大仔大女媽媽會 今日: 0 | 主題: 177860

積分: 695

21^#

發表於 07-3-2 22:04 |只看該作者

Re: 有無媽媽將於"聯合醫院"生呀?

唔得呀, 我同事唔放人 >.<
我 Pain 住最遲返埋下星期一, 唔得都係星期二架咋, d 人仲係唔停咁比緊野我做....... 應該仲頂得順既~ :cry:

我今朝返左聯合覆診, 我問會唔會隨時生得? 醫生淨係話我肚痛咪入院囉~

跟住就幫我 book 兩星期後覆診.......... 我咪問姑娘.... 16號我過左預產期囉喎...... 佢淨係答我, 你未生得咪返黎覆診囉 @.@ 我突然覺得好徬徨添, 如果真係未生得, 下之覆完診唔知去邊, 定係帶定野準備入院呢? :-(

係呢你地會幾時再覆診呀, 定入直接入院?

私人傳訊

積分: 211

22^#

發表於 07-3-2 22:36 |只看該作者

Re: 有無媽媽將於"聯合醫院"生呀?

你D同事有無搞錯呀

明知你有左bb, 就黎生都仲比野你做

如果唔知你幾時要放假咩

太過份啦~~
我上個星期去聯合覆診, 都係幫我 book 兩星期後覆診, 不過到時只係9號, 我又12先係預產期, 所以我都無出聲呀~~
你如果下次覆診真係未生得, 佢都會話你知幾時要入院既, 唔好咁擔心啦~~
不過我都好心急, 希望亞B可以快D出來見下我呀~~

私人傳訊

積分: 695

23^#

發表於 07-3-2 23:20 |只看該作者

Re: 有無媽媽將於"聯合醫院"生呀?

佢地就係知我放假, 個個都驚死無人跟野咁, 係都要我做埋先, 做得一個又有另一個, 做極都做唔完咁 >.<

私人傳訊

積分: 211

24^#

發表於 07-3-3 09:43 |只看該作者

Re: 有無媽媽將於"聯合醫院"生呀?

乜佢地咁樣架

咁你唯有做埋下星期一好啦, 唔好令自己太辛苦~~~
咁你而家返工時, 有無唔舒服呀?? 唔好勉強自己~~
我行多2步, 肚下面就已經唔係好舒服, 可能亞B越來越大, 又越來越重!!

私人傳訊

積分: 1948

25^#

發表於 07-3-3 17:26 |只看該作者

Re: 有無媽媽將於"聯合醫院"生呀?

sze403,
你公司D同事咁衰格架 , 明知你隨時生得重要比野你做

, 比著我就唔理佢 , 放咪放囉 , 有本事你地咩都唔好做等我兩個月 , 睇下到時老細鬧邊個:tongue: , 你老細唔知佢地咁對你咩 ???? 定係佢都係咁呀 ???
我老細就超級勁好

, 因為成公司得我一個shipping , 佢一知我有左就即刻請多個人跟我D野 , 我就剩係日日坐係度做D paperwork既野 , 又話放假果10 weeks唔會扣我1/5 , 出晒成份糧比我 , 重靜靜雞送左包燕窩比我 (唔比得同事知,如果唔係D人實呷醋) , 我D friend話人地唔知以為你同佢有路呀 ?-( ?-( ,幾攪笑 , 不過我知佢係因為我做得野同跟左佢幾年佢先對我咁好o者

.
我琴日返左聯合覆診,原本腍住要等好耐,因為我睇11點,等到11:30聽倒廣播話依加先睇到9:30,我心腍咪有排坐

,點知11:45就叫左我入去啦,睇完抽埋血都係12:00,可能我地週數大D既媽媽有優先呱 :mrgreen: ,醫生book左下次12號再覆診,我話12號預產期啦喎,佢話你果日未生都要返黎睇架,到41週都未生就要催生,我腍你地都會係咁

私人傳訊

積分: 211

26^#

發表於 07-3-3 17:50 |只看該作者

Re: 有無媽媽將於"聯合醫院"生呀?

豬婆,
你就幸福啦, 個老闆好到咁~~
雖然我老闆無講, 不過我已經問左其他有經驗的同事, 我公司係會跟勞工法例只出4/5糧架咋~~ 不過都好過無啦~~

私人傳訊

積分: 1948

27^#

發表於 07-3-3 18:24 |只看該作者

Re: 有無媽媽將於"聯合醫院"生呀?

Winlcf ,
係呀,我老細真係勁好,所以我不嬲都對公司仆心仆命架

你呢兩日有無覺得有D咩唔同呀 ??? 我覺得大脾la痛多左好多 , 坐完起身行路會勁痛 , 重有BB成日頂上黎 , 一頂就連陰道都覺得痛 , 唔知係咪就快生呢

哈哈....腍起都開心

私人傳訊

積分: 211

28^#

發表於 07-3-3 21:26 |只看該作者

Re: 有無媽媽將於"聯合醫院"生呀?

豬婆,
我呢幾日同你差不多, 坐完起身行路會勁痛, BB又係成日頂上黎, 陰道位置就唔係痛, 不過成日都亦亦地~~:-(
如果係就生得就好啦, 我真係好心急, 好想睇下BB似我定似我老公, 哈哈!!

私人傳訊

積分: 695

29^#

發表於 07-3-3 22:27 |只看該作者

Re: 有無媽媽將於"聯合醫院"生呀?

豬婆,

你老闆真係幾好人~ 我琴日都聽到廣播話睇到 9:30 喎, 不過我就成 12:30先入去見醫生.

今日我上司終於出手 la, 佢話再咁跟法, bb 出世果日都做唔完, 叫哂 d 同事唔好再俾野我, 就算俾左, 叫我唔好再跟, 放埋一邊, 佢星期一返黎先幫我睇, 亦都同 d 同事講左, 就算星期一見到我都當我放緊假, 我唔會再接新野做.
放工後一個同事都唔理 (今日放1:00), 但係 d 人仲係要黎問野, 都係點都要放野係我張枱度...... =.="
終於我今日做到 21:00 先做哂~ 星期一可以開始放產假 lu~

啊 b 有頂上黎呀, 但係未至於好痛, 可能過幾日就會痛架 la~
等緊佢出黎~ ^^

私人傳訊

積分: 211

30^#

發表於 07-3-3 23:11 |只看該作者

Re: 有無媽媽將於"聯合醫院"生呀?

sze403,
你D同事真係過份呀~~

不過你終於都可以放假, 就一定要休息多D啦~

私人傳訊

積分: 1948

31^#

發表於 07-3-4 12:32 |只看該作者

Re: 有無媽媽將於"聯合醫院"生呀?

Sze ,
你老細都唔醒目 , 咁遲先出聲 ?-( , 不過點都好過無喇

私人傳訊

積分: 1948

32^#

發表於 07-3-7 12:22 |只看該作者

Re: 有無媽媽將於"聯合醫院"生呀?

Winlcf / Sze403,
呢兩日好似都唔見你地係度留言 , 唔係咁快生左嘛

私人傳訊

積分: 695

33^#

發表於 07-3-7 14:12 |只看該作者

Re: 有無媽媽將於"聯合醫院"生呀?

豬婆,

我都想咁快生左, 晚晚都係 bb 既時間, 周圍郁黎郁去, 有次仲整到我以為生得添, 攪到我每晚都唔敢訓 ..... :cry:
依幾日都出左去買 bb 野, 我好多野都未買呀, 奶樽都係前日先去買, 因為初初我會餵人奶, 所以咁遲先買, 買完又有說話聽 =.="
係喎你地仲有幾日就預產期囉喎~ Winlcf 係咪去左生呢?

私人傳訊

積分: 1948

34^#

發表於 07-3-7 15:26 |只看該作者

Re: 有無媽媽將於"聯合醫院"生呀?

Sze403 ,
你仲有精力周圍去 ?? 琴日老公放假同佢出旺角行左半日 , 返到屋企我都已經攰到死啦

, 你出去有無人陪你架 ??你知我地依加隨時話生就生架嘛 , 所以放左成個星期產假我都剩係出過門口兩次咋 , 日日都好似坐監咁 :cry:
我都腍緊Winlcf係咪生左 , 佢好似差唔多3日無上黎啦 , 希望佢快D上黎報喜啦

私人傳訊

積分: 211

35^#

發表於 07-3-7 21:22 |只看該作者

Re: 有無媽媽將於"聯合醫院"生呀?

我都未生呀, 我有上來, 不過無喺呢個主題到留言之嘛~~
我尋日只係喺屋企附近商場買少少日用品, 都已經攰到死啦, 仲出街買野??

私人傳訊

積分: 695

36^#

發表於 07-3-7 22:40 |只看該作者

Re: 有無媽媽將於"聯合醫院"生呀?

我今日先出去樂富吉之島換野......

奶奶頭先問我一個問題, 就係 "你仲未生得, 早知你做多個禮拜先 la~, 遲 d 返工啊 b 無奶飲架...... " =.="
我淨係笑一笑話 "我係公司生無人理架" 就算......
呢幾日個個打電話黎既問題就係, "仲未生得呀你?" 好悶.... /.\
唔知我地邊個生先呢?

私人傳訊

積分: 1948

37^#

發表於 07-3-8 10:01 |只看該作者

Re: 有無媽媽將於"聯合醫院"生呀?

哦

....重以為你生左添 :lol:

私人傳訊

積分: 1948

38^#

發表於 07-3-8 10:06 |只看該作者

Re: 有無媽媽將於"聯合醫院"生呀?

哈哈

, 我同你一樣 , 呢幾日D人日日打黎都係問同一個問題

, 我都唔駛等佢地問 , 一拎起電話第一句就係 "重未生得呀" , 唉 ......真係慘 , 日日等"捕蛋" :cry:

私人傳訊

積分: 211

39^#

發表於 07-3-8 12:33 |只看該作者

Re: 有無媽媽將於"聯合醫院"生呀?

我都同你們一樣, 不論係我打比人, 定人地打比我, 第一句都係: 生左未呀??

唉......我又係日日等"捕蛋"咁, 不過今日開始佢屋企有人來睇住我, 可以幫手洗下野先, 之前只係洗左bb一機衫仔, 而家呢幾日開始洗埋床單同並他野先囉~~
唔係到時話生就生, 我怕佢地洗唔切, 我奶奶又鬼咁放心, 一d都唔擔心d野洗唔切, 洗完都要等乾啦~~
可能係我個人比較心急啦, 呢樣野同佢唔係好夾囉~~

私人傳訊