母乳餵哺 今日: 0 | 主題: 85707

積分: 13158

581^#

發表於 04-11-29 09:18 |只看該作者

Re: 2004年1-3月的全母乳新媽咪支持區

Mone:
我好早已經買咗件比呀囡, 諗住夏天開冷氣, 唔驚佢附被ma, 點知著咗之後, 佢一碌床就捲住咗佢, 攪到佢郁都郁唔倒, 之後重整醒埋佢, 試咗兩次之後, 我就無再比呀囡著lu!

私人傳訊回覆引用

積分: 951

582^#

發表於 04-12-1 12:37 |只看該作者

Re: 2004年1-3月的全母乳新媽咪支持區

各位媽咪,

唔好意思好耐冇回應, 我係屋企善低左, 背隻瘀晒, 所以冇上黎打字, 只係係屋企行行企企.. 而家就快好返, 可以坐耐d, 就上黎啦!

Mone,

好辦法, 我個囡成日踼被, 我都無成日同佢砍返, 因為我好"難"訓, 而且每次入去佢間房, 佢都會無啦啦醒, 跟住就喊, 所以我都係離遠望下佢, ok 就算數啦.

樹熊媽,

我老公話你影張相好搞笑, 不過好cute, 張阿b 囡放係熊貓中... 杰作!

阿囡頭先係到推"鄧仔", 其實係個"stool", 阿囡已經係廚房一路推, 一路向前行, 睇見佢好開心, 推下推下咁, 不過我就好驚青, 驚佢跌倒. 唉, 越望見佢進步, 就越懷念佢bb 1-3 個月個陣時, "if only she can stay little"..................

私人傳訊回覆引用

積分: 13158

583^#

發表於 04-12-1 12:58 |只看該作者

Re: 2004年1-3月的全母乳新媽咪支持區

Clarab:
你而家無事ma? 條腰骨有無事呀? 記得要好好休息, 如果唔係手尾長就幣喇! (好似我咁 :cry: )

小朋友真係大得好快, 不知不覺就大咗咁多, 我見呀囡一步步咁成長, 都真係又開心又唔捨得呀!

私人傳訊回覆引用

積分: 13158

584^#

發表於 04-12-1 13:00 |只看該作者

Re: 2004年1-3月的全母乳新媽咪支持區

Clarab:

講漏咗, 你囡囡張相好靚女好可愛呀!!!

私人傳訊回覆引用

misslee

積分: 10015

585^#

發表於 04-12-1 18:57 |只看該作者

Re: 2004年1-3月的全母乳新媽咪支持區

好耐沒有上來這裏啦!
大家仍記得我嗎?
我仍在努力餵人奶中,
由於藍藍已食了兩餐粥仔,
所以追奶的日子都好了好多.
我一日三餐埋身餵,
不過都唔敢偷懶,
每次都是邊食邊 pump.
之前在健康院打針時,
姑娘們都說藍藍瘦啦!
不錯, 佢只得7kg左右, 只屬10%.
但她出世時是75%呀!
我成日覺得好似我令到個女咁瘦.
不過佢又食得好多呀!
唯有自己安慰自己, 肥瘦都唔重要,
最重要是健康的啊!

私人傳訊回覆引用

Mone

積分: 1790

586^#

發表於 04-12-1 19:06 |只看該作者

Re: 2004年1-3月的全母乳新媽咪支持區

Clara,

你冇嘢吖嘛?? 小心d 呀!! 我覺得無論大又好, 細又好, 邊個有事, 始終最辛苦嘅都會係自己!! 你囡囡張新相好靚呀!!

misslee,

記得你呀!! 我囡囡都係唔算肥架!! 佢三月出世, 而家都係未夠十九磅, 我有個朋友佢隻仔細過我個女兩個月, 但係佢己經重過我個女了, 最緊都係囡囡健健康康咁就得啦!!

私人傳訊回覆引用

積分: 951

587^#

發表於 04-12-2 00:01 |只看該作者

Re: 2004年1-3月的全母乳新媽咪支持區

樹熊媽,

你又係整親條腰呀? 我都算好彩, 善落黎個背部撻左落木樓梯到, 痛到傻左, 好彩而家都算係咁, 只係有d 瘀左既痛, 唔係劇痛, 可以抱返囡囡, 同埋做家務. 咁你條腰好返d 味?

Mone,

你個囡張相都好正, 小天使, 我好鐘意呀! 我都想帶阿囡去影, 奈何呢度d 影相鋪實在太貴...

misslee,

我個囡九個月大都係唔夠18 磅, 都係條線由75%跌到得返25%. 但係醫生話佢好正常同健康我就算數啦. 我個囡都係瘦, 不過真係唔緊要, 佢食得訓得就得囉. 我個囡都食好多野, 但係前個排吽牙仔吽到成個人瘦晒, 我而家係咁俾野佢食, 全麥包啦, 餅仔, 菜容, 人奶, 佢要食就俾... 都無分幾多餐, 人奶仲係feed on demand.　其她媽咪可能分正常3-4餐, 但係阿囡成日都會痴埋黎啜幾啖又爬走, 所以我都由佢... 我知我縱緊個囡, 不過諗起佢可能就快唔要我d奶我就唔捨得啦.....

私人傳訊回覆引用

misslee

積分: 10015

588^#

發表於 04-12-2 08:31 |只看該作者

Re: 2004年1-3月的全母乳新媽咪支持區

Mone, Clarab,
其實我成日覺得健康院本書仔有D問題,
佢地應該將食奶粉BB的體重同食人奶BB的體重分開來比較.
我的家人知道囡囡由75%-->10%都有些不滿.
仲成日問我冬天天氣凍呀!
囡囡都唔夠飽的呀!! ?-( ?-(

私人傳訊回覆引用

積分: 13158

589^#

發表於 04-12-2 22:16 |只看該作者

Re: 2004年1-3月的全母乳新媽咪支持區

Clarab:
我條腰係以前整親, 當時自己又唔太在意, 無咩點理, 攪到之後年紀大咗, 就開始出問題, 有咗bb果段日子, 簡直辛苦到死, 而家日日要揍女, 條腰就傷上加傷, 唔好話抱呀囡, 連行耐d都赤赤痛, 所以你真係要好好休息呀!

我而家餵呀囡都係唔止3-4餐, 事關半夜多咗三餐, 好多人又係話我咁樣係不對, 我除咗無辦法之後, 都係有你嘅想法!

私人傳訊回覆引用

積分: 951

590^#

發表於 04-12-2 23:43 |只看該作者

Re: 2004年1-3月的全母乳新媽咪支持區

樹熊媽,

咁你有冇去做推拿, 聽講都幾有效, 你快d 醫返條腰啦, 過多幾個月你要扶住個囡行黎行去仲辛苦呀! 半夜你又餵佢你自己夠唔夠訓呀? 唔好挨壞自己呀, 日頭記住補眠呀!!

misslee,

d 人成日都講你咁唔岩, 個樣又唔岩, 佢地先係專家咁, 我有次帶阿囡返公司行下, 咁d 人即係話(係咁話我) 做乜唔幫呀囡著返對socks, 我話出面咁熱, 佢好怕熱, 佢地話咁凍唔同佢著會冷親, 我真係頂丫, 佢地係公司行行企企又唔做野緊係覺得凍啦, 我同阿b 四圍去, 熱到屎, 我又用咩帶喎, 阿囡痴到我實一實, 我地都唔知幾熱, 係短短幾分鐘已經係咁俾人話左好多次... 下次真係要講"唔關你事" 先至得!!!

私人傳訊回覆引用

Tippy

積分: 1329

591^#

發表於 04-12-3 01:48 |只看該作者

Re: 2004年1-3月的全母乳新媽咪支持區

hihi 各位媽咪,

我又係好耐無黎呢到了, 我依家仲有餵緊人奶, 想起當初本來只係諗住餵幾個月就算了, 點知餵吓又一個月, 餵吓又一個月, 唔覺唔覺咁就餵到依家個女 8 個月又一個星期大了, 早晚各一餐, 又或者一日一餐, 我係 pump 出黎既, 囡囡一次飲8至9安左右, 我有 d 親戚覺得我應該要停, 唔好再餵, 但我心諗, 既然我仲有奶, 點解唔餵呢....我依家一日都可以 pump 到8-10安, 如果放假唔駛返工, pump 多一兩次的話, 都可以 pump 到10幾安架. 再講, 每次見到個女飲緊我d奶奶既時候, 我都會好開心同好有滿足感架 :-P :-P

私人傳訊回覆引用

paulineng

民房

積分: 52

592^#

發表於 04-12-4 09:56 |只看該作者

Re: 推廣母乳協會財政告急籌款 - 明報 Dec 04

推廣母乳協會財政告急籌款 - 明報 Dec 04

2004/12/04

http://www.mpinews.com/newsletter.cfm?newsid=200412040736gb60737a

過去9年來一向默默肩負提倡餵哺母乳的香港母乳育嬰協會現正財政「告急」，呼籲各界資助。

近年經濟不景，非但令公、私營機構掀起一浪接一浪的瘦身潮，不少志願與受助機構更因經費貧乏，需要停止部分服務、甚至面臨「倒閉」。過去9年來一向默默肩負提倡餵哺母乳的香港母乳育嬰協會現正「告急」，呼籲各界資助，讓他們可繼續鼓勵與支援母乳育嬰。

協會主席華陳正容表示，該會9年來一直堅持推廣母乳餵哺，以去年為例，協會的24小時熱線便接獲約5000個求助電話，為兩成多授乳媽媽提供如何餵哺母乳的支援，並定期舉辦免費講座、醫院探訪及向各公共與私家醫院派發季刊等，但經費貧乏卻令協會面臨「倒閉」，令她十分心痛。

她希望透過本月19日在香港公園舉行的「母乳餵哺心《定向》健康人生」籌款活動，能夠籌得20萬元，以應付未來1年的經費，否則過年後便要「摺埋」。

捐助【香港母乳育嬰協會】

http://www.breastfeeding.org.hk/sermina.htm

?-( ?-( ?-( ?-(

私人傳訊回覆引用

awong97

複式洋房

積分: 279

593^#

發表於 04-12-10 12:11 |只看該作者

Re: 2004年1-3月的全母乳新媽咪支持區

哈囉各位媽咪！

好耐無上嚟啦，我上個月同囡囡磅過得16磅咋，但係佢玩、瞓同食都好好，又高咗好多，所以我都唔在意佢幾多磅，只要佢健康就放心啦，難得婆婆都係咁話吖嘛！仲話唔好咁肥，係咁嘅身型就啱啦。

自從7月開始，因為我要儲奶，所以瞓前嗰餐(約11-12p.m.) 我埋身餵，邊餵邊泵，咁囡囡就1晚醒2-3次要食奶，直到依家都係咁，好想同佢介夜奶因為第日要返工無精神兼日日遲到，但係如果介到又怕會降奶量，真係唔知點好。

亞囡囡到依家都只係得2隻門牙，係2個月大嗰陣出嘅，有時都會覺得佢會唔會食得唔夠奶呢？早餐6-7安奶，2餐粥(各1個大人碗，好杰同滿)，下午茶2-4安奶，晚餐埋身餵，我地食野時會比d麵包、梳打餅、麥皮佢試食，其他零食就無，佢唔鍾意果汁、果蓉、糊仔，佢要食新鮮野，會飲湯水但婆婆無比蛋黃同肉佢食，請問咁會唔會唔夠營養呢？有d擔心。

paulineng,
當日我唔得閒，但係已捐咗款囉！

我的小寶寶享用媽媽奶至3歲，好懷念餵奶的日子啊！

私人傳訊回覆引用

積分: 951

594^#

發表於 04-12-11 01:22 |只看該作者

Re: 2004年1-3月的全母乳新媽咪支持區

awong97,

bb 9 個月大可以食旦黃, 但係唔多, 約1/4 隻, 隔日食, 咁就已經好夠, 我每次食早餐都會煮旦, 咁我就同阿囡分, 我食 3/4, 佢食1/4, 食完俾水佢飲下, 佢都食得好知味!! 我而家都有俾下雞肉, 火雞肉, 唔知係咪佢聞到好香, 我地食乜佢都要勁扭, 要一齊食, 無佢收! 我個囡都唔鐘意飲果汁, 我都唔知點解, 我仲有好多存貨, 唔知點算!!!

阿囡岩岩10個月大, 都係得2隻門牙, 下面果2 隻咋~
佢岩岩自己學識企係身, 不過都係同一晚2次, 之後都未見佢自己唔使扶住野企係身! 佢好鬼懶, 成屎日要抱...

私人傳訊回覆引用

awong97

複式洋房

積分: 279

595^#

發表於 04-12-12 01:09 |只看該作者

Re: 2004年1-3月的全母乳新媽咪支持區

clarab,

妳個邊屋企唔係有暖氣咩，都仲好凍架？

我都有好多果汁、果蓉係度，好彩唔使錢，唯有比朋友啦。我試過有日比左少少蛋黃佢食，我媽就話唔使咁快比喎！肉就更加遲d先，比佢激死我。

係呀，由翻身、撐起身、坐起、爬行、企起身扶住行，樣樣都望佢快d識，後來眨眼就已經識左，囡囡真係成長得好快，我好多時都好懷念佢0-3個月的時候，睇返個時d相，真係由個心笑出黎架

雖然佢依家成日周屋爬要看牛咁睇住佢，佢又成日要我係佢視線範圍之內，好麻煩，不過當佢係咁 "奶奶奶奶"、拍手手、嗲嗲、"媽媽媽媽" 時就 lum囉！

Mone,

恭喜妳有喜先，sorry呀遲左咁多！
想問妳比囡囡自己1間房，咁依家夜晚有無比睡袋之類佢呀？因為囡囡好鍾意踢被，想買比佢又驚佢成日轉身會勒住。有無意見呢？

我的小寶寶享用媽媽奶至3歲，好懷念餵奶的日子啊！

私人傳訊回覆引用

mwhcandy

積分: 2653

596^#

發表於 04-12-12 10:10 |只看該作者

Re: 2004年1-3月的全母乳新媽咪支持區

各位,
話咁快又聖誕節啦, 話咁快我個仔又就o黎一歲lu, 真係好快啊....

你地又會點同bb過聖誕呢...??

由呀仔出世到依家, 我都好少同佢分開, 個日我要考試, 就比老公睇住個仔, 點知呀仔到夜晚就搵我啦, 到我考完打電話返o黎, 老公比個仔聽, 聽無幾耐呀仔就大喊, 我老公仲問我講o左d咩刺激到佢喎

......到我返到o黎, 呀仔已經喊到訓左, 不過仲係索住氣訓唔"淋", 到我沖完涼佢就即刻醒...!! 之前我都知我個仔痴我, 不過唔知道會咁痴身o者, 唔知你地有無d咁o既經歷呢??

唔知道你地對羊奶粉有咩睇法呢? 我有諗過到呀仔一歲比佢試下....都係十五十六....比唔比佢試好呢??

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

積分: 951

597^#

發表於 04-12-13 07:26 |只看該作者

Re: 2004年1-3月的全母乳新媽咪支持區

mwhcandy,

嘩!好快呀, 你仔仔快一歲? 我囡囡岩岩先至十個月大咋我都等緊佢一歲同佢開生日會!!

阿囡岩岩先至識企(企過2次, 唔知係咪怕辛苦呢? 唔見佢再咁企) 唔使扶住野, 不過都係爬黎爬去咋... 我已經好開心啦... 隨左追佢追到氣咳果陣. :evil: 囡囡都好痴身不過都好啦... 佢曉跑想佢痴都好難lu.

我唔知羊奶會好唔好d, 我可以到時問下個醫生, 不過點解你想用羊奶既?

聖誕節會拆禮物食火雞, 同老公果邊屋企人交換禮物同埋食飯...

咁你地呢?

awong97,

del

私人傳訊回覆引用

mwhcandy

積分: 2653

598^#

發表於 04-12-13 17:43 |只看該作者

Re: 2004年1-3月的全母乳新媽咪支持區

Clarab,
真係快啦.....仲有兩個月就一歲啦....

我都諗住同呀仔攪生日會, 我個仔係2月6日出世, 下年o既2月6日係年三十呀, 所以要提早攪生日囉...!! 我個仔都係試過一次放手企咋, 佢都係驚呀!! 到識行o既時候, 又係另一個煩惱o既開始呢

點解我想用羊奶....我係網上見到, d廠商(羊奶粉)話羊奶比牛奶好, 比較接近人奶喎.....所以想問下有無人知道好唔好, 再考慮一下同比較一下先!! 唔該你問一問你那邊o既醫生, 睇下佢地有咩見解!!

你可唔可以都email個食譜比我呢?
[email protected]

THX!

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

misslee

積分: 10015

599^#

發表於 04-12-13 18:02 |只看該作者

Re: 2004年1-3月的全母乳新媽咪支持區

Clarab,
我都想要一份食譜呀!
麻煩你 send 俾我, 好嗎?
[email protected]
謝謝你!!

私人傳訊回覆引用

poo_law