心聲留言

跳至

首頁
12345...7

尾頁
   0


男爵府

積分: 5993


發表於 06-10-3 22:09 |顯示全部帖子

透完氣...吹吹水~~~~借個位黎廢UP下...(傾傾下變左傾計TOPIC添!各位主妹入雷傾下計啦! :-) )

:-( 明明今晚只係一個簡單既晚飯,本來我好開心好期待咁去同大佬同埋我老豆食飯...就係我衰响餐廳度教仔做數學功課...咁就搞到咁既下場...

明明大家都知我個仔係有學習障礙等問題,明知個治療師都話我個仔邏輯吾好,係會連十以內既加減數同埋認字解題都吾可以做到...我已經好有耐心去教個仔,亦俾哂機會個仔自己去諗答案同動筆寫字,亞仔又好乖咁去做,亞仔只係向我撒嬌一下而已,竟換來我大佬一句:"(同我個仔講)你睇你媽咪幫你做哂d功課"我覺得吾認同,亦吾想因為呢一句而傷害/影响到個仔(個治療師已經講明,我個仔學吾學到野,好關佢情緒問題,情緒吾好,佢就會學吾到野會失控...我個仔有過度活躍專注力不足症同自閉傾向)...咁我都好好地講:"梗係吾係啦,全程都係J仔自己諗同寫答案上去,連貼貼紙都係佢自己黎,我完全無幫手,我只係在旁教佢認字咋!"跟住我大佬竟然得左句話我:"你吾好講大話呃自己啦!...你想呃你自己,我都無辦法!"跟住我好興,覺得佢只係睇左少少就妄下判斷,亦覺得佢屈我!我都吾係呢D'呃自己'既人!咁我同佢理論,佢越講越惡,跟住又係講話:"你想搵野呃自己覺得自己好過D咪繼續囉!"跟住佢手電响要傾電話,我嗰刻忍住委屈既眼淚(查實已經變左聲,係人都知我好想喊/已經喊)問我老豆:"我咁樣做真係呃緊自己咩..."跟住我老豆無言無回應...然後我為左唔好搞寸個PARTY,吾想因為我而搞到氣氛吾好而強忍自己眼淚,迫自己笑番,係咁望住個仔同個仔玩,之後扮哂無野咁同我大佬同老豆傾閒計...成餐飯我只係食左吾夠半碗飯囉...我大佬之後可能知衰,問我做乜今餐食咁少野...我又差D想喊(好想同佢講因為佢咁誤會我係D鐘意'呃自己'既人),但我都係扮哂眼訓打幾個喊怒咁話係我今日吾夠訓好攰所以吾肚餓...跟住大家又是無言,無耐大家都催住咁走,結果呢一餐飯,我地八點去,八點五十分各自撘車走人...

撘車嗰陣我有幾次都差D忍吾住想喊,但係又吾想肉酸,一路扮哂攰咁望住個仔同個仔玩,番到屋企,沖完涼,家下坐响電腦度,我就忍吾住喊出黎...查實只係想有個人了解自己,就算吾了解都吾會成日誤會自己真係咁難?開始又覺得自己真係一條廢柴,係件垃圾,連死都無得死,因為仲有個仔,係個仔真真正正俾我覺得我响呢個世上仲有D作用,萬一我死左,個仔真係會好可憐,無奈我做左廿幾年人,由四歲六歲十一歲直到依家廿八九歲,我都覺得自己吾適合做人,吾死都無用,,,但勉強生存响呢個世上,我係一件廢物,阻頭阻勢,想自私D想自己生活得好D又吾得,窮到家用越黎越少(家下每月二千),仲要每個月丟低自尊成隻死狗咁問我大佬借錢讀書過活...(當然,有得番工既話我都吾會問佢借錢...)...

我頭先有突然諗起'女王的教室'個女主角講既說話,吾需要求得到別人既認同...我覺得好有道理架...我成日都係咁去安慰人...但係事情發生响我身上,真係好難受...究竟幾時我至可以做到呢個境界...我真係吾知道...

講哂出黎又喊完...舒服好多喇...
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


男爵府

積分: 7337

2019新春慶豚圓 2019勳章


發表於 06-10-4 01:22 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

JAY媽你要努力同堅強呀!!!
今日你嘅付出,他日必定有回報架,唔好灰心呀,我支持你呀!!!!


男爵府

積分: 5993


發表於 06-10-4 01:28 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

查實都似乎係小事一樁....無奈我就係吾知點解可以咁難過!喊到頭都痛埋,家下喊到失眠...我都吾知自己做乜野...我吾想再喊喇..但係又停吾到...個心好吾舒服好難過... :cry: :cry: :cry:
TAKTAKB 寫道:
JAY媽你要努力同堅強呀!!!
今日你嘅付出,他日必定有回報架,唔好灰心呀,我支持你呀!!!!
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


男爵府

積分: 5993


發表於 06-10-4 08:58 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

我呢個又係做人亞媽既真係吾死都無用!我都希望個仔健健康康正正常常,無奈我個仔乜問題都有,自己俾足心機湊換黎既評語竟然係話我响樹呃緊自己...雖然只係一句說話,好小事,自己覺得自己吾係咪得囉!但係此句評語出自自己親人把口,個心情簡直同俾人屈我係賊話我偷錢無異...噚晚自己白白痴痴傷心喊到失眠,屋企隻佬呼呼入睡完全吾知我吾開心...哈...真係好想笑出黎(笑下自己)~!!!...算啦,亞仔一日响樹需要我去照顧,我一日都吾可以諗死或者癲左...為左個仔,我只可以頂硬上.

噚晚真係好好笑(我)!竟然傷心到失眠,仲有想自殘既衝動添!我諗我自己吾想癲已經癲到五成!係既,我呢庭咁既人真係吾值得亦吾可以可憐!無謂搞到變成做戲俾人睇搏人同情.我呢d咁差既人,隻佬娶着我呢庭老婆,我老豆有着我呢庭咁既女,我大佬有着我呢庭咁既亞妹,查實受苦既係佢地,吾係我!我仲响樹自憐做乜鬼...我都忍吾住想笑出黎!我真係好賤好自私好廢柴!

(繼續廢uping...)

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


大宅

積分: 2612

畀面勳章 BK Milk勳章


發表於 06-10-4 10:49 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

Jay 媽,

我好明白你嘅感受, 睇完你同哥哥的對話, 比著係我一定會喊同起身走人. 不過佢可能都唔係好理解你仔仔的情況, 同唔明白你嘅壓力, 所以先會咁講嘢.

你唔好亂咁諗嘢喎, 齋諗都唔得架, 知唔知呀!

你對仔仔的耐心同努力, 係會有回報架.


子爵府

積分: 11755


發表於 06-10-4 10:50 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

Jay媽
吾好亂諗野啦, 天生我才必有用, 每個人都有自已的优點同缺點, 妳都知妳大佬係為妳好


男爵府

積分: 9179

2019新春慶豚圓 好媽媽勳章 醒目開學勳章


發表於 06-10-4 11:04 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(


Jay媽
加油呀, 無了你回答其他媽咪的問題, 就 :-(


男爵府

積分: 5993


發表於 06-10-4 11:15 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

放心啦!我份人就算未癲查實不嬲都係傻傻地架喇~~~!!!你俾我呻完我又會回復正常!可能真係正如我朋友所言,我大佬又未結婚又未有細路,就算佢係知道我個仔既問題,都未必明白我同我囝囝既難處同感受...只係嗰句說話同埋佢既態度令我難受...我都只係想一家人可以好好地傾計,只係我同佢真係火星撞地球,除左可以响msn文字上可以傾到計外,面對面或者响電話度真係吾可以傾到計...算啦...不嬲都知佢既個性係咁,要佢改變真係好難既...


anyway,多謝各位媽咪&Friends安慰我呀~~~
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


男爵府

積分: 5993


發表於 06-10-4 11:17 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

你地吾嫌我口水多過茶長篇大論,郁d下又叫人地去做評估就得喇~~~~
Martin媽咪 寫道:

Jay媽
加油呀, 無了你回答其他媽咪的問題, 就 :-(
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


大宅

積分: 3590


發表於 06-10-4 11:19 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

Jay媽:

你心裡積埋積埋生活上既壓力、教育照顧同担心阿仔既壓力、冇人諒解得不到親人認同既壓力,連我在你字裡行間都能深深地感受得到,所以在適當既時間係需要適當地釋放一D出嚟,尋晚你做得好好,喊過鬧過舒服咗今日又係新既一天.唔好再亂諗啦,"活在當下",你係一個好叻好盡責有才華既媽咪,J仔同你老公有你真係佢地既福氣,相信佢地都係甘諗!為左佢地,"奸爸爹"呢!笑番la!


大宅

積分: 2256


發表於 06-10-4 11:23 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

Same as me last night but we choose keep silent !!
:-| :-| :-|

Last night family Chung Chau Dinner 8:30pm in Rest.
My hubby's younger brother said he came at 9pm and my hubby's sister keep on said hungry so we give her a moon cake first !!
Then we start the dinner until 9:15pm the brother came and keep silent and then he ate around 15 mins til 9:30pm. He gave the money and left at once !!
So funny he had 2 sons age 13 & 10 ! He didn't talk to his sons like stranger !!!

We all keep silent ! I know if I ask my hubby he will said i am trouble so I keep silent also
May be my hubby also want to speak something but I don't like him the chance to say !!


侯爵府

積分: 21858


發表於 06-10-4 11:27 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

jay媽,

你有冇事呀?? 唔好唔開心啦, 希望你真係講哂出來之後就可以好開心番!

其實你又真係唔洗為左其他既說話而難過, 我份人又係好衰, 我唔理人地架, 人地講咩我都唔理中最重要對得住自己、對得人; 人地講難聽既說話係佢既事, 佢講咩都好鬧又好, 我又唔痛既, 所以你都唔好對你阿哥講既野咁介懷, 或者佢未有家庭, 真係唔會明白為人父母既難處, 所以你都睇開d啦! :wink:


男爵府

積分: 5993


發表於 06-10-4 11:30 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

我會架喇~~~不過到家下我都吾知做乜鬼都仲想喊~~~~俾我喊埋佢啦~~~~收吾到油呀~~~

查實我係感歎點解我一同屋企人一齊就會有咁既下場,查實由細到大我都覺得同屋企人相處得好大壓力同吾開心,覺得佢地吾明白我亦吾體諒我,成日俾好大壓迫感我,家下我嫁左出去,查實真係開心同輕鬆過以前百倍!但無奈就咁間吾中一兩次出黎食家庭飯,明明好期待同佢地傾得開開心心都係因為教仔問題而搞成咁....眼見我細個所受既委屈同壓迫,家下佢地俾埋我個仔去受,我好怕J仔受到影响,又是好似佢亞媽我咁,成世人都覺得自己係條廢柴,吾死都無用,係件垃圾,吾適合做人...(呢D說話係我大佬同亞媽咁形容我),我吾想個仔無哂自信亦吾開心,可能我又擔心個仔既感受,所以只係小小既一句批評,都足以我傷心成咁!不過都好彩,個仔噚晚番到屋企都可以順順利利開開心心咁完成所有功課,係見到DICTATION同測驗卷食哂蛋又俾老師X哂,佢有D介意同少少吾開心之外,其餘時間佢都好積極亦好盡力去完成功課!始終佢寫字同認字都有困難,連治療師都話佢寫十零個字已經好辛苦要休息下,但佢開左學咁耐都未曾欠交功課,就算把口嗌話辛苦好攰好難寫,佢都鍚住我都肯頂硬上寫埋落去!所以噚晚佢一做完功課我都即刻鍚佢一大啖!希望舅父既言行吾會影响到佢啦!我都想個仔生活得開開心心又有進步既...
kammyman 寫道:
Jay媽:

你心裡積埋積埋生活上既壓力、教育照顧同担心阿仔既壓力、冇人諒解得不到親人認同既壓力,連我在你字裡行間都能深深地感受得到,所以在適當既時間係需要適當地釋放一D出嚟,尋晚你做得好好,喊過鬧過舒服咗今日又係新既一天.唔好再亂諗啦,"活在當下",你係一個好叻好盡責有才華既媽咪,J仔同你老公有你真係佢地既福氣,相信佢地都係甘諗!為左佢地,"奸爸爹"呢!笑番la!
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


男爵府

積分: 5993


發表於 06-10-4 11:43 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

芙妹,好耐無見喇!你近來點呀?

查實我好容易受到我屋企人影响架!真係吾知點解!由細到大都係咁!同埋我响佢地面前真係衰眼淺同EQ低,平日我吾會係咁,係吾知點解佢地會有咁大既影响力!可能我本身份人好憎好介意俾人誤解&屈我,但無奈我屋企人個個都係話人之前吾會細心聽左人地講乜亦諗都吾諗就話人不是先,所以次次都搞到我好嬲好吾開心好難過...

查實依家我都幾吾開心架!明知我大佬係對我好,但係佢脾氣個性真係好惡頂,惡頂到連亞媽都忍吾住由加拿大打番黎同我呻大佬D野...;同埋依家我又讀設計,又要湊仔,搞到搵吾到工做,搞到依家又要成隻死狗咁問大佬借錢過活同讀書,我份人又好介意去問人借錢,再加上呢件事(查實之前都發生過),搞到我真係覺得自己無哂自尊好低賤囉!但無奈如果我又番工又讀書又要做功課(家下讀設計D功課多到無時間去做,又要出去搵料同番屋企諗點設計)又湊仔(我老公吾會教仔讀書),我吾會認為自己會搞得掂囉!但吾讀書我又係過番之前既生活,又係入不敷支,每個月二千大蚊人工加二千大蚊家用去捱,個仔又無野學無得過正常小朋友既生活,到時我又是喊苦喊忽又是吾開心...所以我真係覺得做人真係好辛苦好矛盾架!想兩全其美D,生活過得正常D都吾得...有時自己諗到咁真係幾灰架!
elf 寫道:
jay媽,

你有冇事呀?? 唔好唔開心啦, 希望你真係講哂出來之後就可以好開心番!

其實你又真係唔洗為左其他既說話而難過, 我份人又係好衰, 我唔理人地架, 人地講咩我都唔理中最重要對得住自己、對得人; 人地講難聽既說話係佢既事, 佢講咩都好鬧又好, 我又唔痛既, 所以你都唔好對你阿哥講既野咁介懷, 或者佢未有家庭, 真係唔會明白為人父母既難處, 所以你都睇開d啦! :wink:
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


男爵府

積分: 5993


發表於 06-10-4 11:52 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

不過個仔查實真係幾生性架喇!噚晚我一味擔心同驚佢受到我大佬說話影响而自暴自棄而係咁輔導我個仔,我同佢做功課,做到佢個人仔攰哂,我即刻同佢講:"你要努力加油呀!要做好D俾老師睇,俾老師知道我地有努力過,因為依家老師都同我地一齊努力緊!我地吾可以懶架!"初頭諗住我個仔理解能力有限會吾知我講乜甚至乎吾會理會我呢番說話,點知我呢頭講,個仔即刻好似充哂電咁即刻好俾心機做埋D功課佢!嗰刻我都幾驚訝同有D感動架!希望個仔會開心啦!所以都話我依家呢個MOMENT真係吾可以死住,我一定要响個仔身邊度撐住佢,因為我真係覺得响呢個世上,我同我個仔係唯一明白對方同心靈相通既人黎!無左我,仲有邊個會體諒我個仔/同埋我個仔同一陣線...我都希望有!
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


大宅

積分: 3590


發表於 06-10-4 12:06 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

你睇,Jay仔幾...甘錫你,見到佢日日有進步,乜都抵番la!
至於你爸爸阿哥嗰邊....都廿幾年喇,相處方式冇得改架喇,惟有乜都聽吾到睇吾到,少見面少衝突囉!

JAY媽 寫道:
..........但佢開左學咁耐都未曾欠交功課,就算把口嗌話辛苦好攰好難寫,佢都[size=medium]鍚住我都肯頂硬上寫埋落去!所以噚晚佢一做完功課我都即刻鍚佢一大啖!........


翡翠宮

積分: 76971


發表於 06-10-4 12:24 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

j 媽, 我都明白要做到唔須要人去認同你好難, 但我有時都做得到, 你都一定做得到, 我做野無須要同你交待, 問心無愧就算, 你要咁諗我都無辦法所以我係你, 我唔會同你亞哥爭嗌, 因為正如你話佢睇到既並非事實既全部 so我只會提一提佢, 你未見到整個過程啫, 之前係j仔自己做的, 我亦希望你顧及下j仔感受, 唔好刺激到佢d情緒, 有時傍人未經歷過你既艱辛係好難領悟得到的, 你都無謂怪你大老啦


珊瑚宮

積分: 104679


發表於 06-10-4 14:32 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

咩人都唔緊要,最緊要j仔肯做就得啦
好似我咁,我好快就死啦,因為細孖日日都好似發緊夢咁,
同佢讀完啲英文,一陣就同我講又唔記得曬啦


民房

積分: 29


發表於 06-10-4 15:57 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

Jay 媽

吾好吾開心啦,我們為小孩做的事情,小孩是能感覺到。只要能幫到小孩,我們都應該堅持。只要自己明白便得啦!

其實你在這裡幫到很多人(最少幫到我)。

唔好意思,我都要透透氣:
我昨晚和太太和佢媽咪吵大鍋,佢visa到期要返鄉下(我太太是內地人),要帶仔仔返鄉下戒奶。
你都知我仔仔幾大鍋,仔仔返一個月學,剛剛有進步,環境才剛熟悉,但人開心笑多了。
佢依家又帶仔仔返鄉下"偶",無病都變有病啦。佢話仔仔戒奶見唔到媽咪會好慘。我太太媽咪仲瘋,話返十零日學學唔到什麼,返少十零日無所謂,仔仔戒奶見唔到媽咪會喊病。我本來一向好尊重佢,但都火到cut佢電話。

我知這次肯定好大鍋,但假如我比仔仔返鄉下,即係呢一個幾月全部白費,所以我都要企硬。希望捱得過。


公爵府

積分: 27179


發表於 06-10-4 17:52 |顯示全部帖子

Re: 明明好好一餐家庭飯,無啦啦同大佬為左個仔嘈...好吾開心...借個位黎廢UP下... :-(

jay媽~~~唔好唔開心啦...其實哩個世界唔好o既人同事大把...日日都會發生...叫你完全無野可能好難...但唔開心一陣好喇...重有好多野等住你去做架....例如你老公...jay仔咁啦...你唔駛照顧呀 重有呀...唔好成日話自己係廢物...好似其他媽咪咁講...天生我才必有用...每一個人生於哩個世界唔一定有大作為...但好肯定一定會有佢自己的價值

首頁
12345...7

尾頁

跳至
熱門主題