24孝阿媽 發表於 13-8-30 09:59 
有2個可能，作者想表達一係8本身是僞君子，從來只利用女人，利用正室，利用若蘭，也最後利用cc，是他本性冇 ...
8賢王對人必示三分好，永遠都係笑尾尾咁，同4爺嘅冰塊臉係兩個對比，
唯一相同嘅係兩個都深藏不露，一切喜與憂都好難從佢地面上睇到，
呢兩個人係天生宿敵，只不過8爺唔明白功高蓋主必惹人疑嘅道理，
聖君在堂居然有人被稱賢王，加上結黨營私，康熙覺得受到威脅，
到最後正史中康熙都冇揀佢做接班人。
我相信8賢王由始至終都係一個偽君子，唔係話佢個人唔好，
佢對若蘭若曦都係真心，但佢心中最重要嘅始終都係皇位權力，
只要得到呢樣一切其他都可以犧牲，甚至為求得到若曦，
講可以俾佢將來做皇后，但有事就叫8福晉去求靖國公出面，
為嘅就係唔想俾太子娶若曦，完全係公器私用，8福晉如果知道8爺所做係為若曦，
唔知會幾傷心幾妒忌？8爺從未相信過任何人，就算係同若曦相戀時都一直懷疑佢同4爺，
後來因為斃鷹而懷疑14，換作4爺一定唔會懷疑13或者若曦，
對住呢個8爺，我真係愛唔落手，明知我只喺佢心中排到唔知第幾位。
花旗太太生活在花旗國，留意時差，你問我未必即時答到。
發表於 
返回列表
