夫婦情感今日: 0|主題: 42794

收藏本版

發帖

返回列表

跳至頁

樓主: monitorcc

84 858687 88...156

積分: 1874

1701^#

發表於 15-10-9 20:32 |只看該作者

回覆：一切由澳洲開始的故事 (超超長)

（二十九）

離開塔斯曼利亞去到墨爾本，真係第一次去呢個城市仲要係一個人，好彩我之前已經問咗其他背包旅行嘅朋友關於墨爾本嘅資料同埋住宿，所以我就book咗一間位於市中心嘅背包旅行嘅hostel 仲要求係要一間房全部女生住（背包旅行嘅hostel通常都係一間房六張床）。點知當我check in 嗰陣個reception同我講話冇全女，我仲話我唔介意轉其他比較貴嘅房（四人房）只要係全女，不過個reception都話冇只剩下男女混合房。我心諗死啦男女混合房安唔安全架，雖然我知道其他背包朋友都話呢間hostel 都比較安全，但係個心都會驚驚地。不過馬死落地行，如果走去其他地方都唔知會唔會有床位。坦白講當時係唔會考慮住酒店因為去得背包旅行就梗係要平架啦，不過我嘅要求就係安全同乾淨為先價錢貴少少我都唔介意。搞完check-in手續就上房，一間房有六張床而每張床旁邊有一個有鎖嘅大嘅locker ，每間房有門卡，再加上廁所又係一人用嘅廁所（有埋沖涼）又可以上鎖，我個心都定一定啲。嗰陣時大約係下午三點我以為呢個時間應該冇人會喺房間（正常呢個時間個個都會出去玩或者工作），我就見到有個男人就係張床到睡覺當時我心諗點會有人呢個時間喺度瞓覺架，我放低行李之後就出咗去四圍行吓啦。

我四周圍行完食完晚餐重去旅行社報名後曰去12門徒石（great ocean road) 一日遊，跟住八點幾就返到hostel 見到有好多人有德國人(年輕靚仔鬼仔），英國夫婦，仲有今日下午瞓緊覺嘅韓國人添。去得背包旅行梗係要放開懷抱認識多啲人，所以我除咗介紹自己仲會大家傾吓計而我重個個都問下一唔一齊去參加12門徒石一日遊。問咗德國鬼仔，佢有興趣參加，跟住再問韓國仔不過就好快比佢咁拒絕左。基本上（係間房入邊我同德國仔同韓國仔最好傾，韓國仔仲表演魔術俾我睇不過係底階嘅魔術。哈哈！我到達墨爾本係星期一而去12門徒石係星期三，我亦都星期六離開墨爾本回到悉尼。到咗第日星期二，我都係一早離開出發周圍去玩又係食完晚餐先至返hostel，因為我驚危險所以都係八點幾就返啊到。返到去房間除咗韓國仔其他人都唔喺房，咁我梗係大家傾吓計啦，我都係第一次認識韓國男人，韓國仔比我印象中更加健談同埋Nice，韓國仔突然同我講佢有興趣同我一齊去12門徒石，雖然我都即刻幫佢上網報名可惜名額已滿（當時我心諗叫你嗰陣又唔去而家太遲啦哈哈）。

星期三係去12門徒石嘅日子，係我玩完一日旅遊巴回程嗰陣突然我收到韓國仔send俾我嘅電話訊息佢問我玩得開唔開心仲問我可唔可以一齊出去飲杯野，我心諗住都可能係hostel 度咁就諗住無乜所謂啦然後就答應咗佢。我同韓國仔去咗hostel入邊嘅遊戲機放到見，傾左一陣韓國仔話不如出去飲野，突然間我有啲驚係個幾秒鐘我就不斷諗有冇危險架出去飲嘢佢想點啊？最後，我抱住一個死就死嘅諗法就話好啦出去。基本上可能係我諗得太多，我哋都最後只不過係七仔度買嘢飲跟住就坐左係 Victoria library 門口度飲嘢同埋傾計。韓國仔問我仲打算去墨爾本邊度玩，我就話我諗住明天去玩蒸汽火車，韓國仔話佢都未去過就不如一齊去玩啦。係個晚大家傾左好多唔知點解同佢好似認識左好耐嘅朋友一樣，不過真係純粹當佢係朋友而且。

點解我要去玩蒸汽火車呢？因為呢個蒸汽火車係可以雙腳伸出火車外更加感受大自然同埋都好有特色。我同韓國仔就一朝早出發搭車去，但係係坐蒸汽火車途中，韓國仔突然覺得隻眼好痛，我地初初以為淨係有沙入眼，點知原來係煤炭粒，我就不斷幫韓國仔用眼藥水希望沖走，但係韓國仔覺得越嚟越痛，我都為佢非常着急諗緊要唔要帶佢去醫院。火車職員就建議我哋去藥房睇吓有冇當值嘅醫生check吓有冇事，好好彩藥房醫生check之後話煤炭粒已經沖走，因為眼角膜被煤炭粒整損左少少所以隻眼咁痛，不過查藥膏同滴眼藥水就會好。事後韓國仔不斷多謝我話多謝我嘅照顧。（佢已被我感動了，哈哈）

跟住剩低嗰兩日我都會同韓國仔出去玩，韓國仔就不斷同我講不如我留低係墨爾本到啦，本身韓國仔已經搵到一份人工唔錯嘅工，我就不斷反問番韓國仔不如你來悉尼啦。坦白講A已經令我心身受到極大嘅創傷，我仲點會對男人有信心，我亦都唔會有勇氣再為男人去付出，同埋我亦都覺得韓國仔同我玩吓講吓笑姐，就算韓國仔唔係講笑但當佢知道我仲要離婚佢點會唔介意。所以剩低嘅日子就係韓國仔叫我留低我叫佢去悉尼啦！

Bk Jm, 你哋知唔知道韓國仔就係邊個啊？究竟韓國仔做咗啲乜嘢會令我有所改變呢？姊妹們估下!

明天和後天我會好忙唔知有冇時間update ，就算有都唔寫得多，大家多多包涵忍耐忍耐！唔知點解我越嚟越覺得同各位JM好似同D老朋友傾計咁。