夫婦情感

跳至

首頁

尾頁
   0


侯爵府

積分: 24393

醒目開學勳章


發表於 07-6-11 15:14 |顯示全部帖子

我和老公之間的第三者 ---- 佢亞媽

唉..........曾經本住, 我都係人地個仔女, 所以初初結婚同佢父母一齊住. 後來知發覺大家根本就係兩個極端世界既人, 為免同佢亞媽鬧交收場, 所以迫我老公搬走. 我老公就當然覺得個d唔係mei既問題啦. 但係我就真係情願唔要個老公都唔情願同佢亞媽住, 因為再係咁, 我會顛.

1. 我每次番到屋企, 若果係買左野, 我通常都會放係近門口的那張飯檯, 然後入房. 係我一入屋期間, 佢亞媽已經用對眼想透視個袋裏面係mug野黎. 不論我買既係大包, 定少包, 超級市場定係什麼舖頭都好. 有一次我如常放低d野跟住入房, 點知漏左野出番廳到攞. 點知就俾我見到佢亞媽係度打開袋野 "裝"緊入面d係mei黎. 佢一見到我開門, 就扮若無其事咁走開.

2. 佢亞媽每朝都好早起身的, 每朝5點幾就必定聽到裝水煲茶既聲音. 即係每朝5點幾我必定俾人嘈醒.

3. 個年做緊細界盃, 我有了bb. 佢兩老每晚凌晨都必定睇的. 但係佢地可以開到個電視機同日頭咁大聲, 所以我每晚又例必俾佢地嘈醒, 佢地仲要一路睇一路講. 唉........佢地完全無理過我第二朝是需要番工的, 當然亦無理過我有了bb, 是需要休息的. 到有一晚我忍唔住, 我就走出廳到好唔開心咁坐係度, 坐下坐下, 我覺得我好慘, 我覺得佢地痴線架. 但係我又唔可以出聲鬧佢, 唔通我晚晚叫醒我老公黎叫佢地細聲d咩. 但係我又每日都要番工, 夜晚又無得訓............最後我忍無可忍就開大個hi-fi, 開了一陣, 佢地終於頂唔住, 關了房門看波. 佢地一關了門, 我就關了hi-fi番房訓. mug佢地都會覺得人地嘈既mei??

4. 佢家姐都係度住的, 咁佢亞媽洗完d衫就會分番開俾我地. 但係有一日, 我居然見到佢家姐著住我件衫. 我明老人家分錯左係唔出奇, 奇在佢家姐可以唔知道件衫唔係佢自己既. 仲有, 件衫從始都無再係番過去我身邊了.

5. 佢老豆關門都好大力的, 我個剛出世的bb被他嚇得成個人彈起身. 每次訓覺都會訓訓下 "彈"一彈的. 我老公跟他老豆講了很多次都係咁.

6. 佢地兩老經常都唔鎖門, 有次甚至乎連大門都關唔埋, 鐵閘又無鎖.

7. 當你話這碟餸好食你就死了. 佢亞媽可以係跟住的3, 4天每天都會整這蝶餸, 係日日新鮮整的.

8. 每餐就係咁叫你食, 食, 食, 但係D餸根本就唔好食. 點食喎. D豬排可以整到有陣味的!!!

9. 佢亞媽將我D 衫洗到染晒色, 我D BRA全部都染晒色. 我有了BB要去檢查, 所以染了色不能照著, 全部要買過新的了.

最後, 一間屋變成我自己煮我同我老公既飯, 我自己洗番我地自己既衫. 我自己做番完全很樂意, 只係覺得好怪, 好怪咁.

10. 我係醫院生BB, 佢黎探我, 咁啱我去了廁所(個廁所係個鬧病房內的), 佢好大聲咁係到哎我個名. 唉...........當然令到其他病床的媽咪以為佢做MUG啦.

11.佢地去廁所係唔單止唔鎖門, 連門都唔關的. 有時我唔知, 推門先知度入面有人. 唉..........我真係覺得係一個公廁咁.

12.我剛生完個仔, 佢係屋企刨姜(係大量既姜喎)做姜醋. 我要出一出街, 所以叫佢幫我睇住個BB. 我見佢整緊呢D野, 係咁意REMIND下佢, 叫佢隻手千期唔好掂BB對眼同塊面. 佢話MUG整完姜唔可以掂既MEI??

13. 約了朋友上黎打麻雀, 原本打得好開心的, 佢一番到黎, 就係咁企係我地後面係咁睇住. 可能佢只係好耐無打麻雀想睇下, 但係問心, 有邊個後生既會鐘意人地係到望住晒架. 所以係佢企係度咁耐, 另外2個FRIEND同我都無出過一粒聲. 最後我要打眼色叫我老公叫佢番入房.

好啦, 終於都有自己既家庭, 但係都依然避佢唔到:

1. 到我生第2個時, 佢又走去對面床度拉開D人地既床簾到睇人地BB. 人地當然唔駛同佢客氣啦, 人地即刻就拉番埋張床簾唔俾佢睇人地個BB. 好彩人地係明事理, 知道唔關我事, 所以佢亞媽走左, 我同人地講唔好意思, 我阻止唔到佢. 人地都無野, 照樣同我傾計. 但係佢已經搞到我好"羅"了.

2. 我生左第2個(已經同佢分開住左幾年了), 出了院, 佢又話要帶佢個朋友黎睇個BB. 佢明知我間屋係個BB一出世就要大變身, 咁係幾日間當然執唔切, 成間屋都好亂啦. 同埋, 我真係唔想見到佢, 佢好精咁打俾我老公, 同我老公講話要上黎, 咁就唔會俾我REJECT佢啦. 仲要係呢頭打上黎, 一陣就到喎. 完全唔駛問過人得唔得架. 佢個咁既死人FRIEND係睇完BB後話, 間屋都好亂喎............ 我個刻嬲到火燒咁呀, 我即刻話, 係呀, 我執緊屋, 都無諗過有人上黎架. 頂佢呀, 無啦啦令我俾人話間屋亂, 仲要係個9唔搭8既人.

3. 初頭唔知點解會被左間屋既鎖匙佢, 有一日我地一家3口係晒到, 突然聽到有人開鐵閘聲, 好彩係日頭白白. 我叫我老公即刻去睇下邊個, 原來係佢亞媽.......完全無打電話黎就上黎. 之後我即刻要我老公收番條鎖匙.

4. 佢幫手湊我個仔, 但係就寵到我個仔死死下. 任佢鬧, 我個仔成個月唔食飯又唔出聲話俾我地知(當然佢無本事可以阻止我個仔啦). 一個幾歲的細路唔食午餐成個月都可以唔出聲??? 我個仔一路做功課一路睇電視又唔話俾我地知. 雖然佢有叫我個仔唔好睇, 但係佢根本無辦法可以STOP到我個仔. 因為平日佢已經被寵至唔驚佢的.

5. 我個細路試過去了佢屋企2,3個鐘就俾佢搞到病左. 原因係佢俾紫菜佢地食. 食一塊兩塊就梗係無事啦, 但係你知D細路一食就唔會停的, 而佢又無辦法阻止, 所以我個女就係咁食到咳到死死下. 最尾我又要俾幾佰蚊同佢睇醫生.

6. 佢係一D唔會煲涼茶既人, 只會煲花旗森水. 我大個個飲左無事. 所以佢又照俾我細個個飲, 點知, 又搞到佢係咁咳咳咳, 我又要用$同佢睇醫生.

7. 佢又話要求D MEI神茶俾我D細路飲. 我話佢帶佢地去拜神就無問題, 但係就一定唔可以飲D神茶. 咁當然, 佢又會覺得我亦佢意啦. 雖然D神茶唔係D香爐灰, 但係我情願帶佢地睇 醫生好過就咁求番黎. 你話得番3個月命既, 咁就梗係飲左都無防啦, 博一博都好嗎.

8. 我中屋裝修, 佢就上去仲多過我呢個女主人. 我極唔鐘意, 我老公就話唔通唔俾佢上咩, 佢黎睇下之嘛. 我話, 佢根本就係8. 但係我老公死都話唔認, 仲要話佢係關心我地喎. 我聽到佢死都幫住佢亞媽就仲興, 我話關心, 咁佢有無問過我地裝修夠唔夠錢呀? 無, 係從來都無呀. 咁樣叫關心咩?

9. 我新年買D野去俾佢, 佢例牌第一時間睇下成袋野係咩黎. 我同我老公講, 我話我好唔鐘意佢咁樣呀, 好無禮拜. 好似係到睇下我買D野CHEAP 唔CHEAP咁. 我老公話, 佢唔係咁既意思, 佢諗住若我買了貴野就叫我LING番去食. 我話, 我買得俾佢就係俾佢架啦, LING MEI番去呀.

10. 搬屋既時候, 叫左佢唔駛幫手搬D野, 費事佢跌親要入醫啦. 但係佢叫極都唔聽, 所以我打左俾我老公同佢報案話你亞媽而家係我地屋企搬緊野, 叫左佢唔好搬佢係都要搬. 我叫我老公打佢阻止佢. 點知我老公話, 佢話唔聽架啦, 由得佢啦. 我話一陣有MEI事, 你D BROTHERS & SISTERS唔知, 以為我地為了省搬屋錢叫佢搬野呀. 佢係都唔打俾佢亞媽, 我話, 是但啦, 佢係你亞媽唔係我亞媽, 有事既話都唔好話我今日無出過聲.

還有很多, 不能盡錄!! 我同我老公經常因為佢而鬧交, 尋日先至又因為佢而鬧完. 我想問, 你地覺得我無理取鬧嗎???


別墅

積分: 521


發表於 07-6-11 15:35 |顯示全部帖子

Re: 我和老公之間的第三者 ---- 佢亞媽

你好叻啊....走得快好世界啊......
加油!加油啊!


珍珠宮

積分: 47101

2019新春慶豚圓 2019勳章 醒目開學勳章 環保接龍勳章 15週年勳章 親子王國15週年勳章 親子王國15週年勳章


發表於 07-6-11 16:12 |顯示全部帖子

Re: 我和老公之間的第三者 ---- 佢亞媽

我無99...而我同男友婚後頭兩年都應該要同太99住

我覺得你99同我個極品太99既難頂程度簡直不相伯仲

我支持你....真係早走早著


伯爵府

積分: 17461

好媽媽勳章


發表於 07-6-11 16:13 |顯示全部帖子

Re: 我和老公之間的第三者 ---- 佢亞媽

唔好意思,我睇左你一大篇數你99的不是,我覺得你有d係"無理取鬧"!

雖然我都認為同99會好難相處融洽,但我覺得你對99有d"奉旨"既態度,例如,佢煮菜唔好食,但起碼佢肯煮俾你地食呀,幫你地洗衫,分埋......搬屋,佢都係想幫你地jet.........我覺得係咪你對佢有先入為主既偏見呀?

當然,佢地有d行為又係過份左d既...例如,開電視聲太大........


超級版主

積分: 86791

2019勳章 2018復活節勳章 好媽媽勳章 醒目開學勳章 畀面勳章 超級版主 環保接龍勳章 大廚勳章 親子王國15週年勳章


發表於 07-6-11 16:21 |顯示全部帖子

Re: 我和老公之間的第三者 ---- 佢亞媽

我覺得唔算無理取鬧囉...
係咁架啦....你成日向佢面前話佢呀媽..佢梗係會唔鍾意...
其實你都係講事實..又唔係講6299d咩野是非 ...亦都係想個老公明白你者 ...我都好明...
不過你地依家都唔係一齊住咪算囉....
我都有d事同你相似架...
eg搬屋:我今年搬啦...我99就打比我老公...問:洗唔洗入黎同你抺下間屋呀(佢住香港區...我就住新界...)..我老公就話:唔洗啦...我自己攪掂...其實我老公都知我唔鍾意99入黎架啦 以我所知我9962全程佢都無問過我地夠唔夠$裝修架...但我老公就話佢地有問過啦...(係唔偽就唔知啦..可能我老公昆我..費時我又話6299啦 )到整好間屋...所有野都攪好搬入去果日..佢有入黎幫我拜神..佢就拎1萬蚊出黎問我老公夠唔夠$裝修??我心諗...佢有咁既心都好...但係太遲囉...我所有傢俬...裝修...全部野攪好晒你先比$..你唔好再遲d 仲有好多好多....但好好彩我完全無同過佢一齊住...如果一齊住可能我已經比佢激鬼死左 :-( :-(
所以你唔好為左呢d事而唔開心啦
雖然我在線,但可能行開左


侯爵府

積分: 24393

醒目開學勳章


發表於 07-6-11 17:52 |顯示全部帖子

Re: 我和老公之間的第三者 ---- 佢亞媽

哈哈, 無理取鬧!!! 要清楚一樣野, 係我搬入去佢地屋企住. 咁係唔係一入到去就同佢搶個廚房, 搶晒佢d野做呢?? 我係女人, 我都知道女人係最唔鐘意人地入侵佢既廚房的. 況且佢係食齋既, 有d野(用具)係唔可以搞錯的. 佢唔駛番工, 每日已經無野做, 我仲去搶晒佢d野做, 係咪更加之俾佢覺得我入黎除了搶左佢個仔之外仲搶埋佢地盤呢?

我地拍拖個時我食完飯幫手洗碗, 成個洗碗既過程裏面佢亞媽一路都企係個廚房門口睇住我. 我一路洗, 佢把口就一路教我點洗碗...........(請注意, 我由小學已經識得洗碗的). 我好辛苦先洗完d碗, 根住入左廁所到喊, 我當時諗到若我第時過d咁既生活真係慘過去死. 跟住我入到我老公房同佢講分手, 佢好突然咁話點解呀, 我話晒俾佢知我一路洗碗佢亞媽就一路不停口咁講野, 我話我唔想過d咁既生活. 我老公話佢會同佢亞媽講叫佢唔好再咁樣的.

佢煮埋飯俾我地食, 所以佢煮得好難食我都無出過一句去投訴佢. 只係自己食少d攞, 個時我老公成日都要同我落街食燒晚的. 只係佢見d餸有好多淨就不停口咁叫我地食, 食, 食. 一黎食飯時通常都係睇緊電視的, 佢係咁唔停口, 煩唔煩呢? 二黎, 真係唔啱食, 都已經做樣食左d啦, 唔通真係同佢講話d野好難食先叫做啱嗎?

有一次全部人出街食飯, 佢又係咁叫我地食, 食,食, 佢講到佢個女都頂唔住, 話人地食自然會食架啦, 唔好成日嘈啦. 過一陣佢又叫, 佢個女話d乳鴒都食晒啦, 佢亞媽居然話: 仲有個頭未食呀!!!! 佢個女都即刻 "得"佢啦, 個頭邊有人食架. 佢話"個頭好好食的". 佢個女話要食你自己食啦. 若你是座上客又有咩感受呢???

我知道搬屋佢係想幫我, 我都有咁諗, 如果唔係我就唔會唔想佢整親啦. 當時我個心諗, 我自己亞媽我都唔想要佢幫手搬(雖然我亞媽後生過佢亞媽10幾廿年), 將心比己, 我同樣都唔想佢亞媽搬攞. 因為個d係d煲煲餐餐, 重重地之餘又要怕打難, 所以仲難搬的. 加上佢亞媽無幾耐前先至因為對腳痛到行唔到入了醫院成個禮拜. 我好心叫佢唔好搬又有錯咩??? 最錯咪就係我會理佢既感受, 怕佢整親攞. 好似佢d仔女咁, 唔理就無事攞.

若你覺得我先入為主或有偏見, 那就要解釋下點解我都肯試下同佢地住攞!!!

我都係同你研究個case, 若d語氣重多d, 就多多原諒.

雲妮彭 寫道:
唔好意思,我睇左你一大篇數你99的不是,我覺得你有d係"無理取鬧"!

雖然我都認為同99會好難相處融洽,但我覺得你對99有d"奉旨"既態度,例如,佢煮菜唔好食,但起碼佢肯煮俾你地食呀,幫你地洗衫,分埋......搬屋,佢都係想幫你地jet.........我覺得係咪你對佢有先入為主既偏見呀?

當然,佢地有d行為又係過份左d既...例如,開電視聲太大........


子爵府

積分: 10634

2019新春慶豚圓 2019勳章


發表於 07-6-11 17:57 |顯示全部帖子

Re: 我和老公之間的第三者 ---- 佢亞媽

幸好我冇同99住, 但見樓主的case,我覺得你都有小小無理,其實你99都對你幾好,肯幫你湊b,但若你覺得佢湊唔好可以改請工人,唔需要係度話佢的不事.你有小小係奉拍但又不滿的態度


禁止訪問

積分: 940


發表於 07-6-11 18:22 |顯示全部帖子

Re: 我和老公之間的第三者 ---- 佢亞媽

提示: 作者被禁止或刪除 內容自動屏蔽


侯爵府

積分: 24393

醒目開學勳章


發表於 07-6-11 18:25 |顯示全部帖子

Re: 我和老公之間的第三者 ---- 佢亞媽

我只係有時唔得閒又帶唔到bb去先叫佢睇一陣咋. 我有請人湊bb的. 又情願將細個個1歲時送佢去托嬰院. 到2歲時兩個都送晒佢地去讀幼兒園(因為係番全日的). 佢地有哮喘, 成日要睇醫生, 入醫院, 我都係叫我亞媽幫我帶佢地去或叫我亞媽幫手睇住. 我都係真係搵唔到人看住叫請佢幫人.

p.s. 我亞媽係要番工的. 另, 佢亞媽係我生完第2個時仲叫我地再生, 我老公已經話, 再生就要去攞綜援了, 因為無錢養. 佢亞媽一句就話, "天生天養嘛".


男爵府

積分: 6059

2019勳章


發表於 07-6-11 19:04 |顯示全部帖子

Re: 我和老公之間的第三者 ---- 佢亞媽

其實你搬左出來已經好好lo,最重要唔好再比你99自己上你屋企,唔好比鎖匙佢
其實你老公肯搬出來你已經好幸運lo,有d老公叫極都唔肯搬,就好似我老公咁,叫左成2年喇...不過今年佢終於話搬lo,我好開心,但都要等儲d錢先
我話過如果搬左出去,一定唔可以比鎖匙99
講真, 99幫手買餸煮飯,洗衫拖地,係佢地做開既,我地好難加入,因為每個人做既方式都唔同,而且同99住,就要明白間屋係99一手一腳打理左廿幾三十年,我地做左佢既野,未必係佢地方式,但我地都有自己方式做野,so99唔like又係煩,
點解有d人會覺得搬出去唔同99住係不孝,一齊住大家成日唔開心,又好咩?
人大左結左婚,想自己有個家係錯?
希望d 99唔好咁諗啦,每個人都有自己既生活方式
唔夾既就要分開,冇人會想同一個自己唔夾既人生活


大宅

積分: 1967


發表於 07-6-11 19:06 |顯示全部帖子

Re: 我和老公之間的第三者 ---- 佢亞媽

而家你地搬左出黎,慢慢你地有左你地既生活,佢對你做成既不安都會續漸減少,唔好再記住以前d野喇!就當係佢唔岩,我諗你原諒佢所做既野一定開心過繼續怨恨佢囉,開心d啦!


大宅

積分: 2807


發表於 07-6-11 20:13 |顯示全部帖子

Re: 我和老公之間的第三者 ---- 佢亞媽

我想問, 你地覺得我無理取鬧嗎???


正確。

希望我的兒子不要娶到這樣的老婆。阿們。
laughin' to keep from cryin'


伯爵府

積分: 17392

2019新春慶豚圓


發表於 07-6-12 00:30 |顯示全部帖子

Re: 我和老公之間的第三者 ---- 佢亞媽

特別無理取鬧我又吾覺
不過﹐我覺得樓主講既大部份都吾系大問題lor
(可能樓住覺得系大問題﹐ 但照文中所講﹐ 我就吾覺得系D咩原則性既問題)

我只系覺得2個生活背景吾同既人住埋一齊﹐ 自然有摩擦。
好似你話距系甘叫你地食食食
其實距最根本既意思系距關心你地﹐ 怕你地食吾飽姐
老一輩既人以前無甘富裕既生活﹐ 有得食就食晒距系距地既習慣﹐ 未至於去到要講到距十惡不赦甘。

你話距寵壞你D小朋友﹐ 甘你用另外一個角度睇﹐ 距都肯幫你照顧D小朋友窩。 幾多人恨有人幫距照顧小朋友都無人幫拉。

我覺得你C6阿媽系羅嗦D﹐ 吾通氣D﹐ 你都搬走左﹐ 咪算law.

試下體諒下C6﹐ 如果你少D同你C6因為99既事而吵﹐ 我覺得你地夫妻之間感情會更加好。


複式洋房

積分: 183


發表於 07-6-12 01:40 |顯示全部帖子

Re: 我和老公之間的第三者 ---- 佢亞媽

wawamama 寫道:
[quote] 我想問, 你地覺得我無理取鬧嗎???


正確。

希望我的兒子不要娶到這樣的老婆。阿們。 [/quote]

me too


大宅

積分: 2540


發表於 07-6-12 02:28 |顯示全部帖子

Re: 我和老公之間的第三者 ---- 佢亞媽

你有咁好既奶奶,仲咁唔知足,又幫你煲薑醋,又幫你煮飯,又幫你洗衫同摺衫,實在太羡慕你就真,想當年我同奶奶住,起初佢幫我洗衫,後來佢個女,唔底得,要我自己洗反,佢話佢媽咪年紀老唔可以洗喎,但係佢只洗佢自己同個女&老爺,我要自己洗老公同自己個D,我生BB佢一次都冇煲過薑醋俾我,全部都係我媽咪煲的,佢個人好自私,成日話腳痛,好少探我同BB,(佢住得好近我),我坐月都冇人幫,自己落街買野自己煮喳!我媽咪幫我睇住個大仔一個月,我就自己揍細個個,宜家兩個都係我自己揍反,好辛苦架!又無人幫.....好似你咁,真係生在福中不知褔啦!
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.


伯爵府

積分: 18949

畀面勳章


發表於 07-6-12 02:55 |顯示全部帖子

Re: 我和老公之間的第三者 ---- 佢亞媽

坦白講,我無睇晒所有內容,睇咗大半已經無睇喇,但係我真係好想講,每一個人都會有老嘅一日,你會我都會,老人家同年青人成長背影唔同,生活習慣同觀點睇法唔同亦好自然會有,但我會咁諗囉,其實佢地係你老爺奶奶,即係你老公嘅爸爸媽媽,如果你同佢地有唔啱,一來你老公夾o係中間會好難為,二來我會覺得佢地咁辛苦湊大自己老公,我係應該錫佢地嘅,可能真係愛屋及烏啦,唔知點解雖然我真係有D驚我奶奶嘅威嚴,但講真我真係會錫佢地,掛住佢地,佢地係我嘅屋企人黎傢嗎!有時仲被我老公笑我添!

happypiano,你用得咁多時間打咁多字去表達你覺得佢地嘅不是,可以想像從得到你對佢地有幾多不滿甚至奮恨,在我意見,我真係好明白你嘅感受,但亦希望你可以平心靜氣嘗試去解決,嘗試試下用個心去愛佢地包容佢地體諒佢地,仲有有乜野盡量坦白講出黎,同時間,另一方便,或者同老公商量下睇下有無可能搬出去住暫時同老爺奶奶見少一D減少磨擦,如果唔係愈黎愈多誤會攪到無端端有心病就真係好可惜傢喇,都係一句啦,請珍惜眼前人!



日本の平安を祈ります


大宅

積分: 4069


發表於 07-6-12 10:31 |顯示全部帖子

Re: 我和老公之間的第三者 ---- 佢亞媽

happypiano
睇完成篇文章.我覺得有好多都好無謂.
當然奶奶也有點不對既地方.但問題唔大.
比起我和其他姊妹相比.真係唔係咁大件事.

事件1
你話((佢亞媽將我D 衫洗到染晒色, 我D BRA全部都染晒色. 我有了BB要去檢查, 所以染了色不能照著, 全部要買過新的了.
最後, 一間屋變成我自己煮我同我老公既飯, 我自己洗番我地自己既衫. 我自己做番完全很樂意, 只係覺得好怪, 好怪咁))

其實.你早就應該自己處理番d 衫.因為屋企突然多左個人.
老人家一向有佢既習慣.好像我奶奶咁.唔理你什麼衫.什麼色.
全都一機過.問你死未.呢d唔係佢既問題.幾十年黎佢一向如此.我同奶奶住期間.同奶奶講.以後d衫.你唔好洗啦.等我做新抱洗啦.你唔好咁辛苦啦.仲有BRA呢樣私人野.更應該自己洗.


事件2
你話((你約了朋友上黎打麻雀, 原本打得好開心的, 佢一番到黎, 就係咁企係我地後面係咁睇住. 可能佢只係好耐無打麻雀想睇下, 但係問心, 有邊個後生既會鐘意人地係到望住晒架. 所以係佢企係度咁耐, 另外2個FRIEND同我都無出過一粒聲. 最後我要打眼色叫我老公叫佢番入房.))

唉..我奶奶打麻雀時.我都好鍾意企係後面睇住.如果佢叫我番房.我真係好唔開心.一間屋有幾大呀.唔通一直係房到等你打完先番出黎呀.坐牢咩.如果當時你仍然在奶奶到住.你真係有點過份.因為間屋係奶奶既.你帶朋友黎打麻雀無唔岩.唔岩既係你覺得奶奶影響到你地..跟住仲叫奶奶入房.事件上真係唔知邊個影響邊個啦.

要同老人家住真係唔易.要知道幾十年黎佢地既生活習慣一向如此.家人都習慣了.現在家中多了一個外人..係好影響大家既相處和生活態度.幾十年黎佢地都係咁生活.一時之間要佢地改變係好難.為有後生既去改變.真係相處唔黎既.咪搬走囉.
搬走左其實大家都鬆一口氣.唔好以為辛苦係單方面.
其實係雙方面


侯爵府

積分: 24393

醒目開學勳章


發表於 07-6-12 10:47 |顯示全部帖子

Re: 我和老公之間的第三者 ---- 佢亞媽

因為呢個世界上有好多唔同性格既人. 有些好似我咁既性格, 有些係好似佢咁既性格, 有些係容忍到好高既性格, 又或者係mug野都無所謂既順得人. 就好似有些人可以知道個老公有第三者都可以原諒佢, 再同佢訓埋同一張床. 有些人會離婚. 我從來都無話佢心腸唔好, 只係想講, 大家既性格, 行為, 思為都好唔同, 所以同佢相處好唔容易. 所以當時會要搬走都係基於唔想大家既關係想差, 同埋其實大家(佢同埋我)都住得唔開心.

初初搬入去住, 一間屋有3家人的. 佢父母, 佢已婚的家姐一家3口, 另外我地兩個. 我係一個新人, 一入到去就將d野畫分得好清楚, 要洗番晒自己d野, 要煮飯, mug都分開晒咁個關系又會好好嗎? 咁樣我覺得會好似話俾全屋人知道, 我同你地係楚河漢界, 你還你, 我還我.

第一次生bb同佢住, 所以d姜醋佢煲, 因為要派俾人. 第二次d姜醋係我自己煲的. 2次有bb, 佢都無煲過任何湯水俾我飲的. 2次坐月都係我自己坐的.

若我無關心佢, 我就唔會咁大反應咁話佢唔應該幫手搬屋, 因為一整督係可大可少的. 我老闆娘就是因為係廁所內暈低左, 所以自己坐斷了自己隻腳, 而家要"雙"埋綱板係到. 若你父母有高血壓, 我想你也會阻止他們食肥的東西吧?! 還是, 由得佢做才是正確呀?? 我試過特登打俾佢, 叫佢每朝10點叫個工人同佢落街度坐下, 晒下太陽. 我解釋比佢聽10點既太陽無咁猛, 會好d. 晒下太陽吸收下, 同埋其他人傾計下, 個人會好d. 我講完, 佢就話"得啦得啦", 跟住"卡"一聲 cup左我線. 咁樣又係佢正確, 是嗎?

我聽到我個細路講話佢個聽帶機壞了, 咁我打俾佢話問佢部機係咪壞左, 問佢我將我個部舊的聽帶機俾佢(但係好少用, 不過聽帶, 聽收音機係完全無問題的, 我一路都唔捨得掉的, 因為係舊機, 所以我覺得係俾佢之前話明呢點俾佢知會好d),
佢話, "咁呀"(根住又無出聲), 咁我唯有話你唔要就算啦. 佢就即刻話要. 佢係一個禮科前才在我面前話佢另一個新抱將部舊電視唔要ling去賣都唔俾佢, 講了起碼3次. 咁你係佢新抱又應該點做呢? ling去賣又俾佢係每個人面前起碼講2, 3次話ling去賣都唔俾佢. 好似我咁問佢要唔要, 佢又顯得好大考慮, 好難去要咁.

搬開左已經好多年了, 點解仲會有問題? 就係因為d問題無法消失攞. 我剛搬完屋, 佢上黎坐. 我放工番到屋企坐低佢就同我講話:"你間屋無野位裝野喎. 我睇過你d櫃桶全部都無晒位了." 我都忍了, 無出聲. 有人會喜歡人地打開你的東西看嗎? 仲要完全唔覺得有問題咁話番俾我知道.

佢平時係唔會打電話俾我同我講野的, 但係有一次打黎搵佢個仔, 佢個仔唔係到. 根住佢同我講叫我下次買樓買大間大d既, 要有3間房. 有一間可以用黎"浪"衫. 我話無錢(佢明知佢個仔搵得少錢的), 佢就叫我買間舊屋咪得攞(起碼40-50年樓零). 我話我唔想住舊屋了, 因為治安唔好, 我成日都係一個人帶住兩個細路出入, 有起事黎無受傷都嚇死. (因為我之前的那一處是舊屋, 試過正正隔離屋有人爆格.) 佢又繼續講, 我忌唔住話呢d野你應該同個男人講, 唔係同個女人講. 佢就話同你講都一樣啫. (咁平時其他野佢又點解淨係要搵個仔黎講呀??) 那一刻我覺得, 你明知你個仔搵得少錢, 你又叫我買間大d既屋, 我邊有咁多錢呀?? 肯諗野既人都知道係無可能架啦. 根住佢知道講緊我都唔會肯買間3房既屋, 然後佢就話咁係咁啦, 又"卡"一聲收左線. 後來佢個仔番黎我講左俾佢聽, 佢都話佢亞媽已經同佢講左幾次, 不過佢無理佢. 佢仲叫我唔駛理佢. 我想問: 係咪應該好似佢亞媽咁, 所有野用把口去講的, 不需要諗清楚後果, 不需要付責任呢? 我還有2個細路, 買間3房供唔起的話會俾人收樓, 全家要訓街的. 若你唔聽佢講, 佢就不停咁同你講!!!!!!

上星期我個細路咳, 佢又係咁係我老公面前話上次俾左d野(類似合仔茶之類, 但係唔知係咪係大陸買番黎的)我地, 叫佢煲俾個細路飲. 佢又話係你老婆係都唔信, 唔肯煲俾佢地飲.
係5分鐘之內在我老公面前講了2, 3次. 跟住又叫我煲苦瓜湯俾佢地飲. 我同我老公都無煲到個d野. 到第2朝係我老公自己帶個細路去睇醫生都唔會煲個d野俾佢地飲. 佢地有哮喘的, 尤其是病發時, 若再唔小心, 後果可以令到佢地咳到透唔到氣的而死亡. 苦瓜湯是"涼"的, 佢地氣管有問題還應該飲嗎? 你唔聽佢講, 佢又會唔高興攞. 但係有d野係根本係唔應該做的.

搬屋時佢上左黎, 上到黎俾左張紙叫我渣住(我當時係到執緊野), 我話mei黎架. 佢話係補習社. 我話唔駛啦, 個細路都無需要補習, 根住佢又話呢間好呀. 我唯有話無錢呀, 唔補了. 跟住佢話你試下啦, 我一睇張紙就答佢, 人地係講緊會考架, 你個孫有排都未到啦. 佢話你試下啦, 呢間好呀. 我話你點知好呀, 你試過呀. 佢話呢度寫住全部攞a的. 我話, 俾你係寫個個人, 你都會咁寫啦. 咁唔通佢有舍 考第尾既, 佢又會寫埋出黎咩. 我話, 你無係社會做野, 你唔明架啦. 但係佢死都唔信, 仲同佢個仔講, 佢個仔聽完即刻同佢講: "你唔好咁天真啦, 佢寫你又信."然後佢個仔就走開了.

大家既思想根本係完全二十萬碼子的不同. 其實我寫呢d野都係想借個位講出黎透下氣, 咁樣應該可以好d.


大宅

積分: 2820


發表於 07-6-12 11:07 |顯示全部帖子

Re: 我和老公之間的第三者 ---- 佢亞媽

我覺得做為一個媳婦嫁入去人地屋企,應該係去適應人地架生活,唔係一個人去改變人地一家人架生活。自己適應唔到就唔好一起住,去改變人地,只會令人覺得無理取鬧。


大宅

積分: 2178


發表於 07-6-12 11:23 |顯示全部帖子

Re: 我和老公之間的第三者 ---- 佢亞媽

你過去論盡家傭看看,工人你有出人工,都經常不如意,
99肯(免費)幫你已經很好了,
大把99攪到一窩泡,給蘇州C你拾,自已走去enjoy their life.


Share

首頁

尾頁

跳至