懷孕前後 今日: 9|主題: 330566

BH 寫道:
Mrs 利,
胎盤前置係會煩d, 要小心d. 不過bb 真係要早, 都唔駛太擔心, 我自己都係7星女, 出世得4磅幾, 同個熱水樽一樣大, 不過好快大隻番. 好彩妳可以開始休息, 唔好太操勞呀. 太涼的野唔好食住好d. 最多食下西瓜個d比較唔勁的野 lo.

Barbie_jj,
我平時飲食其實唔係幾好 , 係3餐都係街食, 又冇食補品, 阿b 可能比較吸收, 不過我又見有d媽咪係其他 topic 說到左後期阿b 會有機會唔大得快, 所以我都係 keep on check 睇下兩個星期有咩變化先算.

各位姐妹,
我依家一星期食3-4次西瓜同豆腐花, 間中加埋山竹, 白蓮鬚就買左仲未食, 我想等9個月先. 我昨天已執埋走佬袋, 大部份野都齊, 不過要2個大袋先庄到, 一袋自己, 一袋bb野, 如果到時唔去公立而去私家生, 先清番d多餘野出來. 真係好多野...

aquarius721 寫道:
mrs.利,

你而家都仲係胎盤前置,咁你決定左係瑪麗定私家生呀?

我上星期個恥骨位都好痛,睇左醫生,佢都開左一星期sick leave比我,不過今日係last day,明日就開始要返工囉.休息左一星期,發覺唔使返工休息真係好開心.

minno 寫道:
BH,

你個bb幾大喎! 一定好健康! 醫生有冇話估計佢出世時幾磅? 你唔駛太擔心, 我聽過9~10磅bb都順產.

醫生話我個bb頭圍同肚圍都細咗1wk, 只有腳長啱啱好, 佢宜家有3磅, 估計出世時6磅幾. 聽到佢細咗d, 我都有d擔心, 唔知佢會唔會再細落去, 不過醫生話冇問題, 我都放心d.

christina 寫道:
各位好, 15日去看政府醫生, 佢問我是否無乜胃口吃野, 3星期同3星期後都無重到1lbs, 我都唔知點解,? 講真, 我同平時1樣吃1碗飯到, 平時吃吓零食咁, 不過亞b有3.5 lbs到屬於中等呎碼. 這1-2天, 時常有d m來感覺, 而細b個頭落左去下面，不過醫生話可能會調番架. 而細b就日在肚內活動, 我好鐘意個感覺。 今日感覺好墜, 好似壓住個尿道感, 都好辛苦, 成日尿急, 你地有無這個感覺. 近期感到好疲倦.

aquarius721 寫道:
mrs.利,

政府係未都會主動幫你安排開刀?唔使你試順產嘛?

咁你住院果幾日唔係探病時間時你悶唔悶呀?我都仲係未決定呀.真係好衰,仲係到心大心細梗.

minno 寫道:
karen908,

嘩, 10磅 ! 乜超重要吊鹽水? 我以為bb大隻d健康d! 不過呢d應該係小問題. 我諗bb太大通常係同媽咪妊娠糖尿有關.

karen908 寫道:
係呀，我阿媽話我出世e生唔俾我飲奶幾日，要減肥
[quote]
minno 寫道:
karen908,

嘩, 10磅 ! 乜超重要吊鹽水? 我以為bb大隻d健康d! 不過呢d應該係小問題. 我諗bb太大通常係同媽咪妊娠糖尿有關.