Re: 69年出生既朋友,您們好嗎
我都唔明, 人地母親節, 我又母親節, 我就做到隻狗咁, 咁要同我阿媽炒大鑊展開罵戰.
尋日等獸醫開門帶隻貓睇醫生, 睇完醫生返屋企個仔訓左覺, 咁兩點幾去街市買送, 買完送飛的返外家 (成舊水的士錢), 跟住預備下午茶, 當日下午茶食刺身. 食完就準備夜晚D送. 我不嬲都覺得煮送唔難架, 係事前準備功夫耐之嘛.
咁係我叫我阿哥劏蟹有少少空閒時間之間, 我阿媽又叫我執野 (即係我以前遺落而未拿走的衣服), 我咪鬧Q佢囉, 次次返到黎都叫我執呢樣執個樣, 唔係我D野都話係我, 乜Q都叫我執, 我唔要的衫擲左佢又執返黎, 總之就一定要我帶返屋企至得. 咪屎都滾埋囉.
鑊鑊過時過節我要出錢出力, 但係就次次都搵我麻煩, 你係咪玩野呀. 所以我之後同老豆講, 你唔好怪我點解唔多D返黎睇你, 係因為阿媽做的事太乞人憎, 所以我都費事返外家. 咁我老豆咪同我講, 因為都怕左我阿媽, 所以佢講乜我都唔出聲囉.
咁我D衫係好多年前的了, 我咪叫我阿嫂比個工人囉. 點知我阿媽又發花癲話驚我無衫著, 叫我拿回家. 我真係費事彩佢呀.
尋晚煮八個送, 佢居然問我夠唔夠, 仲送唔送再落街買送. 大佬呀, 雖然話夾埋有成17個人, 但我個仔食奶唔計啦, 有5個係細路, 八個送都夠啦, 比我鬧完一輪先至肯收口.
全職/全母乳媽媽大仔在8/8/2004出世了! 3.02KGS細仔在23/2/2007出世! 23/2/07 2.84KGS 26/2/07 2.81KGS 08/3/07 3.12KGS 24/3/07 3.79KGS 23/4/07 4.77KGS 25/6/07 6.67KGS 25/8/07 7.73KGS
發表於 
返回列表
