話7:00食飯, 就一定要食, 話比佢知, 爸爸媽媽食完就收枱, 你自己唔食就要捱肚餓. 你完全唔需要勞氣, 不過要預左佢要餓一餐, 喊一晚咁. 通常之後就會改善好多.
教細路真係好唔容易, 阿媽都係人, 一時衝動做得唔好的話, 咪同自己講, 唔緊要啦, 明天再黎過! 揾埋老公一齊教重好呀!
私人傳訊

sa2501


禁止訪問

積分: 2729


16#
發表於 07-1-24 14:45 |只看該作者

Re: 昨晚我狠狠地打了我個女一餐！

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

cstung


洋房

積分: 185


17#
發表於 07-1-24 14:53 |只看該作者

Re: 昨晚我狠狠地打了我個女一餐！

123BB,

或者試下咁呀, 每次要佢做野之前, 約10-15分鐘前提她, 例如, 玩多10分鐘就要沖涼咯, 聽到未? 聽到之後如果一陣唔做你想罰乜野(由佢諗罰乜野) 5分鐘之前提她, 3分鐘及1分鐘之前再提醒她, 到夠鐘若果佢唔守信就罰佢(罰番佢諗o個樣), 咁佢都有份定規則, 佢就會順氣好多,

況且我用呢招好耐, touch wood, 暫時都未使罰住, 因為小朋友都需要尊重, 你俾多10分鐘佢, 佢就會容易接受一點.

希望幫到你啦.
:wink:
私人傳訊

雙子媽媽


男爵府

積分: 6830


18#
發表於 07-1-24 16:10 |只看該作者

Re: 昨晚我狠狠地打了我個女一餐！

睇完妳地的post 仲想 :-( :-( 多d. 其實我都知唔應該打bb, 耐何有時真係唔知點教. 我都聽人講過打小朋友其實係父母自己的發洩, 對教小朋友跟本1d幫助都無. 我處於一個麻煩的suitation 就係老公愛打, 我亞媽愛'種'. 有咩我老公實喊打, 我亞媽又攬住亞仔. 尤其食飯時侯, 因亞仔唔坐定定食飯, 仲好多時食2啖就話飽, 所以大家都好勞氣. 我依家每晚都好怕返屋企食飯. 怕又家嘈屋閉. :-( 但anyway, 我決定今晚返屋企掉左條騰條先再算.
私人傳訊

webjen


珍珠宮

積分: 45350


19#
發表於 07-1-24 16:40 |只看該作者

Re: 昨晚我狠狠地打了我個女一餐！

雙子媽媽
你仔仔得歲半,你要由細開始教佢呀,依家 trouble 2 先剛開始,你唔抓緊時期,遲 d 仲難搞!!
同屋企人一定要有共識點教小朋友,打,縱都係唔好!!
唔食飯係咩原因?? 之前食左野未餓?? 掛住睇電視?? 唔啱口味?? 係唔係慣左坐唔定食?? 試下研究下啦!!
加油呀........
我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!
私人傳訊

123BB


男爵府

積分: 6598


20#
發表於 07-1-24 20:36 |只看該作者

Re: 昨晚我狠狠地打了我個女一餐！

好多謝大家既意見，其實我每日都上ｂｋ學野，好多方法都試過用係囡囡身上，心裡面都知打係冇用，教小朋友耐心耐性都唔可以少，有時睇到佢話極唔聽時都幾難有耐性，唔發火佢以為佢咁做父母會讓步，其實小朋友都係試緊我地，希望你地既方法會有用，我會努力去試你地既方法，因為我個女唔係咁拽，仲好甜添，每日我地都會講掛住對方架，所以每次我都係忍無可忍先出手，可能佢開始長大唔受控制啦。兩年前我去韓國旅行時，有個導遊講自韓國立例唔可以打小朋友後，多左年輕人犯罪，佢話適當既體罰係需要架！所以我都好迷網？
私人傳訊


首頁
1234

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見