母乳餵哺 今日: 0 | 主題: 85707

積分: 2640

1041^#

發表於 05-10-24 11:36 |只看該作者

Re: 2004年1-3月的全母乳新媽咪支持區

呢排天氣唔係幾好, 我個仔同老公都病左, 我都好似有dd作病啦, 各位媽咪要保重身體啦!!

yiubb,
得閒出去行下, 呼吸下新鮮空氣都好架! 成日係屋企掛住湊仔好悶架嘛!
最近你b囡點呀?

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

積分: 13158

1042^#

發表於 05-10-24 13:55 |只看該作者

Re: 2004年1-3月的全母乳新媽咪支持區

candy,

你住o係大澳, 咁你平時多數去邊區架?

唔知你重有無印象, 我囡之前都幾肥吓, 而家因為食固體食得好差, 所以攪到好瘦吓, 有時攬住佢瘦削嘅身體, 真係好肉痛~

而家煩緊搵暫託, 想開始比呀囡試吓每日離開我身邊一兩個鐘, 不過暫時都未倒, 有d煩~

你呢, 有無打算比仔仔返幼兒班/暫託呀? 第日仔仔讀書會o係大澳讀, 定出市區呀?

私人傳訊回覆引用

Mone

積分: 1790

1043^#

發表於 05-10-24 14:23 |只看該作者

Re: 2004年1-3月的全母乳新媽咪支持區

yiubb,

唔記得咗你係唔係 full time 媽咪呀?? 搵一兩個鐘嘅暫託, 會唔會比較難呢?? 你囡囡而家幾多磅呀?? 你而家又餵緊佢 d 乜嘢多呢?? 係呢你同囡囡戒片未呀?? 而家 Carly 好多時大大完都會走埋黎同我講, 等我可以同佢換片, 好想試吓同佢戒, 但係我又冇乜時間, 都唔知從何入手好?? sorry, 好似好多問題咁~~

私人傳訊回覆引用

積分: 2640

1044^#

發表於 05-10-25 01:21 |只看該作者

Re: 2004年1-3月的全母乳新媽咪支持區

yiubb,
仲記得你b囡以前都幾肥架!! 我個仔又係, 以前都係有d肉, 不過越大就越瘦, 不過佢又唔係唔肯食野喎, 但係就唔肥, 我都無法呀!!
平時我都係出我媽度多(樂富), 有時就同姑奶飲下茶咁囉! 行下街買下呀仔o既日常用品(因為呢度又貴又無得選擇呀)!
我無諗住比我仔返幼兒班, 主要原因係呢度無! 我諗住比我仔係大澳讀完幼稚園先, 我就想係小學係東涌讀, 想比佢讀一條龍o既學校, 唔想佢咁辛苦! 但係我老公就想呀仔讀幾年小學先, 話怕咁細個就要搭車出東涌返學辛苦喎! 我都仲未拿定主意呀!

mone,
我個仔又係痾完大大就同我講, 不過有時佢都唔會講架, 但係你會發現佢唔會"茂"低, 又唔會坐低, 都幾好笑架! 其實都唔雖要夾硬同bb戒片呀, 因為我姑奶個女就係咁, 以前細個成日迫佢戒片, 攪到佢個女連去廁所都怕左呀! 之前我都有試過同我個仔戒片, 但係失敗左, 到依家, 佢間唔中都會同你講下佢想痾尿, 我都唔理佢lu, 順其自然囉!!

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

mattiemama

積分: 2788

1045^#

發表於 05-10-25 08:52 |只看該作者

Re: 2004年1-3月的全母乳新媽咪支持區

hello all
有一輪無上來, 我要報告,我呀女終於都要停奶喇(食左20+個月),原本也打算11月幫佢慢慢介,因為我有d婦科問題定左12月要開始食藥,點知10月初突然乳線炎,所以唯有早d收工...你地仲餵緊嘅努力呀!!!!

我有兩個小寶貝!

私人傳訊回覆引用

積分: 13158

1046^#

發表於 05-10-25 16:11 |只看該作者

Re: 2004年1-3月的全母乳新媽咪支持區

Mone,

我係full time mama黎架~ 搵一兩個鐘嘅暫託, 其實都唔難, 不過我想日日都keep住返就難d, 咁你又會唔會比囡囡返幼兒班呀?
之前都有24磅keep咗一段日子, 但而家成日唔食野就得番20磅 :-(
呀囡比較肯食麥皮同粉麵, 所以多數都係食呢d, 其他都有比佢食, 不過一係食幾啖, 一係唔食~
咁你囡囡食野又食成點呀? 你又多數比咩野佢食呀?
我未同呀囡戒片呀, 只係間唔中比佢試坐小童厠所板, 我老公話唔駛刻意去戒片, 話大d就會識出聲, 我都唔肯定係唔係

不過有d mami教, 話只要由得佢地全日唔著片幾日, 同定時同佢地去厠所, 就會戒倒, 但一諗到要成日咁去拖地, 我就怕怕, 所以暫時都係信住老公先~

candy,

嘜由大澳出九龍可以搭車架? 我重以為只可以搭船, 我好out呀!
肯食唔肥都無所謂, 最緊要有食ma~

mattiemama,

你好厲害可以餵到咁耐! 你身體無咩野ma, 希望你早日康復啦!

私人傳訊回覆引用

mattiemama

積分: 2788

1047^#

發表於 05-10-25 17:56 |只看該作者

Re: 2004年1-3月的全母乳新媽咪支持區

yiubb
多謝關心! 我d係婦科老毛病,要食賀爾蒙去睇下有無得改善,所以要同阿女停人奶lor...我記得你阿女響toyrus張相好肥美架

不過細路唔食野係難攪d, 你有無試下d唔同配搭,睇下阿女會唔會食得好d...仲有細路介片要順其自然,好似我大仔,用盡方法都介唔到,但番左學一個月就介到喇! 所以唔使擔心啊!

我有兩個小寶貝!

私人傳訊回覆引用

Mone

積分: 1790

1048^#

發表於 05-10-25 19:03 |只看該作者

Re: 2004年1-3月的全母乳新媽咪支持區

Candy,

我就係見到 Carly 大大完同我講, 我先開始諗住同佢戒片, 但係我又冇時間, 而家諗下個月去旅行, 有老公响度就試吓同佢戒囉, 最搞笑嘅就係我哋買咗個 potty, 我老公話 pack 埋佢喎!! 成個 potty 咁大, 點 pack 呀~~~~ 結果, 我哋今日買咗個 baby toilet seat, 點都細塊 d 易 pack d 啦!!

yiubb,

我而家都係餵 Carly 食粥多, 但就越煮越杰囉!! 因為佢好煩架, 佢食嘢唔趙, 成日都就咁吞, 所以都係咁整碎 d 先比佢食!! 但係如果出街食嘅話, 佢又會趙吓, 所以出街嘅話, 都盡量比我哋食嘅嘢佢食, 我老公話今個假期就係要 train 吓 Carly 乜都食吓喎!! 所以呢個假期 Carly 會好唔得閒, 好多嘢要學呀!!
你囡囡跌番落20磅, 又真係奀咗少少喎!! 咁佢而家仲有冇飲奶呀?? Carly 而家己減少到一日大槪一兩杯左右, 不過佢有飲期他果汁囉!! 啱啱磅過都有廿五磅, 我諗 ok 卦!!
唔知點解我成日都以為你係要番工, 唔係 full time mama呀!!
我唔會比佢番幼兒園呀, 因為我老公唔鍾意, 佢話唔想個女咁細個就要番學喎, 成世人流流長, 有排佢番喎!! 但我就同佢番吓 playgroup 囉, 等佢同其他小朋友玩吓嘛!! 我屋企附近有間幼稚園, 一到三歲就番得, 佢哋仲要四月會有 term 開, 所以, 只要 Carly 一到三歲就可以掟佢番學呀~~~
我都同你一樣, 諗到同 Carly 戒片時, 要成日咁去拖地, 我就怕怕, 加上我屋企有地氈, 所以都係少一事好 d!!

mattiemama,

我都希望你早日康復啦!!

私人傳訊回覆引用

積分: 13158

1049^#

發表於 05-10-26 22:27 |只看該作者

Re: 2004年1-3月的全母乳新媽咪支持區

mattiemama,

我都有試過唔同煮法, 但呀囡點都唔太有興趣~
咁你平時煮咩野比你小朋友食架?

Mone,

oh~ 囡囡有廿五磅, 真係羨慕c我喇!
呀囡飲奶暫時都ok, 一日飲三餐, 每次飲8-9oz, 果汁都有飲
你囡囡而家飲邊隻鮮奶架? (唔知有無記錯你囡囡係飲鮮奶)
你屋企附近間幼稚園咁好可以一到三歲就番得架喇! 其實我都有d覺得咁細個要佢地返學好似有d可憐, 所以一路我都十五十六~

私人傳訊回覆引用

Mone

積分: 1790

1050^#

發表於 05-10-27 14:39 |只看該作者

Re: 2004年1-3月的全母乳新媽咪支持區

yiubb,

Carly 而家每日都係飲大槪一兩杯鮮奶, 乜牌子都飲, 多數係維記, 十字牌同牛奶公司都有!!

關於番學嘅問題, 我想問吓你知唔知道係唔係個小朋友要足六歲先可以入小學架?? 如果係嘅話, Carly 讀完兩年幼稚園都只係得五歲, 咁咪即係要佢 repeat 一年幼稚園先可以入小學囉??

私人傳訊回覆引用

積分: 13158

1051^#

發表於 05-10-27 15:53 |只看該作者

Re: 2004年1-3月的全母乳新媽咪支持區

Mone,

我識有個mami, 佢話自己個仔當年(個小朋友而家好似讀緊五/六年班)就係差半年先足六歲, 入唔倒小一, 所以最後真係要讀多年k3~

私人傳訊回覆引用

積分: 2640

1052^#

發表於 05-10-28 23:57 |只看該作者

Re: 2004年1-3月的全母乳新媽咪支持區

Mone,
我都係買左個potty返o黎, 佢坐都唔肯坐, 我都收埋左lu...

我都諗好囉, 依家開始凍, 又唔駛同佢戒片住囉, 成日抹地真係好煩架!
希望carly完成呢個旅程, 可以照顧到呀jack就好囉

mattiemama,
你都已經好叻囉, 祝你早日康復呀!!

yiubb,
係呀, 係有車去東涌o既!

我都唔知我個仔依家幾多磅, 上次歲半去健康院磅就22磅右左啦! 不過我都係覺得佢係細粒d...

我朋友都係問我係咪要足六歲先可以讀小一喎....其實係咪呢??

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

Clarab

別墅

積分: 951

1053^#

發表於 05-10-29 03:04 |只看該作者

Re: 2004年1-3月的全母乳新媽咪支持區

Candy,

我都有多咗休息, 所以少咗上網囉, 不過夜晚成日都無啦啦醒咗訓唔返, 好慘, 搞到日頭成日都有眼袋...陰公...真係似足人地打通宵牌既C奶呀! 哈哈!

YIUBB,

女仔通常平均2歲呢就重26磅到, 但我都係覺得因人而已. 你都唔好過份擔心. 不過你俾咁多奶B女飲, 會唔會係其中一個原因佢唔食得多, 小朋友超過一歲就每日2杯奶就夠, 即係16安士, 其原都係固體食物. 我個衰B我餵佢佢成日都唔食, 要放係到俾佢自己用手拿黎食, 我開頭成日切到D野一粒粒俾佢自己執, 而家但俾隻义佢自己畢或者獨, 我俾肉佢食都用豆粉拿過咁D肉軟身D俾佢趙. 會唔會又係D餸/飯/粥熱得際佢無興趣? 唔夠味定乜? 佢食唔食抄旦? 自己屋企整西多士? 你屋企人會唔會反對BB食呢D?

mattiemama,

其實你真係好勁, 餵到成廿幾個月,

好厲害, 我都希望你就D好返. 阿女而家用左手已經係事實, 我地都冇迫佢, 佢鐘意用邊隻就邊隻, 反正真係輪唔到我控制.

Mone,

你買咗

OTTY啦? 我都有, 不過B女都係玩多過真係坐住黎柯.
我都係佢話過我知我先開始同佢黎POTTY TRAINING, 不過而家我大住肚, 真係好難同佢黎TRAINING, 唯有佢想坐就坐, 不過我都唔會俾佢通屋唔著片? 真係前世未做家務做過夠咩? 我都覺得你老公講得岩, 細細個就去讀書好似好慘咁, 但係諗下佢地返下幼稚園都係去玩啫, 係咪? 唉, 真係一提起小朋友讀書就煩.

各位, 今日去睇醫生話個2B應該會遲, 會好似B女咁, 我當堂DOWN晒, 不過都無計, 順其自然囉唯有......

私人傳訊回覆引用

Mone

積分: 1790

1054^#

發表於 05-10-29 13:04 |只看該作者

Re: 2004年1-3月的全母乳新媽咪支持區

Candy,

其實而家 Carly 都好鍾意同個細佬玩, 成日要抱佢, 又成日老點我哋放個細佬响地下度同佢玩!! 我哋最開心嘅就係佢都對細佬都好温柔, 成日都係細細力咁摸佢, 仲成日用隻手指仔指住細佬個鼻叫 nose, 都幾得意!!

Clara,

我好明白你嘅情況, 大住個肚, 自己己經好辛苦, 仲要理埋個大嘅, 又要做吓家務, 我嗰時都係咁, 2B 會遲都唔駛 down 啦!! 遲 d 咪仲好, 等你多番 d 時間陪吓個大嘅, 到 2B 出咗世, 你就真係會冇乜時間埋個大架啦!! 好似我而家咁, 雖然 Jack 都己經五個月大, 但係都仲 occupy 咗我好多時間, 好彩 Carly 好獨立, 我先冇咁辛苦, 但我成日都好內疚架, 因為好似成日都冇乜時間同佢做到 d 乜嘢咁!!

yiubb,

我 check 過啦!! 因為我哋係打算比 Carly 入英基嘅幼稚園, 佢哋收三歲嘅小朋友, 所以佢哋嘅小學入學歲數都係五歲, 咁都叫正常 d!! 我都响度諗如果佢哋要 d 小朋友六歲先入小學, 咁讀完幼稚園之後, 我應該同 Carly 做 d 乜好呢?? 多咗一年嘅 Gap 點算好呢??

私人傳訊回覆引用

積分: 13158

1055^#

發表於 05-10-29 13:43 |只看該作者

Re: 2004年1-3月的全母乳新媽咪支持區

Clara,

女仔通常平均2歲呢就重26磅到>>我諗呀囡都係過輕, 因為高度黎講, 佢係偏高果隻, 真係好似佢肥番d; 原來飲每日2杯奶, 即係16安士就夠架喇, 但我就係問過健康院, 佢話讀書前都係keep3餐, 我先咁老定繼續餵, 不過有個bk mami話可能係呀囡飲雪印, 因為個mami都識人有bb原本飲雪印好唔開胃, 但一轉咗奶粉就開番胃, 我而家都心大心細轉唔轉好, 因為我呀囡又食得好好, 最煩係呀囡完全唔飲鮮奶~

請問你比b女飲鮮奶時, 會唔會在熱比b女架? 另外, 你煮d咩野比b女食架? 同點整架?

私人傳訊回覆引用

Clarab

別墅

積分: 951

1056^#

發表於 05-10-31 04:19 |只看該作者

Re: 2004年1-3月的全母乳新媽咪支持區

Mone,

係呀,你講得好岩, 我大住個肚黎照顧阿B女真係幾辛苦, 佢雖然成日要我抱, 但次數俾起佢叫DADDY抱其實係差好遠, 可能我自從有咗2B後抱少咗佢, 佢都習慣見DADDY抱多D囉!

我都好難想像生咗之後會點樣, 我希望可以2個都照顧到, 如果唔得都冇辦法. 你阿CARLY咁乖, 咁獨立, 你就可以放心D, 等阿JACK佢大少少, 就可以同家姐一齊玩, 咁你就會得閒返D, 唔使咁辛苦.

YIUBB,

我俾B女飲鮮奶, 係凍冇加熱, 佢起初鮮奶同奶粉都唔肯飲, 而家我地晨早就俾鮮奶佢飲, 其實係有溝咗野, 佢DADDY俾佢地叫既COFFEE MILK俾佢, 少少咖啡(DECAF個隻), 跟住加少少糖同加一杯奶, 佢成日都飲得晒, 自至佢就成日都每日都飲奶. 可能人奶本身都係甜甜地, 佢齋飲鮮奶因為唔甜就唔肯飲囉. 我真係唔知道雪印唔係咁好, 呢方面可能會問返香港媽咪比較清楚. 如果轉奶奶粉係有幫助, 你咪慢慢同佢轉囉. 唔洗急. 睇清楚佢食新果隻奶粉好唔好先, 然後先全部俾佢食果隻新奶粉囉.

我而家中午果餐佢都係跟我食, 我有時會煮粟米肉粒飯, 有時會煮面, 有時會米粉, 有時我剩係俾生果佢食, 有時就係萍果容加baby cereal (最唔願煮既時候), B女有時會唔願食, 尤其係出牙果陣, 我就成日俾個凍萍果佢咬, 咁佢有得食之餘又可以止牙㾗,都幾好! 我成日都會煮西蘭花, 講真, 呢到買菜冇香港咁方便, 乜都有, 所以西蘭花同白菜都係首選, 西蘭花就蒸熟俾B女渣住黎食, 白菜就剪難佢囉. 好多食物我都剪難佢俾B女執, 而家好多時整雞, 成日B女就渣住成隻雞上脾黎趙, 佢好鐘意食雞WINGS, 不過我都唔係成日煮, 怕佢肥得際.... (似我就唔好啦)

私人傳訊回覆引用

Mone

積分: 1790

1057^#

發表於 05-10-31 12:39 |只看該作者

Re: 2004年1-3月的全母乳新媽咪支持區

各位媽咪,

同你哋講定 bye bye 先啦!! 我要去執吓行李啦!! 番黎先再同你哋傾過啦!!

Clara,

話唔定我番黎之後你己經咇咗個 b 出黎囉~~~~ 祝你順順利利呀!!

私人傳訊回覆引用

積分: 13158

1058^#

發表於 05-10-31 15:17 |只看該作者

Re: 2004年1-3月的全母乳新媽咪支持區

Clara,

我囡好唔鍾意食菜, 我有時剪到好碎加落D粥度, 佢都有辨法同我隔番出黎

你係點整雞上脾同雞WINGS 比B女食架? 我平時加落湯煮, 呀囡勁唔like食~

mone,

玩得開心d啦

私人傳訊回覆引用