母乳餵哺 今日: 0 | 主題: 85707

積分: 1790

1021^#

發表於 05-9-9 12:20 |只看該作者

Re: 2004年1-3月的全母乳新媽咪支持區

Clara,

阿 Jack 前晚瞓得唔好, 好可能係比我老媽子傳染, 我老媽子前幾日黎睇佢哋, 佢開始有少少咳, 跟住第二日阿 Jack 就開始有少少咳, 但係好似人哋扮咳咁,

好可能感親!! 尋日比咗幾次 panadol 佢食, 夜晚就瞓到五個鐘!! 佢而家仲係同我哋同房架, 諗住等佢大 d, 瞓到通宵之後就會搬佢去另一間房, 唔會同 Carly 同房架, Carly 瞓得好好, 唔想阿 Jack 嘈住佢!! 但係都唔知佢幾時先可以瞓到通宵 lu!!

私人傳訊回覆引用

積分: 2640

1022^#

發表於 05-9-9 20:46 |只看該作者

Re: 2004年1-3月的全母乳新媽咪支持區

各位媽咪,
我個仔依家都唔係講得好多o野, 又細膽, 又行得唔穩, 成日都跌到膝頭損哂!!

我覺得bb出世, 最好o既都係媽媽奶啦, 但係有好多媽咪怕辛苦, 怕第日返工要戒奶, 怕要pump奶...總知係一大埋理由唔餵人奶!! 其實唔餵好耐都可以o既, 只係餵坐月o既時間都好呀, 真正體驗做媽咪o既感覺嘛....!!

Mone,
其實呀Jack都算戒左夜奶, 不過呀Jack始終仲係細, 我個仔個陣時都係咁, 唔係好定時, 都要到六個月左右先開始定d, 但係真正定落o黎都要到九個月囉

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

積分: 13158

1023^#

發表於 05-9-10 23:47 |只看該作者

Re: 2004年1-3月的全母乳新媽咪支持區

Mone,

呀jack對眼超大, 好似洋娃娃~
想當時呀囡直到我加咗餐奶粉, 佢先可以一覺到天光, 但果時佢已經有10個月大喇!

呀jack而家有無好d呀?

Clara,

你好快就可以再次有餵bb飲醉奶既親切感覺架喇! :wink:
你嘅預產期係幾時呀? 知唔知bb預計有幾重呢? (好奇~)

candy,

我囡到而家又係成日跌, 我發現係因為佢有入隻腳, 其中一隻重幾厲害, 我都問過2個醫生意見, 佢地都叫我唔駛太擔心, 大大吓應該會有改善, 就算有問題, 而家都未可以真正睇得出, 但日日見呀囡一跑就跌, 唔擔心就假~ :-|

私人傳訊回覆引用

Clarab

別墅

積分: 951

1024^#

發表於 05-9-12 03:14 |只看該作者

Re: 2004年1-3月的全母乳新媽咪支持區

yiubb,

我預産期係11月10日呀, 仲有2個月就搞掂... 有D心急添呀! 我都唔知BB預計有幾重, 但係我知我就重過生B女果陣時啦, 我已經超標啦...

Mone,

嘩, 真係喎, 阿JACK雙眼好大, CARLY 一頭"戀"頭髮好可愛, 係似你定似你老公呢? JACK好返D味呀? 訓得有無好D? 我生咗之後都要放BB係B女房, 我無位呀, 所以B女要迫住習慣新BB, 無計... 希望佢都會訓得好D... 希望我都有覺好訓...

Candy,

B女又係跌到雙腳損晒, 又有瘀喎, 好彩都叫快趣好返囉, 佢好似一D都唔痛咁, 佢一出街玩真係乜都唔記得晒! 佢都驚生保人架, 上次隔離屋個細路黎, 佢望見人地即刻走返去DADDY到, 我都開心架, 唔使驚佢乜人都跟, 為咗粒糖俾人氹咗去! HAHA!

私人傳訊回覆引用

Mone

積分: 1790

1025^#

發表於 05-9-12 12:51 |只看該作者

Re: 2004年1-3月的全母乳新媽咪支持區

Candy,

多謝你話比我知你囝囝成九個月先瞓得定 d 呀!! 因為 Carly 一個月大就可以瞓通宵, 所以今次阿 jack 咁, 搞到我覺得好辛苦, 我知到男仔係難 d, 所以我最初都只期望佢三個月大先會 stable d!! 而家三個月過咗, 我又期望佢會响六個月大之前會好 d!! 聽你講完, 我希望最壞嘅打算就係, 佢到九個月大之前可以瞓到通宵啦!!

樹熊媽,

原來你囡囡都幾難搞喎!! 十個月大, 但係我冇諗住補奶粉, 所以都唔知幾時阿 jack 先會瞓到通宵呀!! 佢而家仲係好飄彿, 一時可以瞓到六個鐘, 一時又醒成三四次, 仲要捱一排囉!!

Clara,

人人見到 Carly 嘅一頭"戀"髮都話佢好可愛, 但係我唔係咁鍾意, 因為佢 d 頭髮成日打哂結!! 梳得好辛苦!! Carly 係完完全全遺傳哂我老公 d 嘢, "戀"頭髮啦, 兩個轉啦, 左 "yau" 啦!! 唔知第二時大 d 會唔會好似我老公以前咁百厭呢?? 你生細 b 之後, 我諗你都會係餵人奶架啦!! 點解一開始唔將細 b 放响你自己間房呀?? 咁樣夜晚餵奶都會方便 d 啦!! 又唔怕你行出行入時嘈醒大女嘛!!

私人傳訊回覆引用

mattiemama

積分: 2788

1026^#

發表於 05-9-14 19:57 |只看該作者

Re: 2004年1-3月的全母乳新媽咪支持區

yiubb & candy
BB依家行路可能未穩陣,所以會較易跌,大大下隻腳有力d就好d架喇!

mone
你個囡d頭髮真係好可愛,不過正如你話,打理係有d煩架,我有個天生卷髮嘅friend話佢每逢天氣濕,d頭髮就會不受控,好彩依家可以電直

我有兩個小寶貝!

私人傳訊回覆引用

積分: 2640

1027^#

發表於 05-9-15 14:09 |只看該作者

Re: 2004年1-3月的全母乳新媽咪支持區

Mone,
我諗男仔真係難攪d...

都無法啦, 好快就過啦, 比心機啊!!!
其實我覺得carly同jack好似樣呀, 咁係咪兩個都似爸爸呢??

Clara,
話咁快就7個月啦, 開始越來越辛苦啦...肚又個, 又要照顧大b, 你要多d休息, 儲夠精神係小b出世用呀!!

mattiemama,
依家呀仔行得好少少啦, 無咁易跌, 希望大d真係好d啦~~

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

Mone

積分: 1790

1028^#

發表於 05-9-15 17:04 |只看該作者

Re: 2004年1-3月的全母乳新媽咪支持區

mattiemama,

係呀!! 有個朋友己經叫我同佢做負離子呀~~~

Candy,

冇錯, 我嘅朋友個個都話佢哋似哂我老公, 尤其是係個仔, 簡直就係我老公嘅壓縮版喎!!! ?-( ?-(

私人傳訊回覆引用

積分: 13158

1029^#

發表於 05-9-16 15:55 |只看該作者

Re: 2004年1-3月的全母乳新媽咪支持區

[size=large]各位:
我都預祝各位中秋節快樂呀!!

私人傳訊回覆引用

Clarab

別墅

積分: 951

1030^#

發表於 05-9-17 05:31 |只看該作者

Re: 2004年1-3月的全母乳新媽咪支持區

[size=xx-large]各位中秋節快樂!!!

Candy,

我個肚已經8個月啦! 快生得, 11月10日係預産期, 今日已經係9月16日... 嘩... 有D緊張... 但係又想快D搞掂佢!!! 多D休息我都想, 不過夜晚成日要去厠所, 搞到成隻中國熊貓咁!

Mone,

我老公平時訓得唔多, 加埋2B係間房到, 佢實冇得訓, 所以上一次都係放阿B女係自己房, 咁又唔會嘈到老公訓丫麻, 咁我有加張air bed係B女間房到, 有需要就係B女房訓囉. 2B同B女同一間房雖然會嘈D, 但係我阿媽話佢地會習慣, B女會聽唔到2B喊喎.... 我都唔知, 諗住試下先睇下點再算囉.

B 女而家寫字 (鬼晝符) 都係咗YAU, 佢唔肯用右手, 我老公呢邊話佢要用邊隻手唔好迫佢, 我阿媽就話緊係右手方便啦, 叫我迫下佢去右手... 真係煩C人... 阿B女都係下面D頭髮係"戀戀" 地, 不過就唔係好似CARLY咁"戀", 有時都好難梳, 我想一把火同佢剪晒佢, 但係D人就話唔好啦唔好啦... 成日同佢梳頭佢都唔肯, 遲早變成黑衣頭就慘!!!

私人傳訊回覆引用

mattiemama

積分: 2788

1031^#

發表於 05-9-17 10:08 |只看該作者

Re: 2004年1-3月的全母乳新媽咪支持區

[size=large]祝各位媽媽and靚b中秋節快樂

clara
我大仔都係左撇子,我同老公都唔係,但我地無迫佢用右手,依d野天生無得迫,而且大仔本身fine motor skills唔叻,強迫只有兩頭唔到岸

好彩我屋企d老人家無乜強烈反應,如果唔係就煩 (其實我daddy有少少左撇子 :mrgreen: )...唯一唔好處係我地執筆教佢筆順難d,因為我兩公婆都用右手,所以我有陣都學左手寫字....

我有兩個小寶貝!

私人傳訊回覆引用

積分: 2640

1032^#

發表於 05-10-4 17:57 |只看該作者

Re: 2004年1-3月的全母乳新媽咪支持區

各位媽咪,
失蹤左十幾日, 無同你地講中秋節快樂o忝...

呢排呀仔食親奶都係咬住我o黎食, 無每佢一放口, 就會見到四個牙印, 叫佢唔好用牙咬啦, 佢又好似唔係好明白喎....真係幾痛架.... :-( :-( 希望佢大d就會明白我講乜啦, 唔係我就唯有早d同佢戒奶lu... :cry: :cry:

9月尾去左澳門兩日遊, 不過真係好鬼難忘呀....話說我9月26日先囉到回鄉卡啦(因為我會去珠海個親戚度訓), 咁27日就會出發啦, 又事原呀仔係我攞回鄉卡時又鬼殺咁嘈, 我就唯有望下張卡幅相係我個仔, 個名又係我個仔就走啦....到夜晚我再check下有無執齊o野啦, 再望下張回鄉卡, 嘩...做乜我個仔變左女仔架, 就係性別一欄打左"女"喎....有無搵錯呀, 果陣我同老公都好嬲架, 咁都可以錯得喎.... :evil: :evil: 咁就唯有第二日一早就到中旅社問佢點算啦, 結果佢都要下午3點先趕製過另一張新卡比我, 本來兩日一夜o既旅程, 得返一日一夜咋, 之前買左o既觀光塔套票又用唔到, 真係激死呀.... :-( :-(

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

積分: 13158

1033^#

發表於 05-10-7 13:17 |只看該作者

Re: 2004年1-3月的全母乳新媽咪支持區

mwhcandy,

咁攪笑, 由仔變左女~

我都好想去短線遊, 不過一諗起呀囡食方面就頭痛, 咁你同仔仔去澳門, 你比咩固體食物比仔仔食呀?

mone,

我前幾日o係赤柱見倒你一家四口呀, 不過望唔切你老公同仔仔, 已經行過咗喇!

私人傳訊回覆引用

Mone

積分: 1790

1034^#

發表於 05-10-7 15:18 |只看該作者

Re: 2004年1-3月的全母乳新媽咪支持區

樹熊媽,

咁都比你見到??!! 你做乜唔快 d 走埋黎叫我哋呀?? 你又會咁都認得到我哋嘅?? 你响嗰樹做乜呀?? 我哋耐唔耐都會去嗰度食 lunch 架!! 下次咁啱撞到, 一定要打個招呼呀!!

各位媽咪,

前兩晚, 我哋嘅百厭仔一晚醒咗成六七次之後, 我同我老公决定試同佢戒夜奶, 打算十一二點餵佢最後一餐, 未夠六七點都唔會再餵佢, 而途中如果佢醒咗嘅話, 就由我同我老公每人一晚咁暗番佢瞓, 咁樣, 起碼我同我老公都會有隔晚好覺瞓吓嘛!! 如果唔係, 我哋真係會慢慢咁 C 呀~~~~~ 大家快 D 祝我好運啦!!

私人傳訊回覆引用

積分: 13158

1035^#

發表於 05-10-10 15:03 |只看該作者

Re: 2004年1-3月的全母乳新媽咪支持區

Mone,

我都係認得你女女咋, 不過我好遲鈍, 我望咗你女好耐, 我先諗起係邊個, 之後拿拿臨望埋你時, 都已經差唔多行過晒, 再加上你當時戴住副超, 其實都唔太知你係點嘅樣~
去果度都係行吓, 食吓, 買吓咁law, 順便比呀囡當郊遊

希望你同仔仔戒夜奶成功啦!

clara,

你點呀? 身體ok ma? 生咗未呀?

私人傳訊回覆引用

Clarab

別墅

積分: 951

1036^#

發表於 05-10-21 02:36 |只看該作者

Re: 2004年1-3月的全母乳新媽咪支持區

唔好意思咁耐無上黎, 自從上幾次上黎留言之後但BK LOAD唔到咁我既留言唔見咗, 咁我就無上BK成個月啦, 佢地LOAD 得實在太慢, 我都無心機等呀!

樹熊媽,

我仲未生呀, 預産期係11月10日, 但係醫生話上一胎遲咗, 今胎可能都會遲D咁話喎! 我都唔曉, 是旦啦, 不過阿2B真係成日搞到我無得訓, 又要成日去厠所, 8個鐘頭既睡眠要成10個鐘頭先可以, 唔係我會好攰好攰.

Mone,

你就好啦, 老公同你四圍去食野, 我地而家遠D都唔敢去, 驚中途好彩咁生咗出黎, 咁點算?
係呢, 你減肥點樣? 有無美好身段返晒出黎?
Carly 真係好似小甜甜咁, D頭髮真係好cute.

Candy,

唔見你上MSN既? 好忙呀? 呢排做緊乜?

其她媽咪好嗎?

私人傳訊回覆引用

Mone

積分: 1790

1037^#

發表於 05-10-21 12:17 |只看該作者

Re: 2004年1-3月的全母乳新媽咪支持區

樹熊媽,

多謝哂你先呀!! 我諗我個囝而家開始明白, 喊係冇意思嘅!! 又攰, 又浪費眼淚!! 佢都仲未算戒到夜奶, 而家我十點零十一點放低佢, 佢通常四點幾就會醒, 但係我老公唔比我餵佢, 我老公會抱走佢, 暗番佢瞓, 而我又可以大覺瞓, 囝囝通常都會好快瞓番, 但有時都試過比佢玩成個幾鐘, 不過佢六點零七點又會再醒, 咁我哋先會餵佢, 希望佢遲 D 會學識, 六點後先醒囉!!

Clara,

等你生完咪去邊度都得啦!! 不過, 我老公就真係好落力咁同我哋四圍去, 因為佢驚我成日困住响屋企會好悶, 所以佢一放假我哋都會揾地方去囉!! 黎緊十一月我哋成家又番澳洲, 先去 Cairns 玩三個星期, 之後再去 Melbourne 探佢屋企人, 去成個月, 抨住兩個咁細嘅, 真係有 d 担心!!
我嘅減肥大計都算 ok 啦!! 而家減咗十磅多 d, 再減多十五磅, 我就會好開心, 不過如果可以減多二十磅嘅話, 咁就會好 perfect 囉!! 仲有漫漫長路要跑呀!!

私人傳訊回覆引用

積分: 2640

1038^#

發表於 05-10-21 14:34 |只看該作者

Re: 2004年1-3月的全母乳新媽咪支持區

Clara,
都唔係忙, 不過我呢排早訓d囉, 又加上無乜朋友有msn, 就算有都好少online, 所以咪無online!!
好快2b就出世囉, 無法啦, 就o黎生就係辛苦d, 都係個句啦, 多d休息啊

mone,
我諗呀jack都係要安全感多d, 希望呀jack大d好d啦!! 你地係咪每年都返澳洲架, 真係開心囉!!

今日搵返呀仔上年冬天d衫褲, 點知仲啱著喎

我個仔o既生長速度真係慢呀...真係慳唔少呀 :lol: :lol:

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

Mone

積分: 1790

1039^#

發表於 05-10-22 11:29 |只看該作者

Re: 2004年1-3月的全母乳新媽咪支持區

Candy,

係呀!! 我哋每年都會番澳洲架!! 探我老公 d 屋企人嘛!! 就算唔番澳洲, 我哋都一定要離開香港架!! 因為我老公係外勞, 佢放親大假都一定要離開香港, 唔準佢留响度架!!

Carly 舊年 d 衫都仲有幾件啱著架!! 因為舊年買大咗, 今年都仲可以著得!! 咁咪仲好, 可以慳番少少錢嘛!!

私人傳訊回覆引用