想生BB 今日: 1 | 主題: 109542

積分: 3386

61^#

發表於 14-10-7 16:40 |只看該作者

回覆 Wing2186 的帖子

真係好丫你呢個老婆, 會plan好跟住去享受... 今晚真係要抖一抖喇, 可以休息下明白再繼續努力

citysuper買蠔唔錯呀, 我之前見到觀塘一田都好似有好多選擇價錢又OK, 不過對我黎講好遠呢... 上星期我地就係叫返屋企自己開既, 但就多D功夫同埋要叫好多先可以送貨... 不過你真係好勁喎, 一次食3打

你唔怕食得太多個肚會唔舒服咩? 我通常都係食半打, 最多一打, 已經好夠架喇, 哈哈~~ 如果我C6食咁多我諗我會好忙呢

多謝你D提議呀, 我諗緊好唔好去銅鑼灣一間有蠔食既餐廳, 我同C6以前耐唔耐都會去, 可能candle light dinner一下, 又有蠔食, 咁就一舉兩得啦

性感睡衣其實都唔太需要既, 我只要件睡衣個"領"低D就可以架喇, 你知啦, 我C6食咁多蠔

私人傳訊

積分: 704

62^#

發表於 14-10-8 10:04 |只看該作者

sofluffy 發表於 14-10-7 16:40
回覆 Wing2186 的帖子

真係好丫你呢個老婆, 會plan好跟住去享受... 今晚真係要抖一抖喇, 可以 ...

哈哈，多謝你讚賞! 你都為C6 searching 餐廳 candle light dinner，又肯個佢生BB，你都是一個"好好老婆"。講真，好多80/90後比我的感覺是唔肯生BB的，你已經是特別的一位，也證明你倆感情好好，幸福滿瀉

請恕我Outdate，而家買生蠔有送貨服務架? 而買外賣的生蠔大約幾錢隻? 有無最低訂購限額

但你也好勁識開生蠔，我真係唔識，所以以前必在citysuper買，等佢地開埋。我以前真係勁鍾意食生蠔，一餐buffett裏，只食生蠔和甜品，所以食得落3打，而我也不會肚痛，可能自小食慣海鮮，對海產無題。哈，唔止你，如果我係男人食咁多生蠔，好多女人都唔得閒luuuu.....

咁又係，你c6食咁多生蠔，你低小小領真係殺死佢，佢仲可能要你一晚二次，非常唔得閒............

私人傳訊

積分: 3386

63^#

發表於 14-10-8 15:17 |只看該作者

回覆 Wing2186 的帖子

哈哈多謝你哦, 其實我真係好鍾意小朋友所以好想生呢, 好彩我C6都鍾意 (咁當然無我咁瘋狂啦)... 同埋我由細到大都想有一個大家庭, 可能因為我係獨生女既關係啦, 所以就更加想自己個屋企可以熱鬧D, 開心D...
係呀生蠔, 刺身, 扒類個D都有得外賣呀, 真係好方便, 不過當然要買夠一定銀碼先會送啦... 我上次係一大班人, 叫左好多野, $15XX 所以一定夠送貨啦... 生蠔大約20-40一隻, 視乎品種, 同埋每款最少要買6隻... 有D公司仲可以要求佢搵人上黎幫你開蠔, 當然要另外收費啦 (好似大約$5一隻)... 所以如果你真係唔識開都唔係問題... 咁我C6同佢班同事都好鍾意食蠔, 佢D同事又教佢點開... 其實佢識開, 跟住可以係人地面前表演我諗佢都好有滿足感既

C6成日係屋企會偷襲我, 所以我依家練到可以係佢出手既時候就避開或者擋住, 如果唔係真係會好忙呢...

私人傳訊

andeskinki

子爵府

積分: 13898

64^#

發表於 14-10-9 00:56 |只看該作者

回覆：iamsosad 的帖子

可唔可以pm我知係邊度?我個婦科轉介，我要2400蚊呀

私人傳訊

積分: 704

65^#

發表於 14-10-9 10:34 |只看該作者

sofluffy 發表於 14-10-8 15:17
回覆 Wing2186 的帖子

哈哈多謝你哦, 其實我真係好鍾意小朋友所以好想生呢, 好彩我C6都鍾意 (咁當然無我咁 ...

講得好呀

我都成日同人講如果決定生B，最好就是以雙數黎生，因為真的有個伴，雖然小朋友經常又嘈咬、又爭寵、但又好多時會好老友，甚至聯手對付媽咪 (我兩個女就係咁)，咁做呀媽加入戰團，其實不知幾開心，特別小朋友大咗，可以好似朋友咁互相鬥咀，真係成日笑架。你有無諗過生幾多個呀? 你會先做IUI，如果你一有就是TWINS就好了，生B一Take過，諗到都替你開心.....

thx你資料，每隻蠔$20-40好抵呀，仲要有剌身和扒類，正!!! 不過要買千幾蚊才送資，要等有一班人gathering時才可以order luu....

你c6又鍾意表演，咁就最岩做"開生蠔師父"臨記啦，有得食，又有得玩，你都好滿足啦

哈哈~~你講到你c6出手時，你就識避開或擋住，我即刻聯想到你用「禽拿手」對付佢....... 哈哈.....

真凳你地sweet，你要珍惜現在得閒sweet時間，遲些有咗bb你仲唔得閒呀

上次25/9 m come，我原以為會back to 以前cycle28-30，會呢幾日排卵，點知由星期一開始check排卵有條淺控線，到呢兩日已經完全無線，我想在星期五-六已經排咗卵，因果兩日有類似拉絲的情況。浪費了今個月努力和晚餐添.....唉

不過ok啦，同你一樣下個月一齊努力

私人傳訊

積分: 3386

66^#

發表於 14-10-9 15:29 |只看該作者

回覆 Wing2186 的帖子

我都覺得小朋友數目係要雙數, 可能因為我細個成日自己一個, 所以更加覺得有個伴會開心D, 就算係鬧交都係一種經歷, 到大個諗番轉頭都會覺得好好笑... 不過其實我係咩都鍾意雙數, 食提子/藍莓呢D細細粒既生果要兩粒兩粒咁食, 電視音量要係雙數, 仲有好多好多

同佢買蠔真係幾抵架, 或者你可以買埋佢D扒或者魚都可能夠, 上次我地買左兩塊牛扒同鱈魚扒, 好好味呢~~~

諗起都想食呀... 當然佢D蠔都好好味~~~

男人有得威就開心架喇, 人地唔識開蠔佢識, 開哂大家又會讚佢, 點會唔高興丫... 其實男人都真係好似小朋友, 超鍾意俾人讚, 跟住就會沾沾自喜 XD

哈哈我既擒拿手都幾準架, 有95%係會擋到佢, 因為我實在太了解佢會幾時出手喇, 呵呵呵

你都可以偷襲你C6, 呢D都係情趣黎既

不過有小朋友係屋企係有D唔方便, 一係就要等佢地訓哂先...

噢噢噢, 今個月又咁早排卵? 咁你個上星期有無努力過呀?? 或者你星期日先排, 星期一都可以勉強趕得切呢... 晚餐就唔會浪費既, 因為你地都浪漫過丫嘛, 之後一路keep住sweet sweet心情, 就算今個月真係唔中, 下個月都可能唔駛再去蠋光晚餐都一樣咁sweet啦

今個月我未排卵呀, 今朝好似有少少拉絲, 如果之後仲有就要努力努力喇, 呵呵~~ 不過我依家好懶, 好少用紅D check排卵, 同埋唔想俾咁大壓力自己去計住幾時要做幾時唔駛...

私人傳訊

積分: 704

67^#

發表於 14-10-9 16:19 |只看該作者

sofluffy 發表於 14-10-9 15:29
回覆 Wing2186 的帖子

我都覺得小朋友數目係要雙數, 可能因為我細個成日自己一個, 所以更加覺得有個伴會開 ...

我開始發覺，和你的共通點除了是想生B外，還有就是為食..... 我地可以多樣野分享喇....

遲些聖誕搞gathering時，一定問你那間外賣服務先，跟住叫你c6表演，滿足下佢表演慾.....(這句純粹瀾gag)

我同c6都有搞搞震呢方面情趣，但我是倒轉搞佢多，可能因為佢大過我，性格又沉實，所以好多時都是我搞佢，搞搞下佢就會好似 "撻著副偈"咁同我玩反轉頭，仲成日被佢話我咸濕添......

但咁玩真係會好sweet，又可以增進感情

明白你意思，我都停咗好耐無check排卵，最初check排卵都會有好大壓力，現在覺得心態真的放鬆咗，所以再check黎交特別功課

係喎，你月尾幾時出發呀? 打算玩幾耐呢?

私人傳訊

積分: 704

68^#

發表於 14-10-9 16:21 |只看該作者

補充：有小小拉絲就唔好理喇，當sweet sweet咁dodo咗先啦

私人傳訊

積分: 3386

69^#

發表於 14-10-10 11:30 |只看該作者

回覆 Wing2186 的帖子

辛苦搵埋志在食丫嘛, 我都真係幾鍾意食野, 仲要越黎越大食, 食量同我C6一樣呢

你遲D記得提我俾個間公司既資料你呀, 因為我實唔記得 XD

哈哈哈~ 聽落你地都好sweet丫

不過呢D情趣真係要keep住架, 唔係一世人流流長會好悶架嘛...

我前幾日好好彩拎到

JM既紅D, 所以尋晚諗起你講check排卵我就貪得意玩下, 應該仲未排呢, 不過都應該會係呢兩三日既事... 今個weekend要努力喇我, 哈哈哈~

月尾我25號出發去玩5日, 可能去旅行既時候會m come呢, 真係麻煩, 好大機會又會開唔到針... 唔通真係好似我之前睇相話我要下年先應該有BB??

但我又好怕如果下年都唔得咁點算呢?? 哈哈真係好多野要煩呢~~~~~

私人傳訊

kk300

積分: 4499

70^#

發表於 14-10-10 18:47 |只看該作者

引用：Quote:DeVoL+發表於+14-9-15+17:27+謝謝+sh

原帖由 Wing2186 於 14-09-15 發表
養和可以就咁book黎照，但出咗報告你都要搵醫生睇和解釋喎。

想問你養和駱醫係x Ray 照輸卵管？唔使用鉗？因我怕痛
可否PM contact 比我呀？ Thx

私人傳訊

積分: 704

71^#

發表於 14-10-13 10:43 |只看該作者

sofluffy 發表於 14-10-10 11:30
回覆 Wing2186 的帖子

辛苦搵埋志在食丫嘛, 我都真係幾鍾意食野, 仲要越黎越大食, 食量同我C6一樣呢 :surp ...

家中辦喜事幾日無上黎，你點呀，好嗎??????

Thanks呀，到時一定問你，因為聖誕會請朋友到家中gathering，到時買些外賣+煮些食物和甜品，方便好多呢

係呀，其實check排卵都無乜野，只覺得排卵時要do得開心啲，因為人地話開心荷爾蒙會容易受孕喎，所以一齊試下啦

25號又的確差不多m come喎，係無咁方便，但可以同c6 sweet sweet，乜都抵返啦

雖然可能開唔到針，但或者是天意，因拖下拖下你都自然有咗啦

其實搞到出年有都唔奇，因仲有幾個月就話2015年，時間真快。咁睇相佬有無話你會生仔定女呀? 我就發過幾次夢都是生女，我想我都是外母相多咯......

私人傳訊

積分: 704

72^#

發表於 14-10-13 11:01 |只看該作者

kk300 發表於 14-10-10 18:47
想問你養和駱醫係x Ray 照輸卵管？唔使用鉗？因我怕痛
可否PM contact 比我呀？ Thx

...

hi 你好呀，唔好意思遲回覆。

我是睇養和的醫生，但不是睇駱醫生，我是睇陳換堂醫生，sofluffy才是睇駱醫生呢

其實照輸卵管X-ray的醫生不會是睇開的婦科醫生，是由一群「診斷及介入放射部」的醫生負責，而照輸卵管當中，是必需好似婦科檢查咁，先用鴨咀鉗張開陰道，然後再放一條有鏡頭的導管，之後就打顯影劑和拍攝。當中我個人就覺得用鴨咀鉗和插入導管時都唔痛，是打顯影劑後子宮膨漲的痛(即好似谷m咁)。

如果你還想要資料，我可以再pm你。

私人傳訊

積分: 3386

73^#

發表於 14-10-13 11:29 |只看該作者

回覆 Wing2186 的帖子

恭喜哂呀家有喜事, 呢D時候小朋友最開心, 有得扮靚又有得玩

我都係咁上下, 呢幾日同老公拍拖去行下街咁啦, 無乜特別~~

呢幾日無啦啦想玩紅D, 今朝開始轉深, 睇黎呢兩日都要努力努力喇~~ 不過都要睇下C6肯唔肯配合先得

唔肯都無所謂啦, 因為我呢個月都想輕鬆D, 同埋月尾去旅行, 如果咁好彩有左的話去玩要就住就住呢~~

我見好多JM都話佢地會feel到排卵, 但係我又唔係好feel到, 唔知係D咩感覺... 你feel唔feel到架??

個睇相既話我第一個會係仔 (佢似係好傳統, 叫我第一個一定要小心因為係仔, 但其實女既話都要小心架啦, 哈哈哈

), 仲話叫我唔好心急, 因為我C6會有3個小朋友, 但係佢就無話我會有幾多個

希望我下年真係可以自然有啦, 咁就可以慳番D錢...

私人傳訊

積分: 3386

74^#

發表於 14-10-13 11:48 |只看該作者

回覆 kk300 的帖子

照輸卵管唔係駱醫生自己做架, 係放射科醫生做既...
照既時候好似Wing2186講既咁, 好似平時做婦科檢查咁放個鴨咀鉗之後再放條好幼既管入去打顯影劑... 我本身都好怕痛, 我同醫生講我好怕放鴨咀鉗... 佢就好細心咁慢慢做, 等我無咁痛, 仲要放左條管入去既時候就拎番個鉗出黎, 等我舒服D... 點知條管郁左 "扇" 左出黎... 所以又要放多次鴨咀鉗

之後個鉗就一直放到我照完為止... 打藥水入去其實唔係太痛, 只係有D谷住既感覺... 谷到開始頂唔順我就同醫生講跟住佢就唔再打藥水喇...

唔駛太怕既其實, 我諗生BB一定係痛好多倍... 加油呀~~

私人傳訊