夫婦情感 今日: 0 | 主題: 42799

積分: 2873

1622^#

發表於 18-3-16 10:50 |只看該作者

wing1388 發表於 18-3-16 10:39
繼續見面係妳自己諗定係有真憑實據先？佢又點含糊唔徹底法？妳冇度定叫佢點講咩？一句：「我要同返我老婆 ...

我當然冇證據喇，但99.9%係喇。

第一次講就話佢哋只係普通朋友，但之後c6又同小三講話係老婆叫佢咁講，第二次，c6就講我哋算喇，如果我而加又去催佢，我怕我又忍不住爆佢，定等月尾？

私人傳訊

積分: 47023

開心吸收勳章

1623^#

發表於 18-3-16 11:55 |只看該作者

本帖最後由 wing1388 於 18-3-16 11:56 編輯

知知姐發表於 18-3-16 10:50
我當然冇證據喇，但99.9%係喇。

第一次講就話佢哋只係普通朋友，但之後c6又同小三講話係老婆叫佢咁講，第 ...

冇證據又點可能係99.9%係？呢條數真係計唔掂喎！

所謂小不忍則亂大謀，妳明知爆佢會壞咗大事，好心妳就控制下自己啦！況且月尾距離而家仲有兩個星期啫，妳咪放長雙眼睇下到時佢係神係鬼囉，但到時佢咩都做唔到妳係唔係決心離婚先？否則妳到最後都係得個桔！因為妳已經俾佢睇死咗妳惡唔出樣。

但我對整件事開始有啲疑惑，妳所謂嘅小三，究竟同妳C6係咩關係呢？SP？拍拖？神交？知己？玩伴？還是真係比較傾得埋嘅朋友？究竟有冇證實過佢哋係咩關係呢？

似乎由頭到尾妳都好似冇實質證據話佢哋有染，如果朋友只係食飯睇戲傾偈又不足為奇，只不過對方係女性所以比較敏感而已！不過我冇話邊一方完全啱晒，如果如我上述所講佢哋只係比較CLOSE嘅朋友，而C6明知妳會呷醋都唔避忌咁佢就當然有唔啱，咁如果有染上床的話就肯定係唔啱添啦！但換個角度去睇，朋友唔係男就係女，會唔會係妳反應過敏咗呢？總之C6有異性朋友就定性為「小三」？因為由妳嘅回覆所見，妳口中佢哋所做嘅都係靠估。

如果佢哋真係冇嘢，而妳又逼佢講啲咁嘅說話，係人都會覺得尷尬，佢唔肯講亦非常有道理喎！

百花叢裡過，片葉不沾身。

私人傳訊

rita1208

積分: 4752

1624^#

發表於 18-3-16 12:05 |只看該作者

知知姐發表於 18-3-16 10:50
我當然冇證據喇，但99.9%係喇。

第一次講就話佢哋只係普通朋友，但之後c6又同小三講話係老婆叫佢咁講，第 ...

好同情知知姐妳。不過唔愛惜自己老婆及家庭的男人真係唔值得留戀。今次就算過到，咁下次又点呢！一定會常常型住佢又出去唔知搞咩。我同老公一起也25年，最近去旅行時無聊問了他如果我出軌識了另一個男人但醒覺回頭向你認錯，你會原諒我嗎？我老公回答得好肯定話"唔會"，其實換著是我我也不會原諒，情願分開，一段好關係容不下第三個人的。也免得自己日日担驚受怕，心理壓力太大了！希望妳想通後，以後日日都開開心心。

私人傳訊

積分: 47023

開心吸收勳章

1625^#

發表於 18-3-16 12:13 |只看該作者

rita1208 發表於 18-3-16 12:05
好同情知知姐妳。不過唔愛惜自己老婆及家庭的男人真係唔值得留戀。今次就算過到，咁下次又点呢！一定會常 ...

但我反而想知，妳突然咁問妳老公，佢會唔會以為妳真係出咗軌想向佢坦白㗎？

但倒返轉咁諗，如果....我話如果咋，妳老公有出軌的話，聽到妳咁問的話，相信個背脊會寒一寒.....

百花叢裡過，片葉不沾身。

私人傳訊

rita1208

積分: 4752

1626^#

發表於 18-3-16 12:52 |只看該作者

wing1388 發表於 18-3-16 12:13
但我反而想知，妳突然咁問妳老公，佢會唔會以為妳真係出咗軌想向佢坦白㗎？

但倒返轉咁諗，如果.. ...

唔知㗎！可能我睇得bk呢版多啩。去旅行佢揸車時我突然贪得意問吓啫。

私人傳訊

積分: 47023

開心吸收勳章

1627^#

發表於 18-3-16 12:55 |只看該作者

rita1208 發表於 18-3-16 12:52
唔知㗎！可能我睇得bk呢版多啩。去旅行佢揸車時我突然贪得意問吓啫。
...

妳都好大嘅膽量喎！仲要揸緊車問咁危險？陣間佢緊張起上嚟......

百花叢裡過，片葉不沾身。

私人傳訊

rita1208

積分: 4752

1628^#

發表於 18-3-16 13:21 |只看該作者

wing1388 發表於 18-3-16 12:55
妳都好大嘅膽量喎！仲要揸緊車問咁危險？陣間佢緊張起上嚟......

佢比我訓練有數(古怪問題天天多)。所以任何問題都冇有怕㗎。

講真我常常上這婦夫感情版，睇到好多感情問題的個案，覺得好可惜，明明唔愛對方又点会結婚生仔，但又点解咁易受不了引誘呢？男女相方自己收歛吓提醒吓自己又可保住自己段婚姻及家庭。婚後幾十年流流長實有男或女比自己嗰件更夾(當時應為), 唔通次次換畫咩。比你一齊後咪又係柴米油鹽醬醋茶，冇晒浪漫。

私人傳訊

soso1227

積分: 37380

醒目開學勳章畀面勳章

1629^#

發表於 18-3-16 13:51 |只看該作者

知知姐發表於 18-3-16 10:50
我當然冇證據喇，但99.9%係喇。

第一次講就話佢哋只係普通朋友，但之後c6又同小三講話係老婆叫佢咁講，第 ...

你C6只係50+，仲有性需要嘅，咁佢有冇同你行埋？
如果冇，打定輸數。
如果有，又頻密，
嗰個小三會唔會只係紅顏知己？
如果冇野又點分手，
不如叫你C6慢慢疏遠佢，
趁機就起小三個底，
到限期之後如果發現C6仍然同佢來往，
就直接反面剷爆C6和小三，
一拍兩散吧。

私人傳訊

laiseenine

積分: 2306

1630^#

發表於 18-3-16 14:02 |只看該作者

rita1208 發表於 18-3-16 13:21
佢比我訓練有數(古怪問題天天多)。所以任何問題都冇有怕㗎。

講真我常常上這婦夫感情版，睇到好多感情問 ...

好鬼認同妳。

輔導那天也有講，實有「更夾、更合適」的人會於婚後出現，唔通咁就要失守！

而那位「更夾、更合適」的人是未一起生活過的，又怎知是「更好」呢！

私人傳訊

積分: 47023

開心吸收勳章

1631^#

發表於 18-3-16 14:14 |只看該作者

rita1208 發表於 18-3-16 13:21
佢比我訓練有數(古怪問題天天多)。所以任何問題都冇有怕㗎。

講真我常常上這婦夫感情版，睇到好多感情問 ...

其實我都成日提及結婚嗰個係唔係真係適合自己呢個問題，好多人將喜歡同愛混為一談，而在想結婚時剛巧同某個人一齊，就篤定咗嗰個人係結婚對象，但根本冇想過呢個人係唔係一個適合同自己渡過一生嘅伴侶。於是結婚幾年之後都按照住嗰啲所謂計劃生仔買樓，但其實呢啲所謂計劃只係人有我有而已，本身係唔係想就可能連自己都冇問過自己，覺得「個個都係咁做㗎啦」！慢慢就會發覺完全唔係自己想做嘅事，於是就會尋求其他人／事去平衡返自己，呢啲係婚姻問題嘅根源，若然妳問返一啲有問題嘅夫妻，你鍾意對方乜嘢？可能一時會答唔出，再問你愛對方咩？就更加難解答了！因為佢哋根本分唔清楚，混混噩噩咁就結咗婚，SO SAD！

百花叢裡過，片葉不沾身。

私人傳訊

積分: 47023

開心吸收勳章

1632^#

發表於 18-3-16 14:21 |只看該作者

soso1227 發表於 18-3-16 13:51
你C6只係50+，仲有性需要嘅，咁佢有冇同你行埋？
如果冇，打定輸數。
如果有，又頻密，

其實我睇咗咁多知知姐嘅回覆，好多佢認為嘅事實根本冇證據證實，但我明白佢嗰啲係擔憂，又或者佢C6同嗰位女士真係好CLOSE，CLOSE到比知知姐更投契，但須知道小三同知己嘅定義係完全兩回事，小三係有越軌行為嗰一種，而知己可能只係止於無所不談，感情要好，咁其實知知姐老公同嗰位女士係邊一種，我相信連知知姐都唔知，佢有可能覺得老公同一位異性咁好傾，又成日見面，所以斷定咗佢哋有嘢都唔出奇，因此，若然佢老公同嗰位女士根本冇嘢的話，要老公同人講「分手」又真係幾尷尬，所謂人要面樹要皮，老公以後仲要見人的，俾人知道真係醜死怪！

所以，我一直都問知知姐有冇證據證實佢老公真係同人有染，但如今佢都話冇就真係難搞！捉賊都要拿贜呢。

百花叢裡過，片葉不沾身。

私人傳訊