大仔大女媽媽會

收藏本版
發帖
返回列表
跳至頁

首頁
4748495051...301

尾頁
   0
Jsmami


大宅

積分: 4008


961#
發表於 03-7-13 15:55 |只看該作者

Re: 2001年4月BB請進

各位, 我返黎啦 (今朝1am)! 去左7日, 日日都掛住個仔, 到等五日凌晨發夢個仔沉親, 個日佢要去游水, 嚇死我, 我真係驚個夢有咩意思! 其實我飛四程機 (俄航) 都好擔心有咩衫長褲短, 剩低個仔就苦過dd, 所以下次飛要帶埋佢, 唔知到時又會唔會賣luck佢.

或者因為代價太大 (剩低個仔), 我零願唔去俄羅斯, 好似唔係咁值得去, 只係睇下王宮, 博物館, 紅場, 教堂, 我今次破紀錄無買野呀 (我平時都唔係成日shopping嫁啦). 去到俄羅斯無見到暴亂, 返而香港發生咁多野, 又倒董, 田北俊又resign from Exco, 又屯門巴士意外, 睇番D新聞真係好感慨!

返到黎幾驚個仔嬲我唔見左人咁耐, 因為佢好有性格, 點知佢今朝8:30 knock on our door, 撲上我地張床kiss我, 所以凌願唔
私人傳訊

WENDY


男爵府

積分: 8436


962#
發表於 03-7-14 09:51 |只看該作者

Re: 2001年4月BB請進

噚日第一次同囡囡去海灘, 見佢平時見到泳池(未去過遊水)就好開心, 唸住佢都會鍾意, 點知.....唉....由頭喊到落尾. 好辛苦咁去到海灘, D沙"痴"住佢隻腳佢就話"糟糟", 點都唔肯除鞋仔玩, 咁叫佢著住對鞋企係沙上面都唔肯, D眼淚不停咁落, 又唔肯坐係沙灘蓆上, 要抱住, 都係喊, 咁諗住帶佢去玩下水啦, 抱住佢, 然後放腳仔"掂"下D海水, 嘩!!!又喊過, 冇佢符, 為由拾行李回程啦!!! :-x
老香港照片, 分享一些舊時香港面貌
私人傳訊

Christ


大宅

積分: 2493


963#
發表於 03-7-14 10:02 |只看該作者

Re: 2001年4月BB請進

瑩瑩,
哈哈!我都係好多年無落水,舊年諗住会同卡諾B去游水,凸登去買咗件泳衣,点知諗住去游果陣,卡諾B有傷風咳無去,好番后又話有紅眼證,又唔敢去·終於今年用得着、今個7月,泳池免费開放、已經去咗兩次,卡諾B响戲水池玩到唔願走,最好係讵唔怕水·重自己彎低身去撥水,有時都會唔小心,飲2啖水,讵都無事繼續玩,哈哈。。。

Jsmami
你唔使擔心,我隻卡諾b會同Justin爭第尾,因為讵日間都未介片,重係學習階段,只是間唔中識話要去厠所,但入到去又無得击,離開厠所后就vv咗,激死!
私人傳訊

Christ


大宅

積分: 2493


964#
發表於 03-7-14 10:07 |只看該作者

Re: 2001年4月BB請進

你哋會否join「王國生日大派對」呀 ?

私人傳訊

sheryl


大宅

積分: 1373


965#
發表於 03-7-14 10:28 |只看該作者

Re: 2001年4月BB請進

多謝各位關心,博博退燒了,不過d鼻水&痰就開始多,所以個人好irritable. d肉仔即刻冇晒! 前幾日做
私人傳訊

瑩瑩


大宅

積分: 4143


966#
發表於 03-7-14 11:15 |只看該作者

Re: 2001年4月BB請進

sheryl...
Take good care of 博博喇- 希望佢快好番晒！

Jsmami...
7/6 錦田好好玩呀，多謝晒！雖然好熱，但係阿女好鍾意玩！妳去完旅行，休息多D 喇- 有冇jet-lag 呀？

Christ...
舊年年尾去參加過"皇國party"喇- 果次Jsmami, Fannie, 嵐嵐21 等等....同都有去。我都岩岩加左名....

Wendy...
希望女女無"嚇"親啦- 可能D 沙好熱（肋"）腳呀？

各位媽咪，
Regarding "游水聚會", 我都係suggest 下唶，如果想去"維景"個clubhouse 玩，就call 我啦，我會下個Sunday (July 27) 去第一次(個泳池），起碼都要比Jackie 試下"浸水"架喇（今年佢都未正式落過水游）.....
  Love your family!
私人傳訊

Happy媽


別墅

積分: 734


967#
發表於 03-7-14 11:45 |只看該作者

Re: 2001年4月BB請進

WENDY
妳囡囡同Happy仔一樣第一次去沙灘玩個陣隻腳掂沙就要抹,
掂水就縮,不過去多幾次就唔同依家直頭自己走落水玩,重玩到唔捨得走.
私人傳訊

Christ


大宅

積分: 2493


968#
發表於 03-7-14 11:47 |只看該作者

Re: 2001年4月BB請進

sheryl

王國生日大派對是.....
[ 站長公布 : 王國週年大聚會 ]

[ 王國週年大派對 - 報名及查詢詳情 ]
私人傳訊

fannie


別墅

積分: 846


969#
發表於 03-7-14 12:05 |只看該作者

Re: 2001年4月BB請進

嵐嵐21,
多謝你呀！上星期因有seminar搞，所以都冇時間上黎，而家比名唔知遲唔遲呢？晶晶冇英文名，China Mark 就是了，即麥晶是也！

Jsmamai，
你可能太掛住Justin，所以去俄羅斯都唔好玩。我老公就係放唔低個囡，所以而家去邊到旅行都要帶住佢，呢幾次都要去D近D同我地已經去過既地方，有時我覺得幾無謂，不過冇計，要就晶晶。10月我地又唸去邊到，可能北京，都係自由行個隻，一來我地去過，二來識國語，就算帶住個細都no problem！做左人父母之後，真係冇以前咁自由！anyway，聖彼得堡唔靚咩，剛剛大整過影出黎好似好好既？

瑩瑩，
見你地講swimming gathering咁興奮，都可以黎柏景灣+ｂｂｑ，不過唔知幾時好呢？基本上若果我冇function搞，就星期六早上最好，人唔多，又冇咁哂！
私人傳訊

Jsmami


大宅

積分: 4008


970#
發表於 03-7-14 13:18 |只看該作者

Re: 2001年4月BB請進

瑩瑩,
你27號會否同埋老公? 你幾點倒去呀? 我怕哂親個仔, 係咪有戶內泳池嫁?

sheryl,
仲未諗掂買邊部呀? 等到既遲d又"林"價嫁, 買左話我知好唔好用, 我唔捨得住, 除非TV壞啦!

Christ,
唔記得你個仔可以同我個爭添! 今日開始potty train again la! 希望今回好d la.

Fannie,
St. Petersburg 好多地方翻新左, 可惜天陰有d雨, 影相唔靚, 仲有d雙人照要
私人傳訊

sheryl


大宅

積分: 1373


971#
發表於 03-7-14 13:41 |只看該作者

Re: 2001年4月BB請進

Thank you, christ.
請問王國派對有咩節目,好唔好玩,我怕仔仔會悶.

fannie,
聽講柏景灣個泳池都好大,有冇兒童天地? 我Sat
私人傳訊

靖嵐


子爵府

積分: 11973

好媽媽勳章


972#
發表於 03-7-14 13:55 |只看該作者

Re: 2001年4月BB請進

jsmami,
比我都會掛住, 仲係掛到死o個隻添呀......我試過放低靖嵐比我媽湊住, 我同朋友去唱k, o個晚我都打o左三次電話比佢, 佢又打返幾次電話比我, 靖嵐一講:"做完o野記得快d返", 我直情幾想喊呀, 如果真係五日唔見, 我諗我真係喊到眼都腫.
其實康體o個d班區區上堂時間都唔同, 好似我o係粉嶺游都係一三五, 但大埔先係一至五, 有d就二四六, 有d仲淨係二四添.

wendy,
上年我個女第一次去沙灘都肯玩沙, 但一落完水就唔肯再玩, 一來又係怕"痴住", 二來佢真係好鍾意玩水, 成日要落水. 不過依家大d好好多, 叫佢玩沙又肯, 游又肯, 又執貝殼(屋企儲起一盒), 上次去爸爸捉寄居蟹比佢, 真係開心到暈

christ,
我個女傷風我都有帶佢去游o架, 游完食返餐訓醒一大覺仲會快d好添呀, 如果發燒, 我仲一定帶添~

sheryl,
你都要小心身體呀~ 下次記得買磨菇呀~(唔好嬲喎)

瑩瑩,
哎呀~ 我27號應承o左我個女去沙灘玩添, 唔係真係想去"維景"度見識o下, 等我同我個女傾傾先, 如果佢肯我想約埋你一齊去呀, 希望我個泳衣樣唔會嚇親你

fannie,
依家bbq好熱喎, 我驚我個人熟o左d o野食都未食得, 不過諗返起上次都好開心
我想要9999呀...
私人傳訊

靖嵐


子爵府

積分: 11973

好媽媽勳章


973#
發表於 03-7-14 14:09 |只看該作者

Re: 2001年4月BB請進

jsmami,
我舊年有同我個女去澳門玩, 我就帶回港証, 亦都有帶回鄉証, 因為我係玩完中山由大陸過去, 玩完再回港. 我聽過有d媽咪會用passport+身份証, 亦有d會帶埋出世紙正本.
舊年去我o地都主攻食o野(你見我身型就知), 行o下d名勝, 仲有買手信, 冇乜特別為我個女(佢有得食就ok), 我自己就入埋"倒場", 倒o左一百蚊.
講到必食, 好多, 但因為我表姐係半個澳門人, 基本上我淨係跟住佢周圍食, 食完覺得好味就算, 邊度打邊度就..........今年我o地都會打算再去, 可能九月啦.
我想要9999呀...
私人傳訊

Jsmami


大宅

積分: 4008


974#
發表於 03-7-14 14:24 |只看該作者

Re: 2001年4月BB請進

靖嵐,
你個女咪識游水既? 參加康体班係咪因為平d炸, 無乜新野學嫁係咪? 我意思係我地參加左一次(七月)就得la係嘛? 唔洗再參加八月份班? 我去左7日呀! 好彩返到黎個仔重認得我, 昨晚同佢食pizza佢好開心添, 逗到我同老公都甜思思!

sheryl,
我星期六得呀, 唔知瑩瑩得唔得, 九龍我唔知訂, 你地係咪自已帶BB, 洗唔洗同埋老公?

瑩瑩,
BK聚會你去呀? 我未知呀, 我怕唔係幾識d新會員, Sheraton上次d野食麻麻地播!
私人傳訊

WENDY


男爵府

積分: 8436


975#
發表於 03-7-14 14:30 |只看該作者

Re: 2001年4月BB請進

靖嵐, HAPPY媽, 瑩瑩,
我諗我都唔知要多帶幾多次我囡囡去海灘佢先唔驚, 佢係屋企就西瓜咁大個膽, 一出街就變成豆豉咁細, 我諗都要去下泳池睇下佢有咩返應先啦!
瑩瑩,
我呢個星期日要帶囡囡同表弟表妹去泳池玩水呀, 唔知佢有咩反應呢....唔會又喊到唔收聲掛??? 27/7 如果去維景, 我要睇下佢爸爸點啦, 因為連續去三個星期, 可能吃不消....我係話我同爸爸, 倦極了
老香港照片, 分享一些舊時香港面貌
私人傳訊

sheryl


大宅

積分: 1373


976#
發表於 03-7-14 14:53 |只看該作者

Re: 2001年4月BB請進

靖嵐,
上次係南灣見到隻蟹,嘩!好似打開隻手板咁大!

Wendy,
你試下去d沙比較細的沙灘.看看囡囡會否肯落地.

jsmami,
有關回港証,請看自由報料.好似話passport+ID card去澳門就OK.
如果fannie OK,柏景灣唔難去,你
私人傳訊

fannie


別墅

積分: 846


977#
發表於 03-7-14 16:19 |只看該作者

Re: 2001年4月BB請進

Jsmami,
晶晶去Macau時無論出入香港及Macau都用回港証就okie,連出世紙都唔駛(不過我帶定)!大人就一張ID Card搞掂!

sheryl,靖嵐:
游水當然no problem la!如果想bbq在黃昏都唔錯,個度個view幾靚,可以睇下日落喎!前排SARS close左兒童天地,唔知開了味,不過BB游完水其實都幾累,唔好一個早上做咁多野啦!
私人傳訊

hohan


大宅

積分: 1375


978#
發表於 03-7-14 17:16 |只看該作者

Re: 2001年4月BB請進

Jsmami,
你番嚟啦,係唔係二人唔及三人世界好呢,會好掛心呀,所以我都覺得帶埋個仔去好d.
我剛剛在前個星期都幫個仔攞回港証,諗住同佢去澳門,初時以為用特區護照就得,原來改咗例,所以即刻攞回港証,重要投訴入境處,原來有d 分局係要攞"湊",我以為下午攞下午"湊",點知佢上午已經派完全日，等我打去個Senior到問佢,佢話佢果間係咁的,我又攞咗假,好彩佢好好人,幫我下午特別做咋.

瑩瑩,Chirst,
想問個聚會係唔係食自助餐咁架，如果我地識的話可唔可以一齊坐呢？

瑩瑩,
你係星期六定星期日去維景呀？
私人傳訊

花花


大宅

積分: 4334


979#
發表於 03-7-14 17:40 |只看該作者

Re: 2001年4月BB請進

J’s mami :

多謝你問候, 我地冇事, 因出事巴士係入天水圍, 而我當時係由屯門出灣仔, 但見到架巴士時, 都好心寒. 百感交雜.

花囡而家返全日啦! 因天氣太熱, 如婆婆中午時接佢放學, 2 個都好辛苦, 老師話佢好適應學校生活, 未曾試過返學喊, 但在上堂時要老師比筆佢drawing時, 扫計而喊就有, 因家裡太多人竉佢了, 所以返學對佢來說係一個好事, 不過佢有時不太守秩序, 會突然走去高班找哥哥姐姐玩, 要老師叫返佢回自己坐位. 而家每星期都會收到佢响學校畫”名畫”帶回來, 我會好好收藏.

呀! 我而家放工會去 library 借d 書比花囡睇, 一來不用花太多錢, 二來佢可以睇多d 不同種類書籍, 如真的好合花囡, 我才會買比佢. 我最近發覺 ladybird 系列d 書好合花囡, 佢好鐘意. 同埋, 訂左本 eric carle 的書比佢, 呢本係我心儀的書. He!~

我有去睇 Disney show, 我地睇完個show 就走, 約45 分鐘, 因花囡對 lion king 冇什麼興趣, 我亦見好多人走, 可能d 人好多都睇左, 或不如返屋企涼冷氣咁睇好過, 咁都有d “揾笨”, 但我就 ok　接受, 因花囡未睇過, 佢好興奮呀! 真想帶佢去 Disney world 睇巡遊和玩, 不過冇 $$$$$!

wendy, Sheryl, Christ, 靖嵐 :

花囡都好鐘意玩水, 最近果次去泳池游水, 佢點都唔肯著泳衣, 佢可能以為好似沖涼咁, 結果就 “全祼” 咁下水啦! 死味! 後來我問我老公(果日平日, 我要返工) 當時有幾多人响泳池, 佢話得4 個人再加佢地2 個, 咁都好d!! 去沙灘, 佢只會坐响沙灘席上玩沙, 點都唔肯下水或企响沙上.

瑩瑩, Christ, Sheryl, j’smami, fannie :

因我老公這2 個月 job rotate, 所以冇得放weekend, 只可以 weekday, 個皇國大聚會去唔到, 同埋覺得個費用幾貴!!

如要攪活動, 都係Sunday 好d, 雖然星期六都不用返工, 但要陪花囡去 library和拾屋. 我都鐘意去栢景灣玩, 對我來說冇咁遠, 維景灣畔都ok, 好大呀! 但呢,排真係好熱, 出街好辛苦.

我都想帶花囡去澳門, 但package 係點架, 介紹d 來呀! 弊! 未同佢拿回港証!
私人傳訊

Christ


大宅

積分: 2493


980#
發表於 03-7-14 17:56 |只看該作者

Re: 2001年4月BB請進

hohan

「王國生日大派對」詳情如下：
日期及時間： 2003年8月9日(星期六)下午2:00-5:00
地點： 尖沙咀喜來登酒店三樓BALLROOM
(可以容納300-350人，暫時接受300人報名，若人數超過300人就視情況再開餘下的名額)
形式： 下午茶自助餐
價錢： 成人每位$150 [$100+10% + $40(遊戲獎品及活動行政費]
三歲或以上小童每位$110 ($100+10%)
節目： 抽獎、遊戲、魔術表術、兒童比賽等等
截止報名時間： 2003年7月30日晚上12:00
先到先得，額滿即止
繳費詳情： 在2003年7月30日確定名額後再安排入數方法。


大會會盡量安排BB椅，但一定不能確保每個BB都有，故希望如各位如果帶B車的就盡量將BB放係BB車坐，其他沒有BB車的大會嘗試安排，務求令各位坐得舒服，食得開心。

報名時只需copy上個留言的最新報名名單，然後加上自己的名字便可。報名及查詢請按這裡

希望大家多多支持王國生日大派對(新會員千萬不要怕醜啊^_^)，我們收取的行政費用將會全數用在活動中，是不謀利的。多謝各位國民長期支持。 ...
私人傳訊


首頁
4748495051...301

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy