我又吾覺得你妹妹教法有問題喎!若然你個妹個仔又係有學障或者有讀寫障礙既話...因為呢類小朋友認字既方式真係吾同我地一般正常人架!例如我朋友個仔咁,去到九歲至證實佢有讀寫障礙,A-Z都認吾到全部,又係餐餐食蛋默吾到書,最後個治療師要用字母既形狀去形容俾佢知教佢去認,咁佢先至知個'I'字就係好似兩隻手拉住條繩咁...家下讀到中學,佢都仍然對英文有困難,好似就咁串CAR,亞媽讀左幾次俾佢知係C-A-R CAR, 佢都仲係聽/睇成係CRA CAR/CUR CAR...我朋友個仔自己都吾想,嗰D問題已經關個腦接收問題既事,而吾係個小朋友蠢或者懶(我朋友個仔好好好乖仔架!好斯文又聽話),淨係响小學讀名校時因為咁既困難而識吾到朋友(同學),老師又話佢,校長又吾幫佢,搞到個小朋友日日番到屋企哩响間房喊...你話,有邊個為人父母吾係想自己小朋友係叻仔先得架!你估教仔讀書真係好舒服好似玩咩...無可能囉! 
緊係嚇窒我個仔啦!我都俾我大佬嚇左一跳!跟住我即刻禁住我大佬,用手勢示意叫我大佬收聲吾好再講,然後我再tum個仔埋位寫字,但個仔已經嚇到呆呆地咁飄番埋位坐低寫字,跟住咩症狀都出哂黎囉!極度無專注力,坐响樹都可以發夢!我係咁叫個仔專心d寫字,個仔呢頭話得,嗰頭未夠半秒又是飄左吾知去邊吾知諗乜,唉...咁我咪俾個目標個仔,等個仔可以專心番快d寫完囉!我同個仔講(都吾細聲,我大佬係聽到我講乜,但我吾係惡,而係tum個仔):"嗱,J仔你快D寫埋D字佢先,舅父媽咪公公都响樹等埋你至一齊落街食飯,你快D寫完,食完飯可以番上黎打機同埋玩玩具!"跟住個仔即刻醒神哂好開心話:"好!"跟住已經好左一大半,明顯寫快左同埋D字又似樣番無咁樣衰...
點知我大佬等吾夠十五分鐘就好大聲好寸咁同我講(當住我個仔面前):"我無你咁好耐性呀!(fing埋手,個樣吾笑勁寸!)我去食飯先!"跟住我同我老豆都O哂咀啦!連我平時最扭計最吾理人感受既老豆,都忍吾住開聲話:"不如等埋J仔寫完先啦!"跟住我大佬都係好寸咁話吾等,拉埋我老豆走添!一閂門,J仔即刻忍吾住喊得好傷心囉!邊喊邊話:"舅父吾等我~~~!!!"我真係嬲到爆燈囉!搞到J仔傷心失望之餘,仲要無啦啦搞到我守吾到信用(係我應承個仔話舅父會等埋佢至一齊落街食野嘛!)!!!跟住原本十零分鐘內可以完成既抄寫,我個仔喊住咁寫左成粒鐘囉!仲要係越寫越吾係路,D字樣衰不但只,仲要係咁倒轉黎寫/勁漏筆劃,明明之前寫岩左幾次,之後竟然係咁寫錯,我係咁擦佢,佢都吾知自己寫錯D乜,仲喊得仲傷心咁問我:"做乜係咁擦我D字呀~~~!!!我吾知寫錯D乜呀~~~~!!",早一年既症狀咩都番哂黎!我嗰刻真係同個仔一齊癲,佢有佢响樹係咁寫衰D字係咁喊,我有我响樹忍吾住大聲咁叫!!!跟住個仔叫做寫完D字,我嬲到諗住拉個仔番屋企,吾俾個仔留响公公度訓,但個仔都係話仲想同舅父公公一齊食飯!無耐我老豆都見我地咁耐吾見人忍吾住打黎問我,我至死死地話黎,無耐我大佬又是知衰咁款,扮哂無野嬉皮笑臉咁打黎叫我做家姐,又問我地去到邊,我又是心軟,又嬲吾耐佢,咪話黎緊,拿拿聲去到餐廳囉!但我都仲係無哂MOOD,我老豆叫我再叫多D野食(佢地兩父子已經食飽哂),我都話吾駛,我同個仔求其食埋佢兩父子食剩D飯同湯就算(查實都係J仔食,我無乜點食,食吾落...已經嬲飽左)...你話,比着你激死吾激死吖...chinatea 寫道:
jay媽,,我睇完哂啦呢個topic.其實我都試過做左你大佬個位置,因為局外人所以企左係個另一位置去睇人地d野.
平心靜氣你企係你大佬果道睇就會明白大家個角度問題啦.
我契妹教仔做功課同幫佢默書就係咁:拿你先睇下條題目啦...(叫個仔講啦...講左4次都講唔到)亞媽就話:呢叫你填字呀..之後句句本來叫個仔講...到最後就話:填咩呀...係咪填呢個呀....功課就係咁做完.
默英文:假如:apple咁佢亞媽就會:a 之後係咩呀....哩...跟住兩個一樣架...
個仔跟本年年考第尾,我同佢補習同佢默書佢話我:大姨媽你要講個字咩形狀我先識架,佢一個小學轉左3間學校老師話佢次次唔肯默書,攪佢唔掂.
我同個妹嘈左幾次叫佢唔好咁教仔,就係試過反哂面,不過轉一次校佢就驚一次,真係轉左去村校13歲先小學畢業.
所以大家教小朋友個方法都唔同,不過你諗下佢提得出來會唔會你都有d教法唔岩啦,可以停一停諗一諗好的提議咪聽下啦,唔洗為小朋友勞氣,係咪.
<br><br> 唉...查實真係吾好干涉人地d家事架,even係自己屋企人,因為大家已經有自己既家庭,又吾係一齊住,你好難真係完全理解同明白人地既境況同感受架!我大佬家下卅幾都仲未結婚,女朋友又無,無計架...佢份人太主觀喇!我吾會覺得你會好rude咁話佢女朋友點點點,佢係好鍚女友嗰庭人黎,不過就係吾識得理下人感受囉!有時佢認為咁樣做係岩,人地未必覺得係嘛,一吾跟佢做,佢又同你拗又黑口面,覺得人地吾岩...佢永遠都吾明白每件事吾係淨係得一個方法解決架!諗野永遠諗死一條路黎行,所以就算佢無發作,同佢一齊好自然會好有壓迫感好有壓力... chinatea 寫道:
了解哂,不過我妹個仔唔同你j仔,而係我妹個人好冇耐性同埋佢個大女(呢個不男不女的所謂家姊)就同你大佬好襯啦,一個模倒出來,兩姊弟同母異父相差12年.
我妹個人有得食有牌打就得架啦,佢次次好努力去陪仔做功課係想快d攪掂就去耍樂,教仔溫書係做比老公睇等向老公交代.
但日日比學校見家長真係多過食飯,轉左3次校我妹叫我幫佢補習,佢係我道補到考試果次38人考30,老師話有進步送左枝筆比佢,之後佢明顯好左架.不過有次佢個家姊返來偷左佢亞爸個電話去賣,佢亞媽,亞爸,家姊差d大打出手.
佢叫我上去救佢,我見佢好驚面都青埋,係咁自說自話,之後佢又唔肯讀書,佢時時同我講:我癈物來架,我冇用架啦,亞媽話起碼讀完個小學去街邊賣野啦...
我同個妹講小朋友心靈好弱加上家庭關係會對佢學習同身心都好大影響,我妹話唔係點教呀,冇得教架啦,等佢快d夠高讀唔上咪做街邊啦.
聽左真係心都實,不過最後轉去D村校因為人小一班得8個人咁d老師好耐性開解佢,因為前年殺校佢就上左天水圍d學校,初初佢都驚,不過村校d老師幫佢,今年上左F.1.
小朋友真係要鼓勵而唔係打鬧強迫架,你大佬唔知結左婚未有冇小朋友比佢教呢?
咁我又吾係太覺得教小朋友係一件苦差黎既...只要無傍人指指點點,係咪都走黎干涉影响我地,我覺得ok囉...始終我個仔都幾聽教,至少我呢年都吾駛點勞氣,係社交同學習上既野要我擔心d啫... 噚晚中秋我個仔又出事...事後我都知衰既,知個仔有過度活躍,係吾應該俾佢出席d咁多人既聚會,佢噚晚又是high過龍失左控,做埋d平時佢吾會做既事,一腳伸左去我朋友個囝囝個肚度,搞到朋友個仔個肚仔瘀哂~~~~朋友個仔又痛又嬲左我地好耐...我教完個仔,人地小朋友話吾原諒佢仲要潤佢,佢又老羞成怒係咁回咀同人地嘈...我都O哂咀(生個仔咁耐第一次見到佢竟然識得同人嘈交...)...真係吾知點好...又覺尷尬又覺得吾好意思又有D DOWN,我今日成日都無心機,我都忍吾住同個仔講,我話佢咁樣一腳伸人地,吾止伸走佢個新小朋友仔,仲伸走埋媽咪D好朋友...個仔又是喊住咁話對吾住又話佢以後吾會再郁手郁腳...唉...我都無MOOD,我叫佢依家吾好應承我D乜,我叫佢往後既日子用事實證明番俾我睇佢真係吾會再咁樣做...我只可以咁同佢講,否則真係吾知點教佢,吾通真係要我打鑊個仔咩...始終我吾BUY以暴易暴呢庭方法... mclam 寫道:
唉! 我覺得教小朋友係一件苦事, 聽你講都好d, 最敝成日唔聽你講, 自己有自己做, 最後又要幫佢執手尾先死!!
<br><br> 但實情呢個世上吾係淨止得佢一個人有大壓力囉!如果有壓力就可以亂咁講野去影响其他人,咁呢個世界仲得了既?咁我都好大壓力啦,咁又代吾代表我又可以咁做去傷害人自尊心/自信心???
相信J仔响曳响陣俾我打時都只係俾足戲我喊兩句咁啫~~~!!! 基本上依家J仔真係好好教,佢太識得睇人眉頭眼額喇,有好多時我吾需要鬧佢吾需要開聲,就咁俾個吾開心/不滿樣佢睇,佢已經知衰,猛咁同我道歉又求我原諒佢,我多數都只係同佢好似傾計咁講下道理,要求佢回答我既問題,佢就已經OK...不過呢次佢突然咁踢我朋友個仔,我真係好愕然,無諗過佢會咁...所以我吾多吾少都會擔心同無心機既...希望佢真係做得到,真係無下次啦... chinatea 寫道:
jay媽你做得對,我都從來唔打小朋友,我多數比1.2.3好停啦咁叫d女,話唔停就打死你,我細女問我:亞媽點解要打死人呀.
我話:你亞媽由細比亞婆打大架啦,好似你地咁好彩未被人打過咩.
細女果時3年班,佢話:你係咪好憎亞媽打你呀所以你打返我地發洩呀.咁即係記仇啦.
當小朋友頑皮做錯野你打佢,佢可能唔知為咩比人打,痛完就好似冇事,父母有時打開就好似以為有效,其實真係會記仇架.
j仔果次之後對舅父有咩態度呀?會唔會見到舅父有介心呀?其實你亞哥都幾大男人幾自我小d比個仔遇到佢啦.
<br><br> 查實我絕對吾認為嗰d係一種病黎,因為自閉/過度活躍/動作協調障礙/學習障礙係差吾多係人都有,只係咁岩J仔係咩都踩界咩都有,真係會影响到佢成長,所以我至要咁正面去幫佢啫!講真,出面有好多人地話小朋友口水多/曳,有好多時嗰D細路本身有過度活躍特徵架!有D人成日跌親撞親,我地話呢D人論盡,但實情家下D治療師會稱呼呢D為"動作協調障礙"(呢個名94年至有條友安上去...將D論盡既人歸類),D人讀書吾叻,讀到天光都可以考試成績差俾你睇,我地會話呢班友仔蠢/懶/無鬼用,但實情家下咪又係話呢D係學習障礙/讀寫障礙!所以查實呢D吾係病黎,每個人都有長短,無人係完美,只係有D人有嗰D特徵多D,有D人有嗰D特徵少D,睇你去吾去搵野矯正去幫助自己/小朋友而已.chinatea 寫道:
jay媽可能你比較年輕就遇上個仔有咁問題,同埋你肯行出來接受j仔個病,講真有好多父母唔肯面對自己仔女有病的現實咁自己又辛苦個小朋友又得唔到正面幫助倒頭來害左大家.
我契妹本身係混血兒來(英.中)因為父母長期飲酒所以就影響左佢個智商,佢唔係low B醫生話酒精令佢思維接受比人有小小時差者,但諗唔到會遺傳比個仔,佢個仔一切好正常但就口齒唔清晰,所以佢唔敢同人打交道,後來接受左一個訓練就幫左佢,就係學唇語因為佢聽人講野集中唔到,人地講得快佢聽唔哂咁就過左啦.
我女話外國好多d咁例所以就去學,之後佢一聽到人講野就睇人個口講咩咁就跟到人做啦,我妹一直唔比人知佢個仔係咁,個家姊時時鬧個細路白痴仔,所以令佢更加冇信心,而家解決左呢個問題個小朋友開心左好多但講野都係好急好快要聽多幾次啦.
j仔來講佢而家都識睇你變臉佢進步左好多啦,今次佢出腳個行為之後你打算點去幫佢解決呢?會唔會因為動作快過腦諗野就出現咁行為呢?
頭先我兩公婆都帶左J仔出街玩,我地都觀察左佢成日,又發現佢同平時一樣,無乜野喎!又無郁手郁腳,仲識得叫其他小朋友吾好玩得咁粗魯又叫班小朋友要聽媽咪話(咁岩有個人地亞媽叫個仔玩得輕手D...),响百貨公司玩具部同班小朋友玩個爆龍戰隊電動組合玩具成個幾鐘都OK喎!又無同人爭玩具,想玩小朋友嗰舊玩具又識得先向人提議:"不如交換黎玩啦!"又吾會直接搶,見有其他細過佢既弟弟埋黎玩,佢又識得讓D玩具出黎俾人玩,遇到D野蠻哥哥搵玩具打佢,佢都頂多係好不滿同人地講:"哼!你咁粗魯!我吾同你玩呀!"淨係咁....;之後去到公園玩左兩粒鐘,公園裡面有成十幾個小朋友,全程我個仔都無打過人,頂多都係得把口話人...今日我同老公觀察個仔(我地坐遠遠睇住佢點玩,無埋牙干涉佢(我都只係响百貨公司度提一提個仔叫佢吾好玩得咁大力...),我地都覺得個仔同平時一樣無咩問題... ?-( 我都RR地頭,我老公就覺得個仔係有人撩佢玩打交,佢以為可以咁打,玩得粗魯同HIGH得滯至會整到人;而我就覺得嗰晚查實我地都做得吾好,應該全程跟實個仔,至少當件事發生左,我地都有眼睇到個事實,咁我地至知點樣教個仔...因為嗰晚個仔踢跌我朋友個仔,我同老公係吾在場無親眼見到,我地只係單憑一個大人同兩個細路(我個仔同朋友個仔)既口供黎斷估...我個仔話因為朋友個仔扮老虎嚇佢,佢驚得滯至會起腳踢...呢樣我反而信我個仔多D... 因為如果屬實,個仔真係有哂亞媽我呢個遺傳...我細個又係成日俾我大佬搵野嚇我,我次次都係明知係玩但太突然又真係驚情況下一個反射動作伸我大佬一腳,又係踢到我大佬好痛好嬲,跟住我既下場都係要企定俾我大佬兜野伸番腳响肚度,痛到呼吸困難又吾俾喊(你知細路仔做大佬係幾咁蠻架啦!)!但係就算次次因為我既反射動作受到如此痛苦既懲罰,到下一次又俾大佬咁嚇法,我又是驚到緊張到好大力伸佢一腳想佢走開... 唉...好吾遺傳竟然傳到呢種咁吾好既特質俾個仔都有...惟有下次吾好再約朋友去D咁大既公園,以後囝囝同朋友D仔女玩,我都要做保標(係保護我朋友D仔女...)跟實J仔先...至少自己對眼見到,就算禁吾切又中奬,個仔真係衰左真係無得怪人嘛! 不過我始終都要向J仔治療師匯報,睇下治療師會吾會有D咩好方法可以救到J仔/我朋友D仔女.... 個仔讀書吾叻吾緊要,一見佢整痛小朋友就真係頭都痛埋!!!! :-( :-( :-(
C火啦!越諗越覺得自己唔妥當呀!查實我真係應該一早決絕D拒絕參加呢個GATHERING架!自己又衰對個仔滿懷信心,以為個仔依家一定吾會出事,自己又吾跟實D個仔,家下真係出事喇!有D擔心朋友個仔添!呢兩日我朋友都無搵我,吾知會吾會嬲左我同J仔呢...我老公話我朋友吾會咁小器...但係講真,比着我個仔俾人踢成咁,我都會好肉痛囉....!!!!唉...我又吾敢主動搵我朋友,驚我朋友真係嬲/吾開心,吾想聽到我電話...C火...家下輪到我衰左...!!!
<br><br> 我都吾知呀..我個仔就係遺傳左我呢D吾好既野,吾識社交...一有問題發生,吾理大事定小事我都慌到自卑,尤其個仔以前由兩歲到六歲都係因為打人/控制吾到自己言行,搞到我成日俾人指指點點,個仔六歲半升到小一見佢無再打人以為咩事都無啦!一天都光哂啦!點知家下又俾我遇到同樣既問題...仲要係自己好朋友個仔黎添!唉...!!我已經主動同佢道歉(我用文字),但係收吾到佢回覆,可能佢都仲吾開心緊... 我個仔又衰單純,諗都吾諗就追住人地亞妹黎鍚,結果搞到個妹妹仔喊,人地老豆知係班仔做既'好事',所以都係笑笑口咁無怪我個仔,事後我同老公都解釋番俾J仔知,除左爸爸媽咪,其他人都吾可以鍚鍚,我個仔仲一面無知好驚奇咁問:"點解吾係爸爸媽咪嗰D吾可以鍚佢地?" 
我都差D暈低!但都解釋左俾佢知,佢都話明白...或者我再留意埋佢學校嗰邊啦,我諗又係時候要捉住個班主任問亞仔平日既情況,雖則開左學咁耐老師都無話個仔曳/打人,但都有D同學話我個仔打佢地,我因為上年既教訓(上年我就係俾D同學向我投訴同我講,結果野埋D大話精番黎,煩足我大半年...),我今年一開波一聽到D同學仔咁講,我都話吾聽,我要求佢地直接向老師投訴,叫老師直接同我講,睇黎我又係時候主動接觸老師LU... chinatea 寫道:
咁呢件事上面又唔係真係好大件都朋友都冇得做,咁你打個電話問候一下有時主動做好易化解,你一味自己諗自己驚不如行出一步,你朋友咁大個人唔會小氣掛,反而你唔出聲當冇野佢可能真係會嬲law.
其實小朋友有時d行為一個人未必做到出來,一定係有外來動作佢先會配合,打交都要兩個一齊先打得架,唔同自己打自己咩,人個本能點都係第一時間幫左被打個果先架啦,反而我覺得你唔需要太逃避呢d活動,你又留意下佢面對一大堆人同一小堆人時的行動可能你仲會發掘到佢係邊d時間個情緒會大變多d咁可能你諗到更好方法幫個仔啦.
你都要比d時間自己放鬆下,你提起學習困難問題其實我都係有咁問題,我記唔到7位以上的數目所以計唔到數,原來係遺傳架,只傳女喎,我由細就記唔到電話號碼架,一多小小數字就入唔到腦.
<br><br> 頭先同我朋友傾番電話,我都喊到豬頭咁啦!個仔搞到咁...真係好吾開心架!所以我都話,個仔讀書吾成吾緊要,至緊要識得做人.chinatea 寫道:
j仔一路大一路會改變架啦,佢好快就會識自己控制架啦,因為你肯擺時間陪佢同解釋比佢知,呢樣你好難得比咁多心機落去,你都好辛苦.
而家d人最近呢10年先話留意到咁多問題出來者,我果時段又唔同你啦,我地果時讀書一讀唔上就細細個去做野者,你個段時間讀唔上就真係有壓力,我記得冇辦法計數次次冇考數學咁就冇學校收,唯有搵人補習(以前都興係屋企搵人教)同讀夜校,我果時只讀中英兩科,到而家人老啦電話號碼越來越記唔到,有時屋企電話都講唔出,真係幾煩.
<br><br>chinatea 寫道:
唉...呢兩日同你傾左咁多,了解左你其實你咁緊張都係比呢d無形壓力害成咁,有時d屋企人大家比來比去果種壓力真係大過街外人架.
我亞媽都係咁人,一味叫我大佬要入大學,入左又話要搵個門當户對女仔先好娶,之後又人有樓又要買,人有咩就自己都要跟,移民喎又要攪....到而家我大佬50歲人咩都冇咪就係成世要同人比同人鬥,就係咁d性格開始變態咁,講野又串又唔留情,攪到自己神憎鬼厭咁,而家一個人收埋自己架,冇社交架.
又係同你大佬咁做d野出來好地地架都攪到氣紛衰哂自安樂,所以呢幾年都冇來往啦怕左佢law.
你同朋友終於都冇野啦你唔好再擺係心道啦,以後大家再約就提多J仔,佢果日都係冇心一時亂左陣腳者,你都放鬆下自己啦.
嘩!咁你大佬做人都做得幾辛苦喎!講真做人下下都要同人比較,仲要吾抵得人地好過自己,查實係好搵自己笨架!我夠羨慕李嘉誠咁大把錢啦,但呢D無得求吖嘛!所以你大佬諗吾通,都幾登佢慘架! chinatea 寫道:
我大佬個脾氣都係亞媽縱成,到40歲佢見到同學朋友一個個有家庭有小朋友得佢咩都冇個性格就變到好憎你地d人咩都有,整整下提都唔得,有錢就不斷去買野,不斷去食野,總之越來越怪,我亞媽又係架,小小野就話係你面前跳樓等你成世唔安樂,真係對住佢地都冇咁好氣.
<br><br>
發表於 
返回列表
