懷孕前後 今日: 4 | 主題: 330582

積分: 2519

781^#

發表於 09-6-7 09:46 |只看該作者

各位，報告一下近況，已經冇上嚟個幾禮拜，不過都有久唔久睇MESSAGE，E+終於得閒少少，可以update吓。

我上次講到見紅同唔知係咪陣痛後，結果24/5見紅，26/5入院，27/5生咗囝囝啦！

成個生仔過程比我想像中冇咁痛，最辛苦反而係陣痛等開到10度嘅時候，因為要貼住兩舊量度宮縮同bb心跳嘅嘢响個肚，等我向左瞓又唔係，向右瞓又唔係，仰臥又唔係…一陣郁倒嗰兩舊嘢又度唔倒，真係黑人憎，所以成晚就咁响度典來典去，典足成個26/5晚至第二朝…… 冇得瞓之餘仲要陣痛住，其實陣痛我都覺得可以忍倒，我都唔需要吸笑氣住，但搞多2-3hrs後，因為要就住就住嗰兩舊嘢，搞到腰又攰，點轉身都唔舒服，加埋陣痛，真係頂唔順，終於叫姑娘俾笑氣我聞。初頭唔知係咪吸得個mask唔實定唔係好識用，我吸完都係覺得痛，心諗，都冇料到嘅！又話可以止痛！跟住再隔一陣，叫埋姑娘打止痛止添！

就係咁典吓典吓，久唔久望住隻錶等時間過，望一望零晨兩點幾，繼續痛+攰……再望吓，零晨三點幾……點解d時間過得咁慢……跟住就唔知點樣笑氣開始有用，因為開始迷糊，開吓開吓話開到2-3度……點解咁耐！跟住三點幾突然覺得有水噴出嚟，call姑娘話穿羊水啦！跟住又檢查吓，話跟住會開得好快架啦！要唔要call定係老公，我話好吖，因為老公都唔知我幾時會開到10度，所以夜晚11點幾返屋企休息吓先，有咩動靜再返嚟。跟住姑娘話你同佢講定我同佢講呀？我已經cc吓，我話你同我老公講啦……跟住慒吓慒吓咁就天光，唔知幾點余e生嚟咗，話開到5度啦…好快架啦…跟住又唔知過咗幾耐話開到8/9度，然後入咗產房。

响產房度仲要等開到10度，其間狂吸笑氣，因為覺得有用嘞，所以個人已經係迷糊哂，雖然係咁，不過都知自己响邊同做緊乜，聽倒哂身邊嘅人講咩。到開到10度其間，有三次宮縮係最深刻，因為個肚實到同谷到好似就嚟爆咁！真係覺得個肚就嚟爆架！足足有三次咁嘅感覺。跟住開始痾，但係因為個人已經係迷糊哂，d力都唔知用咗去邊，之前學嘅呼吸法都只係記得深呼吸，之後咩步驟都唔記得，老公又可能淨係掛住睇住我，都冇提我點樣呼吸……激c……

好嘞，真係生啦，側邊個姑娘係咁叫我用力，我係就係有用力，但我覺得d力好似係去咗攞住手柄嗰度，而唔係响條腰/肚度，但嗰一刻冇咁理智去研究點用力，總之淨係識得好似去大咁……其他咩都諗唔倒，結果唔夠力，要用吸盤吸bb出嚟，全程好似都冇半個鐘就生咗，出完個頭仔，我都好似冇乜點再用好多力就出埋膊頭同腳仔，唔知係咪其實醫生拉佢出嚟我唔駛自己用力，哈哈……都好似好快就搞掂，又唔係好痛咋喎，我覺得分分鐘比去唔倒大便，夾硬痾搞到流血嗰D仲痛，痾BB都冇咁嘅痛，連醫生cut咗會陰都唔知……所以原來係唔駛驚cut嗰吓架，之前仲好擔心會好痛同有冇得打麻醉針添。

睇番，原來我經歷哂三個作產先兆，見紅、陣痛同穿水。

講住咁多先，之後再講吓湊BB同哩個幾禮拜點樣冇覺好瞓……

私人傳訊

積分: 1524

782^#

發表於 09-6-7 10:12 |只看該作者

嘩,你咁早起身嘅！

原帖由 rachel1224 於 09-6-7 05:19 發表

係咪晏晝瞓得太多呀??

我依家(5am)係起身去toilet，仲剛剛食左十粒叮叮燒賣，食飽飽之後再瞓過~~~

私人傳訊

小龍女BB

積分: 1498

783^#

發表於 09-6-7 10:14 |只看該作者

原帖由 Chingchingming 於 09-6-7 09:29 發表
我生第一胎一見紅已經入院了!起碼安全d!你都係入院睇睇啦!

thx..而家再執下個走佬袋先!!

私人傳訊

積分: 1524

784^#

發表於 09-6-7 10:15 |只看該作者

好似入院or 打電話去問安全啲wor

原帖由 小龍女BB 於 09-6-7 09:25 發表
我頭先去完vv, 用紙巾抹見紅紅地, 跟住再望埋個坐廁, 見到有攤血水(係鮮紅色的)...但係又無陣痛喎...咁我洗唔洗而家入院呀!? 定係睇定d先呢!?

私人傳訊

積分: 1524

785^#

發表於 09-6-7 10:18 |只看該作者

恭喜恭喜！

原帖由 koyuki 於 09-6-7 09:46 發表
各位，報告一下近況，已經冇上嚟個幾禮拜，不過都有久唔久睇MESSAGE，E+終於得閒少少，可以update吓。

我上次講到見紅同唔知係咪陣痛後，結果24/5見紅，26/5入院，27/5生咗囝囝啦！

成個生仔過程比我想像中冇咁痛，最辛苦反而 ...

私人傳訊

Chingchingming

積分: 1971

786^#

發表於 09-6-7 10:24 |只看該作者

koyuki,
恭喜!恭喜!

小龍女BB,
等你好消息啦!

私人傳訊

積分: 3574

787^#

發表於 09-6-7 10:37 |只看該作者

你個小b真係乖...知你唔想催生就早一日自己想出黎la!!!
最乖~~~
等你報告好消息呀~~~

原帖由 小龍女BB 於 09-6-7 10:14 發表

thx..而家再執下個走佬袋先!!

私人傳訊

積分: 3574

788^#

發表於 09-6-7 10:39 |只看該作者

你好勁呀...覺得唔太痛...
我就覺得痛到cc下la!!!
痾個陣又真係用哂d力去隻手度wow...生完對手痺左兩日...好似打左十場波咁...haha!!!

你出左院未呀?而家係咪係屋企同小b搏鬥緊le....佢乖唔乖呀?

原帖由 koyuki 於 09-6-7 09:46 發表
各位，報告一下近況，已經冇上嚟個幾禮拜，不過都有久唔久睇MESSAGE，E+終於得閒少少，可以update吓。

我上次講到見紅同唔知係咪陣痛後，結果24/5見紅，26/5入院，27/5生咗囝囝啦！

成個生仔過程比我想像中冇咁痛，最辛苦反而 ...

私人傳訊

dora611

積分: 3277

789^#

發表於 09-6-7 10:45 |只看該作者

入院啦! 我上次也是去vv時發現血水, 即入.

原帖由 小龍女BB 於 09-6-7 09:25 發表
我頭先去完vv, 用紙巾抹見紅紅地, 跟住再望埋個坐廁, 見到有攤血水(係鮮紅色的)...但係又無陣痛喎...咁我洗唔洗而家入院呀!? 定係睇定d先呢!?

私人傳訊

積分: 3574

790^#

發表於 09-6-7 10:46 |只看該作者

多謝大家既支持同鼓勵呀....我會再努力做奶媽架~~~
尋晚keep住個幾兩個鐘埋食餵...希望可以上多d奶奶....不過泵都係得個安幾咋!勁灰...結果凌晨5點幾個餐忍唔住補左餐奶粉比佢食...佢食飽我就有兩個幾鐘可以訓一訓....爽~~~~
之後佢8點幾又喊食...又餵....食唔夠15分鐘佢又暈左...唔理佢咁多...放佢係床見佢唔喊就拿拿聲泵清d奶奶先....
點知...食左個邊都係泵到一安到...未食個邊泵下泵下又可以泵返3安到la...真係等左幾日都係等今日咋....之後又feel到食左個邊有少少let down既感覺....再泵多次...又多一安...今朝終於可以泵到4安幾la!真係開心哂.......原來我仲有奶奶架....
即刻多返d信心....再上le條奶路la!!!!!

私人傳訊

Chingchingming

積分: 1971

791^#

發表於 09-6-7 10:57 |只看該作者

菜菜子媽媽,
你唔好咁灰!一齊努力啦!我現在都係一半人奶,一半奶粉!之後都好灰,因為無奶,但我又好想餵人奶,因大女個時又係餵唔到放棄!所以今次有幾多餵幾多,到了現在細女大約食完人奶後2小時又嘈,如果餵奶粉就4小時先再食!我覺得她都算好好揍了!起碼有教俾我訓!哈哈!

私人傳訊

積分: 3574

792^#

發表於 09-6-7 10:57 |只看該作者

garrickmum,
我地真係好攪笑...好似係垂死掙扎咁~~~成日處於奶粉同人奶既掙扎中.....

希望過左le段慘淡既日子後會快d見光明la!!!!你真係好叻架...有大有細....仲咁堅持餵人奶....反正都撐左咁耐...撐埋佢la!!!!!

尋晚灰灰地時係度諗...其實真係唔想唔比人奶bb食...又諗係d假奶粉...又諗起日後出街要沖奶奶咁煩...又諗起返工時冇得泵奶比亞仔食...買左幾盒奶袋就會浪費哂.....
諗完就有返d力量再捱眼訓咁餵佢食la!!!!!!!

好彩可以上黎同大家傾下咋...唔係一定好早轉左食粉b!!!

原帖由 garrickmum 於 09-6-6 21:16 發表
我都覺得埋身餵左之後, 泵奶出黎少左, 之前全日泵奶, 每3個鐘都有100ml 左右, 依家最多只泵到50ml, 不過我相信bb埋身食的量應該比泵出黎多, 有時明明已經禁唔出奶, 但bb啜左一陣之後又有奶喎, 真係好奇妙

我都成日 ...

私人傳訊

積分: 3574

793^#

發表於 09-6-7 11:10 |只看該作者

就係咁la...有時想訓耐d...奶粉就變得好吸引...
不過食多左奶粉...姐係食少左人奶...上奶又冇咁好la!!!又係一個惡性循環咁....
你今胎第二胎...上奶係咪快d 呀...唔好哂la!!!盡餵la!!!
大家都要加油...捱眼訓lor~~~

原帖由 Chingchingming 於 09-6-7 10:57 發表
菜菜子媽媽,
你唔好咁灰!一齊努力啦!我現在都係一半人奶,一半奶粉!之後都好灰,因為無奶,但我又好想餵人奶,因大女個時又係餵唔到放棄!所以今次有幾多餵幾多,到了現在細女大約食完人奶後2小時又嘈,如果餵奶粉就4小時先 ...

私人傳訊

積分: 1524

794^#

發表於 09-6-7 11:16 |只看該作者

garrickmum ﹠菜菜子媽媽

你地加油呀,我都想全人奶,不過唔知得唔得？

私人傳訊

積分: 3574

795^#

發表於 09-6-7 11:23 |只看該作者

我自己都唔知自己得唔得...不過盡下人事la!!!
做定心理準備...真係唔容易架~~~

原帖由 CM1234 於 09-6-7 11:16 發表
garrickmum ﹠菜菜子媽媽

你地加油呀,我都想全人奶,不過唔知得唔得？

私人傳訊

雯雯媽媽

積分: 2821

796^#

發表於 09-6-7 11:50 |只看該作者

我上次都係一見紅就入院..等你好消息呀!!!

原帖由 小龍女BB 於 09-6-7 09:25 發表
我頭先去完vv, 用紙巾抹見紅紅地, 跟住再望埋個坐廁, 見到有攤血水(係鮮紅色的)...但係又無陣痛喎...咁我洗唔洗而家入院呀!? 定係睇定d先呢!?

私人傳訊

雯雯媽媽