跳至

首頁

尾頁
   0


大宅

積分: 4008


421#
發表於 03-4-23 11:14 |只看該作者

Re: 2001年4月BB請進

花女 & fannie,

Happy birthday! 祝快高長大!

瑩瑩, 言則你工人已經返港? 恭喜你呀, 我重要頂多個幾禮拜, 希望工人會返. 乜你一去街去咁遠? 遊車河? 我老公一放假我就要出街透透氣, 都去了唔少地方, 重打左四圈, 因為掛住個仔, 輸左錢! 你個女好識 tum 人呀, 我個仔未 say 過 sorry 呀! 佢死都唔肯帶口罩嫁!

花花, 生日會要取消好可惜呀, 有無戶外地方空氣好D聚一聚呀? 我地成日去山頂, 不過食唔哂五百元播!


子爵府

積分: 11973

好媽媽勳章


422#
發表於 03-4-23 11:45 |只看該作者

Re: 2001年4月BB請進

各位,
琴日我個女生日, 本來想同佢去游水, 因為泳池咁o岩琴日佢生日重開, 夠特別, 佢又扭計o左好耐要去, 但係又驚易中招, 如果中, o個時就仲特別添, 所以冇去....結果我都忍唔住同佢"共"出街, 搭巴士去o左個朋友屋企同小朋友一齊玩.

fannie,
唔駛驚喎, 我個屋企之前隔離有一座都有人中, 不過三月頭已經康復出院, 跟住上星期放假前, 我自己o個座都有人中. 講真我又唔算太擔心, 因為上次隔離座有, 管理公司已經封哂d公園, 樓下公眾地方成日洗, d lift個抽空扇即刻清潔, 仲有d button位, 用透明膠封哂, 個個鐘用漂水抹. 到今次我座有, 公報後唔駛一鐘就不停洗走廊, 淨係o個晚都洗o左三次. 其實不嬲唔係sars, 管理公司都個個禮拜拖走廊, 另一個月會大洗一次.
我想要9999呀...


大宅

積分: 4334


423#
發表於 03-4-23 11:52 |只看該作者

Re: 2001年4月BB請進

係呀! 係呀! 今日係 fannie 同我個囡生日.

fannie :

我祝您 :

[size=x-large]生日快樂! 青春常註!
:-P [size=x-large]褔如東海! 壽比南山!

d 老公就係咁嫁啦! 今晚要佢响廳 sleep 啦!


子爵府

積分: 11359


424#
發表於 03-4-23 14:36 |只看該作者

Re: 2001年4月BB請進

瑩瑩 & 花花,
妳地唔好咁講啦!我做左全職媽咪咁耐,先發覺自己EQ好低宜家唯有慢慢學.其實我都好佩服妳地d在職媽咪架,又要返工(有時要受老細氣)放左工又要陪吓小朋友玩.有時做到倦都咪話唔辛苦.

我囡囡出街又係唔肯戴口罩,不過佢都有搭過2次巴士.宜家諗番都有d驚. 最近佢睇親利嘉兒教普通話,人地講一句佢又跟住講好鬼攪笑.

Fannie,
我都祝妳
[size=medium]生日快樂!!!年年都有人工加!!妳就好啦!有人送花.我老公咁耐都冇送過花比我呀~~ :-(

Monique,
ee同凱喬都祝妳[size=medium]聰明伶俐,快高長大!!


大宅

積分: 4008


425#
發表於 03-4-23 14:48 |只看該作者

Re: 2001年4月BB請進

我又有問題啦! 我個仔剛剛流鼻血呀! 兩歲以來第一次! 你地試過未呀? 我張米色飯檯凳要報消啦! 你地有無上過急救班呀? 洗唔洗上穩陣D! 我驚個百厭星第日有乜意外呀!


別墅

積分: 846


426#
發表於 03-4-23 16:46 |只看該作者

Re: 2001年4月BB請進

Jsmami,

唔駛緊張,流鼻血應該冇分年齡,不過你見佢咁細當然會特別擔心D,可能佢又唔肯比你坐定定垂下頭按著鼻鼻了,佢有冇用手指撓鼻呀?若果久唔久先一次應該冇事既,你留意下佢仲有冇其他唔舒服啦!

其實報急救班都好呀,就算自己唔用(touch wood最好唔好用!)有需要時或者可以幫到其他人呢!


別墅

積分: 846


427#
發表於 03-4-23 17:12 |只看該作者

Re: 2001年4月BB請進

Pauline.c,花花,Jsmami,
多謝!多謝!Birthday Wish: 各位身體健康,全家齊齊整整!
老公D鬱金香終於收到啦,若果唔係佢今晚實行做硬廳長!花花哦!
Pauline.c:
老公冇花送唔緊要,有樓有鑽有錢得閒醒多D,就免佢做呢D門面野啦!
靖嵐,
你都唔知我棟樓雖然得2年多,但D管理真係差到嘔,平時都唔覺有洗地,係咁2拖兩下就有,樓下一到夏天見到D蟑螂肥肥黑黑,非常恐怖,故此一聽到,就即刻驚到失哂僅存既理智(雖然我老公話我不嬲都冇!)


子爵府

積分: 11359


428#
發表於 03-4-23 17:14 |只看該作者

Re: 2001年4月BB請進

Jsmami,
妳囝囝之前有冇用手攪個鼻仔呀?我淨係知有d小朋友個鼻膜比較薄,好容易就會流鼻血.妳試吓用按住佢兩邊鼻翼一陣,頭仔要微微向上.妳試吓得唔得.我都係見d人係咁架!
有第二個可能性就係可能燥熱所以就流鼻血,妳可以煲吓竹蔗,茅根,馬蹄+紅蘿白.另一款係蘋果雪梨湯材料:蘋果、雪梨各兩個,南北杏少許,瘦肉,蜜棗呢款湯都好好架!


大宅

積分: 4008


429#
發表於 03-4-23 17:23 |只看該作者

Re: 2001年4月BB請進

fannie, pauline & 瑩瑩,

你地好有心呀, 我諗個仔熱氣呀, 重生小暗蒼添呀, 我平時唔識煲乜湯水比個仔飲, 要多多向你地學習呀, 不過你地D仔女肯飲湯嫁? 用乜野喟先 arm 呀? (我好低能呀!)


子爵府

積分: 11359


430#
發表於 03-4-23 17:24 |只看該作者

Re: 2001年4月BB請進

老公冇花送唔緊要,有樓有鑽有錢得閒醒多D,就免佢做呢D門面野啦!

fannie,
哈哈!最慘連呢d野都冇呢!佢話唔好買樓住喎,話遲1-2年又跌,聽住先啦!不過算啦!佢要養咁多人都好辛苦架喇!


大宅

積分: 4334


431#
發表於 03-4-23 17:26 |只看該作者

Re: 2001年4月BB請進

jsmami 和 pauline.c

多謝你們祝福呀!

jsmami :

點呀! justin 而家止左血味呀! 你試下 pauline 教方法, 係有用的.

fannie :

你的建議好好, 我都想學下急救班, 你有冇料報下.


子爵府

積分: 11359


432#
發表於 03-4-23 17:38 |只看該作者

Re: 2001年4月BB請進

Jsmami,
傻豬唔好話自己低能啦!我揍大仔果陣時咪一樣係嘜野都唔識,又唔識上網淨係打電話問d朋友.有時就睇吓書囉!
我大仔就唔係太鍾意飲湯但係都會飲,細囡就好鍾意飲.如果妳初初餵就用湯匙,慢慢就用碗自己飲(當然要妳hold住個碗la)不過記住d湯要暖先至比佢飲呀!


大宅

積分: 2493


433#
發表於 03-4-23 17:54 |只看該作者

Re: 2001年4月BB請進

Fannie,
祝生日快樂啊

哈哈!
我自己都係4月生日o架
下星期30号,不過都唔o林老公会送花
食咗好過

我隻卡諾B都有成日擦鼻,擦得好似就"凹"
都幾擔心鼻哥有事



:-( :-( :-( :-( :-(


別墅

積分: 846


434#
發表於 03-4-23 17:58 |只看該作者

Re: 2001年4月BB請進

哈,花花,你又知我有料報?剛剛收到工聯會既summer course,有St.John教既First Aid班,詳情明天繼續!

Jsmami,你可以學我呀,我而家發現逢星期三去 JUSCO超市,有好多包好哂料既湯包全部 $8.8,返屋企加 D西施骨就好正呀!我係叫工人先將豬骨出水(可以去油去污),等水滾後將所有材料煲1 1/2 – 2 hrs就可!(我阿媽教既!似唔似樣!)

晶晶都好肯飲湯,而家見我地飲識自己話要‘飲soup呀’!


子爵府

積分: 11973

好媽媽勳章


435#
發表於 03-4-23 18:21 |只看該作者

Re: 2001年4月BB請進

哈哈, 我個女勁鍾意飲湯, 次次一食完晚飯都會話"飲湯呀", 一係就講"飲糖水呀", 再唔係話"食生果呀"......大酒樓咩.
我個女就咁用spoon飲湯, 一半餵一半自己飲, 差唔多日日都飲一碗湯, 以前細個難餵d, 我就用d湯黎煮粥/爛飯, d飯仔仲特別甜添, 就算有時苦苦o地o既湯, 都係咁食(飲)o左, 苦好難餵o架

fannie, jsmami,
我都係去超市買湯包再加豬骨, 不過有時都就咁買料煲, 我用真空煲煲, 都好方便o架
我想要9999呀...


大宅

積分: 2493


436#
發表於 03-4-24 09:33 |只看該作者

Re: 2001年4月BB請進

我個仔都係勁鍾意飲湯
有時唔食飯、就o甘飲一兩碗湯都得


大宅

積分: 4008


437#
發表於 03-4-24 10:15 |只看該作者

Re: 2001年4月BB請進

唔係嘛!? 個個4月B都肯飲湯 - 除左我個仔! 我昨天煲青紅蘿蔔豬骨湯, 用zip cup 比個仔飲, 大戰三百回合一啖都唔肯飲!!!! 你地邊位抵得諗幫我湊下個仔, 等佢易挍D先比番我啦, 唔該!


大宅

積分: 4334


438#
發表於 03-4-24 11:31 |只看該作者

Re: 2001年4月BB請進



Jsmami :

justin, 果然好有性格喎! 我想你真係要比多d時間同耐性教佢, 你試下狠心d, 佢唔飲或唔食飯就不用再比, 等佢餓或喊都不要理佢, 令佢知道有d野唔係佢要就要, 唔要就唔要. 我相信 justin 唔難教, 我個囡囡仲難教呀!

講件事比大家聽, 大家可以作為借鏡 :

今個星期一, 我同個囡囡和朋友駕車去山頂行山, 跟住去山頂個間
"景峰"餐廳食野, 都叫做高級餐廳, 我地一路開始點菜, 佢就攪東攪西, 又坐唔定, 仲之成場午餐我冇好好享受過, 成日要走來走去睇住佢, 好啦! 佢真的好倦要 sleep, 同佢想離開間餐廳, 開始發脾氣, 大哭大嘈, 已經好多客人望住我地, 有個 waiter 仲有埋來借勢話氹佢, 其實唔想佢影響其他人, 當時我已經好 embrass, 朋友仲立即埋單, 點知佢坐响bb車到, 將飲緊水 bottle 擲落地下, 表示佢不滿, 即刻有一個女人, 望住佢話, "嘩! 小朋友你咁大脾氣, 擲野呀!", 我個女當然立即成為全場焦點, 我當時好 angry, 直頭想打佢2 巴, 但我的EQ 仲控制得住, 只是用眼挖住佢, 表現我好不滿, 同打佢手板. 佢即刻成個靜下來, 表現好 SORRY 咁, 但.....

我知道我囡點解咁大脾氣, 因為我地父母影響, 佢模仿我們行為, 我老公的 EQ 比較低, 唔係好懂處理自已情緒, 有什麼不滿或不如意, 就發脾氣, 我自已都不是好脾氣的人, 但我知道問題我努力去控制和改變, 為了我個女, 同埋我老公都係受我老爺影響, 2父子都係 EQ 低.... 唉!

我想比大家知, 呢一代小朋友再不是我地以前咁一嚿飯, 佢地 quite smart, 希望大家從我的 case 去怎樣教導小朋友.

靖嵐 :

我老公見到靖嵐妹相中著果對 skates, 好鐘意, 想買對比亞囡, 但我打去 tst toys'ru 問, 個女仔話 fisherprice 只得粉紅色, 但你果對係 blue 色喎! 你在哪裡買? 同埋有冇大人size, 佢想同亞女一人一對, 一齊玩, 大唔透!!!!

:-(


子爵府

積分: 11973

好媽媽勳章


439#
發表於 03-4-24 12:40 |只看該作者

Re: 2001年4月BB請進

jsmami,
係唔係你個仔仔想學你o地大人咁用碗飲或者用spoon飲呀? 你o地有冇同佢一齊飲? 大家一齊飲熱鬧d, 小朋友通常會有樣學樣
仲有....會唔會佢怕青蘿蔔o個種x味呀? 我諗你下次煲另外一款湯再試

花花,
如果我o係公眾場所, 我會拉我個女去廁所訓話, 如果唔係就搵個角落冇乜人黎搞, 千祈遠離自己屋企人, 唔係有排搞.
我都o係toysrus度買, 不過係又一城o個間, fisher-price網頁都有齊兩對款
http://www.fisher-price.com/us/products/product.asp?id=17867
http://www.amazon.com/exec/obidos/tg/browse/-/598660/ref=br_bx_c_2_4/104-2607924-1705511
不過我諗你就著唔落, 我對腳本身比較細, 可以買中童鞋, 不過我都係o岩o岩好放到隻腳入去, 係好迫. 我就唔敢玩個女對鞋, 我成200磅, 我怕整爛對鞋. 如果普通大人o個d skates, 我見royal sport, sport house o個d都有, 你可以去睇睇. 其實你顧得個女黎, 你都唔駛玩, 嘻嘻~~
我想要9999呀...


大宅

積分: 4008


440#
發表於 03-4-24 15:18 |只看該作者

Re: 2001年4月BB請進

花花,

我好耐都無試過食餐好嫁啦! 我可以估計花女既情形, 都話想出黎生日會嫁啦, 如果有最有性格大獎扮, 應該都係我個仔

首頁

尾頁

跳至
Presslogic Logo
Baby Kingdom Logo