懷孕前後

跳至

首頁
12345...61

尾頁
   0


大宅

積分: 1401


發表於 06-4-2 22:44 |顯示全部帖子

7月份生既準媽咪, 心情同身體ok嗎?? 傾下

仲有唔夠100日, 小b就出世~~~心情緊張嘛?
個肚越來越大...小b就成日親訓覺就踢我, 有時嗌佢又唔踢下say hi 真係搞笑
仲有呀...依家先至6個幾7個月, 已經成日好易肚餓..
唔食又唔得...有時搞到個肚好緊...吸啖氣都要大力左
成個人都好似好論盡 :-(
不過, 真係好想快0的見到小b~~
您地心情又如何?


子爵府

積分: 10033

2021勳章


發表於 06-4-2 23:42 |顯示全部帖子

Re: 7月份生既準媽咪, 心情同身體ok嗎?? 傾下

fifi1018

我既心既當然係緊張la, 每次睇e生都好緊張架, 又成日擔心個樣擔心呢樣.

我都想feel到阿b踢我, 但我而家已經6個月, 都係好少咋, 係琴日比較勁d, 但同你相比可能係好小兒科咋. 唔知係唔係我肚皮厚, 難feel到呢???

我諗住順產, 但又驚痛但又想感受下生bb既感覺喎.







子爵府

積分: 10033

2021勳章


發表於 06-4-2 23:45 |顯示全部帖子

Re: 7月份生既準媽咪, 心情同身體ok嗎?? 傾下

我仲未預備走佬袋d野, 淨係買左小量bb衫仔, 其他乜都未買. 今日同老公行街睇下邊款bb車, 床仔, 消毒奶瓶, 奶樽, 但太多選擇, 仲未決定??

你地買左未呀??

ha, 你有冇用托腹帶, 邊隻好呀??




複式洋房

積分: 388


發表於 06-4-3 10:05 |顯示全部帖子

Re: 7月份生既準媽咪, 心情同身體ok嗎?? 傾下

我嘅心情真係又驚又喜, feel到bb成日踢我真係好開心, 但又成日擔心呢樣嗰樣. 我都好想快啲見到bb, 但又怕佢早咗出世. 唉~
bb嘢我都淨係買咗好少bb衫, 其他乜都未買. 我而家6個月, 唔覺得個肚好重, 所以未買托腹帶.
我bb係仔, 而我個肚又真係好尖, 不過好彩皮膚冇變差, 我都好大食, 你哋呢?


大宅

積分: 1401


發表於 06-4-3 10:11 |顯示全部帖子

Re: 7月份生既準媽咪, 心情同身體ok嗎?? 傾下

vinvin,
我尋晚捉住老公執走佬袋~~~
我0的野買得差不多啦 床呀, 車仔, carseat, 搖椅, 床單, 奶樽, 奶樽煲, bb newborn既衫, 因為早排好多bb展on sale, 更係買定啦...係0的奶粉, 尿片, 個0的未囉, 我估我呢兩個星期都要買定0的...唔係生左個兩個星期都唔會出街..
其實我都有0的緊張, 一來個個都覺得我個肚大..可能因為我由有小b開始都無嘔過, 醫生就話我好吸收, 搞到我次次覆診都俾醫生話我肥:-( :-( , 您估我想咩

至於托腹帶, 我出街行街shopping就有用, 因為如果唔用, 條腰返到屋企會好倦...我個條係010買~~不過我見荷花, 同埋好多地方都有得買...唔好去010買野, 佢地0的sales勁sale您買好多野架~~

係啦..您幾時預產期架?? 我係7月4日...我怕小b會6月底出來, 所以好多野都買定

:lol:


大宅

積分: 2617


發表於 06-4-3 10:13 |顯示全部帖子

Re: 7月份生既準媽咪, 心情同身體ok嗎?? 傾下

大家身體好嗎 ? 我下午又要去產檢啦,

昨天係太古城永安買左個大ELLE 好薄袋, 特價 9X, 想用來做走佬袋用, 入面D野未買, 遲D先去執.

己買左同朋友俾左好多夏天大肚衫, 開始收埋D厚的衫啦..
又買左D有 AIR 底涼鞋, 開始熱又重左, 冇 AIR 行下好易倦.

已經買左 NUK 奶煲肥奶樽奶咀, 好多BB衫(買埋半歲TIM), 毛巾包被個D, 同埋BBcd, 一套 WINNIE 床上8件, 床有人送, 車仔/ 背帶 重睇中, 大野都冇咩啦, 要開始買BB奶粉, 洗衣液, 奶樽液, 浴盆, 小用品, 奶粉, 重有一個電子瓦罐俾陪月來時用...搵地方放先煩.

開始貼D US 相去阿B專用大相薄 同開始弄 WEBSITE 第時俾親友睇阿B...

依家SKIN 都幾好, 都係 38" 肚, 托腹帶我都係 010, SO FAR 用左2次, 遲D可能會多用D.
阿B 成日跳, 好勁, 有日坐巴士見個肚左右 MOVE... 我仲係坐係下面有前面位對住個D, 如果對面D人見到實覺得怪雞呀 !! :-P


大宅

積分: 1479


發表於 06-4-3 10:34 |顯示全部帖子

Re: 7月份生既準媽咪, 心情同身體ok嗎?? 傾下

各位七月準媽媽好

我已經買晒野啦,因為呢幾星期,行得耐都唔倦,咪日日去行下囉(當運動),買下買下,應該差唔多啦,只係未買奶泵,打算生前或後先買。聽講30週開始個肚會大得快,咪"哪哪聲"買埋D野囉。

昨天同老公行花園街,訂左窗簾,同埋買左D平平BB衫,$6-$10件,都幾靚幾實用架,D人成日話BB會嘔奶,或好易整污糟D衫,買多幾件驚洗唔切嘛。。。

好期待BB出來 想見下佢個真面目嘛。。。


大宅

積分: 1401


發表於 06-4-3 10:50 |顯示全部帖子

Re: 7月份生既準媽咪, 心情同身體ok嗎?? 傾下

minno,

哈哈, 我個係女...個肚唔尖架
仲好鬼橫, 又圓, 又大...
仲成日俾人地誤會我就快生得~~
之不過仲有幾個月~~
唉~~更係大食啦 有時我都覺得好鬼誇..明明唔肚餓, 但係到時到後, 小b踢下您..您就唔忍心唔去食
不過最後就肥哂自己到~~ :-( :-( :-(


大宅

積分: 3573


發表於 06-4-3 11:31 |顯示全部帖子

Re: 7月份生既準媽咪, 心情同身體ok嗎?? 傾下

我唔知係唔係本身肥啦.....今朝同女女返學搭火車都無人讓位呀, 一個大肚婆加一個3歲小女孩, 真可憐 :-(

因為已經係第二胎, 心情無咁緊張, 我預產期仲要係7月尾, 不過仔仔踢我時間多過女女嗰時呀! 可能係男仔同女仔嘅分別.

走佬袋仲未準備, 其它嘢都無乜準備過呀, 等遲多個月先啦.

我上次陀女女時都無食消夜, 但係前日12點到餓到要食嘢呀, 好驚肥到收唔到呀 :cry:


大宅

積分: 2617


發表於 06-4-3 11:40 |顯示全部帖子

Re: 7月份生既準媽咪, 心情同身體ok嗎?? 傾下

昨天我第一次係mtr 有人讓位, 我其實得2個站, 我都話唔好客氣, 不過個個 family 好好, 我唯有坐下啦, 有小朋友的family 會感受到大肚係辛苦, 身教小朋友讓坐真係好有用. 第時阿b大d我一定都會教佢讓俾有需要的人.

男b 真係夠力d 我估, 而家未夠7個月都好大力, 仲成日唔訓, 我訓佢好多時未訓, 我起身佢又係度玩, 遲d唔知會唔會重勁呵 !


大宅

積分: 1127


發表於 06-4-3 12:10 |顯示全部帖子

Re: 7月份生既準媽咪, 心情同身體ok嗎?? 傾下

你地好呀!!

**真係慘! o岩o岩打完好多字比你地又錯click"esc", 而家要再打過呵~~**

我心情當然都好緊張啦!! 好似忽然覺得o的時間過得快o左好多咁! 話禁快, 就仲有3個半月就會見到阿b啦!! 我預產期7月16日呀, 唔知道會唔會早o左or會遲呢? 我就唔想遲呀, 因為心情會更緊張架ma!!! 不過都係果句啦, 我地而家已經係騎虎難下啦! 就見步行步, 大家努力啦!! hehe..

我都o岩o岩開始o左瘋狂咁買o野比bb!! 我就買o左: bb車, 床仔, 衫仔(冬天多!因為大特價), 底衫, 消毒奶煲, 奶樽, 爽身炒, 吸鼻器, 乳墊.... 仲有好多! 總之我諗得起又睇o岩就會買啦, 怕之後唔記得o左ma! 仲有pump奶器字買, 要再留意下先!!

我而家個肚都大得幾快, 有35"啦! 不過成個人睇落又冇點肥, 只係好似吹脹o左個肚咁! 好多人都話我肥肚唔肥人... 都唔知咁樣會唔會唔好o既!! 不過我都好大食, 成日肚餓, 但食兩食個肚又係好緊食唔到啦!!

係啦, 我而家都唔係好搭MTR啦! 可免則免! 因為而家O的香港人太自私啦!! 我大住個肚, 都唔係次次有人讓! 有試過同我爭位tim呀! 所以怕危險又費事自己谷氣, 我都係改搭其他交通工具啦!




民房

積分: 12


發表於 06-4-3 13:19 |顯示全部帖子

Re: 7月份生既準媽咪, 心情同身體ok嗎?? 傾下

心情當然緊張啦.....我預產期係7月20日
我個肚都好大,但我都係肥係個肚度,其他手手腳腳都無乜點肥,上星期去威院產檢,醫生仲話我個b個size大左1wk添......之前我個b又係踢得我好大力,仲成日都不停咁踢,但唔知點解呢兩日佢好少郁,仲要係郁得好細力既添,有無人試過係咁呀??同埋咁樣有無問題架????...好擔心........
我個b係女黎架,很期待佢出世哩!!!!!!


大宅

積分: 1364


發表於 06-4-3 13:20 |顯示全部帖子

Re: 7月份生既準媽咪, 心情同身體ok嗎?? 傾下

Hello!各位 7 月 mama 好!

我預產期係 7 月 11 日,重有 3 個月就可以見到自己個 BB la,真係又期待、又興



大宅

積分: 1479


發表於 06-4-3 13:37 |顯示全部帖子

Re: 7月份生既準媽咪, 心情同身體ok嗎?? 傾下

唔知點解,個個都話我個係仔,照左兩次都係女,我仲買左好多女仔衫呀!我都唔識分尖定圓,好似成日都唔同樣。

想問下點解仔會尖D,女會圓D?同佢地裡面既POST有無關係架?

我昨天都係第一次有人在MTR讓位俾我,我都無打算坐,個肚都唔係咁大,又唔倦。。。不過都好開心


男爵府

積分: 9146

醒目開學勳章 畀面勳章 環保接龍勳章 BK Milk勳章


發表於 06-4-3 13:41 |顯示全部帖子

Re: 7月份生既準媽咪, 心情同身體ok嗎?? 傾下

各位7月媽咪你地好牙!

衰豬b既預產期係7月27日,遲我生日3日咁多,我仲有成4個月先見到我個b,真係好心急牙∼
我上星期五去左產檢∼姑娘話我肥得多得濟∼唔知係咪因為我又係冇咩嘔呢∼我真係陀得幾舒服嫁哩陀∼基本上咩野唔舒服都冇∼只係間唔中有少少暈咁∼不過可能我本身瘦啦∼有左bb之後吸收得特別快∼我有bb之前10幾磅,依家都成12幾磅啦∼個肚圍依家都有成34”半∼
我個b好百厭嫁∼我食野,去街,訓覺佢就係咁郁,依家訓係到直情見到佢踢出黎添啦∼似足佢老豆一樣咁百厭∼
bb野我都冇咩點準備過∼依家淨係準備左產婦m巾,濕紙巾,奶樽同bb3果d∼

我好想快d見到bb出世唷∼


大宅

積分: 2138


發表於 06-4-3 13:51 |顯示全部帖子

Re: 7月份生既準媽咪, 心情同身體ok嗎?? 傾下

Hello,

我預產期 3/7, 會起仁安生. 已經買左3分2野啦, 昨日已經起荷花買左好多bb日用品....又起花園街掃左d cheap cheap 衫仔.... 又起旺角龍珠買左幾條清爽大肚裙...諗住Easter要開始prepare定印印d野, 我個印印會起6月頭來.

有朋友會比bb床, 網床同學行車比我, 呢處都可以慳少少甘

心情就係好期待law...而家重左22磅, 我胎水好足, 所以個肚真係好大&圓


大宅

積分: 1364


發表於 06-4-3 14:26 |顯示全部帖子

Re: 7月份生既準媽咪, 心情同身體ok嗎?? 傾下

我都只係買咗一半 BB 嘢咋,買咗奶樽、奶煲、winnie the pooh 一套 8 件嘅床上用品、洗衣液、柔順劑、洗奶樽液、濕紙巾、bath & shampoo、BB 衫等........諗住到復活節假期時,同老公去護協、荷花掃貨........希望 6 月前可以買晒要買嘅嘢 la。跟住就要開始洗 BB 衫、steam 奶樽......大把嘢做!



複式洋房

積分: 388


發表於 06-4-3 14:31 |顯示全部帖子

Re: 7月份生既準媽咪, 心情同身體ok嗎?? 傾下

fifi1018:
聽講話陀女皮膚會靚, 我都好想要女, 不過我係第一胎, 冇所謂啦, 我都會錫晒佢.

buibui:
我個肚好似鵝蛋咁向前面尖出嚟, 而且腰線非常明顯. 好似話陀女會多啲胎水所以個肚會圓啲, 不過都有例外嘅.

loveycat_0724:
我嘅預產期都係7月27日呀! 我希望bb出世唔好太早唔好太遲啦, 因為我想預算得好啲.

Emen:
你會開刀定順產生呀? 我都去過仁安分科診所做過產檢, 不過未決定會唔會喺仁安生. 要唔要預約? 我打算順產生, 點預約呢?


大宅

積分: 1425


發表於 06-4-3 14:43 |顯示全部帖子

Re: 7月份生既準媽咪, 心情同身體ok嗎?? 傾下

Hi 各位7月準媽媽,

我預產期係7月7 日呀, 係囝囝唻嫁!!
E+26 weeks幾, 係呢個禮拜覺得個肚重左好多ar, 我每日返工要行一條長樓梯先到巴士站, 行到上去, 對腳勁酸軟, 我估係個肚重左好多, 對腳負荷都大左好多ar.
仲有ar, BB唔知係咪食左"大力菜", 踢我果都都幾大力下嫁, 有時好百厭, 踢得好犀利, 連daddy都feel到佢勁踢.
種種跡象都顯示, 見到BB o既日子愈唻愈近, 心情都好緊張, 又好矛盾, 又想快d見到佢, 又想多d時間準備好所有野迎接佢來臨, 有時又會擔心呢樣擔心果樣....... 我估個個大肚婆都係咁卦, hehe~~
好開心可以係呢度同大家7月準媽媽傾計~~


男爵府

積分: 9146

醒目開學勳章 畀面勳章 環保接龍勳章 BK Milk勳章


發表於 06-4-3 15:22 |顯示全部帖子

Re: 7月份生既準媽咪, 心情同身體ok嗎?? 傾下

minno,

又會咁岩既~我係屯門醫院生牙~你呢~?

首頁
12345...61

尾頁

跳至