香港18區媽媽會 今日: 0 | 主題: 156994

積分: 2726

561^#

發表於 04-1-2 23:52 |只看該作者

Re: 深井媽咪 part 2--入黎傾o下啦

jk67jk,

jk仔上次食完劑中藥後效果如何呀? 楠楠已經食晒d西藥,已經連續食左9日, 但依然仲有好多痰同流鼻水, 我而家考慮緊明天同佢睇多次西醫好定試下睇中醫好.

私人傳訊

積分: 10867

562^#

發表於 04-1-3 09:21 |只看該作者

Re: 深井媽咪 part 2--入黎傾o下啦

Mandy,

暫時唔係好掂, 轉返西醫。因為佢無端端發埋燒, 所以去左睇西醫。醫生聽到佢勁多痰在肺, 要同佢拍痰。

jk仔好可能有鼻敏感, 所以鼻水倒流入肺。遲d 好番晒先再考慮去中醫度補下。

「多元社區，和諧並存；你我出手，聾健共融」

私人傳訊

積分: 2726

563^#

發表於 04-1-3 18:22 |只看該作者

Re: 深井媽咪 part 2--入黎傾o下啦

楠楠也曾經醫生轉介到物理治療所拍痰, 治療師話佢太多
痰, 結果要同佢抽痰兼拍痰, 令佢對拍痰留下可怕的陰影, 以後一提起拍痰就驚喇!

今日我媽咪比左包鱷魚湯包比我, 叫我加廋肉煲湯比楠楠飲, 話化痰止咳好有效, 今晚便煲黎試下, 看看效果如何再話你知.

私人傳訊

積分: 10867

564^#

發表於 04-1-4 15:00 |只看該作者

Re: 深井媽咪 part 2--入黎傾o下啦

我老公唔知邊度聽番黎, 我地昨日買左燕窩俾jk仔食, 我真係唔知同痰多有mug關係？仲好貴呀！等我偷d食先！ :-P

「多元社區，和諧並存；你我出手，聾健共融」

私人傳訊

PINKAVA

積分: 7534

565^#

發表於 04-1-4 17:15 |只看該作者

Re: 深井媽咪 part 2--入黎傾o下啦

mandy & jk67jk

楠楠轉介到物理治療所拍痰收費幾多錢呀? Ryan細個時都有去抽痰, $300一次, 抽左3次清好多, 然後我再燉幾劑川貝湯ryan飲就清晒d痰了。

私人傳訊

積分: 2726

566^#

發表於 04-1-4 22:38 |只看該作者

Re: 深井媽咪 part 2--入黎傾o下啦

PINKAVA & jk67jk,

PINKAVA 寫道:
楠楠轉介到物理治療所拍痰收費幾多錢呀?

[size=medium]好似$350(抽完再拍),淨拍$250

報告一下我琴日煲的鱷魚肉湯, 果然有效, 楠楠連續飲左2 日, 痰已清了8成, 過幾日再煲一次分2日俾佢飲先.

jk67jk, 燕窩對咳應該無咩作用, 但對身體好, 能增強低抗力, 你老公咁捨得, 都係錫仔o者,不過我諗要長期食先有用.

私人傳訊

積分: 10867

567^#

發表於 04-1-5 09:32 |只看該作者

Re: 深井媽咪 part 2--入黎傾o下啦

HI, Mandy,

我老公為左亞仔, 真係好捨得。有時, 我怕佢亂信人架！燕窩就食唔壞人啫！唔知下次係mug呀！

鱷魚肉湯我地都有興趣, 唔知你d在那兒買呢？

「多元社區，和諧並存；你我出手，聾健共融」

私人傳訊

積分: 2726

568^#

發表於 04-1-6 11:49 |只看該作者

Re: 深井媽咪 part 2--入黎傾o下啦

jk67jk,

D湯料係我媽咪幫我執o架, 材料有: 鱷魚肉2片, 海底揶, 蜜早, 准山, 黨參, 果皮, 南北杏, 乾百合(還有2種我不知道叫咩名, 等我問清楚再話你聽)+廋肉煲3個鐘, 大人小孩也飲得, 我煲一煲分2日飲, 十分有效, 楠楠而家無晒痰喇! 好駛得.

私人傳訊

積分: 10867

569^#

發表於 04-1-6 12:47 |只看該作者

Re: 深井媽咪 part 2--入黎傾o下啦

Mandy,

最主要想知d鱷魚肉在那兒買比較"正"！

「多元社區，和諧並存；你我出手，聾健共融」

私人傳訊

積分: 6007

570^#

發表於 04-1-6 21:58 |只看該作者

Re: 深井媽咪 part 2--入黎傾o下啦

好耐無上來啦! 你地好嗎?

我昨日去陪仔仔開學, 見到晉晉張相呀! 佢係咪無返學呀? 因阿仔食午餐時坐了他的位呀! 不過我見到好多同學仔都無返學.

你地有無去觀課呀? 我昨天睇了一日. 有d 擔心呀! 因好似好唔夠老師咁! d 老師都幾煩躁下. (尤其是到午餐時間)

另外, 我已報了小童群益會的畫班, 下個月上堂.

私人傳訊

積分: 10867

571^#

發表於 04-1-6 23:15 |只看該作者

Re: 深井媽咪 part 2--入黎傾o下啦

Allie,

真係好耐冇見妳啦！

我被assign左1月9 日才觀課。老細又炸形, 因為我partner又咁岩有家事要放假, 我都未知點算！ :-x 我同事就話唔理佢照放 .... 我都係咁諗.... 不過... 或者我下午要返公司 .... 冇得睇晒成日。(諗諗下, 我明天打電話去學校問下可唔可以改星期四先？)

又真係幾奇, 每次你都睇到d我同pinkava睇唔到的情形。會唔會我同pinkava覺得係少事, 所以不放在心呢？ :-P :-P

jk仔之前病左, 我俾佢係屋企休息多幾日, 明天就會返學了。等我觀課個日睇下有幾亂先。

我估計因為成日有新學生, 間中都會幾混亂。但我之前見個d舊生 (例如jk仔及和他同期入學的小朋友) 就會若無其事, 自己繼續做應做的事 - 場面都幾得意。

漸漸地, 我其實覺得n1班又真係幾多人; 幾時先叫做滿唔再收生呢？

「多元社區，和諧並存；你我出手，聾健共融」

私人傳訊

積分: 6007

572^#

發表於 04-1-7 21:47 |只看該作者

Re: 深井媽咪 part 2--入黎傾o下啦

jk67jk 寫道:
Allie,

真係好耐冇見妳啦！

我被assign左1月9 日才觀課。老細又炸形, 因為我partner又咁岩有家事要放假, 我都未知點算！ :-x 我同事就話唔理佢照放 .... 我都係咁諗.... 不過... 或者我下午要返公司 .... 冇得睇晒成日。(諗諗下, 我明天打電話去學校問下可唔可以改星期四先？)

又真係幾奇, 每次你都睇到d我同pinkava睇唔到的情形。會唔會我同pinkava覺得係少事, 所以不放在心呢？ :-P :-P

jk仔之前病左, 我俾佢係屋企休息多幾日, 明天就會返學了。等我觀課個日睇下有幾亂先。我估計因為成日有新學生, 間中都會幾混亂。但我之前見個d舊生 (例如jk仔及和他同期入學的小朋友) 就會若無其事, 自己繼續做應做的事 - 場面都幾得意。

漸漸地, 我其實覺得n1班又真係幾多人; 幾時先叫做滿唔再收生呢？

我果日問過主任, 而家只收了69個學生, 佢地最多可以收100個, 所以有排都未滿. 而且應該再收都係n1的居多.

我果日係觀n2的課, 之前我覺得吳老師無其他老師咁nice, 不過那日她也做得幾好, 同多左笑容. n2, n3 & n4係無咩問題, 而且d 同學都幾留心, 有d 重好投入tim. 不過阿女就無咩表情. 可能佢仲係掛住以前d老帥啦, 因以前d老師好nice好錫佢架.

到了午飯時, 因阿仔想留係學校食埋飯先走, 所以我就join埋其他n1學生一齊午餐啦. 之前去旅行時n1老師比我的印象好好架, 覺得佢地好有愛心架. 不過果日就......
當佢地好忙咁分緊飯時, 有d小朋友有其他要求時, 佢地就表現得好煩躁. 我明白佢地好忙, 但對一個兩歲多d的小朋友點可以有咁ge表情同語氣呢?

到排洗時, 小朋友排隊比較亂, 我就見到一個老師用 "蚊" or "扯"的方法令小朋友排成一直線. 我真係有d愕然! 而d小朋友重一d 反應都無, 是慣了這樣嗎? :-(

其實果日我聽到d老師同主任講d小朋友進步得好快, 而果日亦無小朋友喊. 所以唔關佢地要照顧新生的問題, 因新生由副主任take care的.

希望果日係個別例子啦! 而且我都好想你地都去觀課, 講比我聽你地見到的是否同我見到的不同.

p.s. 昨晚在屋苑有個家長告訴我, 她仔仔返了一個月保幼n1喊足一個月, 所以媽咪就去陪了半日課觀察, 之後就同個仔停左學, 因為覺得d老師無愛心. 當佢知道我兩個仔女同在保幼時, 佢用好奇怪的眼光望住我.

你地識唔識佢or知道呢件事呢? 如你地會去觀課可以問下主任.

私人傳訊

積分: 6007

573^#

發表於 04-1-7 21:57 |只看該作者

Re: 深井媽咪 part 2--入黎傾o下啦

呀, 唔記得講, 阿仔返了三日學, 都幾好. 今日副主任打比我同我講阿仔的情況, 說他可以自己進食, 去wee wee, 又肯玩. 只是一到了午餐時間(可能係眼訓)就要搵家姐陪. 同家姐一齊食飯就可以食兩碗. 係n1班房就只食兩啖, 又唔肯比嬸嬸餵. 所以她建議都係返住半日先.

其實我幾欣賞佢主動打比我update阿仔的情況, 因我知佢地(尤其是副主任)好忙.

係呢, 你地個仔係幾耐先番全日架? 喊左幾耐呢?

p.s. 今日副主任同我講佢地兩姊弟互相扶持的情況時, 我都幾感動. 因家姐(三歲半咋)原來真係好鍚細佬(見細佬喊即係拖住佢, 又幫佢"不"飯, 又幫佢用毛巾拭咀), 而細佬又係好鐘意家姐架, 雖然係屋企成日整喊家姐.

私人傳訊

積分: 10867

574^#

發表於 04-1-8 10:21 |只看該作者

Re: 深井媽咪 part 2--入黎傾o下啦

Allie,

聽到你的敍述, 如果我仔仔未入保幼, 都真係幾驚。 n1的張老師很nice, 但年紀較大, 聖誕節過後巳辭了職, 聽說是由於健康問題。 jk仔好鍾意張老師, 我亦覺得張老師的經驗豐富d。至於劉老師, 講野時都可以聽到幾nice, 不過, 佢可能比較後生, 我覺得她的忍耐力似乎冇咁好, 我有時都會從她的面部表情睇到她的煩躁; 但說話時的語調我就未領教過。新到的王老師, 我完全未接觸過, 所以冇得 comment, 她是代替張老師的。

n1班有幾位全職媽咪會經常回校做義工家長。反而, 這幾位義工家長我就領教過。我其實對她們的態度都幾不滿, 但她們是義工, 我自己又沒時間幫忙, 若問題不大, 我都不便批判他人！

排洗的問題, 你講”拉扯”的情況, 我暫未見過。但我知道都幾混亂; 因為真的有部份小朋友非常頑皮, 老師可能當天剛剛忍無可忍啦！其實, 你如果見到這種情形, 不妨當日(如果許可) 即時向副主任或陳主任反映 – 當傾下計嘛。我上次都有向副主任反映, 但我沒有指明是那一位。我相信如果各家長多點與學校反映他們發覺不妥的地方, 學校應會內部調查或對老師作出指引 – 並不是處分, 我相信人人都應從錯誤中學習; 而且有時自己不會察覺自己的問題。

明天, 我去觀課, 如有機會, 也許我嘗試了解下你的憂慮罷！

jk仔因為是參與新校全體學生的適應期, 所以較長, 約兩星期。但他沒有喊過！
pinkava的仔仔就好似半星期至一星期左右啩 – 我都唔係太記得。

總的來說, N1班的人手實在不夠, 才導致有機會發生你所見的情況。或者, 午飯和排洗時可派多些嬸嬸幫忙。

「多元社區，和諧並存；你我出手，聾健共融」

私人傳訊

積分: 2726

575^#

發表於 04-1-8 11:55 |只看該作者

Re: 深井媽咪 part 2--入黎傾o下啦

jk67jk & Allie,

睇完你們對保幼的評論, 我覺得當初我選擇比"楠楠"留番起邊耀良是正確的. 起碼不用咁混亂, 不用費時去處理適應的問題, 可主力去學習吧, 現在差不多已過了一學期.
其實, 如果n1班人數是太多, 亦會繼續去收n1班的學生, 倒不如叫學校將n1班分成2班,每班最多30人, 每班要有2個老師, 師生比例1:15嘛!

jk67jk, 鱷魚肉我也不清楚邊度買最好, 其實我也只煲過一次第係媽咪比的), 我也打算買, 現在正四處留意緊.

私人傳訊

積分: 10867

576^#

發表於 04-1-8 12:57 |只看該作者

Re: 深井媽咪 part 2--入黎傾o下啦

Mandychow 寫道:
倒不如叫學校將n1班分成2班,每班最多30人

我都有諗過這方案, 但我觀察所得, 全校得4個班房, 冇可能將n1分兩班的。其實在其他的課程, 例如興趣活動, 音樂活動咁, 已經分了兩班進行; 只是吃飯方面, 大家擠在同一班房。

Mandy, 如果不是逼不得意, 不轉校都是好的。不過, 就算楠楠轉校, 都是N2 啦, n2 應該冇混亂: 一來小朋友年紀大些, 二來, 冇咁多學生。我都唔係太擔心, 因為我相信有部份n1小朋友下年會轉幼稚園, 到升n2時, 不會有太大問題。

我知道有急凍"鱷魚肉"在凍肉舖賣, 但唔知好唔好。你問下你媽咪呀！

「多元社區，和諧並存；你我出手，聾健共融」

私人傳訊

積分: 2726

577^#

發表於 04-1-8 15:17 |只看該作者

Re: 深井媽咪 part 2--入黎傾o下啦

jk67jk,

咁而家保幼n1班有幾多人呀, 又有幾多個老師呢, 教處好似定了有師生比例, 如1:15, 若45人, 便應該有3個老師.

急凍"鱷魚肉", 我聽長輩講過, 效果比乾的還好, 但我未試過.

私人傳訊

積分: 10867

578^#

發表於 04-1-8 16:31 |只看該作者

Re: 深井媽咪 part 2--入黎傾o下啦

Well, Mandy,

有日我聽到有一位媽咪問過, 不過原來 1:15 是以整間學校的師生人數比例計算的。
N1 班我唔知有幾多人, 因為不是我接送。但明天我會回學校, 我都打算睇睇。

除了食飯及排洗外, 我想都有3位老師的。因為有日jk仔睇完醫生才回校。我見有2位老師在外面帶半班學生遊戲; 而另外一半學生在大肌肉室活動 – 咁裏面應該都有一位老師睇住啦。

如果急凍的仲好, 應該唔難買, 荃灣應該有！

Pinkava,
你去左邊呀？好少唔見你回應喎！

「多元社區，和諧並存；你我出手，聾健共融」

私人傳訊

PINKAVA

積分: 7534

579^#

發表於 04-1-8 21:04 |只看該作者

Re: 深井媽咪 part 2--入黎傾o下啦

hi all ma

今日觀課好值得,約有6-7個家長觀課, 我仔個組係最多家長,有4位, 觀課之後才知道亞仔整日在做咩。原來d小朋友好開心架, 一早食早餐, 今日食雞旦瘦肉粥, 之後遊戲室玩左成個鐘, 每位小朋友都好開心, 佢地好自由, 追追逐遂, 但又好安全喎, 因為成間房都係有墊, 我仲陪d小朋友唱下玩下, 有d小朋友主動找我拖手, 要我一齊玩添呀。

玩完到10:30 又到水果時間, 今日食橙, d小朋友好主動添食呀, 好叻好有紀律。

食完水果就分組活動: 今日教凍/熱, 老師比d冰同熱水放入柸柸, 然後小朋友摸下感受下。有一組就畫圖畫, 一組就自選玩具, 一組就睇圖書。輪流完成晒4樣後就到lunch time。今日lunch 有玉豆炒肉碎, 椰菜花, 蓮藕湯, 個個小朋友都大大啖食, 原來番學真係好過在家好多。

好快就到午睡, 佢地個個都好安靜, jk仔仲好入睡呀。有些小朋友唔訓覺既都趟在床上, 好叻, 自已個仔在家都做唔到呢樣野。訓醒後就唱下歌仔, 玩下樂器(當然係小兒科既搖鼓啦)。唱歌後就入番課室食荼點, 今日係旦治同好立克, 好味。

再玩一陣就係每個bb最心急既時間------放學了, 88。

後感:

呢班共32人, 控制及教導佢地真係唔係易事。 d小朋友有唔同性格, 女仔比較多野講, 男仔有幾位特別曳。有些就好少爺仔同小公主。但比小朋友讀bb班, 總好比bb留在家中虛度一年好。

allie
你係咪好寵愛你的仔女呢? 有時老師的不耐煩面色, 并不等於佢地無愛心或者無耐性。佢地可能要比小朋友知道: 噢, 老師就快鬧喇, 要乖d先..., 唔好講2位老師對成班小朋友丫, 眼見d工人單對單對小朋友都一樣口黑面黑啦。至於去排洗時既拉扯, 我又唔覺得有問題喎, 因為有些小朋友真的不受控, 要拖好佢地排隊守秩序, 真的要有些拉扯動作, 但這又不代表什麼, 今日我都有幫手照顧小朋友, 呢d動作真的很等閒, 你無需太介意的。

jk67jk

呢排我公司女人成日都在公司, 唔多便上黎, 回家後又要陪仔, 不過你可以打比我傾計架。今日jk仔訓得好好呀, 佢好熟睡呀, 你可以放心喇。放學前, jk仔係都要激下曼齡, 係都要搶曼齡既玩具, 中間就格住可晴眼望望佢兩, 個畫面好得意呀。

我個人認為, 適當地給予小朋友空間, 讓他們知道怎麼跟別人相處。如佢地爭玩具/推撞下, 我會望耐小小, 睇下佢地點樣處理, 睇睇下佢地可能係相雍而笑。當然,在佢地無法解決時, 我地大人應要給予正面既教導比小朋友。

私人傳訊