想生BB 今日: 0 | 主題: 109594

積分: 9630

162^#

發表於 18-7-12 23:58 |只看該作者

常綠葉發表於 18-7-12 18:41
痛，勁M痛囉！一陣痛係行唔到架，係連車，樓梯都上落唔到，要等陣痛完先可以郁，重要快速喎，唔係會又痛過 ...

你真係好快手...天生生仔型

不過岩生完真係要好好休息，同埋好好坐月，你個邊要住醫院幾多日先出得院呀？我聽你講好似好輕鬆甘

你係咪本身係一個好忍得痛既人？我仲有10幾日...好驚呀，我買左raspberry leaf tea啦，諗住聽日開始飲，希望飲完可以好似你甘開左度數都唔覺痛啦

不過你生完又要面對湊b既新挑戰！哈哈，加油

私人傳訊

積分: 4098

163^#

發表於 18-7-13 15:15 |只看該作者

felixsky 發表於 18-7-12 23:58
你真係好快手...天生生仔型不過岩生完真係要好好休息，同埋好好坐月，你個邊要住醫院幾多日先出得 ...

我明早出院啦～我生完好精神，已經洗左N次手

講真，未生過前都唔知陣痛係有幾痛。初初10分鐘8分鐘先痛一次果d陣痛係同M痛似，但之後密到3-5分鐘痛一次既陣痛真係每次痛到high high地，係完全郁唔到！我當時唔知自己開到幾多，我以為未到最痛，真係覺得入到醫院要立即打無痛。唔係一定會痛到生不如死。

我唔知自己算唔算忍得痛呀⋯⋯但陣痛係我呢世人遇到最痛既一次

但我一直諗住只要BB健康平安，我會努力忍住，忍忍下就生左。

唔洗驚架，反正都要生，一定會痛架啦⋯⋯所以陣痛時唔好反抗，放鬆d，唔好大叫，咬下毛巾，揸下枕頭會舒服d。我覺得要帶定襪去醫院，唔知點解陣痛時腳底好凍，我生時係著住襪，生完熱到除剩條底底

你快d開始飲raspberry leaf tea，行多d運動多d，對生一定有用架。你要加油呀！平常心！只要諗住母子平安，一定頂得順既！

私人傳訊

積分: 9630

164^#

發表於 18-7-14 23:47 |只看該作者

常綠葉發表於 18-7-13 15:15
我明早出院啦～我生完好精神，已經洗左N次手講真，未生過前都唔知陣痛係有幾痛。初初10分鐘8分鐘 ...

做媽媽真係偉大呀！你真係好犀利又忍到痛！我bb面仔仲未轉返去下面，好驚佢唔轉位到時會影響個度數開得唔好...最怕要食全餐

我都準備左襪去醫院到時生完著呀！我今日開始飲raspberry leaf tea 啦，係咪要keep住日日飲架？呢排都有日日行，希望我個仔會好似你個仔甘乖甘聽話唔好要我痛甘耐啦

你要開始餵母乳生涯啦

係咪俾佢搞到無覺好訓呢

不過可以攬住個仔個感覺應該好實在同好sweet, 我都好期待呢一日

私人傳訊

積分: 4098

165^#

發表於 18-7-15 07:56 |只看該作者

felixsky 發表於 18-7-14 23:47
做媽媽真係偉大呀！你真係好犀利又忍到痛！我bb面仔仲未轉返去下面，好驚佢唔轉位到時會影響個度數開得唔 ...

唔係我犀利，係大家都好犀利，由選擇生B已經歷好多以前從來無試過既事。到你生時自自然然為左BB就會忍到，其實到時候唔想忍都唔得

我入到醫院內檢時都話BB面仔唔係向下，但醫生助產仕都可以人手幫手轉架，我聽到佢話一轉就轉到。唔會影響個開個度數呀⋯⋯係怕難d push bb出黎。我一轉就轉到，無乜問題，所以你唔洗擔心喎⋯⋯一定會順順利利，母子平安！

你其實乜都唔好諗，而家每日都飲最小1000ml raspberry leaf tea，之後行多d。每日睇下電視去食d你鍾意既野。我係陣痛時覺得腳底好凍，係咁叫我老公捽腳底

之後去醫院係車有著鞋著襪，果時陣痛反而無係屋企咁痛。記住陣痛時可以的話試下不同姿勢，唔好只瞓一邊，左右邊都試下，趴係道狗仔式都試下，試下邊個姿勢你會無咁痛。陣痛時宮縮會令到你個肚超實超硬，你一定要用呼吸法去舒緩。我陣痛時無大叫去嘥氣力，只係ee呀呀咁低聲叫，我老公話我唔比佢關窗！生完我老公話一定比人誤會睇緊咸片喎⋯⋯但款咸片歷時好幾個鐘囉

埋身餵又真係幾好，攬住個仔又真係好開心。佢做每一個表情你都會開心，所以我好堅持埋身餵。而家已經上奶lu...我老公都日日夜夜叫住BB⋯⋯把口笑到合唔埋。剛剛重講左句：有個BB真係好開心

私人傳訊

積分: 9630

166^#

發表於 18-7-16 13:55 |只看該作者

常綠葉發表於 18-7-15 07:56
唔係我犀利，係大家都好犀利，由選擇生B已經歷好多以前從來無試過既事。到你生時自自然然為左BB就會忍到， ...

多謝你既意見，我到時會努力忍住唔嗌架啦，留返啖氣生仔

希望我都頂得順...仲有12日就預產期，好緊張又好期待，生得個時再話你知

唔知我仔到時有幾重呢

希望唔好太奀豬啦

你沖左涼洗左頭未？

私人傳訊

積分: 4098

167^#

發表於 18-7-19 15:48 |只看該作者

felixsky 發表於 18-7-16 13:55
多謝你既意見，我到時會努力忍住唔嗌架啦，留返啖氣生仔希望我都頂得順...仲有12日就預產期 ...

我冲左涼啦～第二日係醫院已經冲左啦⋯⋯返到屋企都只係用普通水沖涼渣，完全無時間去煲薑水冲涼。有時間都用來休息下，而家每日加埋唔知有無兩小時瞓覺。如果你打算餵人奶，記得不斷飲水/奶/代茶/果汁之類。之後密密埋身餵同泵，我好快上奶，每次已經at least pump到100ml。重有想提下你，網褲準備多幾條都唔怕，因為洗傷口好容易整濕條網褲，雖然好快干，但凖備多d好d。重有呢，生完會好口渴，我連飲幾支寶礦力，飲完舒服好多。生完咪要你開大既，你記得問醫生攞止痛藥同軟便丸，如果唔係你會唔想開大。愈唔開，你愈怕開時會整爆傷口。買定大大包西莓乾帶埋入院，係好有用！食完會順暢d，唔係生不如死！痛過生仔！

重重有，連針果個位頭1-2日唔痛架喎，但第三日會痛到飛天。我頭1-2日無食止藥，但到第三日問個姑娘先話一定要食架喎，因為一般個傷口係第三日會最痛！我個仔出世有6磅5到，之後會跌小小磅，但當你密密餵人奶，BB會吸收得好快。所以你唔洗擔心BB磅數，而家你只要放鬆心情，開開心心等陣痛就夠

放心啦⋯⋯BB一定會鍚住你

私人傳訊

積分: 4098

168^#

發表於 18-7-25 14:47 |只看該作者

felixsky 發表於 18-7-16 13:55
多謝你既意見，我到時會努力忍住唔嗌架啦，留返啖氣生仔希望我都頂得順...仲有12日就預產期 ...

你有動靜未呀？

私人傳訊

積分: 9630

169^#

發表於 18-7-25 14:52 |只看該作者

常綠葉發表於 18-7-25 14:47
你有動靜未呀？

有啦有啦⋯⋯岩岩陣痛左5個幾鐘，宜家岩岩見紅，宜家準備入院

你又會甘岩呢個時候問我既

我暫時覺得初期陣痛都唔係好痛，唔知陣間大陣痛係點呢⋯⋯好緊張

私人傳訊

積分: 4098

170^#

發表於 18-7-25 15:24 |只看該作者

felixsky 發表於 18-7-25 14:52
有啦有啦⋯⋯岩岩陣痛左5個幾鐘，宜家岩岩見紅，宜家準備入院你又會甘岩呢個時候問我既我暫 ...

加油努力呀⋯⋯大陣痛時你唔會有心機回我msg

我當時係乜都唔想講，叫我老公咪再問我野！又痛到郁唔到，只有低聲呻吟

你放鬆d，BB一定會鍚住你。你要加油啊⋯⋯記得push時個下巴盡量向下貼近胸口，將d力谷曬係下面！重有記得聽指示先好push，唔係會爆得好勁架！

私人傳訊

積分: 9630

171^#

發表於 18-7-25 17:12 |只看該作者

常綠葉發表於 18-7-25 15:24
加油努力呀⋯⋯大陣痛時你唔會有心機回我msg 我當時係乜都唔想講，叫我老公咪再問我野！又痛到郁唔 ...

哎呀..我入到院又無痛啦，激死！不過有見紅所以繼續留院。我會記住下巴貼胸口架啦，不過隻手種左豆一郁有d痛，到時隻手唔知點用力push 添

頭先姑娘同我指探話宮頸未軟，1度都未開添

佢話有排等.....

私人傳訊

積分: 4098

172^#

發表於 18-7-25 18:08 |只看該作者

felixsky 發表於 18-7-25 17:12
哎呀..我入到院又無痛啦，激死！不過有見紅所以繼續留院。我會記住下巴貼胸口架啦，不過隻手種左豆一郁有d ...

我記得我生果日係早上痛左一陣，之後又係停左。所以我出左去超市買餸買外賣，之後重叫左杯蜂蜜綠茶小甜走冰。返到屋企飲完杯蜂蜜綠茶就開始真陣痛

你叫屋企人帶d蜂蜜水比你飲，我見網上有話就生飲熱蜂蜜水會有幫助。但你宮頸未軟，咁早入院，會唔會催生架？

你種豆係因為B縺？其實到你push時係唔痛架，係陣痛先痛架渣。陣痛係痛到會斷片咁，但push時係好清醒，重同人傾到偈既！到時你會覺得種豆果d痛小兒科啦⋯⋯你可唔可以落床行架？可以既話趁未陣痛去行多d，坐下yoga ball之類，唔好瞓係度等生呀⋯⋯加油呀！

私人傳訊

積分: 4098

173^#

發表於 18-7-27 14:32 |只看該作者

felixsky 發表於 18-7-25 17:12
哎呀..我入到院又無痛啦，激死！不過有見紅所以繼續留院。我會記住下巴貼胸口架啦，不過隻手種左豆一郁有d ...

生左未呀？祝你一切順利，母子平安

私人傳訊

積分: 9630

174^#

發表於 18-7-27 15:51 |只看該作者

常綠葉發表於 18-7-27 14:32
生左未呀？祝你一切順利，母子平安

琴日朝早生左啦

我覺得陣痛好痛呀

生不如死甘

最開心真係聽到話可以push個下....push左3下就出來了...不過都痛左6-7個鐘

呢2日只係訓得半個鐘....人都顛.....你應該都無覺好訓喎

得返半條人命未？哈哈

私人傳訊

積分: 4098

175^#

發表於 18-7-28 05:55 |只看該作者

felixsky 發表於 18-7-27 15:51
琴日朝早生左啦我覺得陣痛好痛呀生不如死甘最開心真係聽到話可以push個下....push ...

恭喜恭喜～

BB有幾重呀？真係好開心，大家都可以平安順利咁生到個寶貝仔！陣痛當然係好痛！係咪so far成世人遇過最痛就係陣痛呢？你痛左6-7個鐘都好快呀⋯⋯但如果而家叫你諗下有幾痛，諗諗下其實又接受到既～所以先有人生第二第三個

你要小心個傷口呀，天氣熱，記得每次都要冲多幾次個傷口。真係記住食止痛藥同軟便丸，唔係到時又係另外一種痛。重要多飲水/代茶之類呀⋯⋯餵奶前飲兩杯暖水，同個胸fu熱毛巾，用手/刮沙板按/掃下d乳線。餵後都要飲兩杯水呀⋯⋯咁你好快就可以上奶，變身奶媽！我而家d奶多到噴出黎，餵緊右邊，左邊已經不斷滴出黎。一開始真係密密埋身餵，完全無得瞓，有時間都用來去廁所冲傷口！但而家過左兩星期就好好多，開始習慣，BB又食多左，可以4小時食一次奶，多左dd時間休息下。但食得多屙得多，換片換到手軟！但見到BB真係好開心，幾攰幾辛苦都抵。見到BB真係冧曬

大家一齊加油努力！BB要肥肥白白，健康平安快樂成長

私人傳訊

積分: 9630

176^#

發表於 18-8-1 19:33 |只看該作者

常綠葉發表於 18-7-28 05:55
恭喜恭喜～BB有幾重呀？真係好開心，大家都可以平安順利咁生到個寶貝仔！陣痛當然係好痛！係咪 ...

我終於都得閒覆你啦

忙到暈左...BB之前產檢幾個醫生都話佢係細碼b, 結果係我狂食之下，佢出世竟然有7.6lbs

結果要剪，不過當時都痛到剪左都唔覺痛....不過見到個寶貝仔出世個一刻真係開心到暈左...生仔的確係我人生中最痛既一次...暫時唔敢諗生第二個

我無食止痛藥呀，我覺得生個刻既陣痛係最痛，宜家呢隻好小兒科，唔使食

去便便都無痛...正常到不得了

我好失敗，生完到今日先上到奶，仲要唔係多，希望之後會越來越多啦

我仔好衰佢啜兩下無啖落肚就唔啜，所以我為有靠人手揸同泵佢出來....完全埋唔到身

我都想做奶媽呀

我都覺得換片同換衫換到手軟...我仔成日嘔奶，明明掃左風都會嘔，搞到一晚換幾件衫....成晚就係不段餵奶掃風，換片，換衫...一路甘循環直到天光

好想訓覺好既

一齊加油，努力養肥bb

私人傳訊

積分: 4098

177^#

發表於 18-8-2 14:24 |只看該作者

felixsky 發表於 18-8-1 19:33
我終於都得閒覆你啦忙到暈左...BB之前產檢幾個醫生都話佢係細碼b, 結果係我狂食之下，佢出世竟然 ...

7.6磅都幾重手喎⋯係咪每次見到BB都好肉緊呢？

我反而見到個仔，第一感覺覺得佢好嗅

見住佢一日一日咁大已經好唔捨得，已經諗緊佢唔再BB樣時點算呀⋯⋯係咪要接住快d生第二個？

一開始係好小奶架，但當你密密埋身餵BB，好快d奶就多到噴出黎。我個仔一開始都係唔啜架，因為佢地都要學習點吸啜，你有無用手指塞入佢口試下佢識唔識啜？我個仔一開始重要好懶，我用手揸一下，佢先啜一下。每次玩足成個鐘，我重已經用左好多方法唔比佢瞓著，例如：除晒佢d衫，用凍毛巾，彈腳指等等

好在而家開始順利，每三小時食一次，每次啜20分鐘就放口。但佢唔可以立即換片，要休息一陣先比換片，之後又要啜多5分鐘，咁先捨得瞓

你有無食白飯？人地話白飯會多奶d⋯⋯我自己因為天氣太熱，每日食得一餐正餐，完全無湯水。但我有飲炒米茶同食白飯，之前每次餵奶前會先用熱毛巾熱敷，再用刮沙板刮下個胸d淋巴位，再加兩杯水/茶/果汁。我上人奶班係教要飲大量水，每日最小2L。我發覺pump 出來用樽餵，我個仔都會嘔奶。反而埋身就無咁既情況，所以我都無pump出來餵。你盡量試下埋身餵，睇下會唔會好d？唔知你用邊隻樽，我見我仔用dr. Brown 玻璃樽果款就無乜嘔奶。你又可以上網睇下review

重有呀⋯⋯千其唔好因為餵人奶而比壓力自己呀⋯⋯只要BB平安健康，食奶粉又好人奶又好，都無所謂架！你要心情好，放鬆d，先可以長餵長有！大家一齊努力加油！

私人傳訊

積分: 9630

178^#

發表於 18-8-4 18:55 |只看該作者

常綠葉發表於 18-8-2 14:24
7.6磅都幾重手喎⋯係咪每次見到BB都好肉緊呢？我反而見到個仔，第一感覺覺得佢好嗅見住 ...

係呀，每次見到BB都好肉緊，好想錫佢面珠一啖，不過我俾佢搞到無覺好訓宜家感冒，所以未錫得佢住

你有無同佢影多d相呀？留住佢bb樣既時刻，見住佢一日比一日大我都好唔捨得呀，雖然宜家俾佢搞到無覺好訓，不過望到佢笑個刻個心好甜呀

我因為第七日先開始上奶，BB已經習慣左用奶樽食奶奶，佢唔肯埋身食我呀

一埋身佢就喊到拆天...我宜家為有泵出來俾佢食，不過唔知係唔係佢無埋身，奶量好似好小甘，不過我會努力泵，希望見到有奶柱啦

我聽你講今日走左去買Dr Brown 奶樽，今晚試下用睇下嘔奶情況有無改善先

之前無奶心情真係好down架，宜家有就開心返

宜家希望佢可以乖乖埋身食，甘我就心滿意足啦

你坐月呢段時間有無食咩補品呀？我等緊惡露清哂就開始食疆醋同雞煮酒補下身，諗起都好想食呀

呢排日日食來食去都個兩味....食到好厭

私人傳訊