我份人就係衰緊張同多嘢諗,查實個仔都知架...有時佢都同我講:"媽咪,你唔駛擔心我架喇!" 但作為佢亞媽同好朋友一號,有時見佢係咁俾人話佢差同曳,個心唔多唔少都唔開心架....嘻....我今晚諗住同個仔道歉,噚晚我又係惡得滯既,等亞仔條氣順番,我先至再哦佢啦... 
elf 寫道:
bandband,
你唔好咁灰啦, 其實你囝囝都係得幾歲, 咁細個, 就算佢天生有talent, 都未必會咁快可以發掘到架, 你唔好咁擔心啦...我呀, 由細到大都冇咩特別專長, 我父母亦都冇好似你落足心機咁栽培你囝囝...但唔緊要架, 佢咁細, 你唔好俾咁大壓力自己&仔仔啦!
而家個社會唔適合讀死書架啦, 讀書叻都唔代表d咩....最緊要「精」, 你仔仔玩既時候叻唔叻??? 好多人細個時都淨係識得玩, 大個左咪又可以創一番事業...!!
佢大個左點會唔識得照顧自己呢?? 佢又唔係有問題, 讀寫障礙好平常架咋, 好多小朋友都有, 只係佢地學野(文字上)慢少少, 唔會影響其他生活細節既。你講既情緒問題, 可能就係因為你太緊張仔仔, 佢可能都feel到有壓力, 可能就係因為咁會弄巧反拙, 所以你放鬆d啦....
我明白個個做媽媽既都緊張自己仔女, 但都唔好扯得咁緊....係真架, 最怕係而家影響到佢自己心態, 到遲下青春期, 佢地情緒變化會更加大架....so而家慢慢來順其自然啦。小朋友心靈好脆弱, 好易受影響....我以前讀書時候讀過兒童心理學, 好多專家都support「天生天養」既theory...外在extra培養既作用係「扶助」,唔可以企圖去「改變」小朋友既天生特質。
你仔仔會順順利利快高長大架, 你放鬆d, 你仔仔見你開心, 佢都會開心d架!!
但我屋企人都有問過下我, 有時都會問我有冇打算, 因為佢地同bf都好熟...我阿爸仲話開口埋口都叫bf「阿仔」 .....elf 寫道:
bandband,quincy,
有時睇見你地為左仔女咁煩惱, 都好替你地辛苦, 但見你地有家庭、仔女, 又好羨慕你地喎...做媽媽真係偉大(不過so far我未完全o係我阿媽身上見到囉!!死啦, 我係咪好不孝?)
因為最近我收到好多紅色炸彈, 有舊同學、同事都結婚, 咁朋友知道我有拍拖都會順日問下「幾時到你呀?」...唉...鬼咩!!!
但事實.....我次次都淨係話「痴線....有排啦...」反而, 我阿媽就「時時刻刻」都怕我俾人呃(佢對bf未係好有信心)....結婚,「慢慢都未遲, 而家邊有人咁早結婚架....」....所以次次bf見完我family.....我都會面對好多問題.... :-| :-|
我又發神經....又講埋d無聊野....可能近來接觸「結婚」呢樣野太多上左腦...有一朝經過尖沙咀婚姻註冊處, 嘩....個條人龍..真係長到.....
發完顛啦.... ?-( ?-(......又等緊放工.....
elf 寫道:
bandband,
我同你既case都有d似, 我阿媽又係話我bf "老", bf大我六年幾, 我地初初一齊既時候, 我仲讀緊書, 我阿媽就不停話「你搵都搵個讀緊書架啦...(我阿媽當時認為讀書拍拖既都係玩玩下, 諗住我都係拍下散拖..誰不知我來真)......有時我心諗(話人唔識話自己, 我阿爸大阿媽成廿年...佢又唔睇下自己wor...)
而家都係, 我阿媽又唔係好衰既(佢對"外人"(包括bf)都好nice架)...但可以話"假"囉....佢又唔係唔like bf既, 但就係好陌生咁囉....反而我阿爸唔同, 真係會對bf 「如數家真」咁講好多好多野.....真係當佢係仔架, 所以之前我爸有事, bf次次搵我, 都會第一句問我阿爸既情況....我又唔介意, 因為我好respect阿爸架....反而我會加bf分囉...
哎...阿媽都係同女close d, 所以乜都講得出口, 我阿ma話「佢至少要有層樓, 唔洗你捱, 我先俾你嫁架..」而且佢又話bf份工唔穩陣...(bf做design架) 雖然阿媽都係錫我先咁講, 但我份人唔係咁「物質」架嘛.... 如果人人係咁, 佢最好而家買定層樓俾阿哥啦, 如果唔係阿哥等做和尚啦....
我一講起我阿ma就收唔到聲, 我真係唔知點先可以令佢認同我既做事方法....佢同阿爸點解可以一齊成三十年....阿爸「你好野!」...
係咁架喇~~~個個人上親嚟bk,個個都係鬼拍後尾枕咁講哂自己嘢七雷...大家都係咁,唔駛咁單心~~~~ 
你bf係鬼佬嚟???西人家庭長大???不過又係架!响單親家庭長大既人(我都係),始終對於婚姻甚至感情唔會有太大信心,但時間耐咗,我反而覺得順其自然囉!係要分開係要背叛我既話,就算你點去擔心點去緊張,始終都避免唔到既...還掂都係咁,倒不如開開心心去過日子好lu~~~~唔單心得咁多!elf 寫道:
bandband,
我都明白既, 不過我都係發神經突然諗起「結婚」呢個問題....對於我來講, 起碼都要三五七年後先講啦...
不過我又唔怕講埋, bf對「婚姻」的睇法可能會同我有唔同....可能係家庭背景既問題啦.....我屋企好傳統(其實係爸媽傳統)...bf屋企就唔同(bf的媽媽係西人家庭長大, 而且bf爸媽離左婚, 曾經攪到好唔開心, 而佢同哥哥就跟媽媽生活, 所以唔多唔少令佢對婚姻有陰影)....by the way, 我都係講下架咋.....將來既事..將來先算啦...
哎呀, 我將好多"肺話"留左o係呢到, 連"心"入面個句都鬼拍後尾枕講埋出來.....o係bk呢到, 我覺得自己好赤裸呀
)....
聽完都幾開心架! 有時兩個人相處耐咗,大家熟絡咗,梗係無時無刻一啖砂糖一啖C架喇!我隻佬又係好似你BF咁,响出面朋友/外家/佢屋企人面前,都係對我特別好,又細心又溫柔又體貼,但得番我地兩個,佢就當正我係佢兄弟~~~~!!! 
都唔豬啲男人諗乜,正一人頭豬腦嚟!可能佢地鐘意哂女友/老婆七雷,想話俾冚世界人豬,佢巧鍚老婆,老婆又好又鍚我...我諗基本上男人同女人一樣,唔多唔少都係有咁既毛病...不過總好過佢唔鍚我既,如果好似我個朋友以前個BF咁,响人面前或者私底下都用粗口鬧女友,粗粗魯魯,我實癲都似!好彩我無遇到啫~~~~ 
係咪?!elf 寫道:
bandband,
我bf屋企都幾複雜架, 佢mama係mixed, 由細到大都生活係西方人家庭中,, 後來佢mama同中國人結婚, 生左bf同佢哥哥....我聽bf講過, 佢mama同佢爸爸結婚既時候, 受到家人反對,加上可能文化背景唔同...之後兩夫婦有問題, 最後分開左....
我其實都唔會點問bf屋企既事, 因為我知佢過去都唔係咁開心, 我知既都係佢自己親口同我講, 但我都開心架,因為我初初同佢一齊冇耐佢就同我講, 我仲記得佢話「我咩都同你講哂啦, 我想你對我了解多d」...我睇左好多佢以前屋企既相, 我可以想像到當時佢mama受到既家庭壓力。 後來有一次, 我同佢哥哥傾計, 先知道bf以前都冇講過俾ex gf知屋企既事, 而且我睇o個d相, 係佢婆婆既遺物...講真, 我真係好感動架, 起碼我知道佢係有心要我知道....
其實我點解咁緊張同bf呢段感情, 唔多唔少都係因為bf有好多野都信得過我..雖然好多野我未必幫到佢, 但佢話得俾我知既, 佢都會話我知(除左佢d衰野
另一原因, 點講好呢???....或者可以咁講, 佢成日都話我地真係有緣.... 我同佢點識其實都好戲劇化...而且好多野都好"橋"。
仲有一樣野好重要, bf 同佢屋企人一齊既時候, 真係會變左另一個人咁架, 我有時同佢地一齊, 我覺得好warm架。而且我同佢屋企相處得好好, 佢哥哥、mama、契婆(其實係佢mama細個時既褓姆)都好好人, 我平時都好慢熱, 同陌生人好難熟落, 不過我識左bf 冇耐(個幾月), 我已經見佢屋企人& keep住成日都吃飯...我又覺得好自然...bf 同哥哥一齊住, 我同佢哥哥都似兩兄妹, 就好似我同我哥哥一樣, 成日互相取笑, 又講埋啲低b野, 而且佢哥哥成日都做我地做中間人, 佢會提醒bf, 又會講好多bf既野我知(有好有唔好啦)...又教我好多野, 我真係好多謝佢架.....
如果咁唔好采同bf分開左, 我會好唔捨得同佢地一齊既時光架.....死火...再一次赤裸, 我直情當左呢度係日記呀....
..我對住佢, 少d心血都驚激死, 佢真係唔留情架喎....我差唔多次次見佢, 佢就俾個花名我...仲要當街大大聲叫我...有次o係地鐵入面隔住成村人嗌我....我真係 唔夠佢玩。 唔會講囉, 但衰野就...唉...佢真係好口多架, 我真係驚佢遲早俾人打呀!
...講起放大假...七月個時原本我同bf諗住去旅行架, 因為夾夾埋埋有成兩個星期大假....點知..而家講起火都黎埋
我同佢諗住去報團既時候...佢先發現個passport過左期喎...我當場死左o係到, 換證要一個星期,又夾唔到個tour,最後....去左「環遊世界」-->世界之窗,仲要曬到中暑, o係酒店訓左一日....我真係「好多謝佢」囉, 我成個人黑到而家都未白番... 
佢本passport而家仲係原封不動放左o係到....仲話聖誕/新年再同我去喎...車...又返深圳呀??!!!!!! 基本上一句講哂!啲男人簡直同小朋友無分別!三歲亞B都仲醒目過佢地!我隻佬又係成日要我湊架,有時真係幾勞氣,好似早上年個結婚周年,SUPPOST係咪剩得我同佢二人世界先???佢又唔係喎!到我扮靚靚準備同佢七門口,諗住湊個仔去我外家度,佢未落床起身不但只,仲話諗住帶埋個仔去... 成點幾鐘你至咁講?火都嚟埋!我都即刻嬲到喊,即刻洗走哂個妝佢!之後佢仲死唔認錯,乜都話佢以為我點點點...大佬呀,年年都係二人世界架啦!我要改要變都唔係咁遲至講吓話???搞到嗰日卒之成四典半五典至到離島....反乜?食西北風囉!無聊到死,夜晚求其响離島嗰樹搵間西餐廳食晚飯就算...真係嬲到無哂癮架!!! 同埋我結婚周年唔係年尾,係五月中呀~~~到時至再恭喜我啦~~~~ elf 寫道:
bandband,
早晨啦, 今朝無咩野做呀, 無無聊聊又走入來嗲兩句先....
bandband, 你老公而家就話對你窒頭窒勢, 咁起碼你地以前都好sweet吖...我呀...我同bf 就係狗咬狗骨, 窒你唔死當你有種咁窒返來, 佢仲好意思同我講「我以前都唔會窒人架(我以前都唔會被人窒架) , 家下日日唔搵d人窒下周身唔舒服」
如果我bf好似你朋友既bf咁, 成日都問候自己gf, 最後結果唔係佢死就我亡, 最多我抓爛塊面問候番佢, 省多佢一巴又點話。都唔知有冇攪錯, 邊有人咁架?!! 至少我bf 「喺我面前」
你老公其實都好好吖, 專登留番大假慶祝結婚紀念, 我預祝你地開開心心先!!
你講得岩呀...男人係人頭豬腦...點極唔明不特止, 仲咩都唔記得...除左初初拍拖時我係feel到佢既溫柔&細心, 而家我都已經完全死哂心, 都唔望會再見到架啦..... :-(
都預祝定你下年紀念happy啦!!
發表於 
返回列表
