吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 一切由澳洲開始的故事 (超超長)

夫婦情感今日: 1|主題: 42794

收藏本版

發帖

返回列表

跳至頁

樓主: monitorcc

45 464748 49...156

oil1220

積分: 1732

想生BB熱投

921^#

發表於 15-10-2 19:56 |只看該作者

好似快到結局咁。你之後會唔會加埋意家既生活落去呀？

私人傳訊

monitorcc

大宅

積分: 1874

922^#

發表於 15-10-2 20:13 |只看該作者

引用：好似快到結局咁。你之後會唔會加埋意家既生

原帖由 oil1220 於 15-10-02 發表
好似快到結局咁。你之後會唔會加埋意家既生活落去呀？

會

私人傳訊

aeaemama

大宅

積分: 3243

923^#

發表於 15-10-2 20:13 |只看該作者

回覆：一切由澳洲開始的故事 (超超長)

比著我我都希望佢會嚟香港搵自己！但A無到，咁亦都比自己一個答案！就係原來自己只係一廂情願！睇到這𥚃～真係想打獲金呀A~樓主！加油呀

私人傳訊

sscc0113

大宅

積分: 1123

924^#

發表於 15-10-2 20:39 |只看該作者

回覆：一切由澳洲開始的故事 (超超長)

唔通k同j係同一個人?

私人傳訊

月巴媽

大宅

積分: 4594

畀面勳章環保接龍勳章

925^#

發表於 15-10-2 20:40 |只看該作者

回覆：一切由澳洲開始的故事 (超超長)

925

私人傳訊

jay24k1982

大宅

積分: 2166

926^#

發表於 15-10-2 20:49 |只看該作者

回覆：月巴媽的帖子

926

私人傳訊

monitorcc

大宅

積分: 1874

927^#

發表於 15-10-2 21:04 |只看該作者

回覆：一切由澳洲開始的故事 (超超長)

（二十三）

我當時返咗香港係四月十幾號，本來之前我同A已經買左機票七月返香港參加我家姐嘅婚禮。剛剛有提到A 會每曰都會send 話訊息畀我，初初係一直有寫沒有我的日子 count Number, 而直到
5月30日先就冇再count不過有send電話訊息。點解我咁記得5月30日就開始冇count呢，係因為嗰日佢成日都冇訊息直到我問佢去左邊佢就話佢去咗印尼因為公司旅行。其實由我返咗香港到再次同佢聯絡大家嘅話題都係A一直叫我番去佢身邊而我一直同佢講要我原諒同返去星加坡佢需要表現出誠意及最少都應該飛過來香港同我給父母道歉。但係A一直用好多藉口去推搪請唔到假或其他理由淨係一直話自己好後悔做錯野希望我原諒。

到咗七月中我家姐結婚前幾日，A飛過來香港（隔左幾個月A先嚟香港，可想言之佢口中講嘅誠意同行動嘅誠意嘅分別）。A本來應該租酒店住，不過當我父母知道後以為A係真心改過就叫佢去我父母家住。其實我爸爸一直都好俾機會A，就算今次A咁過分我爸爸都話如果A真係肯改過亦都答應來香港一年工作及生活來表示他的誠意及悔意，咁我爸爸也會同意我和A再再一起及一年後可以回去新加坡。當A到達香港返到我父母屋企，佢首先同我父母道歉，我爸爸問佢係呢幾個月你仲有冇同K除工作以外聯絡，A好肯定好真誠回答沒有。我爸爸問A佢想點，A都話希望我咁返去返星加坡。我爸爸同A話你已經唔係第一次做錯事，如果你要表達你嘅誠意及悔意，你要留喺香港工作及生活一年去證明。咁A梗係講出好多理由（藉口）例如已經有工作係星加坡同埋有房屋住 etc. 跟住我爸爸都不再多說，就話俾啲時間A諗清楚啦。之後我爸爸同我講：良禽擇木而妻，如果我係女人我唔會揀A，就算要等到38歲（當時我係28歲）我都寧願等。

（其實從外表睇A真係無人估到原來A真係講大話唔眨眼而且感情豐富，你望住佢係唔會覺得佢係講大話，我諗淨係可以用測謊機先知道佢邊句係真邊句係假）

到我家姐結婚前一日同結婚嗰日A去咗搵朋友B （係第一篇道有講過B係我同A嘅共同朋友係澳洲認識），會喺B屋企到住一晚。我之前已經話咗比B及佢女朋友（簡稱H）我同A發生咗啲咩事，我希望佢哋兩個可以同A傾下，我亦都話咗比佢哋知如果A真係希望我哋返埋一齊A要留喺香港工作及生活。家姐結婚嗰日中午我就收到H訊息，內容係話如果我真係放唔低A嘅話就唔好俾佢走，因為佢覺得如果佢走咗就唔會再返嚟。我講一刻心亂如麻手都震晒，奇怪點解H會講啲咁嘅嘢呢。我就打俾B及H問佢地同A傾成點，B／H就話其實昨晚佢哋已經同A講咗好多，仲話可以立即介紹工作俾A係香港做（B屋企開公司），但係A一直諸多推搪好多藉口，佢哋都覺得A得個講字根本冇誠意。H就同我講如果係佢梗係離開A啦，不過H明白一齊十年唔係咁容易放棄，所以話如果真係唔想冇左佢就唔好俾佢走。

其實聽完B同H講唔知點解突然間好驚同好難接受A係我生命中離開，因為一齊左十年係不知不覺間我已經當左A係屬於我嘅嘢，所以突然間話俾你知你冇咗一件屬於你嘅嘢，你唔係咁容易可以接受。當我送A去機場嗰陣，我又做咗一件好蠢嘅嘢，我同A講既然你同K冇咗有關係我願意無條件跟你返星加坡。跟住A眼紅紅咁望住我話：老婆..... 點解當日你要走呢（用好遺憾嘅語氣）。當時我係唔明白點解A咁講（真相大白之後我梗係知點解啦），A就話不如我嘗試幫佢申請香港居留簽證啦，A亦都不斷同我保證好多野。咁嗰陣時我已經由六月開始已經返緊工所以我係可以以伴侶身份幫佢申請香港居留簽證。

（我知道各位姊妹睇到呢一度應該好嬲，點解我咁蠢有一次相信A）

其實我已經冇完全相信A，不過都係果句唔捨得。嗰陣我諗既然係申請香港居留簽證，就幫佢申請睇吓佢係咪真係有誠意來香港生活一年。

（bk Jm, 今日出咗兩篇長長的，寫到好攰亦都諗到好攰。明天六點後才update。聽日嗰篇又有勁野發生，大家拭目以待！有時間嘅姊妹估下係咩？）