跳至

首頁

尾頁
   0


大宅

積分: 4260


發表於 07-6-13 11:15 |顯示全部帖子

好辛苦, 每次想起都想喊

我於 1/4/07 剛剛誕下女兒芷晴, 完全沒有想過會有這麼大轉變, 我懷有女兒5個月大時丈夫往澳門賭錢並向大耳窿借錢欠下 7 萬元, 當時我真不知怎麼辦, 有想過把女兒打掉, 但自己恨心不下, 終於把用來生女兒的錢幫他還債, 他亦答應不再往澳門賭博, 往後日子真的沒有再發生此事, 我亦漸漸淡忘了; 直至 1/5/07 女兒滿月當日我們兩家人還一起吃飯, 當晚半夜他又往澳門賭錢再次向大耳窿借下 6 萬元, 回來後懇求我再次幫他, 我看在女兒份上幫他向銀行借錢還債, (他是很喜歡小孩的人, 孩子亦是他要求我為他生下的) 亦希望他看在女兒份上能改過, 怎知 7/5/07 他又再次往澳門賭錢, 這次又欠下 10 萬元, 我真的很痛心更不知和女兒往後日子怎過, 女兒才剛剛個多月大, 我又怕那些人找上門把女兒嚇壞, 但我真的沒有辦法幫他了, 我唯有和女兒一起搬了出來租地方住, 現在女兒交給我姐姐照顧, 我自己亦開始上班, 其實我的薪金根本不夠我們母女生活, 再加上之前幫他向銀行貸款的還款, 往後日子不知怎過? 你們教我可以怎樣做?
點解睇唔到??


大宅

積分: 3828


發表於 07-6-13 11:31 |顯示全部帖子

Re: 好辛苦, 每次想起都想喊

你可以捱到而家真係好叻,好堅強呀...
你咁ga情況,快d去搵社工(or區議員)幫手,申請破產、申請公屋、問下可唔可以申請"低收入綜援",如果你收入好少,必要時唔好做野,直頭申請"綜援"...
而你果隻c6,我覺得佢改唔到ga....(因為我舅父都係因為"賭"而要賣田賣地賣屋,再週圍借$,到最後破埋產,由頭到尾(而家4年期滿了)都仲係賭...死性不改....
你要加油呀.....
我的家有~
囉囉唆唆 嘅 煩人BaBa
傻下傻下 嘅 咕碌媽媽
少年宅男 嘅 雞仔謙哥哥
奀皮多手 嘅 豬仔浠弟弟
醜怪黏身 嘅 惡馬妹芊妍


大宅

積分: 2113


發表於 07-6-13 11:46 |顯示全部帖子

Re: 好辛苦, 每次想起都想喊

你要加油,芷晴要你照顧架,而架去到而個地步你要常試更堅強呀,每人都有唔開心既過去或這面前有更多辛苦,但係你堅持住信念,芷晴大個一定會好好照顧返你,加上今日唔知聽日事,每日都有希望既一日,幸好你家人體諒你,肯出分你幫你一齊過,你要好好照顧自己同芷晴呀。
我地所有BK Mammy會支持你~~~~~


伯爵府

積分: 17851

2019新春慶豚圓 好媽媽勳章 環保接龍勳章 畀面勳章


發表於 07-6-13 11:50 |顯示全部帖子

Re: 好辛苦, 每次想起都想喊

jilljojo 寫道:
你可以捱到而家真係好叻,好堅強呀...
你咁ga情況,快d去搵社工(or區議員)幫手,申請破產、申請公屋、問下可唔可以申請"低收入綜援",如果你收入好少,必要時唔好做野,直頭申請"綜援"...
而你果隻c6,我覺得佢改唔到ga....(因為我舅父都係因為"賭"而要賣田賣地賣屋,再週圍借$,到最後破埋產,由頭到尾(而家4年期滿了)都仲係賭...死性不改....
你要加油呀.....


我完全同意你所講既野
加油呀!!
bb大左會知架
唔好放棄!!!


子爵府

積分: 14474

2019勳章 叻叻勳章 畀面勳章 親子達人勳章


發表於 07-6-13 11:51 |顯示全部帖子

Re: 好辛苦, 每次想起都想喊

係la,,快d搵社工幫忙ar!!
堅強d,唔好放棄,加油ar!!


子爵府

積分: 11799


發表於 07-6-13 12:02 |顯示全部帖子

Re: 好辛苦, 每次想起都想喊

conly,
你老公以前有無過開大海賭同借大耳窿?如果有...真係10個有9.9個無得救, 我老豆都係咁, 由細到大我都見慣大耳窿上門, 我媽咪嫁佢咁耐信佢咁耐, 依家我老豆都有賭, 賭2千就同我媽咪講睹200...無眼睇!
講返你先, 佢知你要搬開時有咩反應?佢有無固定收入?依家你係咪已決定唔再理佢? 如果你可能會同返佢一齊, 幫佢一齊還同捱的話, 你真係要問清楚佢總數, 因為佢地一定報細數, 不過咁, 如果係小數目自己攪掂都唔會比你知啦, 話唔定, 第一次已經唔只7萬, 不過我都係估, 同埋我份人好直, 有咩講錯都係無心!
有咩想唔通一定要搵人傾, 唔好屈住呀!


大宅

積分: 4260


發表於 07-6-13 12:18 |顯示全部帖子

Re: 好辛苦, 每次想起都想喊

我唔想冇咗份工, 因為我上司對我好好架, 依家最大問題係平衡唔到生活開支, 又要租樓又要比錢家姐照顧呀b, 仲有其它支出都唔知點算????? :-( :-( :-( 搵社工都冇咁快幫到你喇, 點算
點解睇唔到??


別墅

積分: 670


發表於 07-6-13 12:21 |顯示全部帖子

Re: 好辛苦, 每次想起都想喊

無o野係解決唔到o架. 比d信心, 難捱既日子好快就過! 有好多野係預計唔到o架.你老公唔諗你倆母女,你要挺起胸膛做人呀. 我支持你o架!
健康成長,智慧浩瀚.小小男子瀚


伯爵府

積分: 17851

2019新春慶豚圓 好媽媽勳章 環保接龍勳章 畀面勳章


發表於 07-6-13 12:26 |顯示全部帖子

Re: 好辛苦, 每次想起都想喊

搵社工幫你搵到平d租既地方住先.
家姐果度有無得傾下.遲d先比 ?


大宅

積分: 4381


發表於 07-6-13 12:29 |顯示全部帖子

Re: 好辛苦, 每次想起都想喊

比錢家姐照顧呀b→你家姐知唔知你
只許周官放火 不許百姓點燈


大宅

積分: 4260


發表於 07-6-13 12:39 |顯示全部帖子

Re: 好辛苦, 每次想起都想喊

我家姐知我d情況, 但佢自己都有自己困難麻, 我都想搵社工但依家第一步係要先同佢離婚, 我暫時唔想住
點解睇唔到??


版主

積分: 135187

2019新春慶豚圓 2019勳章 玩具勳章 趣教勳章 好媽媽勳章 醒目開學勳章 畀面勳章 叻叻勳章 有「營」勳章 版主 wyeth冷知識勳章 睛靈勳章 2011至尊種植勳章 環保接龍勳章 大廚勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 hashtag影視迷勳章


發表於 07-6-13 12:44 |顯示全部帖子

Re: 好辛苦, 每次想起都想喊

conly 寫道:
我唔想冇咗份工, 因為我上司對我好好架, 依家最大問題係平衡唔到生活開支, 又要租樓又要比錢家姐照顧呀b, 仲有其它支出都唔知點算????? :-( :-( :-( 搵社工都冇咁快幫到你喇, 點算


你搬出來租樓, 咁之前間樓係租/買? 如果係買, 有無你名? 你可以賣樓抵債喎...
其實明愛向晴軒有短暫住宿服務, 如果你真係負担唔到, 或者向佢O地求助o丫 >>>明愛向晴軒
不如情商你家姐, 暫唔收你$$幫手湊BB啦, 等你渡過呢一關, 遲D先同佢計數囉~ (或者, 你家姐有無地方可以收留你呢 )
            


男爵府

積分: 5343


發表於 07-6-13 12:46 |顯示全部帖子

Re: 好辛苦, 每次想起都想喊

妳要堅強呀!!幾難捱都好, 為左個囡點都要撐住!!

其實妳可唔可以暫時搬去同屋企人住, 起碼慳番幾千蚊租!
全因為你,令我一生都佳美,你令我生命從空虛,化做傳奇,唯獨你是我拯救,我總不至死,直到永遠,從心底讚美!


伯爵府

積分: 17851

2019新春慶豚圓 好媽媽勳章 環保接龍勳章 畀面勳章


發表於 07-6-13 12:55 |顯示全部帖子

Re: 好辛苦, 每次想起都想喊

conly 寫道:
我家姐知我d情況, 但佢自己都有自己困難麻, 我都想搵社工但依家第一步係要先同佢離婚, 我暫時唔想住


你暫時唔想搵社工定唔想離婚? 你比幾錢家姐呀 ?會唔會比育嬰院會平D呀 ?


大宅

積分: 3980


發表於 07-6-13 13:24 |顯示全部帖子

Re: 好辛苦, 每次想起都想喊

你要支持住呀!BB大個d就錫媽咪嫁啦!1


男爵府

積分: 5906

好媽媽勳章 醒目開學勳章


發表於 07-6-13 14:10 |顯示全部帖子

Re: 好辛苦, 每次想起都想喊

你要加油呀!每件事都有方法解決的,快d搵社工啦,除咗可以幫你解決生活的事,你丈夫可能是病態賭徒,佢都好需要社工幫手。


子爵府

積分: 11633


發表於 07-6-13 14:30 |顯示全部帖子

Re: 好辛苦, 每次想起都想喊

唔好放棄呀,你要努力堅持~
你家姐幫你照顧bb係全日??
不如你放bb去育嬰院啦,都唔係好貴,
另外你真係要盡快搵社工呀!!
長遠黎講社工一定幫到你手架!!
仲有,有咩唔開心就上黎bk同我地傾下,
唔好自己收收埋埋呀!!
呢度有好多媽媽都會支持你架


別墅

積分: 532


發表於 07-6-13 14:40 |顯示全部帖子

Re: 好辛苦, 每次想起都想喊

為左個bb, 要支持住啊!
找社工幫手是好辦法, 唔開心就上bk, 有多bk mammy都支持你!


大宅

積分: 4260


發表於 07-6-13 15:19 |顯示全部帖子

Re: 好辛苦, 每次想起都想喊

我姐姐收我 $2000 過夜, 佢嗰度冇地方比我住, 搬噃mami 度我唔可以每日見個女, 我會好唔捨得
點解睇唔到??


大宅

積分: 2291


發表於 07-6-13 15:37 |顯示全部帖子

Re: 好辛苦, 每次想起都想喊

嘩, 你個case 都幾複雜. 我都dun 你辛苦.
你又心軟, 係咁幫你老公. 雖然"寧教人打仔", 我都係覺得你老公幫唔落喎.. 咁你有冇諗過離婚自立? 其實你依家都自立架啦, 離咗婚你會更加好喎..
俾2000蚊你家姐唔係好多. 咁你家姐有乜難處呢? 係唔係佢唔幫你湊, 幫第二個湊會有多d錢收呢? 佢唔幫你湊, 出去做嘢會多d收入? 佢依家勉為其難幫你湊?
如果佢不嬲都係家庭主婦o既話,就同佢情商下, 遲d先俾錢囉...
雖然大家都撐你, 咁你都要爭氣d, 做d嘢出來, 唔好成日淨係諗起就喊... 希望你做咗決定之後可以開心d, b女o既成長都會健康d架.. 假如佢成日淨係見到唔開心o既媽咪, b女都唔會有好多笑容架.. 振作d

首頁

尾頁

跳至