吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 2012-2013 K1入學申請 (有學劵學校)討論區

香港18區媽媽會今日: 0|主題: 156977

收藏本版

發帖

返回列表

跳至頁

樓主: zanezane

[大埔區] 2012-2013 K1入學申請 (有學劵學校)討論區

[複製鏈接]

5 678 9...20

sampcy

侯爵府

積分: 23281

虎到金來勳章牛年勳章畀面勳章 BK Milk勳章親子王國15週年勳章

121^#

發表於 11-9-24 23:33 |只看該作者

thank you zanezane & husky168 既分享

好可惜今日亞b唔舒服去左睇醫生miss左個機會

私人傳訊

zanezane

大宅

積分: 3911

122^#

發表於 11-9-25 00:17 |只看該作者

本帖最後由 zanezane 於 11-9-25 09:03 編輯

回覆 husky168 的帖子

其實我又有考慮係咪校舍新同舊的問題....同埋有無artwork／電腦圖工勁的老師都好緊要。

總結....

“禮”有d野都唔差的，佢每個home room 都有自選活動統計表，提醒老師 ﹠ 同學有無成日選做同一種活動... 我見有d同學個名好像出現得比其他人多，對勤力的同學也是鼓勵。我記得上年open day 禮係有放教具ga, 今年搵極都見唔到。不過我記得教具的手工實在不太好，美工唔好都係一致命傷，同埋今年”它的好“ 實在收得太埋，令人睇唔到真係唔知點算好, （唔花時間美化教案for open day我覺得都無錯，多花時間真係做實事仲好，但總要俾人睇到平日的教案係點，而家真係睇唔清真相......）教學技巧的確係一個疑問，照理demo時皇牌已出ga la, 結果都係令人失望。但學生質素好像不錯，都是乖乖，肯坐好的，有個女仔好正經咁提隔離的男仔，全程都要講英文.... 我覺得d小朋友好似幾成熟。如果自己的囝囡同乖的小朋友做朋友，自己都會安心d......

“循”都有artwork好的老師，間學校展示左好多同學的美術作品， d board 都做得好好，所以易給人有好感覺。但要比學生作品，“浸”高層次好多，因為“循”的作品都係流於模仿老師的筆法（可能真係想train筆法？！），係好靚，但係少了創意。展示教材教案都不及“浸” visitor-friendly, 但感覺像在看平日做開的東西，係平實的，file不是為了open day而刻意作後期加工的，而同我解釋課程的老師也很有心及耐性，我覺得最緊要係可以同老師舒服咁傾，因為一返學好多野都要靠同老師傾先幫到個小朋友，呢間學校由phone call manner （就係一個有禮的接待電話令我去佢的open day）, 到面對面同老師傾...... 都令我覺得佢嘅誠意。

“浸”好明顯係好睇重open day, 令visitor好舒服。唔知係咪平時的教案都咁detailed，但係平日一定要儲到一定的學生作品，用心幫小朋友做學習記錄，先可後期加工到一d咁精美的東西俾visitor睇（加工呢d野可能係校長的壓力....）。一日無睇過教學demo/學生表演都係差少少野咁。有時去街市6／F玩，會見到d學生放學後玩，有d小朋友都比較頑皮，不過都可能係家教間題....... 平日都有去 “禮”附近的公園玩，見到的小朋友真的是平均乖，守紀d.....

其實每日間學校都有好有唔好，meet 到自己底線的話都應該要考慮，同時俾小朋友選下.....

私人傳訊

husky168

大宅

積分: 4799

123^#

發表於 11-9-25 00:34 |只看該作者

本帖最後由 husky168 於 11-9-25 00:44 編輯

回覆 zanezane 的帖子

你既分折真係好好, 好公平, 不過我都覺, 考就會照考, 到真係有offer至去唸邊間最後適合自己小朋友. 真係人揀你, 你揀人. 不過循我miss左派form時間, 因我一直冇留意呢間學校.

仲有, 有一點係我一直考慮到既係, 成日覺浸既小朋友多頑皮, 你既感覺同我感覺都一樣. 所以暫時真係好難決定.

點評

kelly_0404 咁岩, 我仔仔又係好頑皮

發表於 11-9-26 16:03

zanezane 頑皮的小孩可能機靈D,大膽D... 只不過用錯地方. 發表於 11-9-25 08:56

大眼bb哈士奇

私人傳訊

zanezane

大宅

積分: 3911

124^#

發表於 11-9-25 08:06 |只看該作者

本帖最後由 zanezane 於 11-9-25 08:57 編輯

回覆 husky168 的帖子

循張form好似可download. 唔知佢幾時dead收表,我果日唔想行黎行去即日交左.佢本來叫我返屋企慢慢填....

私人傳訊

zanezane

大宅

積分: 3911

125^#

發表於 11-9-25 08:16 |只看該作者

9月26日太和宣道都開始派表,唔知呢間好唔好. 佢無OPEN DAY, 但之前問過係可以安排主任帶家長行一週.

心思思想睇埋呢間.

私人傳訊

zanezane

大宅

積分: 3911

126^#

發表於 11-9-25 08:38 |只看該作者

本帖最後由 zanezane 於 11-9-25 08:40 編輯

循申請表....
http://www.tpmk.edu.hk/cht/formality.asp

佢無UPDATE申請資料, 但係張FORM係一模一樣GA. 你仲可以見到INTERVIEW張表現評核表.

私人傳訊

husky168

大宅

積分: 4799

127^#

發表於 11-9-25 10:48 |只看該作者

回覆 zanezane 的帖子

thanks : P

大眼bb哈士奇

私人傳訊

23肥媽媽

子爵府

積分: 10148

醒目開學勳章

128^#

發表於 11-9-28 11:47 |只看該作者

我都報左浸會正校同循道衛理,但我對浸會感覺不太好,d老師好cool,好似不太想答野咁,見到佢地對d學生不太有愛心,或者有d媽咪覺得嚴好d,之後上星期我又去左循道open day,雖然佢都係冇太理我,但起碼d老師見到人唔會咁cool,感覺好d,最重要係有bb班媽咪同我講浸會正校有好多大陸小朋友,雖然佢地未必收我個女,但若2間都收,我一定唔會揀浸會!!若果令其他媽媽唔開心唔好意思,呢個係我個人感受!!

私人傳訊

zanezane

大宅

積分: 3911

129^#

發表於 11-9-28 13:02 |只看該作者

本帖最後由 zanezane 於 11-9-28 13:38 編輯

回覆 23肥媽媽的帖子

浸老師的距離感是遠一點, 我開頭入到去都覺好cool. 但觀察左一陣發覺: 老師同小朋友溝通技巧是有效率的(快而達到目的), 我去果陣撞到個而家讀緊的小朋友,見佢都好喜歡同老師傾計, (平時我見呢個細路要阿媽講好耐先向人打招呼, 果日見到佢係自願happy咁同老師打招呼),我相信老師係kind but firm型. 好處是, 小朋友摸唔到老師底, 唔敢亂黎,老師一放輕鬆一讚, 小朋友就會開心死.
我係畫畫果間房叫阿囡大大聲話俾老師聽完成,去攞印仔,個老師無浮誇式讚好,淡淡的,但讚時有指出阿囡無畫出界, 又有2隻色,所以好. 咁我覺得係專業的, 唔係無心教囝果d老師.

去循時, 阿囡俾個愛心型老師tum下tum下, 佢問下阿囡問題, 阿囡反而唔係幾想回應, 阿囡知佢唔答個老師奈佢唔何, 係度試底線..... 要我係隔離俾d壓力幫下阿囡. 其實小朋友會傾向唔聽"淋善"老師講,除非個老師好肯花時間同小朋友傾,建立感情........ 好處是小朋友有mug都同老師講, 如果老師又肯同家長溝通, 好多情緒的問題會易攪.
老師要花長時間tum, 咁小朋友就知老師係蝦得la, 如果小朋友係無良心的, 老師就慘.... 而且老師講的, 小朋友大d機會選擇性接收 (因老師奈佢唔何, 可能成日focus左去老師俾多張sticker先做....), 學的東西會因而少了.

你去參觀時有無引小朋友同老師傾計(唔係hi & bye果隻)? 其實都要睇小朋友受硬定受軟, 係咪有同理心?
所以去interview時更要留意老師同小朋友點溝通, 出亂子時老師同小朋友又有mug反應, 你就會更清楚小朋友適合同邊種類型老師相處.

如果老師係"惡"少少, 咁家長可放鬆少少,係屋企做輔導型的工作, 又可以係適當時候靈活轉向, 認同老師的做法, 等不滿老師的阿囝死心, 服從老師, 做番乖仔....
如果老師係"淋", 家長就要惡死少少, 做多d管教野,分分鐘老師攪唔掂要你執手尾...... 如果唔係小朋友就會變怪獸仔....

私人傳訊

zanezane

大宅

積分: 3911

130^#

發表於 11-9-28 15:37 |只看該作者

本帖最後由 zanezane 於 11-9-28 15:38 編輯

至於多大陸人的問題.... 其實可能同curriculum有關, 每星期好明顯有一堂普通話堂.

唔止大陸人, 我見有外國小朋友讀呢間 (可能係mixed). 好似國際學校咁,比較多元.

最近同阿囡去公園, 識到個好心的大陸媽媽, 我成日一人拖2個BB, 理唔到咁多, 所以阿囡次次去都同左佢個囝玩 (個男仔細過我個囡). 今日玩到累, 佢地坐左係度睇普通話flashcard. 阿囡見到d "英文字母", 猛用英文方法讀. 而個男仔又猛叫阿囡用普通話讀俾佢聽, 好攪笑.... 如果有唔同語言同學仔, 學三文兩語會有正面幫助.

至於hygiene/品行問題, 真係好講家教. 我遇到的不差. 最多係佢俾個囝踩上slide, 我個囡跟住佢想上, 我就即刻解釋點解唔好lor... 咁有d香港小朋友都會咁ga la.... 我諗學校老師見唔對路都會整治gua.....

間間都多左大陸人, 因為成個大埔都多左大陸人, 避唔到ga. 香港人想搵好學校, 大陸人唔通又唔想mea? 所以出名的學校都會多大陸人報....

我諗我同小朋友都要學下正面地同大陸人相處.

私人傳訊

Shellmak

複式洋房

積分: 308

131^#

發表於 11-10-4 16:54 |只看該作者

ZANEZANE, 好多謝你嘅詳細及專業的分析~~
我個女你1006BABY, 依家報緊2012嘅N班!!!
以上你們所指的(浸, 循等)是否只有K1??
如果想找一間N的全日班, 你有否推薦呢??

私人傳訊

Shellmak

複式洋房

積分: 308

132^#

發表於 11-10-4 16:54 |只看該作者

回覆 zanezane 的帖子

ZANEZANE, 好多謝你嘅詳細及專業的分析~~
我個女係1006BABY, 依家報緊2012嘅N班!!!
以上你們所指的(浸, 循等)是否只有K1??
如果想找一間N的全日班, 你有否推薦呢??

私人傳訊

zanezane

大宅

積分: 3911

133^#

發表於 11-10-4 23:58 |只看該作者

本帖最後由 zanezane 於 11-10-5 11:50 編輯

Shellmak 發表於 11-10-4 16:54
ZANEZANE, 好多謝你嘅詳細及專業的分析~~
我個女你1006BABY, 依家報緊2012嘅N班!!!
以上你們所指的(浸, 循 ...

之前討論的浸，循，禮都係K1先開始有，可以讀下有N1的學校，感受下好唔好先再睇下K1時轉唔轉la....

我個細囝係1009.... 係佢剛出世時我有問救世軍有幾多人排隊？（因為唔知好搶手，所以傻頭傻頭問0904 ge 阿囡果陣排第幾，過百ar!!!!....）阿囝係上年10月都排過50 la........ 呢間用蒙特疏利教學法，小朋友自理方面好好，唔知你有無早早報左呢間？

我有朋友讀mink 國際部N1，小朋友返學成日唱英文歌，好多活動，好happy. 但係無中文學mug滯，如果再讀上去就要靠家長花多d時間幫小朋友認字﹠教寫字。如果一心諗出去市區讀英文小學／international school, 呢間都接得上出面的學校ga，佢係其他地區有分校，我個朋友讀讀下搬左去黃埔，照轉番分校繼續讀.

Akins，小朋友讀得開心，英文真係無痛學習，但家長要多花心思係教小朋友紀律﹠中文。

英藝，個課程好深，我個kowloon tong分校好多人報，大埔的quality就唔太清楚，成日見佢請老師，唔知老師流失得勁唔勁，感覺上commercial味道重d.

寶湖黃建常小學對面都有間有N1，我教會有知婆婆個孫讀呢間，見個孫都幾乖，唔知同間學校有無關。

其實好難recommend你邊間好，邊間最fit你需要咪叫好lor.
我相信唔一定要跟大隊先好，知到每間學校的strengths & weaknesses 就睇下屋企容唔容易配合到。雖然小朋友將會有好長時間返學，但係屋企都要跟得好貼小朋友，小朋友先有快樂充滿愛的童年。

私人傳訊

ss2007

別墅

積分: 910

134^#

發表於 11-10-5 18:37 |只看該作者

回覆：zanezane 的帖子

可否PM我邊2間呀

點評

zanezane pm了。發表於 11-10-6 10:32

私人傳訊

melody10050

男爵府

積分: 5448

好媽媽勳章畀面勳章 BK Milk勳章

135^#

發表於 11-10-6 10:42 |只看該作者

大埔浸信(正校)真係好多大陸人, 點解我會咁講:仔仔今年k3每年都好多內地人交表,同埋學費真係好平,由於位於"街糞"放便c9買餸.
程度真係真係好淺k3先開始個位加數,如果第時比小朋友入讀舊墟一定有難度,我小朋友k2開始已經讀phonics跟外國人讀,所以英文特別
流利,我會跟"寶兒"模式去做小朋友會有默書用英文做數學,k3頭先報書咗kumon學公文數.仔仔讀咗1個月已識2個位加減數, 所以大致可以應付上小學.
另外我細仔讀緊明雅n班沒有學卷,大至上都ok老師好好,仔仔讀得開心另外會直上國際班,已經知道有學卷的程度真係好淺,

私人傳訊

zanezane

大宅

積分: 3911

136^#

發表於 11-10-6 10:54 |只看該作者

程度淺，就係有學劵學校的特色

，學費平d，原意就係俾家長自己決定點用d錢豐富小朋友的學習經歷，唔可以旨意學校教哂。如果無太多時間理小朋友的學業，選無學劵學校會好d.

好似melody10050咁，俾小朋友學phonics, 數學，加加埋埋條數就好似讀無學劵學校咁。

點評

melody10050 所以K2要幫仔仔惡補,其實仔仔讀唔讀有冇學卷無分別發表於 11-10-6 11:34

melody10050 一開頭唔係我報浸信架..係我老爺自已攞晒我D資料報架我都唔知架... 發表於 11-10-6 11:33

私人傳訊

iambluecat

大宅

積分: 2889

137^#

發表於 11-10-6 11:23 |只看該作者

回覆 melody10050 的帖子

hi melody10050 你好,
請問雅國際班好嗎?

點評

melody10050 好..全英文教學發表於 11-10-6 11:28

私人傳訊

iambluecat

大宅

積分: 2889

138^#

發表於 11-10-6 11:36 |只看該作者

本帖最後由 iambluecat 於 11-10-6 11:37 編輯

回覆 iambluecat 的帖子

melody 10050,
請問你囝囝會繼續升上嗎?

點評

melody10050 會 ^^ 發表於 11-10-6 14:11

私人傳訊

ivycch

伯爵府

積分: 15474

趣教勳章畀面勳章環保接龍勳章大廚勳章親子達人勳章 wyeth冷知識勳章睛靈勳章叻叻勳章有「營」勳章 BK Milk勳章親子王國15週年勳章

139^#

發表於 11-10-6 12:19 |只看該作者

zanezane, 我都想知邊兩間, 麻煩你PM 我嗎, TKS

點評

zanezane pm了. 發表於 11-10-6 13:02

私人傳訊

zanezane

大宅

積分: 3911

140^#

發表於 11-10-6 14:19 |只看該作者

我見好多有學劵學校,好多都係課後有課外活動 (e.g. ballet, phonics, 畫班...), 我諗都係要自費多....

我地讀書果個年代咁細個都唔會去上興趣班, 放左學午睡後最多去公園玩下, 而家d小朋友普遍都學1-2樣學術野(e.g.珠心算...), 未上到小學就怕跟唔上,要補左先.... 咁上到去小學又學d mug呢?

如果小朋友上到小學時跟唔上, d老師應該會做野去幫小朋友過渡.... 佢地應該唔會期望小朋友好熟默書呢個活動(因為只有少數kindergarten有呢樣野....), 又期望小朋友已經識拼音.......
同埋小朋友的心智又適合去學d咁正經的東西未?

呢個世界愈來愈古怪....
我反而想小朋友愛自己睇下書, 自己尋找童年樂趣, 佢話鐘意返學就好夠. 如果佢想學一樣野, 有一日又認真咁自發同我講, 我會想法子俾佢學. 但係怕佢上小學唔適應而要小朋友背負那麼多就無必要la....