吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 有冇媽咪係公司冇乜野做嫁

在職全職今日: 57|主題: 48036

收藏本版

發帖

返回列表

跳至頁

樓主: bobo_bo99

[在職媽媽] 有冇媽咪係公司冇乜野做嫁 [複製鏈接]

60 616263 64...155

bobo_bo99

大宅

積分: 4947

1221^#

發表於 07-9-28 17:25 |只看該作者

奶奶當然有打俾個2新抱, 点解唔勸下個仔啦, 甘個2新抱就話呢啲係2兄弟既事, 唔方便插手.

就係甘9個月就係冷戰既氣氛下出世, 好彩係個男仔. 係手術室等開刀期間, 個新抱終於都忍唔住喊左出黎, 醫護人員馬上叫個2仔入黎陪產. 個2仔就話個老婆好傻, 生仔生女都冇所謂, 何必俾自己甘大壓力呢. 個老婆就話如果呢胎唔係仔, 就冇人睇老公台戲. 一嫁左入去遊戲就開始左, 唔到你話停就停. 男丁就係講數的武器. 你有仔人地就會俾面你, 冇仔連親生阿媽都冇面俾. 就係甘2個相對無言直到bb出世個一刻.

奶奶有為呢個2男孫煲薑, 不過就冇派, 因為大男孫同2男孫都係相差8個月, 奶奶話唔想好似問人攞禮甘, 個2 新抱都冇理, 自己煲自己派俾親朋好友. 奶奶當然冇日日去睇個2男孫啦, 10個星期都係唔多過6次. 不過老爺就一放假就會去睇睇個新抱. 由個一刻開始, 奶奶就成日都話老爺疼個2新抱.

私人傳訊

bobo_bo99

大宅

積分: 4947

1222^#

發表於 07-9-28 17:34 |只看該作者

到左滿月嘞, 因為唔想男女家又再一起, 甘就唔擺滿月, 奶奶梗係唔高興啦. 不過都冇計, 佢又再將男家既男女家分開擺, 甘就要食2次啦. 當然錢係個2仔俾啦.

係大家各不相干既環境, 甘又到左新年. 奶奶就話全部唔好返去痳痳(老爺個媽媽)屋企啦, 年初一個日, 因為屋企細, 冇地方. 甘奶奶叫唔返就唔返啦. 係食團年飯個一晚, 個大仔衝口而出問奶奶年初一幾点返痳痳到, 奶奶冇回應. 只係厲左佢一眼. 係甘既情況下, 大家都好明白, 佢其實係唔想其他人返只係想個大仔一家人返.

係大仔結左婚一年後, 奶奶同大家講個大仔買左樓, 個屋苑係同2仔同一條街, 一個係街頭一個係街尾. 奶奶話甘樣好啲2兄弟好照應.
大家都好出奇, 個大仔連俾錢湊仔都冇, 何來有錢買樓呢.

[ 本文章最後由 bobo_bo99 於 07-9-29 09:16 編輯 ]

私人傳訊

oliviapylo

大宅

積分: 3573

1223^#

發表於 07-9-28 17:51 |只看該作者

反嫲嫲屋企都有份係大定細, 我諗嫲嫲應該會鍾意一家人齊齊整整咁返囉

私人傳訊

bobo_bo99

大宅

積分: 4947

1224^#

發表於 07-9-28 21:35 |只看該作者

係上年年中大嫂又到生多一個bb, 係女黎既, 大家好奇怪, 一路都唔覺大嫂有bb, 而且奶奶都冇提起, 而個大男孫同女孫只係相差17個月, 開刀生既情況下好似早左啲.

奶奶好不滿個大新抱, 点解甘早就要生就2個, 咪叫左佢地唔好生囉, 奶奶認定左係個外母要同佢爭湊孫, 甘個大新抱就生多一個, 一人一個咪唔駛爭囉.

個女孫又係早產左2個月, 又要住icu, 甘個大仔就同個奶奶講, 個老婆成日都想去街. 不如俾返個仔佢湊啦. 就係甘大新抱都未出院奶奶就要佢湊返個仔. 個大新抱就要自己個媽咪去幫手湊住先.

呢一胎奶奶完全冇理會個大新抱, 都有上過佢屋企2次到啦, 不過大新抱唔係甘想食佢煮既野, 所以奶奶就冇再上去大新抱屋企嘞. 奶奶甚至薑都冇煲, 又冇通知親朋好友, 對比個大男孫, 真係一個天一個地.

[ 本文章最後由 bobo_bo99 於 07-9-28 21:42 編輯 ]

私人傳訊

bobo_bo99

大宅

積分: 4947

1225^#

發表於 07-9-29 09:31 |只看該作者

由於奶奶叫個2新抱唔好同個大新抱講甘多野, 所以一路佢2個都唔係好熟. 打從大新抱個細女出世後, 溝通比較多左, 都係講細女既事. 始終係早產左2個月, 又係醫院住左2個月先出院. 樣樣都要好小心處理但係奶奶一見到佢2個講野, 就一定問佢其中一個對方同佢講左啲乜野. 好似2個新抱有好多機密既野會交流甘.

始終人大左, 衝突係會減少, 不過奶奶對個大新抱越來越不滿. 唔係講個大新抱懶, 又講個大新抱唔煮飯, 唔湊仔. 又成日係個大仔到講個大新抱是非. 個2新抱都有問個奶奶好唔好星期六日叫埋個大新抱一起返去食飯, 奶奶怕左個女孫, 因為一見到佢就喊, 奶奶就話唔好叫個大新抱, 而且叫都唔會返.

其實大家都唔知當中奶奶講既有幾成係真既. 個2仔都有同佢講, 唔係眼見既野就唔好當真. 奶奶既回應係呢個新抱唔係好人, 有仔唔湊, 又飯唔煮, 好人有限, 我睇甘多人唔會睇錯既. 而且甘快就生就2個, 冷個左個大男孫. 搞到個大男孫好似2奶仔甘, 一日到黑只識抱住個女, 個女仲細乜都唔識, 要喊咪又佢喊囉. 梗係要顧個大既先啦.

原來奶奶不滿個大新抱冷落左個大男孫

私人傳訊

oliviapylo

大宅

積分: 3573

1226^#

發表於 07-9-29 11:29 |只看該作者

梗係啦....佢個大男孫無人理, 點會鍾意呀

私人傳訊

Tung.Tung.Mimi

大宅

積分: 3208

1227^#

發表於 07-9-29 11:41 |只看該作者

我是經過看到,亦覺得你好耐力..勁勁

私人傳訊

angelymama

男爵府

積分: 5908

1228^#

發表於 07-9-29 21:26 |只看該作者

你都仲好D, 仲可以同枱吃飯, 我地自從早2年同姑仔嘈過後, 到而家就算過年過節, 奶奶生日都無一齊食飯。

私人傳訊

bobo_bo99

大宅

積分: 4947

1229^#

發表於 07-10-1 12:50 |只看該作者

係最近個大仔話要離婚, 原因係個老婆懶, 個外父母太縱啲仔女. 甘個大新抱就去同奶奶講啦,,起初奶奶都有同個大仔講, 3個仔最惜係佢, 孫裡面最惜係佢個仔. 奶奶又俾錢佢地買樓, 又唔湊仔錢, 甘樣幫大仔, 啲細佬都出聲話佢甘偏心, 做呀媽都係甘樣啦. 点解要離婚呀.

原因係個大仔係出面有左個女人. 個大新抱叫佢唔好甘樣, 係顧下啲小朋友, 不個個大仔一意孤行, 而且奶奶仲鬧個大新抱冇做好本份, 未結婚前, 個仔欠下幾百萬, 奶奶一日就幫佢搞掂, 而家結左婚剩係睇個住個仔都睇唔住, 真係冇用. 奶奶係到不停甘數個大新抱.

私人傳訊

bobo_bo99

大宅

積分: 4947

1230^#

發表於 07-10-1 13:03 |只看該作者

甘個大仔係決定左要離婚, 甘個大仔就同個老婆講剩係要個仔, 女係唔要既. 而且個仔係由奶奶照顧. 甘個大新抱梗係唔準啦. 而家仲係到協議緊, 細節都係未明朗.

不過係呢一刻, 奶奶係最緊張啲孫, 就算佢点唔喜歡個細女孫都好啦. 個孫始終係孫, 新抱可以再娶, 孫係自己就冇得改.

好嘞個故仔係呢一刻就講完, 事態發展落去大家都唔知.

我係2仔個老婆. 佢係好白痴, 剩係顧住佢屋企係之前. 因為佢成日都話阿媽同阿哥係唔會變既. 佢都係盡左佢既責任做好佢既本份. 而家佢都唔理佢屋企既野. 而且佢地甘多人都係欠我地既, 我地好心安理得, 錢冇左可以再搵過, 如果因為甘既事而俾人唱一世就唔值得.

而且我老爺真係一個大好人, 唔係睇在佢份上我真係唔會返去. 不過轉頭諗返下, 我奶奶一路都要為個大仔, 其實佢都好辛苦. 想望仔成龍, 反而害左個仔, 真係自作孽, 其實我奶奶而家咪又係受番晒佢作既惡果. 所以我都唔係真係好嬲佢, 當然佢有時既說話及行為會令係唔開心, 不過相對佢而家所受既, 都係蚊脾同牛脾姐

私人傳訊

bobo_bo99

大宅

積分: 4947

1231^#

發表於 07-10-1 17:23 |只看該作者

有一件事我係冇係前面提及既, 我老公即係個2仔, 佢上年年初因工受傷, 公司又冇報保險. 甘我地要自己攞錢去睇醫生, 又要等勞工處幫手搞, 人工又冇得出. 個仔先得個2個幾月, 個女下學期又要交學費, 工人又要錢, 當我地既儲蓄月用到7788, 同奶奶講可唔可以幫下手,只要工傷係判左, 我地可以好快甘還番錢, 奶奶只係講左話冇錢, 但係跟住就同老爺去左星馬泰7天團.

我真係好唔開心, 因為佢叫我老公幫手永冇say no, 而且佢叫唔好還就唔問. 而家個2仔有事,佢都不聞不問. 甘你話係唔係好心淡. 錢...我地2公婆付出最多, 佢有事要我地去, 我地一定去, 不過而家真係唔會, 我地為左乜姐. 佢連一眼都唔會望下我地.

而家最緊要係我地一家人安安定定. 甘就係最好. 其他人對我地黎講真係外人一個.

私人傳訊

oliviapylo

大宅

積分: 3573

1232^#

發表於 07-10-1 18:07 |只看該作者

講咗出來舒服啲就好啦....唔好理佢咁多, 自己一家人整整齊齊就算.

私人傳訊

cherry1498

大宅

積分: 3008

1233^#

發表於 07-10-2 08:42 |只看該作者

早晨呀~
因為我屋企個電腦壞左嘛...
冇得係屋企睇,所以咪要等星期二lor...
真係有d唔捨得...個故仔完左...
不過...最緊要都係自己一家團圓,自己一家開心就得啦
奶奶個邊,唔好再幫佢,唔好再理佢地啦...
你地真係好好忍耐力...真係服左你地啦...
你奶奶d野真係講幾日幾夜先講得完....
我開始覺得我奶奶冇咁衰...

私人傳訊

bobo_bo99

大宅

積分: 4947

1234^#

發表於 07-10-2 08:53 |只看該作者

早晨呀.

係呀, 我奶奶啲野真係講幾日都未講得完. 有好多細節都冇講到出來. 否則, 真係出一本書都仲得. 嘻嘻.....

所以真係要睇開啲, 我奶奶對親生仔都甘樣, 莫講我地啲新抱啦.

私人傳訊

樂樂

男爵府

積分: 8536

1235^#

發表於 07-10-2 10:59 |只看該作者

原文章由 bobo_bo99 於 07-10-2 08:53 發表
早晨呀.

係呀, 我奶奶啲野真係講幾日都未講得完. 有好多細節都冇講到出來. 否則, 真係出一本書都仲得. 嘻嘻.....

所以真係要睇開啲, 我奶奶對親生仔都甘樣, 莫講我地啲新抱啦. ...

係咁架啦,人老左,真係好似一本書咁,每個人都有一個故事

私人傳訊

angelymama

男爵府

積分: 5908

1236^#

發表於 07-10-2 14:01 |只看該作者

我星期日同阿女去camp, 奶奶前一晚打電話黎, 我地已經同佢講o左, 星期日中午佢打電話去我屋企無人聽, 打比我老公,又打比我,但我倆個都聽唔到, 先後打番比佢, 我都覺得奶奶d聲氣唔係幾好, 但我無理佢, 後來我老公打黎, 話佢阿媽鬧鬼佢, 話做乜屋企無人, 阿仔去o左邊? 我老公話, 我同阿女去camp, 阿仔去o左聖堂, 老公出去做野, 佢話你好多野做咩, 老婆去camp, 你今晚早d返屋企同阿仔食飯, 我老公話阿仔今晚去BBQ wo..佢先啊, 又話擔心阿仔今晚餐飯無人理 (我阿仔16歲啦), 我老公話佢平日都唔使人理啦, 有錢食飯咪得囉。佢都唔知佢阿媽發乜神經。

我去camp, 都有打幾次電話比阿仔, 問佢去邊度bbq, 返屋企未, 個仔係我架, 我當然會理佢, 會關心佢, 會錫佢, 只係佢有番咁上下大個, 唔使好似細路咁呵護。

最好笑係昨晚奶奶打電話黎, 話今日唔黎我度, 叫我自己煮飯, 我阿仔話得啦, 我地都無預你黎, 仲講o左幾次 (因為阿嫲講野係重覆又重覆, 所以佢又重覆), 我聽到係度笑, 收線後我話阿仔, 你咁講, 陣間嬲死你阿嫲, 你應該話, 阿嫲你唔黎, 我真係好掛住你咁講嘛。哈..哈...

等我陣間打個電話比佢先。費事佢嬲我 (雖然就算佢嬲我都係咁。)

[ 本文章最後由 angelymama 於 07-10-2 14:03 編輯 ]

私人傳訊

94MON

民房

積分: 117

1237^#

發表於 07-10-2 14:23 |只看該作者

hello,各位媽咪，多多指教..........

私人傳訊

bobo_bo99

大宅

積分: 4947

1238^#

發表於 07-10-2 14:26 |只看該作者

歡迎你既加入, 一起討論丫.

私人傳訊

94MON

民房

積分: 117

1239^#

發表於 07-10-2 14:32 |只看該作者

原文章由 bobo_bo99 於 07-10-2 14:26 發表
歡迎你既加入, 一起討論丫.

我睇左你地d post，有好多同我都好似，所以好有同感。
我奶奶同姑仔以前都好難相處，我好辛苦咁捱左10年，最近佢有輕度老人痴呆，冇好以前咁一有時間就mark住我，而家就輕鬆左唔少喇.....

私人傳訊

cherry1498

大宅

積分: 3008

1240^#

發表於 07-10-2 14:32 |只看該作者

原文章由 angelymama 於 07-10-2 14:01 發表
我星期日同阿女去camp, 奶奶前一晚打電話黎, 我地已經同佢講o左, 星期日中午佢打電話去我屋企無人聽, 打比我老公,又打比我,但我倆個都聽唔到, 先後打番比佢, 我都覺得奶奶d聲氣唔係幾好, 但我無理佢, 後來我老公打黎 ...

你奶奶係咪有小小老人痴呆呀
同佢CHECK一CHECK好喎