fattybb 寫道:
好長篇, 希望大家唔會覺得煩..................
我同我老公拍拖12年, 結婚3年, 個仔兩歲, 同佢由拍拖都知佢脾氣唔好, 好少爺, 因為屋企縱慣, 10幾年嚟都係3日唔埋就吵一次, 好少好少嘅事都會令佢發大脾氣, 仲要一嬲可以嬲好耐, 我個人比較心軟, 同好快就無事, 所以次次佢發脾氣嬲, 都係我開聲先, 可能我太就佢, 有好多次都好想同佢分手, 但係一訓醒我就會下咗啖氣, 之後拖拖拉拉就10幾年, 之後仲結埋婚, 生埋仔, 就算呢3年婚姻生活都係吵吵鬧鬧之下過.
最近我地plan要搬, 因為個仔要返學, 我地睇中咗層樓, 不過個業主企得好硬, 我老公從來都當我係水泡, 有咩事都係我企出來講, 所以同agent溝通都係我, 個業主開380萬, 不過佢有裝修, 我地計過裝修費慳返, 所以試還365萬, 講咗幾次 ,老公意思375萬, 不過要agent唔收佣, 我都依佢意思同agent講, final agent 要0.5佣, 咁我咪同佢講囉! 點知佢又係第一時間發脾氣, 其實我同佢講點解唔可以平心靜氣商量, 要發脾氣, 佢咩都唔講, 剩係覺得我做唔到佢要求, 我心想講真都係差萬幾蚊, 我地真係搵咗好耐都唔啱, 難得呢間ok, 點知老公話俾多萬幾蚊唔得, 為啖氣喎.........跟住一直發我脾氣, 直至到返到屋企食飯, 佢即刻鎖埋入書房, 連飯都唔出嚟食, 我都唔知踩到佢邊條尾.............
之後個仔叫咗佢好多次, 到夜晚成12點左右先開門, 同佢又再講呢個問題, 佢話我唔同佢坐埋一條船, 幫d agent喎! 總之佢為啖氣個agent唔減埋, 就唔會買, 講真我覺得我老公好野蠻! agent唔係一定要free俾佢喎!
講咗一輪, 成件事都係無結果, 我其實知道再睇以依家d價錢, 無裝修都要咁嘅價, 如果加埋自己裝修, 分分鍾仲貴過俾多呢萬幾蚊, 係我老公仲咩都無深入去想, 其本上佢咩都要我幫佢安排, 但係又唔順我意, 之後佢仲好惡order我去整嘢俾佢食, 佢係用好差嘅態度order我, 雖然我好唔順條氣, 但係我都去整咗俾佢, 我唔想個仔見到我哋嘈, 點知俾佢時, 一來我心情唔好, 係大力放低咗, d湯有少少淺咗出嚟, 之後我放低埋個仔俾佢, 佢成日話自己好鍚個仔...我就自己返房抖吓氣.因為我仲好唔開心...
點知佢將個仔放咗出嚟個廳度, 個仔係咁喊, 佢知我唔忍心, 迫我揍返個仔, 我當然第一時間睇番個仔, 我話佢點可以咁對個仔, 會嚇親佢, 佢仲發我脾氣, 倒晒d面, 我好嬲, 佢趕我出書房, 我話我巳經整嘢俾你食, 即係當無事, 點解你要倒咗去, 佢話佢鍾意點就點, 唔使理我感受, 佢係大爺喎...我死都唔肯出, 因為我知佢一鎖埋就唔知鎖幾多日唔見人, 因為佢成日都係咁, 一個星期梗有一次, 佢係咁發脾氣, 仲掟嘢, 整到成屋亂晒, 仲扯我出房, 我當時手抱住個仔....我叫佢唔好再响個仔面前發脾氣, 因為係佢應承咗我好多次, 佢話佢係控制唔到係要發, 唔使理任何人, 但係都無做到, 佢之後就走咗去toliet好耐, 我真係唔想再嘈, 真係好累, 我都仲好亞q, 執返晒d嘢, 仲心諗, 算啦, 為個仔唔好再嘈啦, 於是我見佢仲响toliet, 我走去整嘢俾佢食,我心想見到我整嘢俾佢食, 都應該落咗啖氣啦, 我剛放低响書房, 佢就出嚟, 佢竟然即刻倒晒d嘢食, 我嗰一刻好嬲, 抱住個仔返房係咁喊, 點解呢個男人可以咁對我, 我巳經讓咗好多步, 點解.........我真係嫁錯人, 我將來嘅日子點算, 呢d發脾氣嘅生活我好累, 仲有我唔想個仔响呢d情況下成長, 我好想離婚, 不過一想到小朋友, 到雙方家長, 我就行唔出第一步, 我連返外家住嘅勇氣都無, 我唔想父母擔心, 同呢個人一齊, 不論工作, 家庭都要我自己一個人照顧, 佢跟本就無責任心去照顧我同個仔.............我可以點????
適當既時候好應該作出適當既反應, 就以今次為例即使你唔想返外家, 亦無須去睇佢面色 
一於比個下馬威佢睇, 目中無佢, 當正佢係一個同屋住就算, 佢既然咁唔領你情倒曬你所煮既野, 從今日起你就唔好再煮野比佢食, 佢話肚餓叫佢自己煮, 寸d的話, 連野都唔使講帶埋個仔返入房唔理佢, 直至佢頂唔呻黎搵你傾為止, 少爺仔又如何 
家陣成家立室就係大人黎, 要做少爺就叫佢返62 99到 
你想日後有好日子過, 從今日起就要抬起頭做人, 你之前有板你睇, 讓步都唔見得有好日子過, 既然係咁何須再讓步呢 
醒下啦老友 
到時 2 個大爺你仲有排受 而且會累到個仔都變成咁,佢大個邊個就佢
ptm_sarah 寫道:
睇完你個case, 我覺得你湊梗個小朋友, 你可能真的太千就佢喇!! 佢唔食咩由佢囉! 佢餓自然諗辦法啦為咩你又要幫佢整多碗, 可能你又真的太心軟, babytszkin講得對, 要比佢知你的底線, 唔係次次鬧完交就要你叫回他的, 而且錯的是他, 他應該向你認錯才對. 到現在又不可以說是嫁錯人, 只有怪自己平時太千就和寵佢. 你又了解佢的性格唯有對症下藥, 慢慢更正佢啦, 但你一定要學心硬先得.
發表於 
發表於 
返回列表
