小艾比 寫道:
ALL,
我送完遙遙返學LU!!!!!
今早響返學之前, 我封兩封利是比阿女, 一封係佢生日利是, 另一封係佢返學利是, 我響利是封上一邊寫祝福語比阿女時就一邊喊, 之後都一直強忍眼淚同阿女換衫返學.
返到學校, 遙遙正如眾人所料佢無喊到, 佢一入學校同老師打朝呼後, 跟咗老師去洗手, 我就同另一位老師傾其他要點, 佢洗完手輕微的與我揮手BYE BYE後再跟老師去入課室, 我對眼雖然與老師對望地聽老師的分附, 但個心好想跟阿女入課室, 睇睇佢的反應, 之後帶遙遙個老師出番黎, 我問佢遙遙有冇喊呀, 佢話冇呀, 佢一見D玩具一支箭的飛過去玩. 我再問多兩次, 真係冇喊? 老師都係答係呀. 之後我就離開學校了, 當我離開了學校, 我D眼淚又不停的流下來, 怎麼攪呀我, 今日我點解會咁眼淺嫁, 竟然變成了大喊包, 而唔係遙遙.
我現在返咗工呀, 階因我冇請假LOR, 原因係遙遙學校下星期五去旅行, 去錦田綠野田園呀, 我同ANDY相量過, 盡量會多與阿女去參與學校的活動, 及有一大班小朋友去玩, 應該會好開心的, 而且再睇真D個日曆, 果日原來係遙遙舊曆生日黎, 所以我決定今日唔請假, 留番下星期五我地一家三口去參加學校的旅行呀, 而今日遙遙生日我一陣LUNCH會蛇返去帶佢去飲茶, 晚上放工先帶佢出街食飯.
我一陣就去接阿女放學喇, 唔知到時會唔會又喊過呢我?
發表於 
返回列表
