吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 情緒病是否跟一世係唔會好架?

心聲留言今日: 0|主題: 17510

收藏本版

發帖

返回列表

跳至頁

樓主: 希爾達

1 234 5...17

積分: 686

41^#

發表於 13-4-13 02:56 |只看該作者

醫生同我講過，只有唔夠兩成人會完全康復，唔復發。
保持開朗心情，健康生活最緊要。

私人傳訊

strawberrywing

大宅

積分: 1276

42^#

發表於 13-4-13 15:15 |只看該作者

我都試過有抑鬱 , 食左半年藥,
其實真係要睇自己心態 , 諗法,
如果永遠都係諗埋一邊, 覺得自己唔好/做唔到,
就點都唔會好,真係要諗得好通先得,
我用既方法係只會記住所有野冇絕對, 唔係自殺就解決到問題 ,
只會令身邊人傷心, 有啲野唔到你去決定得唔得有定冇 ,
只可以揀自己想既路來行就得, 要講出聲 , 話俾人知你唔鐘意, 你唔想,
咁耐以來都冇嚴重病發過去到要食返藥!!!

我而家有左BB , 係初初有BB果時都有少許抑鬱病發,
但後來諗通左就冇食藥都自己好返, 直到而家都好小心自己情緒 ,
好怕有產後抑鬱......BTW , 我都唔想食藥去控制病情,
所以KEEP住自己心態係開心 , 樓主加油!!!

私人傳訊

chengyeelam

大宅

積分: 4166

43^#

發表於 13-4-13 22:08 |只看該作者

回覆 Kiwidonut 的帖子

會好,定時吃藥, 或可找宗教幫忙！

私人傳訊

希爾達

男爵府

積分: 9498

好媽媽勳章 BK Milk勳章

44^#

發表於 13-4-13 22:36 |只看該作者

回覆：愜意貓的帖子

非常多謝你的資訊,希望唔會影響你。
其實有冇那些渠道可以同情緒病患者一齊分享呢?你可以PM給我。

開心過每一天吧!

私人傳訊

愜意貓

複式洋房

積分: 163

45^#

發表於 13-4-14 00:15 |只看該作者

本帖最後由愜意貓於 13-4-14 19:03 編輯

回覆希爾達的帖子

放心喔！我是個爽直強悍的人，不會為這些人不快而亦沒影響。在病發後我一直有個心願，我希望有一天能站出來分享經歷，組織小組以過來人幫助患者，亦令對此病存着無知的見解或歧視的人理解更多病例，外國不把情緒病列入精神科，而歸類腦科，其實是腦內血清素比別人少甚至沒有，所以腦部管核情緒的那part失去了功效。

私人傳訊

stellaflyd

大宅

積分: 2086

46^#

發表於 13-4-14 02:23 |只看該作者

半過來人，廿幾歲，未結婚

我屋企自細經濟算富裕，父母係專業人士，家族有情緒病，包括表兄弟，佢地食緊藥。我病發係高考前後左右，嗰時日喊夜喊，坐係到可以無啦啦喊緊。試過突然好想死，但屋企低層跳唔到又有窗花。試過過馬路好想衝出去差啲做埋。試過曠課唔番學一日訓十五個鐘以上。番工讀書乜都無興趣淨坐，但點都唔開心。

我同屋企關係唔算好，佢地由細到大基本無講過句好話。我唔敢俾佢地知，因為我知一食藥就甩唔到，甚至食左藥會增加復發機會。佢地有懷疑，但一年後我慢慢好到，佢地當我嗰陣受高考打挫敗，但考前半年我已經係咁。

我試過好多方法，但心態的確最重要。我玩番我以前最鍾意玩嘅興趣，乜都唔唸。識過第班fd, 但最重要係有人肯一步一步幫自己，我真係好彩。我係個唔好嘅例子，因為我真係玩緊命，嗰時我真係覺得死同唔死都係等死，我唔識講，但最低潮嗰陣係唔會想求醫嫁。而家時不時都有個情緒小低潮，但我慢慢識調劑自己，同自己相處。

我食藥嘅親友無個甩到，但食藥又好多副作用。但食藥同唔食，有嗰啲基因嘅都係成世同呢啲病對抗，嗰小小機率只不過係數字。謹作參考。

私人傳訊

sweetieyuki

侯爵府

積分: 22284

47^#

發表於 13-4-15 01:34 |只看該作者

引用：如題!

原帖由 希爾達 於 13-04-09 發表
如題!

睇咩case

私人傳訊

bebu_jj

男爵府

積分: 6828

48^#

發表於 13-4-15 04:05 |只看該作者

回覆：情緒病是否跟一世係唔會好架

我都好想知……我食左藥1年多，岩岩自己停左藥約2星期。希望試下靠自己意志……但呢兩個禮拜都down down地

點評

希爾達您不要自己停藥呀! 發表於 13-4-15 12:48

私人傳訊

CKMUMMY

男爵府

積分: 5619

49^#

發表於 13-4-15 06:01 |只看該作者

引用：如題!

原帖由 希爾達 於 13-04-09 發表
如題!

我病了6年好了八成（還在覆診）but現在比從前好多了！樂觀了，心放開了！
其實，一切在乎你是否能夠放下心中的擔子継續往前走。
我已經放下心中擔子未完全康復可能因為我有一個特別的孩子（輕微自閉兒）所以比其他母親多一點憂慮及壓力。

有信心一定會康復的，加油！

私人傳訊

mini122

伯爵府

積分: 15762

50^#

發表於 13-4-15 08:40 |只看該作者

我想問下呢度的過來人。
你地有冇覺得如果有情緒病，例如抑鬱咁，其實有工返會好過冇工返，日日坐响屋企仲容易諗埋一邊，反而有野做可以分散一D注意力?
我之前有一段時間冇做野搞到抑鬱，醫生同我講十個抑鬱九個有做野嘅都好得返，剩低果一個冇做野嘅就好唔番。

我而家有返工，有時放假一個人就會好多野諗，又生活永遠都有野担心，無論大小事，返左工，就會專注做野，無時間去担心呢樣担心果樣。

有冇人可以分享下?

私人傳訊

stephanieching

大宅

積分: 4060

51^#

發表於 13-4-15 09:26 |只看該作者

我想我也是正受情緒病困擾, 我家族有幾位親人都有不同情度之情神病, 我自己兩位妹妹都要看醫生, 食藥 (不過病情較輕), 所以我是高危族, 我近幾年時常會感不開心, 好煩, 尤其是工作上有位同事入侵性好強, 我時常都覺得被她監視一舉一動, 我做什麼說什麼她也要加一腳管我(不知我有病還是她有病, 現在同她反面, 閒話也不說一句, 她亦不再管我, 但見到她聴到她聲音也覺煩) 另外, 家庭上因6299其他仔囡無人理, 我好怕6299會來我家, 要時刻防避, 總知我時常覺得週圍人不好, 好煩, 現在我只想安安靜靜避開其他人(家人除外), 我有想過看醫生不過怕食藥, 因份工要高度集中精神和要好記性, 怕食藥影响, 之前真的很辛苦, 其實客觀來說我應該好開心, 有兩個囡, 完整家庭, 老板又好, 經濟上無問題, 但就是否開心, 會時常不停想不好的東西, 不過近排開始接觸佛學, 好像有幫助, 個人無咁多其他嘢想, 心境平靜好多 , 但試過停看一排, 我的思絮又開始混亂想東想西 ! 我現在希望多些時間看佛經, 追求心境平靜

私人傳訊

mini122

伯爵府

積分: 15762

52^#

發表於 13-4-15 09:39 |只看該作者

stephanieching 發表於 13-4-15 09:26
我想我也是正受情緒病困擾, 我家族有幾位親人都有不同情度之情神病, 我自己兩位妹妹都要看醫生, 食藥 (不過 ...

我相信睇佛經是好的，道理教人放下、放開、無我，人也就不在執著，既然你覺得看佛經對你有幫助，那就索性將那變成習慣吧，每天都看，心境應該可以保持平靜。

你有個好老闆已經好難得，一兩個同事的交惡就算吧

私人傳訊

stephanieching

大宅

積分: 4060

53^#

發表於 13-4-15 10:01 |只看該作者

我覺得我同事都是引發我不開心的主要原因, 只是她不上班, 我不用返工我就開心好多, 相反我一見到她人就覺好煩, 我覺得她也有病, 正常人會否這麼喜歡管人家的事, 未同她反面前, 她可以不問我就攪我電腦, 搶我電話, 攪我櫃筒, 要知道我做的任何事任何進展都要話比她知, 總知在她眼中我所有嘢都屬於她管轄, 包括我的私人物件 , 我被她煩了好多年, 現在同她保持距離, 一句閒話也不說, 但我有時也覺得她在監視我一舉一動, 大家都有病 !

私人傳訊

VCMS

男爵府

積分: 5989

BK Milk勳章

54^#

發表於 13-4-15 15:07 |只看該作者

回覆希爾達的帖子

其實除左我妹妹外，我都曾經有段日子懷疑有驚恐症，那年公司有個經理搞辦公室政治，想趕走一D 唔係佢派別嘅人，而我就係其中一個佢想趕走嘅人，當時佢做左好多事令我唔開心，日日放工以淚洗臉，而我又因經濟問題唔可以辭職，跟住就段時間只係返工放工，朋友聚會我都搵籍口唔出去，放假落街同老公去食野，都一食完就要返屋企，邊度都唔想去又怕去，坐喺茶餐廳食野又覺得有人望住自己同有人會害自己，老公知道我有時但唔敢講，係後來慢慢發覺一直落去唔多妥，差不多三、四個月後自己突然改變，開始放鬆自己，慢慢就康復了，冇睇過醫生，之後就明白只靠醫生同藥物未必係最好，家人嘅支持同自救才是最關鍵

點評

希爾達您好叻呀! 發表於 13-4-15 18:29

私人傳訊

ckwcc1207

大宅

積分: 1324

55^#

發表於 13-4-15 15:28 |只看該作者

don't worries, if you can keeep positive thinking, your sick must be recover, add oil

敢於創新, 喜歡挑戰的媽媽

私人傳訊

chung_chang

禁止訪問

積分: 69

56^#

發表於 13-4-15 16:14 |只看該作者

提示: 作者被禁止或刪除內容自動屏蔽

私人傳訊

VCMS

男爵府

積分: 5989

BK Milk勳章

57^#

發表於 13-4-16 09:26 |只看該作者

無論係什麼病，只要樂觀面對同想法正面，自然就找到解決辦法，最緊要唔好再招呼負面情緒，凡事先諗好嘅一面，唔好諗唔好嘅一面

好似有時我個妹會話錢唔夠用，好多開支，我就對佢講：『但你有個愛鍚你嘅老公同三個咁聽話嘅小朋友，呢D 唔係福氣又叫咩呢？』佢聽完都感安慰。

冇錯，每一個地方都生活艱苦，唔苦就唔會知甜係咩味，有時我都會有唔開心一刻，我會選擇食朱古力、甜點或者自己喜歡的食物來開解自己

私人傳訊

mini122

伯爵府

積分: 15762

58^#

發表於 13-4-16 09:41 |只看該作者

VCMS 發表於 13-4-15 15:07
回覆希爾達的帖子

其實除左我妹妹外，我都曾經有段日子懷疑有驚恐症，那年公司有個經理搞辦公室政治，想 ...

好想問下妳係點樣開始突然改變，點樣開始識得放鬆自己? 咩野另你諗通嘅呢?

私人傳訊

VCMS

男爵府

積分: 5989

BK Milk勳章

59^#

發表於 13-4-16 11:23 |只看該作者

回覆 mini122 的帖子

我之前成日鬧個女，少少事就鬧，有時自己控制唔到情緒，最初老公以為我脾條暴燥，當時阿女又正值學校生活唔愉快，之後放工日日對住老公喊又唔想返工，即使星期六、日唔洗返工都只想喺屋企瞓覺，唔想出街唔想同其他人講野，老公拉我落街食野都只係去平時去慣嗰間茶餐廳，遠少少都唔想去，仲要一食完就要即刻返屋企，係返到屋企先覺得有安全感

呢個情況持續左三、四個月，自己一直都覺唔妥但冇去正視自己情緒，有次阿女問我出唔出街，佢好耐冇出街，我聽左先肯去面對自己情緒問題，後來有一日落街食野，又係嗰間茶餐廳，一坐低就對自己講，要鎮靜，呢度冇人識我冇人想害我，跟住我喺茶餐廳慢慢抬起頭望其他人，之後食完叫老公陪我行一陣，回家當晚先問老公有冇發覺我好似有驚恐症，佢先答我係，不過佢唔想刺激我先唔對我講，但佢呢段日子就好順從我，我話唔想落街佢冇迫我，我喊佢安慰我，即使阿女埋怨冇街去，老公寧願自己一個同阿女去超市買零食都唔會俾說話我聽

我阿媽都唔知，嗰幾個月我連娘家都唔想返，最終都係我老公對我嘅愛護同體諒，令到我知道唔可以俾自己一直係咁，唔可以惡化，好快就回復正常，唔再怕落街同見人，不過脾氣就暴燥左，後來老公建議去行山，咁行多左個人真係會開心D，當你喺山頂望落去，覺得自己細小如塵，心靈都會豁達左，所以之後我都對自己講，世上冇野係解決唔到，只有唔肯去解決問題嘅人

其實都市人邊個唔會因壓力而出現情緒問題呀，問題天天都多，唯有搵辦法去面對同接受，有時情緒病發作時，身邊人應該體諒及給予關懷，最重要唔好喺當事人面前提佢有情緒病，真係一切要樂觀面對，才可以走出陰霾，世上無難事，只怕有心人，成為左我嘅格言

大家一齊努力啦