吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› (超長) 窮媽自白﹕餵人奶係最自然不過嘅事，但並唔係人 ...

母乳餵哺今日: 0|主題: 85708

收藏本版

回覆發帖

返回列表

跳至頁

樓主: klleunh01

(超長) 窮媽自白﹕餵人奶係最自然不過嘅事，但並唔係人人 [複製鏈接]

1 23

fishboy

複式洋房

積分: 383

41^#

發表於 16-7-28 23:33 |只看該作者

回覆 klleunh01 的帖子

其實我都同你一樣，每次兩邊加埋泵四十分鐘都係得嗰30-40ml, 每天早上最多90ml，我都覺得好浪費時間，小朋友喊嘅時候又照顧唔到，好有同感。每次出街寧願谷都唔願意入商場泵，唯有快啲回家，因為實在太自卑，見到人地咁多，我心就會好唔舒服。想放棄又唔捨得，好矛盾，有次咁啱遇著窮媽媽傾計，她們就算補奶都堅持到六個月，點解自己唔得？！我而家踏入第四個月，如果放棄的話好似好唔抵，個奶泵好貴又唔捨得咁快出售，於是又振作起來，又煲湯、又飲葫籚巴籽、又飲奶、水等，都係多左10-20ml ，最多堅持到六個月就唔再泵了。
[color=rgba(0, 0, 0, 0.701961)]餵唔到都唔喺一種罪，反而多啲時間看著小朋友長大，輕鬆好多。

私人傳訊回覆引用

fishboy

複式洋房

積分: 383

42^#

發表於 16-7-28 23:42 |只看該作者

回覆 tyronemt 的帖子

你講得好啱

私人傳訊回覆引用

yyyy.mama

男爵府

積分: 6327

43^#

發表於 16-7-29 00:26 |只看該作者

littlebobo2016 發表於 16-7-21 17:14
我諗我係最差嗰個了。我連泵都冇。我要靠'擠'出來一滳一滴先夠有几啖比呀B飲。仲喺用奶樽蓋餵。

我已經經 ...

買返個岩自己既泵啦

我試過優合同freestyle, freestyle可以比優合泵多30%...

私人傳訊回覆引用

klleunh01

別墅

積分: 882

44^#

發表於 16-7-29 10:57 |只看該作者

fishboy 發表於 16-7-28 23:33
回覆 klleunh01 的帖子

其實我都同你一樣，每次兩邊加埋泵四十分鐘都係得嗰30-40ml, 每天早上最多90ml，我 ...

呢一排, 我自己都叫做諗通咗...開始唔再介意奶量, 加上呢個星期已經嚟返第1次M, 心態上更加將奶量少再「合理化」嚟自我安慰。至於返工, 我只可以趁lunch time 泵奶, 雖然老公, 甚至有親戚覺得我應該voice out 叫老闆比額外時間我泵奶, 最多自己早D返工補返時間，等我可以享有返個lunch time...老實講, (可能旁人覺得我好傻) 我會寧願選擇而家咁趕, 都唔想因為自己事而要人哋遷就自己, 為自己開方便之門。公司冇policy support 人奶媽媽, 固然係令人失望...但我老闆已經對我好好, 我一復工知道我要泵奶同公司冇正式泵奶房, 佢就出手幫我安排間房比我lunch time 用(間房95% 時間喺lunch time 都會冇人用), 相比之前仲諗要仆去樓下商場育嬰室泵, 而家呢個安排已經令我舒服好多，我仲點可以得寸進尺要人哋就我呢? 更何況, 我覺得自己做咗人媽媽, 呢D 點滴其實都係身教 -- 唔好覺得人哋幫你係理所當然, 有問題要先自己解決同克服。anyway, 總之而家我只會比自己用30分鐘做呢件事, 我都需要慢慢食飯, 或者行落街抖啖氣!

相反, 我老公真係比咗好大壓力我。有時會嬲起上嚟喺個心度反問﹕而家欠咗你呀?
佢好想好想我餵, 那怕只係得一兩安, 佢都唔想我停...但佢完全無理過我感受。佢講得好輕鬆地覺得我可以同老闆提出要額外時間走去泵奶...亦以為飲多兩杯水就自然多奶。前幾日, 同佢講嚟返M同奶量應該會再少D, 佢第一個反應只係問: 咁會唔會多返...
之後都係關心我跌咗幾多...完全唔會問吓, 又要泵奶又嚟M, 有冇唔舒服...有冇頭暈 (我本身有少少貧血)

之後傾開, 我坦白講話極其量都係堅持到6個月 (而家BB就快4個月)...佢就即刻唔出聲, 但個樣話我知覺得我唔餵係有問題。

到今日, 唔知點解自己咁失魂, 竟然唔記得拎奶泵返工! 架車去到中環先發覺...佢竟然黑我面! 佢第一句唔會關心我冇得泵奶會唔會谷到好痛, 而係問: "咁你唔洗泵奶呀?! " 說穿了佢只係關心個仔有冇人奶食...!!! OK...咁我叫佢前面街口放低我, 我仆返屋企 (荃灣) 拎囉......佢把口就講叫我唔好返去拎, 但就全程黑面! 而家係咪欠咗你先?! 泵少一餐, 個仔極其量只係食多一餐奶粉...但谷胸痛嗰個係我, 竟然一句關心問候都冇!! 男人........莫講話我唔諗住生第二個, 就算有...我都一定唔會再餵人奶! 我覺得呢胎經驗, 無論生定餵奶, 都係太令我唔開心! 餵奶餵到好似爭人錢咁....我覺得好癲囉!

點評

jymistar

發表於 16-7-29 22:59

私人傳訊回覆引用

tyronemt

複式洋房

積分: 199

45^#

發表於 16-7-29 11:18 |只看該作者

klleunh01 發表於 16-7-29 10:57
呢一排, 我自己都叫做諗通咗...開始唔再介意奶量, 加上呢個星期已經嚟返第1次M, 心態上更加將奶量少再「合 ...

同你老公傾吓啦，咁樣落去好傷感情呢。你都已經盡咗力，點逼都無用。

同埋記住happy mum happy kids 呀。媽媽開唔開心，bb會知架。加油！

私人傳訊回覆引用

fishboy

複式洋房

積分: 383

46^#

發表於 16-7-29 17:32 |只看該作者

回覆 klleunh01 的帖子

做男人點知女人辛苦吖，陀仔食唔到野又話成日唔食野點點點....., 餵唔到人奶，到阿囝大個有濕疹又話我影響到佢。其實囝囡有咩問題就入阿媽數，好就爸爸嘅，所以餵到與餵唔到有問題都會頼我。樓主，如果真的覺得好大壓力，就唔好餵啦，最緊要自己鍚住自己身體，如果有病就冇能力照顧小朋友，同埋生完後身體都冇咁快復完，時時都會好攰。加油呀！

點評

jymistar

發表於 16-7-29 23:00

私人傳訊回覆引用

jennyp

大宅

積分: 2203

47^#

發表於 16-7-29 23:59 |只看該作者

回覆樓主：

本帖最後由 jennyp 於 16-7-30 00:00 編輯

餵人奶的路有時真係有苦自己知！有時同其他奶媽好傾過老公。好同意您講，我係全泵媽，有時BB想揾我，不過我要黐住個泵，BB喊就仲肉赤。我囡六個幾月開始加固，泵奶輕鬆了，多番少少時間和精神陪囡，心情先平衡一點。另外，真心覺得泵得時間長但未必做到全人奶的奶媽非常偉大，有人有奶未必會堅持，大家一起為孩子加油！

私人傳訊回覆引用

Jade1025

別墅

積分: 565

48^#

發表於 16-7-30 16:09 |只看該作者

klleunh01 發表於 16-7-19 15:46
我係在職窮媽, BB已經3個月…BB出世初期埋唔到身(夾唔到姿勢、BB太大力啜損咗好幾次…健康院姑娘都話愛莫能 ...

本帖最後由 Jade1025 於 16-7-30 16:35 編輯

本帖最後由 Jade1025 於 16-7-30 16:11 編輯

我好明白你嘅感受！

我生阿仔喺醫院時，我唔夠奶，阿仔餓，係咁喊，要求姑娘俾奶水我。阿仔好食得，最後嗰日，姑娘已唔肯俾咁多奶水，阿仔餓到無力喊，又好黃要去照燈。阿仔去到兒科照燈食到70ml 一餐，一日仲要食六七餐，但我真係無乜奶，死揸難揸都係得十幾ml。

出咗院，仲係唔夠奶，而埋身的話，覺得阿仔無奶到肚，唯有餵奶粉。

坐月時，阿仔日喊夜喊，要抱足一晚，下身傷口又發炎，完全無精神泵奶。

而家我仲放産假，有飲湯水，每次都只泵到一安，好彩都會有兩安，全日泵埋都唔夠一餐（現在食150ml)。

阿仔上個禮拜滿月，塊面仲有埋濕疹，真係好內疚，因為自己唔夠人奶，而攪到佢咁。

喺屋企得我一個人，泵奶時，阿仔喊就真係好慘，抱佢又泵唔到，唔抱佢又喊到好淒涼。

前幾日，滿月去健康院，想問吓點樣幫阿仔埋身又食到奶，就俾姑娘話一餐，問我點解而家先嚟問。唉，一疋布咁長，我講姑娘都唔得閒聽，唯有俾佢係咁話。

私人傳訊回覆引用

kitcw1010

大宅

積分: 1977

49^#

發表於 16-7-30 21:03 |只看該作者

簡直講中晒心聲
我都係在職窮媽，返工時只可泵一次（有阿公時間可以去泵奶）
其實我朝早起身，放工後同假日係全埋身
而且我一日足三餐係食飯，而所謂多奶既野我亦全部試過但感覺上無乜成效。
阿囡依家三個幾月食緊6安，但我復工後最多都係得3安4安，呢幾日仲要得2安。
未放完產假試過埋完身之後追泵，得果1安都唔夠，但跟住又要洗又要烚，仲未計我要飲水、食飯、去廁所，跟住剛剛可以坐低唔夠一陣，阿囡已經又要食奶（初時阿囡兩個鐘準時召喚），所以復工之後只係得每日返工果一泵，放工後都唔願再泵了。

再加上最近呢一個月，阿囡一埋身就好扭計，有時就算餓都唔肯啜，係咁喊；就算佢肯啜，每邊啜3幾分鐘就甩咀扭計（有泵開既媽媽都知，頭果幾分鐘係爆出奶）

就算我囡之前埋身無扭計，我一樣係少奶，所以埋身=多造奶唔係必然架。

不過，我比樓主幸運既係我老公對我既任何決定都絕對支持

私人傳訊回覆引用

jump.jump

伯爵府

積分: 19784

50^#

發表於 16-7-31 07:50 |只看該作者

klleunh01 發表於 16-7-29 10:57
呢一排, 我自己都叫做諗通咗...開始唔再介意奶量, 加上呢個星期已經嚟返第1次M, 心態上更加將奶量少再「合 ...

我有朋友個老公係印尼華僑，成日想老婆有咁耐餵咁耐，我呢個外人面前都話自己細佬食到7歲，佢老婆臉都黑哂

優悠在澳洲

私人傳訊回覆引用

klleunh01

別墅

積分: 882

51^#

發表於 16-8-1 06:21 |只看該作者

jump.jump 發表於 16-7-31 07:50
我有朋友個老公係印尼華僑，成日想老婆有咁耐餵咁耐，我呢個外人面前都話自己細佬食到7歲，佢老婆臉都黑哂 ...

啲男人，唔係自己做就講乜都天下無敵！

私人傳訊回覆引用

Bobobird

別墅

積分: 858

52^#

發表於 16-8-1 11:30 |只看該作者

回覆樓主:

加油
我都係窮媽餐餐清咁滯
我仔三個月大食緊120ml一餐
因食量少暫時仲頂得住全人奶
千祈唔好放棄！我番工都泵2-3次
半夜泵2次喺屋企就全埋
只要仲有一滴奶我都會堅持落去你都係啊！有幾多就食幾多放鬆心情
我復工前成日因為唔夠人奶喊實在太執著搞到每泵得1-2安反而放鬆心情奶量就多番啲

私人傳訊回覆引用

klleunh01

別墅

積分: 882

53^#

發表於 16-8-1 15:09 |只看該作者

Bobobird 發表於 16-8-1 11:30
加油
我都係窮媽餐餐清咁滯
我仔三個月大食緊120ml一餐

多謝你鼓勵...好可惜, 我已經唔會再靠咩堅持去咬緊牙關係捱...
一來, 我返工只可以趕喺lunch time 極速泵....返工, 放工趕返屋企煮飯, 洗碗, 湊B, 泵奶已經攰到連坐都無力, 實在無好咁精力仲埋身同半夜起身再泵...
我唔係冇試過半夜起身泵一轉, 但真係一邊泵一邊鐘眼瞓, 鐘醒望個樽先得嗰幾十ML, 真係喊得出...唔明咁樣浪費時間為乜?! 冇精神心情自然差...究竟為乜要連個人嘅EQ都要輸埋? 就係為嗰幾啖人奶?!
所以, 我而家係總之FIX 咗咩時間同泵夠佢35分鐘就算, 唔再強求奶量...bb 6個月後, 繼唔繼續就交比個天同身體決定。