吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 要比錢買樓做首期，唔知點好

夫婦情感今日: 0|主題: 42799

收藏本版

發帖

返回列表

跳至頁

樓主: Manchan711

4 567 8

積分: 18220

101^#

發表於 18-8-8 15:45 |只看該作者

Manchan711 發表於 18-8-1 02:17
首先我同我老公一開始一齊時，他已經要求我同佢儲錢，目的時同佢結婚！我同佢一齊四年後結婚，我是在職媽 ...

太計較了
我唔會同佢買樓

私人傳訊

girlboss

洋房

積分: 62

102^#

發表於 18-8-8 16:44 |只看該作者

買樓一人一半, 裝修同家庭開支佢以後負擔多啲咪得
佢都知你比完首期清袋架啦私己錢可以再儲, 錯過咗今次買樓機會就唔抵

不過記得自己嗰半要用自己戶口過數, 第時有咩事要分都有證有據
聯名戶口出佢可以拗自己比咗三分二

私人傳訊

fishwawa

伯爵府

積分: 16347

103^#

發表於 18-8-9 07:32 |只看該作者

聯名戶取家用比男家父母，是因為兩老一直在照顧2小朋友？
我覺得妳老公，又唔係計較既人，對家庭付出也不少。
我有女朋友，搵錢多過老公一倍，買樓裝修佢也出大份，呢d叫大方另外也叫傻，但她開心....
7年前妳拒絕唔買新界樓，家人有微言，也係正常反應。

兩個加埋搵5萬唔多，家下供樓唔少錢，管理費差向，又要比4大長老，又要養2小朋友，生活雜費保險，將來壓力都唔少。

過好,每一天！

私人傳訊

Manchan711

大宅

積分: 1823

104^#

發表於 18-8-9 08:44 |只看該作者

fishwawa 發表於 18-8-9 07:32
聯名戶取家用比男家父母，是因為兩老一直在照顧2小朋友？
我覺得妳老公，又唔係計較既人，對家庭付出也不少 ...

99 唔肯幫我地湊小朋友，所以都是比他們生活費！明白買左樓後會面對負擔大了，再加日後加息，但係唔買，都唔知幾時可買，還有我知道日後負擔大左，我同老公講我想升職，人工好d,但我老公唔同意，佢話宜家返工準時冇壓力，點解要轉，我話不想生活質素下降，他堅持不同意，每次都不認同，不支持，好心灰以冷！

私人傳訊

gtg435i

大宅

積分: 1804

105^#

發表於 18-8-9 09:25 |只看該作者

一人一半非常合理, 我買樓冇唸過要老公比多過我, 大家都有工作大家都要養小朋友, 點解你覺得你應該比少D

私人傳訊

soso1227

珍珠宮

積分: 37380

醒目開學勳章畀面勳章

106^#

發表於 18-8-9 09:58 |只看該作者

首先你想唔想買樓先？
你之前都列出左要買樓嘅原因。
既然你老公都挖哂自己錢出來，
你都好應該盡力付出，
咁先至係一家人。
我覺得成個case最慘係你大伯一家，
七年前，你地有能力買樓都唔買，
成家黐住佢住，
你地儲到錢要多謝佢。

私人傳訊

Glau

公爵府

積分: 25116

開心吸收勳章

107^#

發表於 18-8-9 10:22 |只看該作者

長期服務金宜家仲係同MPF 對沖, 可以話你先生係攞埋老本買樓, 吾係不勞而獲, 我覺得你老公都係為家庭將來打算, 樓主只係想自己的私已, 住左大伯間屋咁多年, 當比租都要啦.

私人傳訊

flashsilver

男爵府

積分: 5708

108^#

發表於 18-8-9 10:27 |只看該作者

睇完我唔覺得你老公自私, 反而係你好計較, 你覺得筆長期服務金係佢多出黎的, 但唔好唔記得呢D係佢工作所得, 其實你都一樣有, 只不過你果筆未攞得出黎, 而佢果筆攞左出黎先. 佢今次筆錢只不過係提早套現, 第時筆MPF/長期服務金就唔會有咁多. 你宜家攞私己出黎就好似自己套現左長服咁, 冇分別.

況且佢每個月入POOL的錢, 扣埋佢家人的家用都多過你, 就咁計, 佢每月有一萬自己安排, 而你有萬五, 你每個月可儲的私己係多過佢. 當你每月俾5千娘家, 咁大家都係有咁多私己, 大家一樣有長服, 佢用佢部份長服俾首期, 你用私己俾, 都好公平啫.

私人傳訊

望月童

大宅

積分: 1109

109^#

發表於 18-8-9 10:42 |只看該作者

Glau 發表於 18-8-9 10:22
長期服務金宜家仲係同MPF 對沖, 可以話你先生係攞埋老本買樓, 吾係不勞而獲, 我覺得你老公都係為家庭將來打 ...

我同意您講法,

樓主只著重佢老公點搵呢筆錢同家庭財政分配。

但無考慮自已老公面對本身的壓力.
同大伯住一齊咁耐, 經濟有困難的, 老公的哥哥照顧您地成家分地方俾您地住已經好好
自已一家可以買到層樓都唔買? 繼續打死住係大伯到?
仲要講到寄人離下咁慘!!!!

我相信呀大伯應該好唔GUR 喇!!

我唔知大伯有無家庭, 有無小朋友?

私人傳訊

Wish1388

大宅

積分: 3691

110^#

發表於 18-8-9 10:49 |只看該作者

其實你都話為小朋友要買, 咁難得抽中緊係即刻買啦, 唔係又唔知要等幾時, 你夾左一半首期無晒私己咪同老公講明囉, 到時裝修買家私老公出多D錢囉, 有時你又話佢計較, 佢又覺得你計較, 攪到大家有條刺, 為乜呢

我之前買私樓, 首期我比晒, 我都無計較, 買完之後都係同老公一人供一半。
不過我地另有其他支出大部份都老公比, 其實2公婆邊有得計黎計去

私人傳訊

cchappy

大宅

積分: 4356

111^#

發表於 18-8-9 13:45 |只看該作者

回覆樓主

兩公婆邊有得計咁多，有機會上車當然係上車先，最多同老公講自己已清咗袋，之後想儲多些防身。

私人傳訊

weib1121

複式洋房

積分: 347

112^#

發表於 18-8-9 14:49 |只看該作者

回覆樓主:

as long as層樓有埋你名一人一半出首期有咩問題？

你老公有筆*額外*資金都冇收埋都拎出黎買樓，講真層樓你都有份住架wor.... 又有迫切需要買樓

而家咩年代一定要男人出哂or出大部份錢？婚姻係同舟共濟，大家都坐埋同一條船jek更何況佢只叫你出一半。。。講真大家有難既話你幾私己既錢拎出黎幫下頭家都吾過份呀

仲有你都有能力揾錢啦清左袋可以再儲過jek。你話你係全職主婦冇揾錢能力既話我都會認同你d私己收收埋埋好d...