跳至

首頁
1

尾頁
   0


伯爵府

積分: 18101

好媽媽勳章 醒目開學勳章


發表於 07-6-11 11:54 |顯示全部帖子

當了五個月媽媽的感受

話咁快阿仔五個半月啦,感受良多,回想舊年十一月尾開始放產假,因為好多人都話我會早生,但一直都等不到阿仔出來,他足足遲了4天才願出來
出院沒怎坐過月,只有我自己照顧阿仔,又要煮飯和做家務,好在c6回來也有幫手,不過記得在阿仔10多天,因為太累睡著,坐在梳化時把阿仔跌落地了,那次真的把我嚇死,c6不斷說沒事,叫我不囡擔心,那段時間真的以為自己有產後抑鬱呢 還好現在看真的沒事,阿仔還相當頑皮,時常把我弄得透不過氣來
可能我是c6的第二任太太的關係,他之前已有兩個小朋友,所以我很怕有比較,每每都想做到最好,很怕比他前妻差,令精神更差,不過阿仔好像和他很有綠似的,出世以來,見他就笑,到他開始懂發聲,一見daddy回來就會說不停,兩個多月第一次發出笑聲也是和daddy玩,試過daddy不回來不睡,一回來對他說goodnight就立即睡了 他的家人見到阿仔也很開心,可能因為阿仔成日笑的關係吧!
而家出到街,好多時都會俾人估阿仔比實際月齡大一、兩個月,真的很開心 ,每次聽到有人讚我揍好時都有d想 :-( ,因為我做到啦,媽媽早過身,和男家的關係又不是太密切,全程自己一腳踢,真係有苦自己知 :-( ,未生時成想話自己唔可以對住個bb一日,一定要出來返工,寧願請人揍,但現在,真係見少一陣都唔得,話就話真係好


男爵府

積分: 5653

醒目開學勳章


發表於 07-6-11 12:53 |顯示全部帖子

Re: 當了五個月媽媽的感受

真係辛苦晒你啦!你既努力係唔會白費架!仔仔第日一定會孝順你架!


大宅

積分: 2614


發表於 07-6-11 13:31 |顯示全部帖子

Re: 當了五個月媽媽的感受

比心機繼續努力,相信你個仔仔將來一定會孝順你既,因為你咁辛苦湊大佢,係啦有時見到自己個b對自己有d反應有d笑容,就真係咩辛苦嘢都唔記得晒,所以你要努力,

add oil


別墅

積分: 851


發表於 07-6-11 17:36 |顯示全部帖子

Re: 當了五個月媽媽的感受

kayingivy,
你真係好叻呀! 自己一腳踢湊阿b同做家務, 勁呀!


伯爵府

積分: 18101

好媽媽勳章 醒目開學勳章


發表於 07-6-11 21:33 |顯示全部帖子

Re: 當了五個月媽媽的感受

我都估唔到自己得,但我有一句坐右銘“馬死落地行”,可能媽早走的關係,所以十幾年來所有事都係自己搞掂


複式洋房

積分: 461


發表於 07-6-12 09:46 |顯示全部帖子

Re: 當了五個月媽媽的感受

你好強呀!阿B會知架..實錫哂你 :lol:


伯爵府

積分: 18101

好媽媽勳章 醒目開學勳章


發表於 07-6-12 10:56 |顯示全部帖子

Re: 當了五個月媽媽的感受

而家個仔成日周圍爬,成日顧住玩,好心野,真係睇少眼都唔得,之前想開始俾糊仔佢食,但一食就唔係好食奶,所以而家都無俾住,都唔知幾時開始俾佢好


別墅

積分: 900


發表於 07-6-12 11:58 |顯示全部帖子

Re: 當了五個月媽媽的感受

做咗阿媽,特別懷念自己阿媽.
kayingivy,我真係覺得你好叻,依家辛苦啲,第時你就"合皮"啦!
我要返工,做唔到全職媽媽,但係每晚放工返到屋企見到個囡,真係咩辛苦都唔記得晒,亦都好期待個女會識行識走,同我一齊行街濕平,又好期待個女識講嘢,同我傾密計,不過講到尾,我都希望佢可以快快樂樂咁成長,而無論佢幾大個,只要拎番轉頭,就會見到媽咪企响度等緊佢.


伯爵府

積分: 18101

好媽媽勳章 醒目開學勳章


發表於 07-6-12 12:06 |顯示全部帖子

Re: 當了五個月媽媽的感受

lovetiana,
你真係講得無錯,“做咗阿媽,特別懷念自己阿媽”,我真係無時無刻都掛住阿媽,次次諗起都想喊,見到人


男爵府

積分: 5331


發表於 07-6-12 12:37 |顯示全部帖子

Re: 當了五個月媽媽的感受

kayingivy


1月份新手媽媽來說, 見你留言, 我覺得你是最叻架!!!

唔知以為你是第二任媽媽, 見你好有經驗同埋湊得你個仔仔好叻叻.


伯爵府

積分: 18101

好媽媽勳章 醒目開學勳章


發表於 07-6-12 13:11 |顯示全部帖子

Re: 當了五個月媽媽的感受

yinyin,
好多謝你


大宅

積分: 1507


發表於 07-6-12 15:15 |顯示全部帖子

Re: 當了五個月媽媽的感受

你真係好犀利呀,自己坐月.....
見到呢個topic,真係好開心,我都想分享下:
我坐月時奶奶都冇黎幫手,我亞媽又要返工,好彩我老公請左兩個月大假陪我,但佢唔識換片,掃風 ,而且我餵人奶,所以頭一個月都未試過連續訓多過三個鐘,日日冇覺好訓,完全冇晒自己時間,精神情緒都唔好,經常發脾氣,老公就首當其衝,做我第一道箭靶了......雖然有時他也有一兩句怨言,但他仍不停地負責買送,煮飯,煲湯,洗碗,洗衫,掃地,拖地等所有家務.......

0個時每隔三個鐘都要拍醒個女食奶,有時搞極都唔醒,我就會好忟(而家就噯極都唔訓>_<),尤其係半夜時間,簡直攞命,食完後又掃風,換片都要搞成個幾鐘.....有時換左片食奶,食食下又呵,又要換,到食完再呵,又換,食一餐換三次片,你話癲唔癲丫,唔換佢又唔肯繼續食.......有幾次換片期間繼續呵,搞到件衫都有,要換埋衫......有時掃風拍兩下已ur到風,有時拍成十分鐘都無,手都斷啦......
只有老公同我服侍佢,冇人幫,冇人教,冇人問,初初同佢沖涼都有d手忙腳亂,又驚凍親佢,又驚浸親佢,甚至連衫仔都唔識點著.....每一part都係挑戰咁
有一晚半夜三點幾我差點受唔住了,我的確很沮喪,又很煩躁,很想星她兩把掌,打醒她繼續食......我心想"為何我辛辛苦苦的生下來,卻又令我更辛苦的捱下去呢??冷靜過後,心裡卻很內疚!我不是要做個好媽媽?把最好的給她?最差的留給我嗎?我不是一直都要守護著她嗎?為何我會生起如此可惡的念頭呢?我不禁哭起黎了......(以為自己有產後抑鬱添)
猛長期時,每日被她那震耳欲聾的哭聲弄得心緒不寧,被她那哭得快斷氣的表情嚇個半死。心知這是新手媽媽必經之路,但每每走在這條崎嶇小路上時,卻換來淚眼連連。自問愛心大把,但耐性不足的我,是否適合教育小孩呢?
坐月時奶奶上過黎幾次(冇幫手,好似睇示範單位咁>_<),每次都俾壓力我,都是我預期之內,要聽到一些我唔想聽既說話,要默認一些我唔認同的意見,要敷衍一些我無興趣的話題,而我亦一樣係意見接受,做法照舊囉…….我知佢係驚我唔識湊,但我只會聽現今健康院的指引,而唔會聽佢三十年前的"經驗"架!!我有自己的思想架,唔需要有人從旁指指點點架!!
kayingivy:你講到"人比人比死人",其實我都有比較過點解人地bb三個月就識反身,我女要成五個月呢?點解人地bb訓覺可以咁平靜自己訓,點解我女要又噯又哄,抱到腰骨痛先肯訓呢??但我唸真佢係我個女,係獨一無二的,如果比較我又唔開心,佢又有壓力......咁何必呢??
你話>>未生時成想話自己唔可以對住個bb一日,一定要出來返工,寧願請人揍,但現在,真係見少一陣都唔得,話就話真係好


伯爵府

積分: 18101

好媽媽勳章 醒目開學勳章


發表於 07-6-12 16:59 |顯示全部帖子

Re: 當了五個月媽媽的感受

我坐月時真係好辛苦,連買


大宅

積分: 1446


發表於 07-6-13 00:59 |顯示全部帖子

Re: 當了五個月媽媽的感受

我就比較好彩,因我媽咪係做校車保母,係我坐月個時,佢每朝早送完D小朋友返學,就會買餸黎我屋企煮飯比我食,幫阿女沖涼,餵佢食奶,預備好夜晚餐飯餸之後,大約下午2點就會走,之後就會由我自己湊返阿女。有時老公都會早D返屋企幫手(佢係做保險嘅,所以D時間比較自由),不過多數都係我搞掂阿女。好彩,阿女都好乖,淨係食同瞓,唔係幾洗抱佢,通常佢一食完奶就會自己係床度瞓,咁我就會係呢D時間做下家務LAW。
宜家返左工,我每一日都會湊阿女過老爺屋企比工人湊,夜晚放工買完餸就會湊返阿女返屋企,煮飯做家務。雖然有時都會覺得幾辛苦,但係一見到阿女對住我好開心咁笑,就咩辛苦都唔記得啦。
我奶奶都有成日黎睇BB,但其實我真係唔多想佢成日黎,因為佢每一次黎都會話呢樣個樣,又成日同阿女講阿媽唔理佢,唔比佢食奶,其實係佢自己爭住抱阿女同餵佢,搞到我勁唔開心,有時仲自己坐係度 :-( ,好在我老公知道我唔開心,會 佢阿媽咋。
我阿女宜家比我湊到幾得意架,成日都搵人玩,見到個個都會笑,又唔扭計,可以自己玩,唔使人抱,夜晚沖完涼食完奶就自己係床度瞓,一覺瞓到第日我起身返工先叫佢起身,WEEKEND就一齊瞓到10:30左右先起身。
有時諗下咁快阿女就黎5個月啦,睇下佢啱啱出世時個樣同宜家真係唔同左好多,好開心架。
大家都繼續俾心機湊大自己個BB,唔好諗D唔開心嘅野啦!

首頁
1

尾頁

跳至