大仔大女媽媽會 今日: 0 | 主題: 177861

積分: 734

1881^#

發表於 08-1-11 23:59 |只看該作者

今日見到Sat 媽, 她很願意參加我們聚會, 不過27日那天不在香港, 我下次再找她.

另莫太說下次聚會可以到KCC位於佐敦之會所, 好正架.

私人傳訊

積分: 2466

1882^#

發表於 08-1-12 20:23 |只看該作者

我都想呀,不過朗爸27號係公司的annual dinner, 我地玩唔得夜.

頭先朗朗發脾氣, 我一邊緊佢, 佢阿嫲響側邊呵番, 完全無教育作用, 講明我教時佢唔準插手, 點知朗朗一叫佢就出馬護駕, 激死我!

私人傳訊

GCPG

積分: 734

1883^#

發表於 08-1-13 09:25 |只看該作者

咁又幾激氣喎, 你試下下次抱朗朗入房教ah, 搞掂先出返黎, 佢想插手都唔得啦.

[ 本文章最後由 GCPG 於 08-1-13 10:46 編輯 ]

私人傳訊

積分: 4978

1884^#

發表於 08-1-14 13:15 |只看該作者

Heidi都會帶埋tingting嚟。

到時睇下大家玩到點先再決定都唔緊要，我冇問題。

sherry，都知係sheena爸生日，咁你地會唔會係下午都join到我地一齊玩?

ivy，今日好似係放完產假番工lu噃，同凝凝係布吉係咪玩得好happy呢?

kelly，總之對老人家真係又愛又恨啦，朗朗嫲嫲都係太錫個孫啫，睇佢個日真係旁住係朗朗側邊形影不離，又難怪嘅，再同佢溝通下，講清楚囉。

我爸爸都係，近來成日靜雞雞比朱古力cara食，仲要成日都係食飯前幾樣零食咁比佢，真係講極都唔聽 :tongue:

私人傳訊

jess647

積分: 2084

1885^#

發表於 08-1-14 13:54 |只看該作者

我亞媽都係咁架......有時都幾火滾......

Ada,
獅子會嗰度難唔難泊車? 如果ok,我想book定車.

Marsha現在我係度時,佢一日2-3餐奶,飲幾多我唔知,不過我估全日都唔會超過9oz,另外再吃二餐飯or粉麵,份量不定,時間就起碼一個鐘一餐,仲要係吃唔晒. 如果我唔係屋企,每日就加加埋埋可能飲20ml奶,我叫工人俾d芝士同yogurt佢吃,麵包佢就間唔中吃幾啖,半塊都吃唔晒,唉........前日上嬰兒醫護睇,見到好幾個bb吃solid嘅情況同Marsha好類似,甚至有過之而無不及,不過佢哋勝在肯飲奶........我試過加少少阿華田入奶,佢都冇興趣,又走去買蒙牛嗰d保久乳,諗住當果汁咁俾佢自己揸住飲,都係失敗,唔知仲可以點?

私人傳訊

積分: 4978

1886^#

發表於 08-1-14 19:30 |只看該作者

jess，

其實都好depends當日多唔多車泊係度，如果係正park個停車場full左，我地都可以泊係對面馬路入嘅北港村度，到時可以bb&mama落車先，麻煩d爸爸泊係對面，行番過嚟park都係10分鐘左右路程啫，ok嘅，你book定車啦。

我聽日出trip，要sun先返，我驚係大陸唔知上唔上到bk，如果有咩問題又唔見我出現，sms比我啦！

私人傳訊

GCPG

積分: 734

1887^#

發表於 08-1-14 23:10 |只看該作者

Jess,
聽你咁講睇黎Marsha都唔算食好少野呀, 只係少食多餐啫, 唔洗太擔心喎, 唔知你地有冇聽過一個Dr. William Sheldon 的性格分類法, 他提倡一體型心理學, 將人類分成三種主要體型, 即圓型, 方型及長型, 圓型孩子喜歡吃好的, 喜歡與人親近, 方型孩子十分活潑, 卻好爭競, 長型孩子瘦削對食物卻不熱衷. 對運動也不感興趣.
或許Marsha就是本來對食物就不熱衷, 如果這是她的個性, 你再心急也是幫不上忙了, 明白孩子可能屬於那類型, 可能會舒緩你的憂慮.

私人傳訊

積分: 2466

1888^#

發表於 08-1-15 16:07 |只看該作者

唉！總之就激氣啦，如果係自己父母梗係會直斥其非啦，對住嫲嫲唔得囉，要經過老公把口，我又唔係成日見到老公，佢又唔係成日得閒或記得同佢阿媽講。

Jess，我細個時都好偏食下架，到左大個先好些少，睇Marsha 健健康康咁精靈，都唔使擔心咁多嘅。

朗朗仔昨日有點咳咳，本來打歲半針架，現在變左食藥水。

27 號是朗爸公司的annual dinner，佢要六點鐘到中環，所以只會送我地入去玩一陣，跟住就我倆母子，如果係去Ada 家再玩，咁我地就唔會推車仔。

私人傳訊

jess647

積分: 2084

1889^#

發表於 08-1-15 23:10 |只看該作者

多謝妳們安慰我,其實我心裡覺得佢雖然唔飲奶,只要吃d有營養嘅食物,就算份量少d,都未必太差,不過身邊的人總是有d微言,成日將Marsha同家姐比較,乜乜家姐嗰陣時大隻d,都係因為肯飲奶粉,就連我老公,都多少對我餵人奶到而家有意見,佢覺得係因為我,所以Marsha對奶粉接受度先至會咁差......我心裡都好大壓力.

Peggy,
說來慚愧,雖然做咗兩個女嘅亞媽,對於妳所講的完全沒有涉獵,可以麻煩妳提供多一些資料等我又可以搵來參考下嗎?我好有興趣!

現在我開始將以前湊Sabrian時嘅書摷出來睇,發覺Marsha進入"麻煩的二歲兒"早過家姐,可能屋企有其他小朋友,反叛同頑皮完全有版可睇,仲學到十足十,屋企兩位工人大小姐又日日向我忍耐極限挑戰,最近真有點吃不消......工人覺得我們要求太高,但對我來講,之所以請兩個工人,就係希望可以多個人手,分薄每個人的工作量,空出多d時間來達到我們想要嘅模式,咁都唔得我要兩個來做乜?仲要其中一個舊工人一個月收多我500蚊tim.......
上個星期佢準備Marsha沖涼水太熱,燙到Marsha對腳紅晒,完全冇歉意不得止仲賴呢樣賴嗰個,真係令我火滾,如果唔係近排飛得密,都唔會再忍氣吞聲,而家搵緊replacement,一俾我搵到就炒咗佢......

又長氣咗.......
想問下大家,我想由3月份起同Marsha玩d playgroup,唔知大家有乜心水同好介紹呢?

私人傳訊

GCPG

積分: 734

1890^#

發表於 08-1-16 23:52 |只看該作者

Jess,
我睇的是Louise Bates Ames 原著, 張子方譯的你的一歲孩子, 出版社係信誼基金會, 呢個網址有很多親子教育問題及父母個人成長資訊, 你得閒都可以去看下, 文章例如孩子嗌到喉沙怎辦, 怎樣提高專注力等.

作者一再強調一歲三個月, 一歲六個月及一歲九個月的發展都不同, 我驗証他前部份的理論及描述都頗準確, 現在我們的孩子處於一歲六個月, 是尋索自我高峰期, 所以在他們開始有主見的時候, 作者說儘量不要跟他拗, 可以解釋, 但不用堅持, 要多愛護, 扶助他渡過尋索自我的過程, 說道理時而又不失關係, 有時他們想表達們又不懂表達, 他們已經夠沮喪, 如果作父母也不幫助她,他們便更失落, 可能脾氣更大.

作者沒有明言這是否trouble two 階段, 我不肯定他們是否已踏進trouble two, 卻只是如作者所說, 是一歲六個月的反叛高峰期.

此外, 此書還有探討孩子的智商能提高嗎這個主題, 我也參考愛恩斯坦不玩識字卡的理論, 大概意思是用大自然教育方法來提升智力, 而不用大力崔谷, 甚至有損孩子渡過快樂童年的階段.

兩書我皆未看完, 閱畢後再仔細分享.

私人傳訊

sherryyeung

男爵府

積分: 9949

hashtag影視迷勳章畀面勳章環保接龍勳章 BK Milk勳章

1891^#

發表於 08-1-17 16:50 |只看該作者

peggy
你快d睇完d書, 做個讀後報告比我地睇, 你知啦, 周公吸引力大過本書 ......

sheena尋晚無拿拿發燒, 約99度, 今朝又無乜事, 真係唔明點解 ......

仲有, 請問大家有無bb床可以比我呢? 小b會6月出世, bb床將會短暫性用, 等佢大個d再重組佢地間房 ......

不是每段愛情都會有美好的結果;
但一段關係如果缺少了愛與包容;
就注定會失敗。

「人生若只如初見，何事秋風悲畫扇？」納蘭性德《木蘭花令 · 擬古決絕詞》

私人傳訊

積分: 2466

1892^#

發表於 08-1-18 11:02 |只看該作者

個人覺得閃卡只適合用來死記生字，例如學外語要記聲母，動詞變化等最有用，用來學其他野就會好悶，唔好玩。

私人傳訊

jess647

積分: 2084

1893^#

發表於 08-1-19 17:15 |只看該作者

各位姊妹,
我想由3月開始同Marsha參加d playgroup,唔知大家而家玩開嗰d有冇什麼好介紹?
另外,27日來唔到了,要返鄉探婆婆......下次再join過.

去咗健康院磅重,姑娘話Marsha生長線的確係放緩咗,仲要跌破50線,不過話唔駛擔心,唔係2,3個月之內下跌咁多,可以觀察多半年,假設跟住落去2,3個月體重都係不重反輕,先至約時間再磅,睇下需不需要見醫生.

私人傳訊

neway77

複式洋房

積分: 305

1894^#

發表於 08-1-20 12:24 |只看該作者

我都想o黎呀,你地幾點係邊度等呀?

原文章由 acpurples 於 08-1-14 19:30 發表
jess，

其實都好depends當日多唔多車泊係度，如果係正park個停車場full左，我地都可以泊係對面馬路入嘅北港村度，到時可以bb&mama落車先，麻煩d爸爸泊係對面，行番過嚟park都係10分鐘左右路程啫，ok嘅，你book定車啦。

我聽日出tri ...

私人傳訊

積分: 4978

1895^#

發表於 08-1-20 19:32 |只看該作者

番嚟啦....

南京凍到陣，我地係奧運會場入面攪event，個場太大，d暖氣要開足幾個鐘先叫左feel到少少，朝朝早凍到腳都痺晒，又一定要著裙裝，唯有放兩個細暖包係腳板底踩住對鞋，勁攪野...

jess，真可惜，又見唔到marsha添..:cry:

neway，我地兩點半係獅子會等，可以各自先入park，入口左近有個大涼亭，可以先係個度等埋一齊。

ivy，應該返左嚟架，唔見佢嘅? 唔知佢嚟唔嚟呢?

私人傳訊

小豆媽

積分: 3348

1896^#

發表於 08-1-21 11:29 |只看該作者

Hi !
好耐冇上來la, 大家好嗎 ?

私人傳訊

積分: 4978

1897^#

發表於 08-1-22 11:31 |只看該作者

原文章由 小豆媽 於 08-1-21 11:29 發表
Hi !
好耐冇上來la, 大家好嗎 ?

真係好耐冇見，兩個囡囡好嗎?

尋日去左梁淑芳到，佢一聽到話我女而家有飲下鮮奶，即刻話好可惜，話佢一向全人奶係100分，做乜要咁極端比d 0分嘅野佢，仲話飲咩都好過飲牛奶。

細節係度，有興趣可以睇下

http://babycara.blogspot.com/2008/01/blog-post_1279.html#post

私人傳訊

積分: 4978

1898^#

發表於 08-1-22 11:42 |只看該作者

sherry，我女張bb床9月時比左我朋友用，如果到你小b出世時佢唔再需要，可以比你架。

jess，至於playgroup，都會諗住weekend一直比cara返kindermusik，平日佢就返leapfrog，一個星期兩日，so far都返得幾好。leapfrog係under hkppa嘅，係非牟利機構，你可以去佢地個website睇睇...

www.hkppa.org

kelly，藍藍媽同heidi都會先嚟我屋企食晏，你係咪都約左其他媽媽到時2:30pm係park門口等?

私人傳訊

積分: 2466

1899^#

發表於 08-1-22 15:05 |只看該作者

大陸呢方面設施認真麻麻, 一係唔夠暖, 一係熱到出汗. 放暖包入鞋都咁比你諗到!?

我約左Fanny 同Canary 兩點半至三點獅子會見, 要不要推遲至三點? 當日老公要六點到中環, 有咩車可坐出去?

唔好話南京, 香港上星期都好凍, 朗朗仔有點傷風, 睇左兩次醫生都唔斷尾, 現在就無咳不過有少少鼻水, 但唔無帶佢去睇, 等佢自己好, 所以到現在都未打歲半針.

Jess, 咁都無需擔心丫, 你都帶Marsha 上kindermusik 丫,好好玩架

小豆媽, 兩位千金好嗎?

Ivy 剛返工應該都好忙了...放工要湊凝凝同二小姐.

私人傳訊