Re: 請問有冇去過東京附近的輕井澤?
Maggie3493
繼續……忘記左介紹一下東京這間酒店century southern tower, 地点好方便, 房間又大, 張床都夠大, 有3尺….
4月8日 在東京新宿及秋葉原的一天
已經係第3日睡不好, 對我來說是好大件事, 好彩是旅行不是上班, 否則…慘, 在酒店享受好美味的早餐, 但我都是喜歡輕井澤的早餐….早餐後先在酒店對面的百貨公司逛街, 逛了一個多小時沒有收穫, 跟住坐jr去秋葉原, 仔仔及老公最開心的地方, 這裡有他們最愛的模型, 在秋葉原買了萬幾yen的玩具, 午餐在一間像香港的快餐店食飯, 有飯有麵, 味道唔錯, 只需1000yen, 好低呀, 飯後再繼續行街街, 滿足了兩位老細後, 再返到新宿, 輪到滿足我, 点知行左2個鐘都冇收穫, 算啦, 去食飯, 睇書介紹, 去食咖哩(正宗印度咖哩), 都幾好味, 但唔係我想食的東西……我們的飯後甜品就是買cake返酒店食, 好靚好好味, 又係行足一日, 好好好好倦, 洗澡後仔仔已經好快入睡, 我今晚決定唔同仔仔睡(好反訓)…..
4月9日 迪士尼我地黎喇
睡得好好的一天, 卒之有覺好訓, 早知一開頭就唔同阿仔訓, 唔知係咪睡眠足夠, 今日聲線好左小小, 佢地聽到我講咩喇, 哈~~~ 好早食過早餐就向迪士尼出發, 這是我第2次到東京迪士尼, 我同阿仔都好興奮, 但阿仔陪我地行左咁多日, 佢已經用盡所有精力, 我們原本想在香港買架士的車帶去日本比佢坐, 可惜佢超齡, 但今日在迪士尼我地都租左架bb車佢坐, 好辛苦坐到, 佢做左超大bb, 冇辦法啦, 唔租的話佢真係行唔到一日, 玩到下午2時左右突然下大雨, 唔係掛, 我第一次去又係咁上下時間下大雪, 攪到只玩一半就走人, 今次就下大雨, 唔通又要走, 好凍呀, 不過我地冇走, 入左去睇表演, 好彩睇完已經停雨, 可能好多人走左, 所以馳車天地冇人排隊, 我地再玩多左兩次, 阿仔好開心, 其實這天人不算多, fast pass都只係取過一次, 玩到6点, 去買野, 好野滿足到我喇, 在迪士尼用左接近4萬yen, 返去新宿, 在網上有人介紹一間拉麵好正, 我地就去找, 找左大半個鐘, 找到喇, 真係好好味, 甜品又係買糕点返酒店食, 今次係綠茶律子cake, 好好味呀, 可惜要即食, 不能做手信, 太好味喇, 仔仔又係好快入睡, 我同老公就開始收拾行李, 明天要走喇…..
4月10日 築地食壽司
一早起床, 食過早餐, check-out喇, 行李放在酒店, 我們去了築地魚市場, 行錯方向, 找左成個鐘先找到想食的壽司店”大和”, 門口已經排左20幾個人, 當中好多香港人, 排左1個鐘先入到去食, 好新鮮, 味道唔錯, 但好貴, 我地食左唔係好多, 其實都唔係好飽, 只是剛剛好, 都要8,800yen, 這餐是在日本食得最貴的一餐, 可能太疲倦及排隊時間長, 加上店裡的人態度一般, 成日望住你幾時食完的氣分下, 我唔覺得值回票價, 反而我回味早幾年在東京睇書去食果間壽司店, 又新鮮, 又足份量, 個師夫又好人, 價錢又合理…..等左1個鐘, 只係食左20分鐘就走人, 返酒店取行李, 搭jr去上野再轉京成線去機場, 車費1000yen大人, 小童500yen, 時間1小時15分鐘, 底呀, 去到機場仲有時間, 在機場買手信, 航機遲左成個鐘先起飛, 返到香港已經晚上10:45, 搭的士返家都12点, 收拾完行李2点先睡, 第2日要返工呀, 慘~~~~
今次旅費: 總數: HK$28,000
我要向高山舉目；我的幫助從何而來？
我的幫助從造天地的耶和華而來。
他必不叫你的腳搖動；保護你的必不打盹！
保護以色列的也不打盹，也不睡覺。
保護你的是耶和華；耶和華在你右邊蔭庇你。
白日，太陽必不傷你；夜間，月亮必不害你。
耶和華要保護你，免受一切的災害；
他要保護你的性命。 你出你入，
耶和華要保護你，從今時直到永遠。
發表於 
返回列表
