夫婦情感

跳至

首頁

尾頁
   318


子爵府

積分: 11575


801#
發表於 12-8-14 16:37 |只看該作者
本帖最後由 oguh 於 12-8-14 16:37 編輯

家居生活 (一)

我同Bruce依家既生活,好平淡,好家庭式,第一個家庭係平時同我父母一齊食下飯閒聊下,每年我哥返港一次相聚;第二個無血緣既家庭係同我地最好既朋友們,幾個家庭一齊有大有細享天倫玩樂;第三個家庭係聖誕返去Bruce老家同Batmom、Robin一家見面;第四個家庭,就係我同Bruce兩個,同埋兩隻狗過既日子。

我從小到大都有傭人服侍,讀寄宿學校之後先知,照顧自己原來有好多野要顧及。最初我連多士都唔識整,肚餓時只係白麵包夾沙甸魚食,有次好想食多士,要同學教我點用多士爐先識,雖然年紀好細,但當時我都覺得尷尬。自此有咩唔識,我一定厚住面皮問人,好彩好多同學都好好,教左我好多生活上既基本野,好快係我教返人轉頭,照顧年紀細D既同學。

Bruce細個因環境關係,局住佢好多野都係得過且過,導致長大後對所有野都非常講究,因為佢窮過,從前無機會去講究,依家咪可以囉。但有D習慣係唔會改既,就係佢好鍾意自己去落手落腳做家務,係佢既另類減壓方法。根據樓下看更先生既情報,整座大廈只有我地同另一戶係無全職工人同住,佢開頭覺得奇怪,問我地係咪度假用,我話:「其實我老公本身係清潔工人。」

我地只有兩個part-time helpers幫下手之外,佢自己一得閒就成日係抹呢樣,抹果樣,佢仲非常鍾意吸塵,直頭係一種怪癖。以前住倫敦都唔覺屋企多塵,可以耐少少先清潔下屋企都無咩問題;但來到香港之後,Bruce對於「塵」,簡直係去到一個執著狂既地步。佢話香港真係好多塵,所以佢就買左一部好勁既吸塵機,然後一得閒,就周圍吸。

地上有條我既長髮,佢即刻吸。
沙發上有少許狗毛,又吸。
餐桌上有D麵包碎,用紙巾執完之後,佢又吸多次。
有D擺設helper已經成日抹,但只要上面比佢見到有一粒塵,係一粒塵,佢又忍唔到要吸。

但佢吸塵既過程,佢係enjoy既。比佢發現污糟野,然後親手處理左,佢有無限滿足感,好似Batman要清除Gotham City既罪犯一樣。對於佢既潔癖,我非常歡迎,因為咁我地屋企好乾淨,好多朋友來過,都讚我地點解無工人係屋企都可以一粒塵都無。不過Bruce過唔到清洗浴室廁所呢一關,點都要請helper幫手。

然後,佢將佢既潔癖,廷伸去我父母屋企。有時上去食飯,佢會檢查周圍乾唔乾淨(係咪變態),發現少少污糟會同我報告。佢送左一部吸塵機同三部空氣清新機比我爸媽,同佢地交流點打理屋企。個工人真係多得你唔少,無啦啦以後又要做多D功夫。

去朋友屋企,佢又係第一時間睇下人地屋企乾唔乾淨(你係咪食環署衛生官呀!)。有次去完某個朋友屋企食飯,回程佢陰陰嘴笑,話:「雖然佢地間屋裝修得唔錯,但都比我發現,佢D櫃門邊積左塵,失敗失敗。」我都費事彩佢。如果朋友間屋亂少少,污糟少少,佢去一次之後,直頭唔會再去,寧願邀請人上來我地屋企。

有一位朋友,佢有三個小朋友,屋企點都會亂,多玩具,又多雜物。Bruce好抗拒去,偏偏果位朋友鍾意邀請我地成班人去佢屋企BBQ。有次去到,我地係花園BBQ玩緊之際,我發現唔見左Bruce好耐,我以為佢又拉肚子去廁所,無理佢。過左一陣我入屋去洗手間,唔見佢,我上二樓搵下,比我發現,佢係人地二樓遊戲室同偏廳幫人執玩具!

我:「不如你轉行做工人啦,你好有潛質。」
佢:「真係頂唔順,佢地D玩具飛晒出來,成走廊、成個廳都係,連樓梯都有,點能夠住係呢個shit hole!我係朋友先幫下佢。」
我:「咁一陣你抹埋屋先好走。」
佢無理我,但佢次次BBQ完一定幫人清理到最後先走。而我真係慶幸呢位「大爺」會親自出動,唔洗勞煩我。但有時都會過左火,例如佢要求我剪短頭髮,就係為左屋企少D甩出來既長髮,同埋佢限制我只係在廁所裡面梳頭;或每次我一開薯片食,佢一定要我用碗載住,同埋即刻放一盒濕紙巾係我身旁,時刻盯住我有無用油淋淋既手指周圍摸,我已經慣左同個衛生官同住,係屋企都要準備隨時被罰千五蚊。

點評

me920  可唔可以邀請你同bruce上來我屋企坐下, HEHE  發表於 12-8-20 11:56
多利是  我老公一樣, 只是...佢唔會自己動手架! 我都好有同感好似嫁左比個衛  發表於 12-8-18 12:44
多利是  我老公一樣, 只是...佢唔會自己動手架! 我都好有同感好似嫁左比個衛  發表於 12-8-18 12:44
suenmay  BRUCE呢樣野似我  發表於 12-8-17 17:13
WN1046  好羨慕,, 我地呢d女人可以做少d野!!   發表於 12-8-15 12:19
mw2012  同我c6 一樣咯~好討厭:;pppp:人地用手指食先正~而家怕左佢,改用筷子食薯片~  發表於 12-8-15 11:38
DARK_MOON  勁呀,做埋衛生官  發表於 12-8-15 08:34
iamcute_lala  同我老豆一樣!!! 佢可以你睡覺時係房開機, 只為了一條頭髮........  發表於 12-8-15 00:47
柏架山莊  哈哈!  清潔工人!    我地叫得飯餸多,就話比伙計聽,我地係担泥嘅!   發表於 12-8-14 17:35
samanthalai  我已經慣左同個衛生官同住,係屋企都要準備隨時被罰千五蚊  發表於 12-8-14 17:04
chowchow2012  其實我老公本身係清潔工人...HAHA,  正呀!!!  發表於 12-8-14 16:55


子爵府

積分: 13744


802#
發表於 12-8-14 16:47 |只看該作者

回覆:濕濕碎碎,同Bruce生活的癲佬情趣






別墅

積分: 635


803#
發表於 12-8-14 16:50 |只看該作者

回覆:oguh 的帖子

哈哈。係咪有OCD? 令我稔起鄭秀文係孤男寡女的一幕,一失戀就要四出抹野,麻醉自己。哈~




子爵府

積分: 13744


804#
發表於 12-8-14 16:55 |只看該作者

回覆:濕濕碎碎,同Bruce生活的癲佬情趣

笑c有怪癖有小朋友屋企一定亂佢會癲





水晶宮

積分: 66961

我的育兒心得勳章 夏天玩到顛 熱血勳章 畀面勳章 有「營」勳章 陪月勳章 爸B勳章 大廚勳章


805#
發表於 12-8-14 17:19 |只看該作者

回覆:濕濕碎碎,同Bruce生活的癲佬情趣

終於刀追晒,睇到丙媽刀老花




男爵府

積分: 5548

畀面勳章 環保接龍勳章 大廚勳章


806#
發表於 12-8-14 17:27 |只看該作者
哈哈...屋企有個食環署衛生官都幾好,起碼做少樣家務。
人生最大的勇氣,就是經歷背叛、欺騙和傷害之後,還能保持信任和愛的能力。


男爵府

積分: 8494


807#
發表於 12-8-14 17:38 |只看該作者
係屋企都要準備隨時被罰千五蚊


珊瑚宮

積分: 119442

育兒性格勳章 我的育兒心得勳章 hashtag旅遊勳章 畀面勳章 大廚勳章 BK Milk勳章 hashtag影視迷勳章


808#
發表於 12-8-14 17:39 |只看該作者
Bruce 係有d變態。

我同中学老友外號係"Give me a maid!" 咁你可以想像幾懶做家務,亦冇乜要求,所以有工人先至住 shit hole


大宅

積分: 4291

好媽媽勳章 醒目開學勳章 畀面勳章


809#
發表於 12-8-14 18:27 |只看該作者

回覆:濕濕碎碎,同Bruce生活的癲佬情趣

被罰千五




伯爵府

積分: 15699


810#
發表於 12-8-14 18:47 |只看該作者

回覆:oguh 的帖子

可唔可以請bruce得閒黎我屋企坐坐? 我好樂意比呢位食環署檢查+清潔屋企




子爵府

積分: 14880

玩具勳章 冬日勳章 畀面勳章


811#
發表於 12-8-14 18:47 |只看該作者

回覆:濕濕碎碎,同Bruce生活的癲佬情趣

我咁多樣家務最鈡意吸塵

不過我冇偏執。

我可唔可以同你地做朋友,請你地黎坐,順手比Bruce清下我屋企d "crime of godham?"




男爵府

積分: 6993


812#
發表於 12-8-14 18:49 |只看該作者
Selina有d似巨蟹座...


大宅

積分: 2313


813#
發表於 12-8-14 19:00 |只看該作者

引用:+本帖最後由+oguh+於+12-8-14+16:37+編輯+\

原帖由 oguh 於 12-08-14 發表
本帖最後由 oguh 於 12-8-14 16:37 編輯

家居生活 (一)
同我老公好似



切勿讓偏見蒙蔽自己的雙眼


男爵府

積分: 5167


814#
發表於 12-8-14 19:25 |只看該作者

引用:初到貴景(二)Bruce對食物無要求,只要係罐

原帖由 oguh 於 12-08-05 發表
初到貴景(二)

Bruce對食物無要求,只要係罐頭就得。來到香港,周圍都係鬼佬野食,佢大可以去食burger, ch ...
鹹魚白菜也好好味




男爵府

積分: 5167


815#
發表於 12-8-14 19:31 |只看該作者

引用:回覆+oguh+的帖子 Don’t+you+try+to+get+

原帖由 chowchow2012 於 12-08-05 發表
回覆 oguh 的帖子

Don’t you try to get away from this! 你個仆X!
帶佢去香港最平民但最熱鬧嘅地方~~廟街




子爵府

積分: 13744


816#
發表於 12-8-14 19:51 |只看該作者

回覆:濕濕碎碎,同Bruce生活的癲佬情趣

又要羨慕樓主唔使做家務




已刪除用户

積分: 17814


817#
發表於 12-8-14 20:15 |只看該作者

回覆:濕濕碎碎,同Bruce生活的癲佬情趣

提示: 作者被禁止或刪除 內容自動屏蔽


大宅

積分: 3422


818#
發表於 12-8-14 20:49 |只看該作者

回覆:濕濕碎碎,同Bruce生活的癲佬情趣

非常喜歡你的短篇!生活點點滴滴,夫婦攪笑及恩愛事件簿真的起了正能量作用。最近有多少多愁善感。多謝樓主分享。我知你工作好忙但亦抽空寫作!support!

我好認同有自己事業(如唔駛照顧2個小朋友)。有能力去貢獻社會,盡少少力量。另外好鍾意樓主爽直的俠女性格!

衷心祝福你同Bruce!

P.s. 我又係一隻獅子女





6w6d: 0.9cm
11w2d: 4.5cm
16w: 9cm


水晶宮

積分: 56409


819#
發表於 12-8-14 21:08 |只看該作者

引用:Quote:原帖由+jenniecatcat+於+12-08-14+發

原帖由 oguh 於 12-08-14 發表
有日我本來上黎BK問啲湯水野,因為我知好多勁媽媽喺度。多手入咗夫妻版,實在太多傷心個案,多到嚇親我。

...
心地好!但都要文筆好先有咁多人睇。就萛我有好故事,我都寫唔出!呢板真係好多負能量,睇得多,老公冇野都睇到懷疑佢所以我都冇睇了。但知道有人話你個舖好正,即來睇慢慢寫啦,唔急既,不過最緊要快



點評

AllisonFu  係呀, 我上得bk 多, 太多負能量la, 有時都會問老公有冇小三, 係咪最愛我  發表於 12-8-15 15:14
我的最愛: 老公, 仔仔, 同來緊既女女, 老豆


男爵府

積分: 5451


820#
發表於 12-8-14 21:15 |只看該作者

引用:+本帖最後由+oguh+於+12-8-14+16:37+編輯+\\

原帖由 oguh 於 12-08-14 發表
本帖最後由 oguh 於 12-8-14 16:37 編輯

家居生活 (一)
好攪笑呀!我都想請bruce 黎我家幫手scan下有邊度唔乾淨!




首頁

尾頁

跳至
Presslogic Logo
Baby Kingdom Logo