我係在職窮媽, BB已經3個月…BB出世初期埋唔到身(夾唔到姿勢、BB太大力啜損咗好幾次…健康院姑娘都話愛莫能助)，結果一開始係已經係泵媽。BB可能曾經喺醫院餓到有脫水跡象，當日亦跌磅跌到唔比出院, 公立醫院主動拎支奶粉嚟比我餵 (喺公立醫生而話咗餵人奶嘅媽媽，一定會明要去到咩地步佢主動比你補奶粉)，記得佢第一口食奶，一口氣食咗2安, 唔拔個奶咀出嚟都唔肯放…可能因為咁, BB胃口撐大咗…加上我又埋唔到身只可以泵出嚟餵嘅情況下, 無論我食幾多嘢, 飲幾多湯, 買埋supplement葫蘆巴籽丸食都好, 都真係追唔到奶。而家BB每餐食6安半至7安，我返工後全日4泵都只係夠BB食兩餐。
我已經唔敢再奢望可以全人奶，而家只係諗餵到幾多就幾多。反正我BB其實好乖，人奶好奶粉又好佢都會乖乖咁食晒, 食奶快(通常15分鐘內食晒)之餘，兩個月人仔就自己戒夜奶一覺瞓天光，瞓到第二朝拍佢先肯起身食奶。所以，我真係唔會再強求全人奶…
雖然話係唔再強求全人奶，但始終對自己奶量都有個最低要求呱…當死泵爛泵先得嗰3幾安時，其實真係好灰。好記得有一次，因為工作關係要外出，拎住D泵奶工具出去，做完野就走去附近商場泵奶，當時同埋有幾個媽媽…無意中望到人地多到爆晒樽, 真係都幾妒忌。之後有個遲過我入個育嬰室嘅媽媽, 佢只係搞咗10分鐘咗右已經打爆兩個樽，而家都只係得2安多D, 真係好自卑。佢可能又唔覺意望到我好少，就好衝口而出講咗句﹕「哇，乜你泵得咁少嘅? 你BB 好細食呀?」大家傾咗幾句之後，佢就好好心咁講佢嘅「專業意見」…例如問我做乜要比奶粉BB食, 做乜做泵媽都唔埋身餵…唔埋身餵一定少etc, 我第一次感受到原來餵人奶補奶粉會好似做錯事咁；窮媽遇著好多專業意見嘅富媽真係會自慚形穢。
但唔知其他泵媽，尤其係同我一樣都係窮媽媽…有冇覺得泵奶係好浪費時間呢?當付出嘅時間同奶量完全唔成正比時，真係灰到一個點係好想好想放棄。而我更加有種無力感…就係當我BB喊想人陪時，而我當下比個奶泵困住, 唔可以抱佢氹佢，可以做嘅只係塞個奶咀比佢等佢靜，呢種無力感同無助，就算我比泵到全人奶都冇意思…我相信就算係自己老公都唔會明，我呢種難過。亦因為咁更令我反思，人奶緊要啲定同BB相處嘅時間緊要D。
我真係好想放棄，但放棄亦都唔係一個輕易嘅決定。返工後嘅一個月，我經歷前所未有嘅趕時間，公司冇policy支持母乳，老闆幫我安排間房比我泵奶，所以我唔會得寸進尺要求喺office hour走去泵奶，lunch time泵完洗完只得15分鐘食飯，有時冇帶飯去買，就連行過公司對面馬路買盒都唔夠時間; 同同事出街食飯傾偈就更加唔洗諗…呢D種種，我自問都可以忍耐同克服，但最令我氣餒係當我因為泵奶生活嘅磨人而呻兩句，甚至直頭戲言話唔想再餵人奶時，我老公唔識安慰我…甚至曾經拋下一句(可能係講笑):「你係咪想阿仔容易D病?」我真係超嬲…成日叫我唔好比壓力自己, 但其實比最大壓力我係佢。老實講，我已經好耐都冇谷奶嘅感覺，就算成10個鐘唔泵，只係脹脹地同模到有硬硬地，但完全唔谷唔痛，即係我估計距離我乾塘嘅日子已經不遠，Touch wood講句，萬一我真係冇而個仔有咩傷風咳兩聲, 唔通入我數我要負全責? 曾經有衝動想鬧爆佢，叫佢既然咁堅持，咪佢自己泵出嚟餵仔囉! 但我當然冇咁講, 因為好多說話，鬧咗幫唔到件事而只會想和氣。
最後，我想講…我夠知餵人奶係最自然不過嘅事，但並唔係人人都可以心想事成。
mrs_five 發表於 16-7-19 16:36
我好明白呀。但真係心情都有關係的，返工有壓力自然更難。我第一胎都泵得好少，但有幾多食幾多囉。第二個我 ...
klleunh01 發表於 16-7-19 15:46
我係在職窮媽, BB已經3個月…BB出世初期埋唔到身(夾唔到姿勢、BB太大力啜損咗好幾次…健康院姑娘都話愛莫能 ...
klleunh01 發表於 16-7-20 07:51
多謝。但做得泵媽當然係有原因，唔會個b想埋身都唔比佢埋。到今時今日，我有試㗎，但啜親就損。
...
所以好多媽媽由全泵媽可以成功埋到身，bb願意埋身只係吸啜得未夠叻，需要媽媽再引導一下就可以成功，加上你亦表達出好希望花更多時間陪bb，而唔係用僅有既時間泵奶，試埋身結果無論成功與否，當中既時間都係同bb最親密既時光
發表於 
返回列表
