大仔大女媽媽會 今日: 0 | 主題: 177861

積分: 4008

501^#

發表於 03-4-30 22:55 |只看該作者

Re: 2001年4月BB請進

各位,

我個賓賓今晚返左黎啦, 我既感覺好怪, 應該係"如釋重負"先arm, 但過去一個多月我同個仔雙依為命 (尤其是SARS唔出得街), 我睇住佢一舉一動, 連身上多粒蚊難都知, 賓賓返黎佢會幫我睇番個仔, 我好似無乜價值咁! :-(

私人傳訊

CUTIE_MOMMY

複式洋房

積分: 477

502^#

發表於 03-5-1 04:30 |只看該作者

Re: 2001年4月BB請進

sherly:
I am living in NYC. I think boys' learing skills are slower than girls. I need to take my son for the 2 years old check up too, I think he has at least 30 pounds now.

Everyone:
These 2 weeks, my son likes to say "huh? huh?" whenever I call him or when I asked him to do something. I read some of your kids are like that too, I guess is a stage and I think is very funny,seems like he is pretending he is deaf

. This summer I want to bring my son to vacation too cuz the past 2 years I didn't bring him with me for any trip (only me and my hubby alone)

私人傳訊

積分: 11973

好媽媽勳章

503^#

發表於 03-5-2 01:18 |只看該作者

Re: 2001年4月BB請進

花花, 瑩瑩,

哎呀~~~~~~ meet唔到你o地添.....
梗係啦, 今日我去o左海洋公園呀, 我個女當然勁開心啦, 我仲開心呀, 佢竟然可以自己行足全程(差唔多六個鐘), 我覺得佢大個女o左好多呀~

我想要9999呀...

私人傳訊

Christ

積分: 2493

504^#

發表於 03-5-2 09:35 |只看該作者

Re: 2001年4月BB請進

靖嵐
我琴日都去咗海洋公園呀,
不遏係10:00 - 1:00,先去咗睇熊錨,兒童王国
再坐吊車上山睇魚
卡諾b都行足全程,走果陣一上車就訓咗

私人傳訊

積分: 11973

好媽媽勳章

505^#

發表於 03-5-2 11:42 |只看該作者

Re: 2001年4月BB請進

christ,
我琴日一點先去到, 玩到cloes, 成七點幾先走. 我個女上車時都想訓, 但係我o地唔比佢訓, 因為佢臨走前話好肚餓, 所以我o地要佢食完飯之後先訓. 點知佢到食飯, 佢竟然疲累到拿唔起spoon自己食o野要我o地餵, 食完之後佢就自己訓o係餐廳sofa唔駛兩分鐘就訓著, 好都未見過我隻為食貓疲累成咁

我想要9999呀...

私人傳訊

fannie

別墅

積分: 846

506^#

發表於 03-5-2 16:59 |只看該作者

Re: 2001年4月BB請進

哎，今次去唔成旅啦！因為晶晶一直唔肯帶口罩，而且呢個時勢都不太適合，唸住兩公婆去唔帶佢，交低佢同工人比婆婆，點知（其實不嬲都鵝！）阿婆拒絕，仲話呢排都好唔舒服，唔肯夜晚都要睇住佢喎！既然佢開到聲，我都無謂免強，咁就留港消費啦！
下星期五帶埋姪仔，晶晶同老公去海洋公園羅，（其實都唔知有邊度好去！）而家話媽咪級有半價，幾抵呀，比佢地係咁跑，聽你地講好似人唔多喎！另外，心郁郁想個部isymphonic 按摩椅，前日同老公趕住走未睇清，不過我會同panasonic新個部比較下先，係上年10月時係鹿兒島到試過，感覺都幾好！你地有冇preference呀？
靖嵐，晶晶未夠歲半時影個張相同你個囡而家個幅好似，你等我下星期一upload埋上黎比較下呀！

私人傳訊

fannie

別墅

積分: 846

507^#

發表於 03-5-2 17:20 |只看該作者

Re: 2001年4月BB請進

花花，瑩瑩：
飛拖鞋一D都唔難，都係個句：熟能生巧。當你好似當年我老豆日日飛時（唔係坐飛機！），個種技術簡直出神入化，當年無論我呢係邊度，佢都會百發百中，你想像下情況，就好似周星弛係逃學威龍裡面被粉刷擲一樣！

如果大家想學，記住、記住、記住以下幾點：
*你個囡/囝既行為激到你好甘
*你好言相勸，佢仲要得寸進呎，無論言語或面部表情都非常不肖
*你當時要著住拖鞋，仲要係膠拖，最好係人字拖

－冇錯，係時候你可以一步、一步、一步出腳啦！

:-P :-P :-P

私人傳訊

瑩瑩

積分: 4143

508^#

發表於 03-5-2 17:25 |只看該作者

Re: 2001年4月BB請進

Fannie...

OSIM 果張好似"正"D vow- 不過，PANASONIC 果張又"抵"D vow....??

去唔成旅行都好既- 妳睇個個香港人去到邊都被隔離，唔係好事唶- 咪同"晶晶"去Ocean Park 囉- 佢開心D啦~~ 一係，去赤柱呀- 我每個Sundays 都去喇~~

(Jackie 都唔肯帶口罩呀- pauline c.果招，唔洗得呀- 佢都唔鍾意stickers 既- 唉！)

Love your family!

私人傳訊

積分: 11359

509^#

發表於 03-5-3 12:10 |只看該作者

Re: 2001年4月BB請進

嘩!見妳地個個都去oceanpark,等我都心思思想去添.我想問吓大家妳地係買全年證定係即塲買飛架?

瑩瑩,
Jackie仲未肯戴mask呀,咁真係要再諗吓計仔喇!

靖嵐,
靖嵐咁厲害可以行足6個鐘,凱喬就未必得喇!佢又要午睡又要成日要痴住老公要佢抱,真係冇佢乎la!

fannie,
去唔到旅行唔緊要la,留番d'彈藥'下次再出擊!

私人傳訊

積分: 11973

好媽媽勳章

510^#

發表於 03-5-4 12:57 |只看該作者

Re: 2001年4月BB請進

pauline,
我個女都冇叫我地抱過, 梗係唔主動抱佢啦, 佢咁為食, 我都未見過佢累到唔拔o野食要我o地餵, 我都覺得佢勁

我想要9999呀...

私人傳訊

積分: 11359

511^#

發表於 03-5-5 00:17 |只看該作者

Re: 2001年4月BB請進

我個女都冇叫我地抱過, 梗係唔主動抱佢啦, 佢咁為食, 我都未見過佢累到唔拔o野食要我o地餵, 我都覺得佢勁

靖嵐,
睇見妳形容個女咁累都食野,我都覺得好好笑呀!

如果掉轉係我個女佢一定會扭計要瞓教....

私人傳訊

花花

積分: 4334

512^#

發表於 03-5-5 17:59 |只看該作者

Re: 2001年4月BB請進

fannie

謝謝你教路, 呢個絶招我一定要practice 下, 來"鎮"住我個百厭女. 喂! 你想買按摩椅, 我之前响第2個 topic 到睇到有d媽媽討論, 佢地話唔好買, 好浪費, 因開頭一個月會用, 慢慢就只得講睇和擺字啦! 你要想清楚呀!

瑩瑩 :

我個女都係唔肯帶口罩, 冇佢辦法? 為由小心d啦!

靖嵐, pauline.c :

我個囡都係不是可以行好耐, 都咁上下便叫我地抱, 嘩! 佢而家成 30 磅, 抱佢幾係野, 所以一去遠程就一定要帶車, 我最近已經買第3架車, 係士的車啫!

而家同個囡落街買野或食飯, 都可以不用著片, 同佢要尿尿就會叫媽媽, 但點都係唔識坐在塔塔呵, 要企响到. 希望遲d會好d啦!

jsmami :

我相信這1個月全職媽媽生涯, 對你來說是一個好好回憶!!! 努力吧!

唉! 各位, 我好想去旅行呀! 每日見到d adv 講d package 咁平, 大家有冇心思思想去呀! (唔好意思, 呻下啫) :-P

私人傳訊

積分: 11359

513^#

發表於 03-5-5 19:47 |只看該作者

Re: 2001年4月BB請進

花花,
係呀!我帶凱喬出街一定要帶車仔架,如果唔係就冇得行街街架喇! :-P 花女有進步喎!出街唔洗著片但係妳話佢要企響度痾,咁點痾呀？係唔係妳'的'起佢屙呀？

講起去旅行我都好想去泰國呀!如果有朋友同我去就好喇.我唔想同老公去因為佢唔鍾意shopping. :-x

私人傳訊

Jsmami

積分: 4008

514^#

發表於 03-5-5 20:37 |只看該作者

Re: 2001年4月BB請進

fannie,

你個招好似講得好易咁播! 我都因抵受唔住誘惑, 幾年前買左部momi momi, 但真係擺多!!!

花花,

我個仔痴我多左, 就算工人返左黎我都唔係得閒好多, 我feed個仔佢餐餐食哂, 工人feed就剩好多! 乜你咁寫得買三部車? 我都想買部平平地既士的車, 有無好介紹?

請問大家係咪幫仔女報好哂名今年八九月入學啦? 我重找緊上午班!!!

私人傳訊

積分: 11973

好媽媽勳章

515^#

發表於 03-5-6 00:39 |只看該作者

Re: 2001年4月BB請進

花花, pauline, jsmami,
可能我比較衰, 我一早明知自己成日會單獨同靖嵐出街, 所以佢好細個開始我已經唔抱佢要佢自己行......我諗佢大約識唔扶o野行兩個月左右, 已經可以就咁拖住由屋企行出火車站, 大人都行成20分鐘o架
之前其實我都考慮過買部士的車, 但係屋企太細, 冇位放......第一次去旅行都係同我舅父夾份買個揹架(我表弟細我個女一年), 到上次去我就買o左個揹仔袋, 好彩我個女都係23磅咋, 唔係實揹到腰都斷, 不過如果佢有成30磅我都唔會買啦, 真係買士的車好過

花花,
我部chicco車仲用緊呀, 我拆走哂d雨蓬背袋等等都算好輕便, 我最鍾意架車去超級市場shopping, 買完之後放哂d o野入去都仲好穩陣, 哈哈~~

我都好想去旅行呀~~~ 最衰我媽同我老公都冇假期, 我問我老公佢又唔比我自己帶靖嵐去喎, 我見到有d去泰國七百幾蚊咋, 當坐o下飛機都抵啦 :-P

我想要9999呀...

私人傳訊

Christ

積分: 2493

516^#

發表於 03-5-6 09:34 |只看該作者

Re: 2001年4月BB請進

我個仔都係唔肯戴口罩,
不单只
重唔比我同爸爸戴
見我哋戴就話驚驚,要用手拉走去
所以而家放假都係去海洋公園,
唔想去太遠同人多o既地方

私人傳訊

花花

積分: 4334

517^#

發表於 03-5-6 10:33 |只看該作者

Re: 2001年4月BB請進

Pauline.c :

我個囡係企响到擘大小小個脾呵, 佢覺得好得意, 仲嘩嘩聲咁叫! 至於呵大, 就一定會响屋企, 佢會走去d房或門口死角位, 定定咁企响到呵, 我地唔可以睇住佢, 佢唔鐘意嫁, 攪點就走過來叫你啦! 死味! 多謝你鼓勵, 希望佢快d可以戒到 disaper.

Jsmami & 靖嵐 :

我都唔想買3 部車架, 因第一架車 chicco 太重和大, 出街唔係太方便, 第二架 graco, 係好輕, 但過架唔得,好快殘, 因我亞媽日日用架車推我囡過去她的家(我住我亞媽對面, 一馬路之隔), 最近我買左架 chicco 新出士的車, 幾好夠方便, 我個肥妹可以自己上落車, 同埋我自已比較鐘意 chicco 車架夠穏, 呢架士的車出左1個月多d, 有 blue 和紅, 我自己買紅色, 不過好快斷貨, 價錢HKD898, pamper 咭九折, 約hkd800, within 我的$1000 以下budget. Mothercare 都是一個不錯選擇.

Jsmami :

因為你點都係 Justin 個亞媽嘛! 佢緊係要聽你話啦. 我都幫囡囡報左N1 班, 返全日, 响屯門仁濟幼兒園, 都係今年8月返學. 之前佢BB 時, 都搭通晒天地線, 入 ST. PAUL (CWB), 但當個女大左, 同自己又大左, 識諗左D, 覺得算啦唔好要佢咁辛苦咁遠返學, 為什麼呢, 我現在對佢要求係, 要佢開心健康做有用的人夠了. 將來佢真的讀到書, 佢叻女, 我同老公點死都會供佢讀.

靖嵐 :

我都係逢星期六日推住架車載我個肥妹去超級廣場買餸. 我打算將架大 chicco 連 car seat, 試下放去二手市場賣, 因架車成 78 成新, 揾d 書蒲費都好.

不如, 我地4 月媽媽放低自己老公, 攪個”母子/女旅行”團都好呀! 不過, 我想機會都好難有啦!!! 哈!
:-P

私人傳訊

Jsmami

積分: 4008

518^#

發表於 03-5-6 11:30 |只看該作者

Re: 2001年4月BB請進

花花,

不得不立即回應, 四月媽咪去旅行好呀! 帶埋個仔就唔好啦, 挍佢唔掂, 我手根痛已經番返黎啦! 要療傷呀! 乜你咁寫得, $8-900買部車仔! 唔係用好耐炸播! 聽你形容花女大小便的情形好好笑, 佢無哂私隱啦! 真係諗唔到你會想個女山長水遠返St Paul's, 我有個朋女個女讀St Paul's, 但因為個女返學唔開心, 轉左去北角XX幼稚園, 唔緊要既, 最緊要個小朋友開心成長, 大家努力呀!

私人傳訊

Happy媽

別墅

積分: 734

519^#

發表於 03-5-6 17:08 |只看該作者

Re: 2001年4月BB請進

各位好嗎?我好耐冇上黎啦!

Christ
我個仔咪一樣唔肯帶,我上巴士同佢帶,佢唔肯仲喊到七彩,攪到成車人望住我,冇計!所以到依家都冇同佢撘公共車.

花花
我都認為唔需要特別俾佢去咁遠讀書,我今年8月都報左返學,本來都好似妳心大心細,但係學妳話齋最重要係佢開心同唔洗受舟車之苦,所以我都揀左近屋企.

靖嵐
妳地個女女點呀!有咩計可以令到我個仔唔好咁怕係沙灘玩水呀!因為我見妳個女好似女飛魚咁,好犀利.

私人傳訊