夫婦情感 今日: 8 | 主題: 42765

積分: 1967

81^#

發表於 07-1-2 02:48 |只看該作者

Re: 請各位男人同女人都俾D意見俾我。。

PCCW2319 寫道:
[quote]由 mrsegg 於 2007-01-02 01:32:01
我知道他是愛我的，但......唉！看得知得太多了，好好的一相一對也可以在一念之間化為烏有，所以今天，做好自己，他愛與不愛我也好，我無憾也無愧於心。

agree 近排看得、知得太多了，好好的一相一對也可以在一念之間化為烏有。睇完個心有d戚戚然。

請問個衰人e+有乜報應呀？ (純粹八掛，不方便可以不理)

p.s.唔知 pegbrain e+ 點呢？

[/quote]

不要說是八掛啦！大家都是互關心，他嘛？坐完五年監，依然過著迷失無方向的生活.....

PEGBRIAN嘛！我也很擔心她呢，希望她沒事吧！

私人傳訊

pegbrian

積分: 1048

82^#

發表於 07-1-2 08:12 |只看該作者

Re: 請各位男人同女人都俾D意見俾我。。

各位﹐ 新年快樂﹗但今年係我最唔開心既一年。。。
:-(

係06年最後果晚﹐我同佢講對唔住我之前所做而令佢受到冷落既事﹐ 佢就好激動地話點解唔早一年講點解﹖﹖﹗﹗因佢已做出不忠既事﹐ 係﹗﹗佢真係有婚外情﹐依家仲繼續見﹐我話可否同佢分開﹐佢話唔知。。。我話你知唔知係唔arm﹐ 佢話知係唔arm但因我冷落他太耐令他覺得唔再受重視與失望。。。。。我話如係甘我會離婚同個仔一齐走。。。我無法面對。。他就突然間喊﹐大家抱頭痛喊甘好耐﹐他說唔想離婚都仲愛我。。。但我叫他作出選擇時﹐又唔可以即刻有主意。。。你地話係唔係心傷呀。。。 :-( :-( 但我只心傷﹐要我再喊都無乜眼淚啦。。。我老公好驚我喊﹐一喊就比較心軟但唔知點解我無乜眼淚。。。

甘我地quite左係度﹐他話要意諗下﹐ 我只失望﹐他係有點點鐘意個女仔。。。甘他落樓同個女仔sms左半個鐘﹐返黎又無答案﹐ 他話因驚我話會改但唔知可保持幾耐。。但我話我只否能改同保持幾耐跟他有婚外情有乜關係﹖婚外情已不對﹐ 如他仲想要依個家﹐ 應該同個女仔分開再重新慢慢投入依個家。。。。我已promise他會我既錯。。。。大家都傾唔住要訓覺太tired la...

另一朝﹐ 他起得早﹐ 之後我抱住個仔落樓俾他玩﹐ 我都唔乜望佢但我知他就成日都望住我囉。。。他叫我同個仔去食lunch﹐細食時我D眼淚又流開始流落黎﹐他話唔好甘﹐ 我地可重新開始﹐唔好喊啦﹐ 我話依個係唔係final answer ga。。。他話係。。。之後他都有嘗試hold hands 行街。。。我以為個心會定D啦。。。

點知返到屋企後﹐ 我問如他已作出選擇﹐ 係唔係﹐可證明已同個女仔分開和promise 以後都唔會同佢有任何聯絡。。。。但他竟然話依個我唔洗理﹐ 跟住我話一定要理因我唔知其實仲有contact個女嫁嗎。。。。跟住﹐他又好落腦甘喊話就算好肯改同重新開始時都唔係依家﹐ 他已對感情無信心﹐ 寧願自己一個人同個仔住先﹐俾他諗清楚﹐ 等他又重新掛念我先哦。。。他依家日日見到我都會諗起我冷落他既情況哦。。。。

我話想我去邊﹖我依度無人無物﹐ 他話如我有家人係度會叫我搬番去住先再俾他D空間。。。。

其實我最擔心係個女仔﹐ 他話唔好擔心好容易可以同女仔分開﹐ 其實老公都知唔會長久﹐ 都唔係認真既。。。但我話可唔可以即分﹐他又答唔出。。。。。
我話我係唔同可以同個仔分開﹐ 亦唔會俾他自己住﹐ 因我驚他會成習慣或多個機會見個女仔。。所以我一定係度住。。。。
各位﹐ 我覺得老公知錯但張件事怪落我度﹐ 另我老公依家好似都仲愛我但無miss我﹐ 又驚左我又會傷害他個心。。。他其實只想見個仔。。。。甘大家﹐ 請問我應該點做﹖ 你地又對得成件事點睇法﹖ 我已開始聯絡私家偵探同律師﹐ 想check下個女仔同他們仲有無聯絡﹐

我點做先可令他回復信心但我又唔令他討厭﹖﹖其實我都唔想離婚﹐ 但他唔可以同個女仔分﹐ 我個心一直都唔定同擔心。。。。可以點做呀﹗﹗﹗﹗﹖﹖﹖我已無眼淚啦。。。。。我打依個message 時﹐ 我都無 cry la..... :cry: :cry:

私人傳訊

積分: 67993

83^#

發表於 07-1-2 10:53 |只看該作者

Re: 請各位男人同女人都俾D意見俾我。。

pegbrian,

我覺得老公知錯但張件事怪落我度﹐ 另我老公依家好似都仲愛我但無miss我﹐ 又驚左我又會傷害他個心。。。他依家日日見到我都會諗起我冷落他既情況哦。。。。
>呢個係正常，因為佢忍左耐，心淡。

你再同佢講，你今次係決心改。但千祈唔好搬出去，你會用時間證明俾佢睇，如果佢搬出去，就等於唔俾會你 (pebbrian)。

天空之城, 快樂之地

私人傳訊

積分: 67993

84^#

發表於 07-1-2 11:05 |只看該作者

Re: 請各位男人同女人都俾D意見俾我。。

食時我D眼淚又流開始流落黎﹐他話唔好甘﹐ 我地可重新開始﹐唔好喊啦﹐ 我話依個係唔係final answer ga。。。他話係。。。之後他都有嘗試hold hands 行街。。。我以為個心會定D啦。。。

其實證明你老公(男人)係like 小鳥依人，你太強啦！你睇你老公見你喊，咁緊張就知啦！

不如你提議你老公一年時間大家重新開始，你呢段期間你去改善, 你老公觀察，如仍然覺得唔ok, then就分開。但呢段期間, 佢唔好見過女仔，當比個動力/鼓勵/支持你。因為你知佢仍然會見個女仔，你會好心痛，會發癲。

天空之城, 快樂之地

私人傳訊

ringoivy

翡翠宮

積分: 76971

85^#

發表於 07-1-2 11:17 |只看該作者

Re: 請各位男人同女人都俾D意見俾我。。

老實講你老公同個女仔真打得火熱你叫佢話分就分真係幾難都有, 佢叫你比d空間佢咪即係比機會佢同個女仔糾纏多幾日happy埋先分開

係呀...對於一個有家室既男人黎講, 佢十萬個唔願意離婚的, 但最好個老婆肯比時間同機會佢玩個痛快後咪會收心養性囉

你做唔做得到呀

掉番轉你問佢一個問題, 你話你怕分開後對佢既感情冷卻左到時仲是否挽救得到真係無人會知, 問佢夠唔夠膽博呀

至於將來條路係點無人會知

家陣你承諾左話會改就會改, 未改到咪叫佢提點下你囉, 無信心....係因為佢仲對第三者留戀, 謹係對你無信心啦

老實講你接受返佢是否真的唔介意佢有第三者先

否則第二時盞攞交嗌就無謂啦

仲有故勿論分手好定分居也好, 個仔一定唔可以放手

佢要仔咪叫佢同個女人生飽佢囉

若然佢真係咁想分開, 你叫佢自己搬去酒店住, 但為公平起見, 個段時間佢好應該連個女人都唔見, 咁睇下佢自己究竟想要頭家定要個女人先啱

否則呢頭話同你分開冷靜下, 個到又同人d關係攪到不清不楚咁, 即使佢想吃回頭草, 你比堆屎佢吔好過啦

私人傳訊

積分: 67993

86^#

發表於 07-1-2 11:22 |只看該作者

Re: 請各位男人同女人都俾D意見俾我。。

我覺得老公知錯但張件事怪落我度﹐ 另我老公依家好似都仲愛我但無miss我

其實我覺得你同你老公都有錯。雖然婚外情係唔岩，但事必有因。我相信你老公之前都嘗試去努力 & 同你溝通, 但你太強，一直認為自已岩，堅持己見。

你老公仲怕你喊，你應該仲愛你，所以e+更加要做多d野。唔好因為佢未promise 離開個女仔而唔做。如果係咁，佢覺得你冇誠意，只想佢離開個女仔而做。

多d帶阿仔出去同佢lunch, 1) 佢唔會拒絕個仔, 2) 你可以增加機會同佢增進番感情，3) 比少d機會個女仔 (佢可能同個女仔lunch多) 。借d意，叫佢陪你一齊買d衫比阿仔。

天空之城, 快樂之地

私人傳訊

積分: 67993

87^#

發表於 07-1-2 11:40 |只看該作者

Re: 請各位男人同女人都俾D意見俾我。。

我話依個係唔係final answer ga。。。他話係。。。之後他都有嘗試hold hands 行街。。。我以為個心會定D啦。。。

你老公e+係受驚之鳥，佢未必會主動做d乜動作(kiss, hold hands........) ，其實佢想觀察睇你誠意，如你有心改過，你d野係你主動做。多d主動拖佢，訓時擁抱佢 (say怕佢比人搶走)。

真係架！唔好似為主動、溫柔係抵聲下氣。你試諗下，如果老公激嬲你，你唔係只要一句sorry就 ok, 你都想佢做多d野tum 下你，睇佢誠意啦。

天空之城, 快樂之地

私人傳訊

積分: 67993

88^#

發表於 07-1-2 12:10 |只看該作者

Re: 請各位男人同女人都俾D意見俾我。。

我點做先可令他回復信心但我又唔令他討厭﹖﹖其實我都唔想離婚﹐ 但他唔可以同個女仔分﹐ 我個心一直都唔定同擔心。。。。可以點做呀﹗﹗﹗﹗﹖﹖﹖我已無眼淚啦。。。。。我打依個message 時﹐ 我都無 cry la.....

呢個時候千祈唔好再扮強者，要扮弱者，你老公係大男人，鐘意以佢為主，為重心既女人。只有咁佢至覺得被受重視、被愛 (呢樣係一直佢想要)。

你今晚訓時(係床上) 眼濕濕，個樣好慘咁：我可唔可以擁住你訓，好怕你俾人搶人。

朝早主動goodbye kiss, 之前有媽咪提議過，你同佢講：我唔知你想點kiss me, but 我e+好想賜人 (唔好等佢講野，即時俾個kiss佢 & 俾個微笑佢)

或者你會覺得我傻，我會試下做一d情婦會做野。你諗下，d情婦會做乜會令d男人上吊/心動。冇他：溫柔，以佢為重心，令佢地滿足大男人慾望。

唔好以為試下做一d情婦會做野,你會覺得自已好cheap. 其實做人老婆，都要做呢d維持夫妻間感情，同生活情趣。

天空之城, 快樂之地

私人傳訊

pegbrian

積分: 1048

89^#

發表於 07-1-2 12:49 |只看該作者

Re: 請各位男人同女人都俾D意見俾我。。

我D 朋友覺得他要仔唔要媽。。。。我真係想係他面前喊但點谷都谷唔出眼淚點好呢﹖

他話知我已對他好﹐但他有D唔習慣好似唔係時候甘。。。我話一係慢慢黎啦。。。。

點解他講都好似自己先至係受害者而我唔係﹖ 我朋友話他正推卸責任想自己好過D。。。。

私人傳訊

積分: 67993

90^#

發表於 07-1-2 13:13 |只看該作者

Re: 請各位男人同女人都俾D意見俾我。。

pegbrian,

你倆都是受害者，但唔好再計較邊個係衰人，如果你就係想挽救呢婚姻，你仲愛佢。

他話知我已對他好﹐但他有D唔習慣好似唔係時候甘。。。我話一係慢慢黎啦。。。。

講得好。

唔好迫得佢太緊，俾d時間佢。問佢需要幾多時間可以決定。你好希望佢俾d支持你，唔好再見個女仔，cos你好心痛。

你唔好用迫佢d語氣做promise , 咁又係一種"強"既表現。

咁佢今朝表現點呀？你又做左d乜(除左搵私家精探 & 律師) 去表現你有心改善呢？

天空之城, 快樂之地

私人傳訊

積分: 67993

91^#

發表於 07-1-2 13:16 |只看該作者

Re: 請各位男人同女人都俾D意見俾我。。

我D 朋友覺得他要仔唔要媽。。。。我真係想係他面前喊但點谷都谷唔出眼淚點好呢﹖

點解他講都好似自己先至係受害者而我唔係﹖ 我朋友話他正推卸責任想自己好過D。。。。

佢地係身邊朋友，未必夠客觀。

天空之城, 快樂之地

私人傳訊

積分: 67993

92^#

發表於 07-1-2 13:29 |只看該作者

Re: 請各位男人同女人都俾D意見俾我。。

我D 朋友覺得他要仔唔要媽。。。。我真係想係他面前喊但點谷都谷唔出眼淚點好呢﹖

幻想下佢決定離婚 & 要埋個仔............你可能喊得出。

天空之城, 快樂之地

私人傳訊

yvonnefrances

禁止訪問

積分: 1200

93^#

發表於 07-1-2 14:41 |只看該作者

Re: 請各位男人同女人都俾D意見俾我。。

提示: 作者被禁止或刪除內容自動屏蔽

私人傳訊

mrsegg

積分: 1967

94^#

發表於 07-1-2 15:57 |只看該作者

Re: 請各位男人同女人都俾D意見俾我。。

估唔到答案竟然係最差果個......

都說過了，男人要不忠，可以將責任推到妻子身上.....沒錯，你曾經有忽略他，但你已經盡力挽救，所以他再沒任何籍口再跟那個女仔一齊...

雖然現在他的心不在你處，但又唔捨得孩子，其實是可以挽救的，起碼他也捨不得你哭呀.....

暫時不要迫他決定，再迫他，他只會覺得你討厭，在他眼中錯的是你。你靜靜地如常生活，再過幾天再問他....

唉...........

私人傳訊

HKU_LLM

複式洋房

積分: 186

95^#

發表於 07-1-2 17:12 |只看該作者

Re: 請各位男人同女人都俾D意見俾我。。

或者你會覺得我傻，我會試下做一d情婦會做野。你諗下，d情婦會做乜會令d男人上吊/心動。冇他：溫柔，以佢為重心，令佢地滿足大男人慾望。

唔好以為試下做一d情婦會做野,你會覺得自已好cheap. 其實做人老婆，都要做呢d維持夫妻間感情，同生活情趣。

--------------------------------------------------
Hello, Pegbrian,

I've said, you are really at risk.

But don't be exhausted, as a man, I think you can save your marriage and you will win eventually.

I have a detail advice to give you but no time to write now, at this moment, i think the way pccw 2319 can work, try, don't lose at the hands of Indonensia woman!!!

私人傳訊

積分: 67993

96^#

發表於 07-1-2 19:07 |只看該作者

Re: 請各位男人同女人都俾D意見俾我。。

Pegbrian,

情婦除左溫柔，以佢為重心，令佢地滿足大男人慾望外，我覺得佢地都係幽默、風趣 ( + 嗲) ，亦都係吸引男人原因之一。所以你唔好咁容易發火，比太大壓力佢。

佢放工返黎，你可以抱住阿仔，對佢微笑 & 說 "返黎啦" , then一手比仔佢抱，一手幫佢拎公事包。

如果唔駛做家務，當佢同阿仔玩時，你 <<一定>> 要加入，唔好只睇住佢地玩。如果唔係會形成更大隔膜。從弄兒中可以增加你地感情，打破佢心中圍牆。你e+要以家庭樂(其中一樣方法) 吸引佢返黎。

一d有關佢日常生活事情 (e.g.準備返工衫.........) 已經交左俾工人做，由e+起盡量自已接手跟番。

如果佢遲返黎食飯，你要等埋佢一齊食 (一個人食飯幾淒涼架)。如你比佢早食哂，你可以留係飯檯同佢傾計，直至大家食完至一齊離檯。

我好鐘意睇<<與老公有趣的對話>> 呢個topic (第一個topic)。我覺得你應該睇下, 可以參考一下，整做一個溫輕氣氛既家庭。

你既然已經搵左私家精探，就算私家精探搵到第三者資料，你千祈唔好去搵佢，得個知字好啦！第三者既事由你老公自已處理好啦！如你去搵第三者,佢實同你老公講, 咁會令你老公反感，更加討嚴你。

要拆你老公心裡面幅圍牆，係要用誠意、用心 & 時間。俾d耐性！

加油！努力！忍耐！

天空之城, 快樂之地

私人傳訊

積分: 67993

97^#

發表於 07-1-2 20:44 |只看該作者

Re: 請各位男人同女人都俾D意見俾我。。

Pegbrain,

我諗, 同你老公確確實實講，你想佢知道，你今次決心改變係因為愛佢，係自已醒覺到過往真係疏忽左佢，唔係因為有第三者。
你會由始自終都係咁愛佢，直至如果final佢選擇要第三者，揀離婚為止。或者你以往真係唔好識(or 用錯方法) 咁表達自已對佢既感情，但你真係仍然愛佢。因為咁你願意為佢而改。希望做到一個好老婆，好情人，好媽咪。
(如你唔同意以上就不用理會)

閒談中多d關心佢、公司，講下阿仔，佢d friend & family。

期間你可能受到拒絕，冷淡對待，但不要

或放棄。你諗下，呢d可能係你以前對佢既態度(拒絕，冷淡對待 & 惡言相對)，佢當時係幾咁難受 , but佢一直忍受。

如果受到拒絕，冷淡對待期間，或者你用失望、可憐表情/聲線，反而可能引起佢既憐惜、愛戀。

拒絕，冷淡對待：拒絕 or 忽然甩抵你地d 約會。你同佢傾計時木口木頭，一句起二句止。

努力！加油！

天空之城, 快樂之地

私人傳訊

pegbrian

積分: 1048

98^#

發表於 07-1-3 12:48 |只看該作者

Re: 請各位男人同女人都俾D意見俾我。。

大家﹐

尋日﹐我地仲可以lunch 去超市﹐ 之後他返公司我番屋企﹐ 但我係數4點半打去公司問走左未﹐ 公司話走左﹐甘我打手提﹐但3次都無人聽﹐ 我等到5點半先返﹐ 我問去左邊﹖ 我打去公司話你走左﹐ 他只答“ So?"我問知唔知我打手提他說唔知。。。甘就無左講野啦。。。我再等到他沖完涼﹐ 我擁住他時﹐ 他叫老婆煮飯啦﹐ 我話等等先啦﹐ 我再用溫柔既語氣問去左邊﹐ 他就推開我話唔好再甘。。。。唉﹗﹗我又錯﹖﹖

之後食完飯我找個機會同他講對唔住﹐ 他無出聲﹐ 但好似我無到甘。。等到要訓時﹐ 我再細聲講sorry﹐ 他說唔洗。。。甘我說話訓覺啦。。。。我訓係隔離時﹐他突然又講老婆俾D時間﹐ 我又唔知你會改到幾耐﹐ 我話我知要時間﹐ 甘係觀察期間應對大家公平點﹐ 他唔好見到女仔﹐ 甘我就可一心一意甘改囉。。。他突然話以前都唔肯講對唔住﹐ 依家又肯﹐唔多信。。。跟住他好嬲﹐ 起身話個問題係他已放棄我所以先去睇出面既花花世界﹐ (我都竟然喊唔出) 我仲係用溫柔既語氣講如已放棄就唔會安排trips 啦。。。跟住他話要出去冷靜下﹐ 跟住就換返工衫出去﹐ 我知他尋晚係唔會返黎。。今朝他Sms我話我依家講sorry 對他唔夠﹐ 之前我少講太多﹐ 唔好以為有左個仔我既責任已完﹐ 點解我一直都唔聽他話﹖ 我以前ego高唔考慮到他既感受﹐ 覺得我無珍惜依個老公。。。。。跟住我有答sms 但都依家都係無消息。。。

大家﹐ 我既眼淚已完﹐ 我知自己係用錯方法﹐但我都係只想他知我一心想改善但他都唔應該每日都仲去見到女仔﹐ 口口聲聲話會cut但日日都痴住又點cut呀。。。我認我有我衰但都未至於俾個借口去滾﹐ 他講野既態度都完全無悔意。。。攪到好似理所當然甘。。。

我又唔知好唔好問今晚返黎食or not ﹖ 都唔知會唔會慣左晚晚唔返我就真係頂唔順。。。。我依家個人好辛苦﹐ 身心都好累﹐ 無胃口仲每日都嘔兩次(唔係有左)﹐ 唔知點做﹖﹖﹖﹖

私人傳訊