吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 濕濕碎碎，同Bruce生活的癲佬情趣

夫婦情感今日: 0|主題: 42774

收藏本版

發帖

返回列表

跳至頁

樓主: oguh

32 333435 36...59

tsewong

積分: 25108

661^#

發表於 12-8-12 19:05 |只看該作者

本帖最後由 tsewong 於 12-8-12 19:06 編輯

oguh 發表於 12-8-12 12:27
其實佢無必要妒忌我，佢自己本身條件都唔差，呢樣我先唔明

我有個舊同事屋企都有啲錢, 啲親戚係會上雜誌d名人版咁, 佢同我講過佢住大坑, 喺親戚中佢係最窮嗰個!! 我都感受到佢有壓力ga, peer pressure幾大, 佢喺間大公司做中層, 但佢啲表兄弟唔係做生意就係i-bank, 又或者係醫生律師, 佢應該係最差嗰個

如果個人心理質素唔夠, 咪好易好似你表姐咁囉~~ 心底裡恐懼自己會唔夠人叻, 驚人睇唔起自己, 同時你同表姐年齡差不多, 所以攞你做假想敵

私人傳訊

pomanlife

彩鑽殿

積分: 606632

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

662^#

發表於 12-8-12 19:21 |只看該作者

引用：我只係係果個post留過我以前都係住係屯門..

原帖由 sinyeechu 於 12-08-11 發表
我只係係果個post留過我以前都係住係屯門..
= =講真佢果個post9唔搭8..
我睇佢打既中文

嗰個人仲自稱幾條A某大學工商管理系添

私人傳訊

Karenabb713

大宅

積分: 4110

663^#

發表於 12-8-12 19:25 |只看該作者

引用：Quote:原帖由+mmmio+於+12-08-12+發表係呀

原帖由 misseleve 於 12-08-12 發表
我都頂唔順隔離個post, 不過我選擇唔追落去更加不會回覆。冇話咩野一定岩定錯既，每個人都有權揀自己要點樣 ...

我同你睇法一樣!

私人傳訊

candy.c

子爵府

積分: 11178

664^#

發表於 12-8-12 19:44 |只看該作者

我從不羨慕那些人，寧願手上乜都無，但都有Bruce隻手每日都會拖住我。

十個likethis!!!!!!!!!!!!!!!!!!!!

私人傳訊

candy.c

子爵府

積分: 11178

665^#

發表於 12-8-12 19:46 |只看該作者

mmmio 發表於 12-8-12 11:52
係呀！果邊個樓主成個拜金港女咁，仲要講野大條道理，簡直係價值觀出現問題！唔明點解咁多人撐覺得寫實？寫 ...

咪囉!!連我都唔明
乜有錢=幸福咩!
無錢=唔幸福??
咩理論AR?

私人傳訊

oguh

子爵府

積分: 11575

666^#

發表於 12-8-12 20:00 |只看該作者

本帖最後由 oguh 於 12-8-12 20:01 編輯

氹人的藝術

氹人，都需要技巧，都需要因人喜好、天時地利去做。Bruce係呢方面，本來係零分，比我慢慢培訓佢去到10分（滿分100分）。Bruce完全唔知道，幾時係應該做咩、咩時候應該講D咩、咩情況應該點氹人，成日都錯晒。

上年我生日當日，剛巧手頭上有個好好好好重要既job要跟，不能請假不能交比其他人做，果排晚晚凌晨一兩點先放工，返到屋企沖埋涼都三、四點先瞓，第二日又要晨早起身，每日瞓得四個鐘都無。

生日當日，我又好夜凌晨先收工，當晚自己揸車返到屋企，已經兩點幾，已經過左我生日，咩mood都無只係想瞓！我沖完涼，好小心咁摸黑瞓落床唔想嘈醒Bruce，我以為佢太攰無等我門。

但我一瞓低，佢突然開左床頭燈，咁光我即刻眼都盲，佢成個人彈起大叫”Happy Birthday!!!!!” 有心臟病真係比你嚇死呀！大哥！然後佢從枕頭邊拿出一份禮物，係一條好靚既頸鍊，但我已經攰到完全無感覺，唔識反應，求其講左句多謝就想瞓，佢非常不滿話我唔欣賞佢一番心機，唔比面佢，但我已經瞓著。

除左錯timing，佢仲成日都不分輕重，或送錯野。之前我寫同佢既崎嶇之路都有講過，佢第一次送野比我，竟然送左架車比我，果次同佢嘈左好耐先勉強收左，架車我用左兩年就賣左去。
佢可以平時無啦啦送條鑽石頸鏈比你（明知我好少戴都照送，因為佢話諗唔到買乜，但其實諗唔到你咪唔好買囉！我又無話要，佢會話我唔識收藏下D好野），但生日只係送一盒朱古力。

有一次唔記得咩日子，佢神神秘秘話買左一個古董手袋比我，送之前，仲同我講，覺得好襯我。我打開個禮物包，我都知人人審美觀係好唔同，但係，我心諗，你平時審美觀無問題架喎，點解今次咁離譜呀！

我見到一個非常之核突、簡直用醜陋無比來形容既手袋，第一，形狀古怪，是個菱形來的；第二，係我最討厭既金色；第三，金色皮上面，仲要有一個銀色蝴蝶結！救命！聖誕樹裝飾？你覺得呢個咁核突既袋同我好襯？即係我都好核突？永世難忘。

當然，我無用，Bruce就知道我唔鍾意，有次執屋我問佢呢個袋去左邊，佢酸溜溜咁話：「你唔鍾意呀ma......我咪幫你掉左佢囉.......費事你眼冤，見到佢都唔開心啦。」哈，有時我真係唔小心就咁傷害左佢既弱小心靈。

有時佢見我因其他小事唔開心，佢想氹我但又唔知講乜好，佢就會係我面前無啦啦唱歌跳舞！佢扮某D外國歌星好似，例如佢可以扮後生版既David Bowie、核突版既George Michael，同埋佢既偶像John Lennon，真係唱得好似，次次都比佢氹到笑，呢個應該係佢唯一既必殺秘技，有一刻我真係想幫佢報「殘酷一叮」。

而我氹佢，真係好簡單，佢係一個唔會嬲得耐、唔開心好快無事既人，都唔洗送野比佢因為佢所有野都要自己買先開心。有時佢唔開心，我會去痴住佢，扮下狗要佢摸下我個頭，同佢講：「如果我有尾巴，呢一刻條尾應該搖緊，你睇唔睇到呢？」咁佢就會開心晒，而見到佢開心，我就更開心。

私人傳訊

Kris0001

別墅

積分: 635

667^#

發表於 12-8-12 20:20 |只看該作者

很多謝你分享的故事...我從文字裡感受到你們的快樂!

起自己生活上覺得很迷網既呢個時候睇到你跟Bruce 的故事, 好似話比我聽很多事都是有安排的...亦給了我十分正面的力量...祝你地永遠都咁開心幸福!

能夠找到一個愛自己的人很幸運! 我會繼續去睇你寫既野. 分享你咁特別既經歷和生活! =) 相信亦有很多沒有在此留言的人, 一直追看, 被感動, 被鼓勵. Thanks so much!!

知道你的工作忙就會減少再寫. 但是你之前用心寫下的文字我定會重覆再看!

私人傳訊

oguh

子爵府

積分: 11575

668^#

發表於 12-8-12 22:02 |只看該作者

回覆：Kris0001 的帖子

多謝支持！

私人傳訊

oguh

子爵府

積分: 11575

669^#

發表於 12-8-12 22:02 |只看該作者

引用：樓主，我真係好多謝你呢幾編貼子。我呢一年

原帖由 thinkpositive 於 12-08-12 發表
樓主，我真係好多謝你呢幾編貼子。我呢一年，成個人忽然沉下來，事業甚麼咩都無。我成個人無了方向。看到你 ...

希望你能振作，加油！多謝支持

私人傳訊

sinyeechu

珍珠宮

積分: 32538

670^#

發表於 12-8-12 22:27 |只看該作者

引用：Quote:原帖由+sinyeechu+於+12-08-11+發表

原帖由 pomanlife 於 12-08-12 發表
嗰個人仲自稱幾條A某大學工商管理系添

唉…自以為是貪慕虛榮不知所謂既人多的是啦!

私人傳訊

sinyeechu

珍珠宮

積分: 32538

671^#

發表於 12-8-12 22:29 |只看該作者

回覆：濕濕碎碎，同Bruce生活的癲佬情趣

呢個樓主寫啲野好好多呢個樓主雖然我未見過佢咩樣但內在美一定好過果件野

私人傳訊

pekkle1120

男爵府

積分: 5451

672^#

發表於 12-8-12 22:59 |只看該作者

回覆：oguh 的帖子

真係好好睇！好喜歡你的故事！

私人傳訊

oguh

子爵府

積分: 11575

673^#

發表於 12-8-12 23:12 |只看該作者

本帖最後由 oguh 於 12-8-12 23:19 編輯

臭脾氣

之前都有講過，我家Bruce心地雖然本性善良，平時都樂於助人，但佢都有佢既臭脾氣，對住我固之然臭格，對住外人呢，通常開頭都仲可以扮gentlemen，但唔激得幾多秒，就會變癲佬。以下是一D比較深刻既例子。

事件一
上星期發生，我同Bruce放假一齊去某超市買一D日用品。Bruce企係度睇緊野，有個女人同佢擦身而過撞到佢，但完全無停落黎講對唔住，望都無望Bruce一眼，彷彿我老公係一個貨架。

Bruce忍唔住，叫停果位同樣係外國人既女人，好聲好氣話：「唔好意思，小姐，你撞到我。」
女人：「係咩？」想轉身走。
Bruce仲係好好聲氣：「係呀，小姐，你完全唔覺得要道歉咩？」
女人：「你洗唔洗咁無禮貌！你男人之家係咪想係度侮辱一個女人？」
Bruce冷靜話：「家陣係你撞到我，我只需要你道歉。」
女人：「對唔住，滿意未？」
Bruce：「你呢D態度，你覺得無問題咩？」
女人：「係咪要報警呀？你做咩男人之家欺凌一個女人！」
Bruce開始無耐性，態度變惡：「報警囉，你撞親我，我要去醫院驗傷，你唔好走呀，8婆，企係度等比差人拉啦。」
女人：「係咪要搞到咁大？依家係你呢個男人，大庭廣眾係度侮辱人！」
我忍唔住出聲：「小姐，你撞到人先架。」
女人：「撞親佢係咪重傷？對唔住都講左，你仲想點？8婆。」

Bruce靜左一下，我feel到佢已經「跳左fuse」，要爆喇。佢拉長臉，瞇起眼，怒睥住佢但同我講：「算啦，老婆，唔好同呢D真正8婆講野，完全有失身份，你睇佢咁鬼臭格又樣衰，可能便秘發作躁躁地到要搵人鬧先安樂，唔好同呢D人嘈，小姐你有病食藥記得去覆診啦。」把口衰到，我拉開佢。佢仲一路行開一路對住人講：「洗唔洗介紹醫生比你？更年期提早可能無得醫，你個8婆。」個女人繼續鬧佢。

之後我同Bruce講：「你把口咁賤架，鬧交還鬧交，都唔好咁衰格啦。」
佢仲嬲緊，不停爆粗鬧果個女人，佢好憎人地明明錯先，但又態度惡劣反屈佢。佢話：「佢話我當眾侮辱佢，我咪幫佢實現願望囉，個8婆自找。」固執到死。

事件二
有次，有個朋友架車有問題，想叫Bruce去睇下，因為佢愛車愛到係半個整車專家，自學識識地整車。佢去到朋友屋企，檢查左架車一陣，佢話某D零件要換。

朋友叫佢幫手訂零件，佢好樂意，幫佢訂左。到零件運到來香港，佢叫佢去要拿去車房整。朋友話太忙，請Bruce代勞，咁佢又好樂意。整完，Bruce幫佢揸埋返屋企，過左幾日朋友先得閒試下架車，覺得仲有問題，又叫Bruce過去睇下。

Bruce再去睇，話無問題，換左零件之後係咁。朋友懷疑，想訂另一個國家既零件換，可能會好D。Bruce話唔洗，因為一樣都係會咁，朋友唔信，又再請求Bruce幫佢再訂多次。Bruce開始無耐性，但又唔想推人，返到屋企同我呻。

再整多次，朋友終於滿意，過左幾日，又搵Bruce去睇下另一架車。

Bruce忍唔住發脾氣：「我唔係你私人技工呀，你自己去車房啦，你唔係果少少錢都慳呀，cheap佬。」

但佢發完脾氣之後，之後都係去左幫朋友整車。

事件三
話說Bruce係一個好討厭排隊等既人，只要佢大爺排隊等，佢就會躁，佢覺得浪費緊佢寶貴時間。（佢堅信地球係圍住佢轉）

有次我地要去管理處搞一D野，去到管理處，counter有一個鄰居係度，佢係某城中名人，佢同老婆一齊同職員傾緊。咁我同Bruce就呆呆企係後面等，我地聽到佢地之間對話，我細細聲同Bruce講呢個係XXX，係香港好出名架。

當時大廈搞緊維修，每戶業主都要出維修費，每戶約百幾萬，通常一層兩個單位都買晒打通，所以大部份業主都要出兩戶維修費，名人XXX都係，即係總數要比約三百萬。佢老婆問長問短問左好耐維修費事宜，最後直頭係質問人地，要人地即刻即場出返條數出來比佢睇，咁係人都知無可能既，但其實之前開會已經show過出來。

XXX就話，算啦，搬喇，唔比喇。佢老婆就話，唔得，就算唔比，都要知佢地D數係點計。然後變相係佢地兩夫妻嘈交。

搞左好耐，Bruce終於失去耐性，忍唔住，佢走上前，問：「XXX，三百萬之ma。」然後佢自己即刻開左一張三百萬支票比職員：「你地兩夫妻唔好嘈啦，我比埋你地果份，唔該，我地仲要搞其他野。」

XXX個樣好無癮，然後一副不情願咁自己開票，話：「咁又唔好......」然後不情願比票，佢老婆就不情願咁睇住佢比票，為左面子，唔再嘈。

之後我問Bruce：「如果XXX真係唔介意你幫佢比埋，你會點？」
Bruce無表情咁話：「我寫得票我預左比架啦。」
我：「咁下次我同你去買野，我又試下呢招先，我同個sales要折頭，人地唔比，我同佢嘈，咁你咪走出來同我比晒錢囉！」
Bruce：「你試下，或者我自己走左先。」

呢位人兄，隨住年月增長，已經改善左好多，但仍然間中流露出佢無耐性同臭脾氣既一面。我唔想有日佢係街同人嘈然後比人打，佢後生同人打交我都算，依家比人打，斷骨真係有排煩，我唔想到時我要全天候貼身照顧呢位出街又要惡，係屋企對住我就流少少血都大呼小叫扮可憐既男人。