吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 婚姻點解令人咁累？長

夫婦情感今日: 3|主題: 42797

收藏本版

發帖

返回列表

跳至頁

樓主: ricky0223

婚姻點解令人咁累？長

[複製鏈接]

1 234 5

已刪除用戶

已刪除用户

積分: 6787

開心吸收勳章

41^#

發表於 17-5-25 10:37 |只看該作者

提示: 作者被禁止或刪除內容自動屏蔽

私人傳訊

ricky0223

子爵府

積分: 10348

42^#

發表於 17-5-25 10:50 |只看該作者

beebee67890 發表於 17-5-25 07:38
自己安排好時間好緊要，其實晏晝可以唔使煮，上年我工人走咗佬之後都冇請新的，一直有工人幫手，得返自己一 ...

好多謝你既意見，大家都係咁講，我諗要好認真諗下點改善，唔洗成日唔開心家嘈屋閉

可能我性格太固執，每日三餐加小食，9成我親手整，每日一定有湯水，夏天煲竹庶矛根，冬天燉無花果雪梨，每日係廚房洗煮切忙到一身汗

時間又長，少時間陪囝玩，唯有多d帶佢去街，真係好累，加上囝有時半夜喊，訓得唔好，個人長期好爆燥。
去睇下洗碗機，暫時呢個最有需要，諗辦法搵個位，另外我諗可以一星期去街食幾餐，減少去公園時間或次數。
今早c6 send whatsapp 同我講，好鐘意回家見到我同囝囝，但我成日發脾氣鬧囝鬧埋佢，囝成日扭計喊又唔要佢

我要好好反省一下

私人傳訊

Nancy20090615

瑪瑙宮

積分: 139710

43^#

發表於 17-5-25 10:53 |只看該作者

本帖最後由 Nancy20090615 於 17-5-25 10:54 編輯

ricky0223 發表於 17-5-25 10:50
每日三餐加小食，9成我親手整，每日一定有湯水， ...

諗都諗到你有幾辛苦喇

唔好咁執著, 人的關係大於一切. 無人就無人食你 D 野.

私人傳訊

~小樹兒~

男爵府

積分: 6156

44^#

發表於 17-5-25 11:23 |只看該作者

ricky0223 發表於 17-5-25 10:50
好多謝你既意見，大家都係咁講，我諗要好認真諗下點改善，唔洗成日唔開心家嘈屋閉
可能我性格太 ...

心情調節咗就會好好多

見到你煮啲嘢...

私人傳訊

dativebond

大宅

積分: 4224

45^#

發表於 17-5-25 11:30 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

本帖最後由 dativebond 於 17-5-25 11:56 編輯

有工人肯瞓梳化床架，唔肯你每月醒多佢幾百都會有人制。

請姐姐真係好好多，每月多四五千，但你的生活會由奴隸變番正常人，可以好好享受親子樂，呢樣係無價！唔好迫死自己。

媽媽，唔駛事事做得完美架，分清乜野先係最重要。家務和有關小孩屎尿屁永遠無你好有耐性咁和小朋友相處咁重要，家務和小孩屎尿屁外判啦，否則你咁辛苦但唔開心，你估小朋友感覺唔到咩？

好似我地兩公婆都番工，請姐姐，我地一番屋企乜都唔駛做，所有時間都用黎和小朋友相處，我覺得有限時間放係親子樂比家務重要得太多。咁樣我地又開心，小朋友又開心。

真心，請鐘點或姐姐，你生活會有好大轉變，姐姐每個月四五千(既係每日百零蚊)係值到不得了。我都好感恩香港仲可以請外傭，亦好感恩有姐姐幫手。

私人傳訊

siujanjan

珍珠宮

積分: 31517

BK Milk勳章

46^#

發表於 17-5-25 11:34 |只看該作者

ricky0223 發表於 17-5-25 10:50
好多謝你既意見，大家都係咁講，我諗要好認真諗下點改善，唔洗成日唔開心家嘈屋閉
可能我性格太 ...

小朋友大咗食吓街邊嘢OK架, 第時返學茶點咪又係買番嚟嘅麵包, 蛋糕, 早D比佢習慣吓, 自己又冇咁辛苦, 小心鬱出病呀, 要注意自己情緒

私人傳訊

小金鳥

大宅

積分: 1264

47^#

發表於 17-5-25 11:52 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

好明白你，我想很多媽媽的生活都好像你
辛苦之中找一些樂趣
因為當佢大時你要做教導個part仲用心機
回想起，這些日常生活工作就等變得很小問題了
一起加油

私人傳訊

tammy2008

水晶宮

積分: 50566

48^#

發表於 17-5-25 13:34 |只看該作者

本帖最後由 tammy2008 於 17-5-25 13:40 編輯

ricky0223 發表於 17-5-25 10:50
好多謝你既意見，大家都係咁講，我諗要好認真諗下點改善，唔洗成日唔開心家嘈屋閉
可能我性格太 ...

我以前都係日日煲湯, 但而家懶了, 同埋覺煲湯好貴 ( 平平地都5-60, 滾湯唔計 ) 而且咁樣長時間煲, 到底仲有幾多營養剩底呢....我寧願短炒去保持營養素.....

你可以一煲湯分兩三日飲, 咪唔洗日日 side 火/煤氣, 時間囉, 洗切同埋之後掉渣都係好鬼煩....

整小食你應該係 enjoy 咁去整, 我隔日用4粒鐘去整麵包俾大小早餐食, 但我從無覺係浪費時間, 蛋糕甜點小食也是隨時可以依心情去弄, 不要迫自己嘛 ~

既然你有打算重新分配時間, 那先祝你生活愉快~

p.s. 其實你老公唔係啱晒, 不過先解決你自身的困擾, 之後再慢慢引導他吧...他那句: 你要走快d走, 但轉頭自己湊唔掂小朋友就 call 你求救真不應該....不過都有可能係利用個小朋友過橋想搵番你....你自己老公你自己看著辦吧....係男人番到屋企都想要呢種夢幻畫面, 但佢自己又付出咗幾多呢?? 係咪搵幾個錢就大晒呢??

忍唔住都要嘈多句: 個老婆太辛苦發吓脾氣, 個仔扭計唔食飯, 個老公可以掉低碗話唔食飯....碗筷仲要老婆番屋企慢慢洗...極品啊極品....

私人傳訊

luckybaby2011

水晶宮

積分: 72641

49^#

發表於 17-5-25 13:45 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

You are not alone.我個仔要勁放電兼痴身、最辛苦唔係做、係身邊人唔體諒、其實女人好易氹、生活忙成咁兩公婆都無哂私人生活、遲d佢返半日會好d, 再點都抽d時間拍下拖輕鬆下啦、自己有返d私人空間透下氣

私人傳訊

SeaOtter

大宅

積分: 2079

50^#

發表於 17-5-25 13:56 |只看該作者

回覆樓主:

同意, 吸塵機械人加洗碗機! 你太focus on 小朋友, 其實佢已夠大要train 紀律, 咩叫落少次公園就唔得? 咁你有冇收好d 玩具先? 你今日唔收, 今日冇得落, 點喊都唔得

私人傳訊

tammy2008

水晶宮

積分: 50566

51^#

發表於 17-5-25 14:05 |只看該作者

SeaOtter 發表於 17-5-25 13:56
同意, 吸塵機械人加洗碗機! 你太focus on 小朋友, 其實佢已夠大要train 紀律, 咩叫落少次公園就唔得? 咁你 ...

對, 做媽媽要教導小朋友, 不是反被小朋友教導 ~

樓主, 遲d小朋友小學有很多教育講座, 多去聽聽

私人傳訊

小豬澄

珍珠宮

積分: 47485

畀面勳章環保接龍勳章

52^#

發表於 17-5-25 14:08 |只看該作者

其實你要試下調整個時間
我都做過ftm 不過我就唔多調合做
轉左我老公做ftb我就去番工
佢好嘆嫁仲可以陪個女訓午覺打機
因為家務我唔一定日日做
最近天氣唔好我儲幾日衫一次過洗之後我老公拿去乾衣店乾衣

公園唔會日日去
扭計就禁去爸爸話走就要走
我老公湊女方面好得反而我就唔得
個女完全唔會聽我話

樓主你要調整好時間有D野唔駛日日做
可以蛇到就蛇

私人傳訊

小豬澄

珍珠宮

積分: 47485

畀面勳章環保接龍勳章

53^#

發表於 17-5-25 14:13 |只看該作者

你要明白你係媽媽話事既係你而唔係個小朋友
我細女2歲佢要自己負責執玩具唔執就掉掉左就唔買
佢仲會幫手做家務（跟住我地尾送紙巾咁）
買餸不如試下整D可以食二日既咁就唔駛成日買日日落街咁
辦法總比困難多

私人傳訊

火火炎炎

大宅

積分: 1811

54^#

發表於 17-5-25 14:41 |只看該作者

ricky0223 發表於 17-5-25 10:50
好多謝你既意見，大家都係咁講，我諗要好認真諗下點改善，唔洗成日唔開心家嘈屋閉
可能我性格太 ...

本帖最後由火火炎炎於 17-5-25 14:44 編輯

睇下你老公幾窩心

會send 番whatsapp 氹你～
要好好珍惜呀～
做ftm係辛苦嘅，年中無休⋯但係老公番工養家都有壓力呢～大家互相體諒啦～
家務嘅嘢唔好逼得自己咁緊～同老公同仔仔多啲相處時間，個家都幸福啲溫暖啲呀～

私人傳訊

MsAudreyK

大宅

積分: 2527

55^#

發表於 17-5-25 14:43 |只看該作者

做人媽咪好明白當然想比最好嘅小朋友，希望所有食既野都落手落腳整，營養價值就當然好。不過如果媽咪長時間壓力大唔開心，只掛住整野食冇時間陪小朋友玩，小朋友都唔會開心。

不如你先放手唔好整咁多野食，整完又要洗真係人都癲。早餐可以食粟米片加奶或麵包，午餐所有餸放入電飯煲一煲搞掂，慳水慳力。

我係 FTM 1 湊 2，我好懶，每日只煮午餐同晚餐，1 星期煲 1 次湯飲2日，自家製食物1星期整 1-2次。逢星期六日或紅日放假，全日出街食唔煮。

你小朋友已經 2 歲，開始有自理能力，可以開始訓練下佢。

玩具：每次只准玩一種玩具，例如：玩完 Lego 要執返好先可以玩車仔。

食飯：由佢自己食，初初係地下鋪報紙，由佢食到週圍都係，之後再清潔，慢慢佢會有進步仲唔駛你餵。你咪可以一齊食飯。

戒片：2歲太細表達能力唔好又唔識忍，會週圍瀨。週圍瀨代表佢未 ready, 你壓力已咁大就佢著返片先，等返學老師幫佢戒。健康院話3歲先適合戒片。

落公園：早上安排靜態活動，如睇書，玩車/Lego，下午先帶佢去公園放電，仲要預早同佢講一陣 Timer 響就要返屋企，唔係聽日唔黎玩。Timer 對我既小朋友好有效，我一般5分鐘前會講定就走，一響鐘佢地唔會扭繼跟我走。

陪瞓：係咪會陪到小朋友瞓先出房？可以講明每晚只陪 30 分鐘，Timer 響要自己瞓因爲媽媽要做家務，初初應該會喊，慢慢訓練，之後就容易掌握時間，佢瞓左可以做家務。

做 FTM 壓力真係好大，懂得分配時間，唔好執著每日要整咁多野食，再訓練小朋友自理能力，食飯換衫著鞋最緊要，你會越來越舒服。我 2 個已上幼稚園，雖然只有半日時間，已經舒服好多，你捱多1年，小朋友3歲返學後會好好多，加油！

點評

siulam1222

發表於 17-5-26 23:36

私人傳訊

MsAudreyK

大宅

積分: 2527

56^#

發表於 17-5-25 14:56 |只看該作者

ricky0223 發表於 17-5-24 23:43
好認真睇左大家意見
1、c6幫手，基本上無可能，我肚痛係廁所耐左，個囝喊都會拍門叫我快d
2、減少工作量， ...

老公返左成日工都好攰，佢肯陪小朋友玩等我抖下，我已經心滿意足，我冇要求佢做家務。如果唔想請工人/鐘點，換床單，抺廁所廚房等星期六/日早上老公睇住小朋友先做，平時每晚只做基本清潔。太攰想抖下不如考慮開30分鐘兒童節目俾佢睇，等自己可以休息下。

私人傳訊

beebee67890

男爵府

積分: 9714

57^#

發表於 17-5-25 16:21 |只看該作者

回覆 ricky0223 的帖子

叻女，你之前執得太正，辛苦了自己，搞到自己日做夜做心情唔好，其實老公同亞仔多少都會受罪，慢慢調節好生活節奏，唔好逼得自己咁緊，一個星期有幾餐出外食食唔死的，另外真係要好好留意自己嘅情緒，比自己輕鬆番啲，有返多少自己嘅生活，你心情好咗，對屋企人寬容啲，我諗你老公寧願食幾餐味精餐都唔想成日見到你嬲爆爆，唔開心兼家嘈屋閉，洗碗機有隻牌子叫九陽，另外樂聲 TR1HECN都好細的,我自己用緊，不過我唔識影相放上來，另外吸塵機我用緊小米，掃地機就用緊 irobot

私人傳訊

beebee67890

男爵府

積分: 9714

58^#

發表於 17-5-25 16:34 |只看該作者

本帖最後由 beebee67890 於 17-5-25 16:41 編輯

tammy2008 發表於 17-5-25 13:34
我以前都係日日煲湯, 但而家懶了, 同埋覺煲湯好貴 ( 平平地都5-60, 滾湯唔計 ) 而且咁樣長時間煲, 到底仲 ...

咁又係，如果老公會體諒感覺係好好多，我老公會幫手照顧細佬同幫手多少家務的，不過有時都覺得佢做咗成日野，想要佢休息下，買咗啲家務放手之後，其他嘢我都盡量自己做返晒，等佢返嚟有時間休息同玩下自己啲玩具，自己感覺輕鬆左心情好啲，大家開心，我諗樓主呢排可能好暴躁連帶老公都好冇癮，所以佢都冇晒耐性一見到你發脾氣佢又發脾氣，樓主試吓由於自己改起或者老公見到都會改善同會多番啲體諒，唔好為咗家務同煮飯傷害一家人感情，唔值