少年成長 今日: 1 | 主題: 16068

積分: 2298

61^#

發表於 12-7-1 00:04 |只看該作者

回覆：失敗的媽媽

Phjess,（開心三）佢以前及今次第一碗川貝湯佢係吾肯飲，話好苦吾好飲，要餵好耐先飲哂，但由第二碗開始，佢竟然自己不下不下飲哂，我都有讚佢，好叻，飲多d就快d好，暑假就可出去玩玩食食，如果吾係你病未好就邊到都吾駛去，係屋企休息，之後果個星期飲足7曰，雖然有時都係要餵，但已經吾抗拒果種味啦！

私人傳訊

積分: 24042

62^#

發表於 12-7-1 00:08 |只看該作者

你可以按我的要求, 重寫"開心二"了

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

積分: 24042

63^#

發表於 12-7-1 00:10 |只看該作者

BTW, 你可以慢慢寫, 因為這兩天我未必可以答

私人傳訊

積分: 2298

64^#

發表於 12-7-1 00:22 |只看該作者

回覆：pyjess 的帖子

係呀都是一星期內的事，我真係好多謝你為我付出咁多精神同時間，我真係有好多問題都吾知點攪個囡，身邊都有吾少人話我種壞咗佢，其實我都已經軟硬都用過，點教佢都吾聽，人地睇到吾知真係以為我＂無家教＂，甚至符，有時佢做d野真係令我覚得好無面同失禮，所以依家仲吾更正佢各種問題，真係3歲定80就慘啦！
吾知我執著定咩，我真係覚得佢依家，好多嘢都係我心中係吾合格，但有時身邊d朋友就話你囡算好，我果個。。。。。（心諗吾通佢會話佢果個好過我果個咩）！

私人傳訊

elaine28_3

複式洋房

積分: 233

65^#

發表於 12-7-2 19:47 |只看該作者

讚多D 罵小D 賞多D 罰小D 錯就冇野賞

私人傳訊

Kimberly87

積分: 2626

66^#

發表於 12-7-3 13:44 |只看該作者

回覆 pyjess 的帖子

Pyjess,你真係好用心咁詳情咁列明重點,好有用,我全部睇哂!!!

其實我成日都睇"小朋友,大脾氣" 教人用"讚"去代表"罰",效果好好,亦見到好多成功既例子
所以我而家都成日讚個仔,佢每做岩/做到一件事,我地都會好誇張咁讚佢!!!
亦因為睇左"小朋友大脾氣"個POST,我知道打/鬧係冇用,傷感情之如又勞氣
我都灌輸左"唔好打"呢樣野比奶奶婆婆佢地知, 唔好一做錯事就打佢,
又或者成日話"打佢"而又"唔打/細細力打" 只需要講"NO"便可
亦解釋左如果你打佢,佢會學識打人,第時亦會打返你

不過佢地老一輩既角度就覺得小朋友"唔打唔識驚" 同埋覺得我唔打唔鬧係"種佢"
所以我都會驚自己會唔會好善良,個仔會"任意妄為"呢??
例如: 家中有神檯 , 佢會去爬去攪, 我一見就會即刻好惡咁NO佢,然後抱開佢, 佢扭就唔理佢
想爬入廚房,都係NO,然後抱走
每次抱走隔左一陣佢都會再去攪,我就來來回回咁NO同抱走佢!!

而我亞媽就會話一定要"罰佢"(打)先有阻嚇作用,令到佢有深刻印象從而唔去再犯事
我睇過一本書教,如小朋友做錯,就數1-2-3, 數到3佢依然繼續犯就罰企/罰坐等等
不過我覺得個仔唔知係咪仲細,唔係好識聽,而且罰佢坐,佢都好似唔知發生咩事咁??
咁我係咪照用返"NO"然後抱走佢就足夠呢??

而我奶奶亦好鐘意話 : 唔要你呀、唔錫你呀等等既說話~唉...真係犯哂D通病

我好緊張管教子女呢個課題,因為如果開頭做錯了,之後就好難糾正!!!
所以我好鐘意睇呢D POST呢~睇完你話會追住錫BB, 我都要多D鍚佢, 感染下佢都鐘意錫人先^^

私人傳訊

積分: 24042

67^#

發表於 12-7-3 14:15 |只看該作者

本帖最後由 pyjess 於 12-7-3 18:34 編輯

Delete - 已見到所有post

私人傳訊

積分: 2298

68^#

發表於 12-7-3 15:53 |只看該作者

回覆：失敗的媽媽

Phjess,

等等我，呢2曰較忙！我會改番比你，thanks!

私人傳訊

積分: 2298

69^#

發表於 12-7-3 20:31 |只看該作者

回覆：失敗的媽媽

Phjess，

我終於重組咗我的開心（二）了。

（開心二）一向佢咳，我都要佢介口，今次都吾例外，佢一向受吾住引誘，一有人請佢就會照食，今次佢好順攤，一遇到糖、熱氣嘢、凍嘢、涼嘢，橙等，佢真係一叫即停，仲話等我好返先食／飲！good!

（開心三）因為佢咳，飲咗西葯都吾見好轉，所以我燉d川貝湯比佢飲，佢都話好苦吾好飲，每次我要左氹右氹佢先會飲，今次佢好自覚，不下不下飲哂，我都有讚佢，好叻，飲多d就快d好，暑假就可出去玩玩食食，如果吾係你病未好就邊到都吾駛去，係屋企休息，之後果個星期飲足7曰，雖然有時都係要餵，但已經吾抗拒果種味啦！（確抵錫）

私人傳訊

積分: 2298

70^#

發表於 12-7-3 22:06 |只看該作者

回覆：失敗的媽媽

Phjess,

(開心四）是佢K1學期尾成績英文同數學都100分，常識科就失手錯2題，中文科錯1題，不過，我已覚得從下學期先插班，由＂開心幼稚園＂轉到去＂谷人幼稚園＂都算過得去，我都有讚過佢，仲應承佢暑假會帶佢去迪迪尼玩！

私人傳訊

積分: 2298

71^#

發表於 12-7-3 22:29 |只看該作者

回覆：失敗的媽媽

Phjess,

(開心五）係6月中阿囡讀緊嘅LCM英文課程要考試，係果曰佢要對住個西人考官，一對一係一間房入面唱一首英文歌，扮白兔仔同回答幾條問題，果曰佢考試前幾個同學，其中有3個都喊住出黎，之後我就諗，死喇吾知囡囡會吾喊呢？如果喊實咩都表現吾到，之後佢一出黎我見到佢無喊，我即刻擁抱佢錫佢一大淡，之後問佢驚吾驚？佢話吾驚，問佢識吾識，佢話識，問佢有冇唱歌，扮兔仔，佢話有，我就放心哂，雖然合吾合格要月尾先知，我覚得佢已盡力做哂所有嘢己足夠！

私人傳訊

積分: 24042

72^#

發表於 12-7-4 00:12 |只看該作者

回覆 beepaul2007 的帖子

我相信, 你唔係唔教, 而係方法錯左, 收不到效

就好似細個考試, 答左10頁, 可能都唔合格, 因為"唔中POINT"

私人傳訊

積分: 24042

73^#

發表於 12-7-4 00:29 |只看該作者

回覆 Kimberly87 的帖子

其實我地在小朋友1歲時, 已經開始用之前講O既罰則, 如果無記錯, 第一次罰, 要罰3 ROUND, 因為佢未明, 到明左, 佢先肯鍚我地 (佢未識講對唔住, 錫我地代替對唔住)

而當時, 我地放佢入HIGH CHAIR, 面壁

亦試過當街當巷罰佢, 因為佢第一次用自己對腳仔行商場, 攞住玩具店O既玩具, 唔放手, 扭計, 我地罰左去坐落BB車, 面壁一分鐘

罰得小朋友, 自己就要厚面皮, 小朋友喊到嘔, 我地唔怕; 路人甲做"炸兩", 我仲要同路人甲講: "我地教緊仔, 唔該借借"; 面對祖父母, 太祖, 一樣要堅持, 當然, 同丈夫有默契好重要, 因為佢家人由佢開口, 我O既由我開口

TIME OUT過, 原諒過, 我小朋友不會犯同樣的錯, 因為佢由細已經知, 扭, 係無用O既

所以你同丈夫AGREE左一套方法之後, 就要先由你地兩個做起, 再同祖父母溝通, 同教BB瞓道理一樣

私人傳訊

積分: 24042

74^#

發表於 12-7-4 00:31 |只看該作者

樓主,

繼續, 仲有5個....你寫完, 我對你女女都理解多D

私人傳訊

積分: 2298

75^#

發表於 12-7-4 09:07 |只看該作者

回覆：失敗的媽媽

Phjess,

（開心六）平時家姐可能會覚得，佢曳我地只會罰佢，鬧佢同打佢，而細路曳就吾會，係上星期我工人放假，我一個要揍2件，撞正囡囡吾聽教+攪攪震，就會攪到我好文憎，細路果曰又特別扭計，扭我好耐都吾訓，抱住都喊，之後我就放低bb係床，我就同家姐講，我地出去，細路吾乖，扭計哦要閂門罰佢喊，家姐聽到就話：點解要罰佢嘅，係咪佢吾乖，媽咪要罰佢呀，我話係呀，你同細路都一樣，乖媽咪就錫，吾乖一樣要罰，之後佢好似好吾忍心我罰佢咁，叫我吾好罰佢，開門去同細路講：細路乖，吾好扭計呀，知吾知呀，如果吾係媽咪罰你傢啦，知吾知呀，個刻我就知，家姐其實好錫細路！

點評

pyjess

發表於 12-7-4 13:15

私人傳訊

Kimberly87

積分: 2626

76^#

發表於 12-7-4 13:33 |只看該作者

回覆 pyjess 的帖子

唔好意思,要入黎呢個post到"抽抽水"

講開管教問題,真係好多野想發問
好似Pyjess你話罰佢坐high chair面壁

即係佢做錯事: 攪神檯/爬入廚房
我係咪首先"警告"佢,然後同佢講再攪就要坐high chair面壁

咁佢再攪,就即刻放佢去high chair面壁一分中??

但佢會唔會因為咁而怕左high chair,
例如平時佢要坐high chair等我地食飯/唔得閒時放一放佢落highchair
佢就以為我地罰佢呢??

另外,如果放左佢落high chair就扭計,當然係唔理佢啦
但係如果夠時間佢仲扭緊,我就抱佢出黎
佢會唔會誤會我係因為佢喊而抱佢出黎呢??
定話我要等佢喊到收哂聲先抱起佢??

之後,點樣去引導佢表示對唔住?(用錫黎代替)
thx pyjess!!

私人傳訊

Kimberly87

積分: 2626

77^#

發表於 12-7-4 13:35 |只看該作者

beepaul2007 樓主, (開心六) 真係好正!!!
如果日後我生第2個既話,都要注意呢一點

私人傳訊

積分: 2298

78^#

發表於 12-7-4 21:21 |只看該作者

回覆：失敗的媽媽

Phjess，(開心七）一向我都有教佢，吾可以要人地d野，如果人地送或比野佢，要先問准媽咪先，事實每次食得嘅佢一定放咗入口，吾食得嘅，佢會揸住死吾放，有時仲問人地＂仲有冇呀＂！係上星期，我朋友打黎同我傾傾下計，聽到我囡係我側邊，就話想同佢講二句，之後亞囡同佢傾咗一陣就收咗線，我大約都聽到有人買咗樣嘢送比佢，我就扮錯問佢，同ee傾咩呀，佢話：ee話買咗個手袋仔送比我，之後我就話：咁你有冇話ee多謝吾駛啦，我屋企有好多袋，都用吾哂，等我用爛咗先去買呀，吾好嘥錢買啦，佢突然話：好呀，媽咪你幫我打比ee，等我咁樣講呀，我就幫佢打電話，有佢自己同ee講，佢真係講喎，不過佢講到吾清吾楚，我就係側邊教佢講，呢次我真係估佢吾到咼！讚！

私人傳訊

積分: 2298

79^#

發表於 12-7-4 21:58 |只看該作者

回覆：失敗的媽媽

Phjess,(開心八）由於囡囡每朝返學，我都係三吹四請，佢先會起身、刷牙、洗面，仲要係極度吾願意果隻，試過一二次遲得緊要，我就吾理得咁多，同佢極速著衫走人，從此，佢就有意冇意就想拖都吾駛刷牙就可走人，我梗係吾會比佢得呈，毎日早3個字叫佢起身，最終佢都會死死氣入去刷，我就諗就黎暑假吾駛早起＂仲得了＂，分分鐘所有我同佢辛辛苦苦培養出黎果d習慣比番哂我傢，於是，我就諗計，同佢講，好，由即曰開始每曰起身要自己洗面、刷牙、著衫、量溫度、著鞋，自己不飯食，訓晏教、做暑期作業，我就應承你放暑假每曰帶佢落公園玩半個鐘，每曰有10分，無做一樣扣一分，每曰如低過8分就吾駛去，之後佢話好，到依家第3曰，雖然我知道佢吾會一時三刻訓練到佢做得哂所有嘢，但至少有個推動作用，減少墮性，佢依家刷牙著衫都有進步，係不飯食差d者，要諗諗計先得！

點評

pyjess 呢個係PLAN, 唔係過去一星期令你讚女女O既事發表於 12-7-4 22:55

私人傳訊