大仔大女媽媽會 今日: 0 | 主題: 177861

積分: 4008

1462^#

發表於 03-10-13 08:36 |只看該作者

Re: 2001年4月BB請進

各位早晨,
fannie, 我有睇呢條thread嫁只係無搭咀炸. 昨天好開心, 我地去了一個朋友仔既birthday party, 係北角MacDonald's. 有個indoor playground既, Justin連french fries都無乜食, 不停地玩, 玩到連阿媽都唔認得, 好多aunties & uncles都話佢好得意, 佢地成日幫我睇仔, 反而我兩公婆就可以食下野, 踏入兩歲半真係幾好玩, ho ho ho!

私人傳訊

積分: 6709

1463^#

發表於 03-10-13 08:40 |只看該作者

Re: 2001年4月BB請進

pauline.c,

唔好話什麼,果日返返吓工,下午我請假去睇醫生,我上司已經'炸'我型,大大聲在office問我同事我做咩嘢,真係唔駛成公司d人都知,我同事梗係簡簡單單講比佢知,果日下午開始我放sick leave, 只係fax 張假紙比個同事轉交就算.好彩之前2日我己同我經理報案,所以佢o地唔可以抄我.

私人傳訊

Happy媽

積分: 734

1464^#

發表於 03-10-13 15:22 |只看該作者

Re: 2001年4月BB請進

LENGMA
我上個星期買左鱷魚肉諗住燉俾佢飲,係咪用鱷魚肉,陳皮,瘦肉燉個半鐘先加川貝(川貝先用水開)再燉半個鐘就o.k.

私人傳訊

Christ

積分: 2493

1465^#

發表於 03-10-13 15:56 |只看該作者

Re: 2001年4月BB請進

今日接到學校老師打來嘅电話,話卡諾B响學校有時會咬同學仔隻手(原來返學以o黎都有咬,但老師話有o甘行為都是正常). 但今日就發生咗2次.問我讵响屋企有無咬人

叫我返屋企教讵的牙仔係用o黎食o野,咬食物,但就千其唔好提咬人的事,或者唔好提叫讵唔好咬人等,要講的正面嘅o野..

私人傳訊

花花

積分: 4334

1466^#

發表於 03-10-13 16:27 |只看該作者

Re: 2001年4月BB請進

Hohan, Lengma, Pauline.C

我想花囡鐘意食野, 一半係遺傳於我, 另一半係後天, 因我工作關係, 花囡由細到大都要等放工, 然後煮飯一齊食飯, 即細細個己經見到個亞媽食相, 所以佢都喜歡食野. 你地試下多d 同佢一齊食飯會有幫助, 同埋試下餓佢, 我同靖嵐媽都係一樣方法, 細細個叫佢自已食飯, 我地大家食完飯, 就收碗, 佢唔食都照收碗, 到下一餐中間都唔比野佢食, 等佢餓下, 試多幾次, 佢就會乖乖地每餐自己快快食, 同埋不要比太大份量佢食, 唔夠先再加比佢, 因佢地可能食唔到咁多. 試下啦!

Pauline.c :

凱蕎張相好正, 成個小公主, 花囡就唔可以, 因佢好粗魯, 冇d 女仔温柔.

話時話, 靖嵐失蹤左好耐. 你去左邊呀!

Jsmami :

係呀! 我地d 小朋友而家會講好多野, 但又唔係好流俐, 有時真係講出好多笑話, 同佢地好活躍, 又冇憂慮和壓力, 最開心, 令到我地做父母都開心埋. 我聽過來人講, 到佢地過左 3歲到, 就會舒服好多, 所以好多人話呢個時候生多個就最好啦! 諗諗佢!!!!!!!

另外, 你有冇試下去家計會做 bodycheck, 我想會平d.

Fannie :

我地個bbq 怎樣? 因我而家可能2號都未必得, family affair, 我要同家人傾下怎樣安排.

各位 :

我昨天同花囡和老公, 走左去金鐘天馬鑑睇煙花, 好enjoyed. 不是太多人, 成條行車路任企, 剛好對正著”等”船. 老公同花囡第一次睇現場, 老公好興奮, 花囡好驚, 因發煙花時發出”嘭嘭” 巨聲, 係咁抱實爸爸, 但又要偷偷望, 幾攪野, 我就好似帶住個鄉下佬+鄉下妹出”省”, 但我好開心.

:-P

私人傳訊

Jsmami

積分: 4008

1467^#

發表於 03-10-13 16:46 |只看該作者

Re: 2001年4月BB請進

花花,
我地昨天都幾個家庭出去睇煙花, 不過我地因為打麻雀幹唔切去復維園海旁, 去左北角海峯園對出, 幾好呀, Justin今年初睇驚澎澎聲, 今次唔驚啦.

Fannie,
係呢BBQ有無野要幫手? 有無得放風箏呀?

私人傳訊

hohan

積分: 1375

1468^#

發表於 03-10-13 17:28 |只看該作者

Re: 2001年4月BB請進

LENGMA, Happy媽,
我都想燉鱷魚肉比自己和個仔飲,想問係邊到買鱷魚肉先至真,同埋燉出來會唔會好鯹同好難飲,我驚個仔唔肯飲.

花花,Heiheima媽,
其實我已經係同個仔一齊食飯la,不過我諗佢係唔鍾意食野個種人,平時連雪榚汽水都唔食既.

又試過用佢比較食既野佢餸飯,但係佢d口味成日變,好難觸摸.我而家只係知道佢最鍾意食士多啤梨,冇理由比佢餸飯架,我昨日同佢去食士多啤梨班戟,佢竟然成個食晒,所以我諗佢真係好鍾意食.

私人傳訊

LENGMA

積分: 610

1469^#

發表於 03-10-13 17:58 |只看該作者

Re: 2001年4月BB請進

happy媽,
照你講o既方法去燉冇問題喇, 不過可再加一小片薑去羶味, 飲時加小小鹽調味, 如果可以keep住定期飲會對氣管有好處, 其實這方是用於治哮喘o既, 不過如果小朋友成日咳或者已經咳o左好耐都唔好, 就不妨試下lei招, 我每星期都燉鱷魚肉加瘦肉(冇落川貝末,有咳就會加), 正所謂'冇病當有病醫', 到宜家都好好, 尤其是sars期間, 佢地一粒咳聲都冇, 我少擔心幾多呀! 希望都可以幫到你同小朋友!

christ,
你個仔o既老師真係懂得小朋友心理, 同小朋友講野真係要正面D, 咁樣講會有意想不到o既效果, 小朋友會好受o架! 讚佢地多D啦!

花花,
我用過你講o既方法, 不過唔係用o係個仔身上, 係用o係個大女到, 不過佢好細個已經讀幼兒班成日o係學校, 餓唔到佢, 初初一.兩年番學o係學校食野D老師都話佢食野冇問題, 所以我就算啦! 不過今年開始個老師開始話佢唔多食野, 又唔多飲水, 到宜家5歲都係得34磅, 細細粒咁, 反而個仔食野就唔係咁煩, 佢肚餓時食野個樣真係好滋味咁, 好開心o架! 不過食量和鍾意食野係天生o既, o係香港o既小朋友都唔會餓得死o既, 營養都唔會太差, 唉! 算啦! 唯有relax D!

各位:
我老公o尋日帶o左個仔去沙田新城市廣場上面o既snoopyland玩, 雖然已經有D舊, 但影D相都仲好sharp! 你地有冇帶小朋友去過呀!?

pauline. C,
我得閒找你飲茶.

台中民宿之旅相片

私人傳訊

LENGMA

積分: 610

1470^#

發表於 03-10-13 18:25 |只看該作者

Re: 2001年4月BB請進

hohan,
我o係馬來西亞買番o黎, 因我兩年前跟我老公去公幹, 我就無所事事, 諗下果邊有乜好買, 後來醒起鱷魚肉好似幾出名, 所以就找人帶我去唐人街買, 後來差不多食晒我老公有同事去果邊旅行, 所以又搭人買番o黎, 最近又有個朋友o係果邊返o黎開會, 我又叫佢幫我帶番o黎, 所以我次次都係食馬來西亞o既貨, 我都唔知o係香港邊到有得賣, 不過happy媽會知.

台中民宿之旅相片

私人傳訊

積分: 6709

1471^#

發表於 03-10-14 08:25 |只看該作者

Re: 2001年4月BB請進

hohan,

你試吓煲"淮山瘦肉粥"試試,吃完是開胃d呀.
你取幼稚園表格未呀,哈哈.......都唔知報那幾間好.

私人傳訊

hohan

積分: 1375

1472^#

發表於 03-10-14 10:03 |只看該作者

Re: 2001年4月BB請進

Heiheima咪,
請問可唔可以教我點煲淮山瘦肉粥呀,d淮山係唔係同d粥一齊煲,要落幾多淮山呀.
我已經幫個仔取左幾間學校的報名表,有d未開始攞,你有冇見到”談幼稚園”果到個list呀,如果你有邊間想知,睇吓我幫唔幫到你.

LENGMA,
我星期日都有去Snoopyland,大約5點左右,唔知有冇見到你對仔女呢,我地重排左幾個字同個仔坐船,但係影左好少相咋,個仔完全唔肯企定定比我地影,激死,

私人傳訊

Happy媽

積分: 734

1473^#

發表於 03-10-14 11:54 |只看該作者

Re: 2001年4月BB請進

Lengma, hohan
咁我試下燉俾佢飯先,我都係去買開燕窩個間舖買,不過唔知好唔好,我第一次買咋!

花花
我都試過妳同靖嵐個方法,但用係我個仔度就冇用,不過近排我同佢一齊煮飯(佢落下鹽,切下豆腐..........),反而食得多左飯.因為佢成日話俾佢老豆聽,佢好叻,有幫手煮,好好味.

私人傳訊

積分: 6709

1474^#

發表於 03-10-14 12:21 |只看該作者

Re: 2001年4月BB請進

hohan,

煲1碗粥仔,放5片淮山及$5-10瘦肉,我係將d淮山同d粥一齊煲,同平時煲粥一椒,我次次叫我媽幫我買的,因她熟藥材舖個老闆,買百幾元一斤,只收一百元一斤,我奶奶都話幾靚,所以次次我都買一斤比我奶奶煲粥or煲湯.點都係落在我個仔個肚內嗎......哈哈.

未取表呀,之前原本想過培道,最後我老公話唔係太好,所以放棄,我老公唔係太想報太多間學校,但他又去取了幼稚園報名表回來,真比佢激親.昨晚同老公傾關於幼稚園都傾到零晨1點幾,我o地係咁唔到最後都唔會傾住.

我暫只報了一間收我個仔幾會非常之大.(普通的幼稚園).

私人傳訊

LENGMA

積分: 610

1475^#

發表於 03-10-15 10:14 |只看該作者

Re: 2001年4月BB請進

Happy媽,
乜你咁犀利俾你個仔同你一齊煮飯, 仲切野呀, 咁要唔要將D菜放出廳到先切? 定o係廚房? 我尋晚都係叫我個女睇我炒
'食送'(第一次), 因為我都覺得如果俾佢地多參與, 或者可以提高食慾, 但我囡囡宜家已經5歲, 你個仔會唔會太細? 成功嗎? 我都想偷下師!

hohan,
至於買鱷魚肉, 都係o係海味舖買就得, 但最好係相熟loo, 我早輪見報紙廣告有間上樓海味舖減價酬賓, 唔駛買最貴, 最緊要係真o既鱷魚肉就得.
我老公星期日下午2點幾已經走了, 以前我住大埔成日都帶個女去玩, o個時o岩o岩開, D野全新好鬼靚, 今次我老公第一次帶個仔去, 不過佢話D野已經舊o左好多, 唔算好多人, 我個仔影相好多表情o架! 有時俾佢笑死! 最鍾意'V'起隻手, 都唔知o係邊到學番o黎! 平時你帶個仔去邊到玩多?

台中民宿之旅相片

私人傳訊

花花

積分: 4334

1476^#

發表於 03-10-15 12:08 |只看該作者

Re: 2001年4月BB請進

Happy 媽 & LENGMA :

係呀! 一齊煮飯都係一個好辦法和親子活動. 呀花囡响2歲果時已經跟我入廚房, 因我要放工煮飯, 有時爸爸未返到家, 我又心急, 咪為有帶埋佢去煮飯, 通常佢會自己擔張櫈仔企高上個廚房櫃台平, 我會比佢摸下d 生米, 然後同佢一齊洗d 米, 話比佢聽會變成飯, 又會比佢發蛋, 倒d 蛋落個油鍋到, (當然要小心和有d 難度), 佢見到d 蛋變樣和有聲會好興奮, 又會洗菜/魚/冬菇等, 比佢摸下不同物件 texture. 昨晚想叫爸爸同我地拍下這些廚房温馨場面, 不過佢未返到來. 我發覺呢個方法都不錯, 佢會食多d , 因佢應為係佢自己煮…. Ha!

(請比個機會我讚下我個女) 我發覺佢真的長大了很多, 亦好願意幫手參與家裡事務, 需則八掛多事成份多d, 而家佢會幫我拿佢自己桶衫去 washing machine 到洗, 洗完後, 會用返個桶去洗衣機到拿d 衫出來, 跟住好似”拖死狗”咁拖去自己間房到等我晾起佢, 到收衫時, 佢又會幫手, 雖則有時攪亂檔. 但我同老公己經好開心. 不過, 我有心理準備, 到佢再大d 時, 就唔會咁合作嫁啦!

Heiheima 咪 :

我唔覺意响第二個 forum ”八到” 你有左第二個bb, 恭喜你呀! 預產期幾時呀?

Lengma :

哈! 你仔咁多動作, 真係要 post d 相來睇下啦!

仲有, 我想問鱷魚肉, 用來平時煲湯得唔得呢? 落什麼材料?

呢幾日, 冬了好多, 各位同自己小朋友要小心身體呀!

私人傳訊

積分: 6709

1477^#

發表於 03-10-15 12:43 |只看該作者

Re: 2001年4月BB請進

花花,

你都好多親子活動.上次做花燈,又同花囡一齊入廚,真係好溫馨,比我真是沒有咁好心機,我唔準個仔入廚房,拋垃圾都唔比佢入,要佢拋去廁所垃圾筒,但我奶奶就比佢入廚房拋垃圾.

唔係呢,細路仔真係會覺得樣樣嘢好新奇,看得你多,便會同你一齊做,習慣了,到佢再大d 時,應該都會咁合作嫁啦!因佢點都係女仔,聽話d呢!

都比你睇到,係呀.預產期明年5月,但現在都未決定在qe or 威記生好,請比比意見.

heiheima咪

私人傳訊

Jsmami