跟住我番到公司就有嘢睇(聽)喇~!突然間有個電話打嚟話我地送錯貨俾人,跟住個秘書既偉論又嚟:"哼!(冷笑)未必一定係我做架噃!唉...你依家知我幾辛苦幾無辜呢...成日要執人地啲屎..."同一堆說話佢除咗同電話裡面既人講,跟住每逢有同事行過,佢都重複又重複咁講,但無指名道姓噃,但佢講啲單係得我同佢做,唔係話我唔通話佢自己咩~!雖則佢咁講,但個個同事都無俾反應佢,聽完就唔出聲咁行過,心諗:"佢都低B!捉住一件事嚟求人認同佢想撬走我係對既...SHOT SHOT 地..."跟住我就梗加唔同佢客氣,佢叫我幫佢落單,我就以工作繁忙為理由去拒絕佢,然後我踏正五時卅分無早無遲咁熄電腦放工~~~!!! 
我已經決定咗以後我唔理做唔做得哂啲嘢都好,五點卅分我就會準時走,一係佢地炒咗我!我就唔會自動辭職既...我又唔係唔做嘢,只不過唔係做哂秘書啲嘢,由得佢UN UN 腳係咁打電話同朋友傾偈啫!我做唔哂咪留番俾佢做囉~!我準時番工放工駛同佢申請~!可能你地又會覺得我衰,但係人與人之間係咁架啦,大家好嚟好去,佢對我唔客氣時我何需仍然對佢客客氣氣幫佢做哂啲嘢?問心,係佢唔去珍惜初初既良好關係,如果佢唔係咁對我,仲好似頭幾日咁客氣又無嘢,我諗我依然願意免費OT(我無OT 錢逗架),晚晚至少七點做哂啲嘢先至放工趕去湊仔,依家?真係無呢支歌仔唱~!我只會做番我既工作時間,夠鐘即走~! :-P 原本放工都有啲唔開心架,因為真係無諗過會咁快搞成咁, :-P 好彩老公响電話度猛咁教我點玩番笑番個秘書轉頭,又猛講笑話去引我笑氹我開心,咁我先至無事咋~!聽日同後日都唔駛對住條八婆,實在太好!大把時間俾我部署去迎戰~! 
頭先都幾好笑,我老公亞哥同兩個亞頭都唔敢做衰人嚟話唔請我,但最後都迫咗其中一個經理番公司,但個經理唔敢望我扮哂忙咁,事後我放工同我老公亞哥傾開先至知個真相,又話今朝我咁鬧個秘書,再加埋我老公亞哥把口話我好惡既,搞到個個都唔好意思開口,不過啲亞頭都好好人,原本佢地話想請我去做住promoter先,但因為我要湊仔,所以都推咗佢地...無計啦,學似我大佬話:"呢次真係奸人得逞!" :-P 不過至開心就係---有老公香吻幾個~~~!!我老公唔知係咪驚我會唔開心咁呢... 頭先連續兩個電話kiss,跟住依家又話約我出街食飯(...我地呢個月又無錢用噃...)... 點都好,有老公同亞仔香吻各一已經咩都無所謂喇~~~!! :-P
發表於 
返回列表
