吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我真係好唔開心, 好唔開心.................... ...

夫婦情感今日: 12|主題: 39942

收藏本版

發帖

返回列表

跳至頁

查看: 1845 | 回覆: 9

我真係好唔開心, 好唔開心....................

ballball411

大宅

積分: 3107

發表於 07-6-14 21:11 |顯示全部帖子

我真係好唔開心, 好唔開心....................

好唔開心, 成日嘈, 日日放工返黎就上網, 上到夠鐘上床先入房, 放工已經夜, 返到黎都唔會陪下我睇下電視, 傾下計, 又唔陪個囡, 除左我去左沖涼, 佢先可能陪一陣, 又時仲由得個女坐係大比, 自己照上網, 覺得佢對我好冷淡, 平時都無10句野講, 個個星期去左踢波, 星期六無得踢, 就星期日去, 今日仲話下星期一放工要去踢 930-1100pm, 我話帶埋個女去, 又話唔方便, 我唔信全公司無其他同事去, 問佢咁星期日去完, 星期一又去? 仲答我係, 有無攪錯, 完全無理我感受, 講多2句又話唔想嘈, 同佢講想分開下, 叫佢今夜唔好返黎, 返去佢亞媽度, 又唔肯, 係唔係想逼死我? 我都係想抖下氣姐, 點解都唔得, 我真係覺得生活得好唔開心, 好想分開, 好後悔生, 想lock 住度門唔比佢入又唔得, 因為佢實會係門口嘈, 我真係今晚唔想見到佢, 驚一陣又嘈, 佢嘈親就會發癲, 係度打門打櫃, 咆哮, 次次都嚇到個女'呢'埋喊, 一嘈我自己都情緒唔好, 有時都會發落個女度, 有時都覺得個囡好慘, 要受埋d咁既野, 都唔關佢事既, 真係好唔開心, 今夜喊左好多次, 真係唔想再咁樣生活.............個人好亂, 所以都寫得好亂.......希望大家唔好介意

私人傳訊

tinetinew

大宅

積分: 3412

好媽媽勳章醒目開學勳章畀面勳章 BK Milk勳章

發表於 07-6-14 21:32 |顯示全部帖子

Re: 我真係好唔開心, 好唔開心....................

hi,

試吓找社工傾傾,我之前因我老公賭錢的問題,致电戒賭熱線,同這裡的姑娘傾了很久,心情亦放鬆了!原來同一個唔識嘅人(當然是專業社工la)呻,另佢哋亦可俾一些專業意見給你,嗰心情真係会鬆Ｄ架!你試下去yahoo search找一些hotline 打去la![當你想到最壞時,其實亦未必是最壞!]

私人傳訊

moonychan

珍珠宮

積分: 42557

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

發表於 07-6-14 23:03 |顯示全部帖子

Re: 我真係好唔開心, 好唔開心....................

快 d 搵社工傾下, 就算你未帶到你老公一齊去你都要去傾下先.

唔好轉牛角尖. 學 "鄭中基" 所講, 辦法梗有既~!!

唔好再嚇親囡囡喇, 對佢影響好大嫁.

你試下諗下有 d 乜野做左可以令老公唔去踼波?? 有時真係要諗下計仔, 令佢陪下屋企.

私人傳訊

該用戶已被刪除

發表於 07-6-14 23:51 |顯示全部帖子

Re: 我真係好唔開心, 好唔開心....................

提示: 作者被禁止或刪除內容自動屏蔽

私人傳訊

pb211

民房

積分: 8

發表於 07-6-15 00:08 |顯示全部帖子

Re: 我真係好唔開心, 好唔開心....................

我同你的情況差不多. 選擇了分開住, 也有５年, 久以久之, 不可回頭, 男人喜歡擁有, 但卻不懂珍惜, 唔開心, 晚晚喊是我家常便飯, 但個男人無反應, 可想你可以試吓擴濶自己圈子, 勿困在問題內, 可能生活得好些, 努力吧!! :lol:

私人傳訊

smaller

別墅

積分: 695

發表於 07-6-15 12:45 |顯示全部帖子

Re: 我真係好唔開心, 好唔開心....................

係囉, ballball411, 你有冇諗過點解會變成咁, 你哋結婚時應該唔會咁架, 係咩事令你們有咁大的隔膜呢!
人好多時都衹看到自己的處境和感受, 你有冇在佢的立場看過事情呢, 不要先想得太灰, 最重要找出問題所在嘛. 不防冷靜吓回想事情的因由, 找到原因便容易想到解決方法.
如果真係要人幫忙, 可找社工的, 他們應可幫你的,
take care呀!

私人傳訊

ballball411

大宅

積分: 3107

發表於 07-6-15 18:09 |顯示全部帖子

Re: 我真係好唔開心, 好唔開心....................

可能時間耐左, 可能多左個女, 自從個女出左世就無曬兩個人獨處既時間, 已經無曬結婚前既感覺, 我唔鐘意佢淨係放曬個心落足球既野上面, 好似學校寄左入學樣黎, 我叫佢睇下, 佢就話一陣先, 睇埋波衫先, 但之後無左回事, 封信擺左係度成半個月都無望個一眼, 調返轉, 如果係波衫鋪寄信黎話佢知有咩野減價, 佢會第一時間睇, 我覺得佢無放個心係屋企上面, 淨係覺得自己返工好辛苦, 我夠辛苦啦, 日日係屋企湊女, 好似自閉咁...... 真係好想分開下

私人傳訊

singlemum

民房

積分: 160

發表於 07-6-15 18:29 |顯示全部帖子

Re: 我真係好唔開心, 好唔開心....................

過來人...事後知道自己太執著, 我當時太緊張小孩了, 時常要他做什麼...什麼, 其實而家想回來, 當然真的好少事, 但性格問題, 少少不滿, 越弄越大.... 咪搗成甘. 我而家個男友, 離婚前, 都系因為小孩的事, 他太太放不開,...自己上網逃避和太太傾計, 因為每次傾計, 都是鬧交收場. 他時常說: 當日太太放開D就好. 其實, 我咪系一樣, 唉!

私人傳訊

mrsegg

大宅

積分: 1967

發表於 07-6-15 18:40 |顯示全部帖子

Re: 我真係好唔開心, 好唔開心....................

有d情況唔係分開就可以解決到問題既~

你話無晒兩個人相處既時間同結婚前既感覺，咁即係你老公都響往同你一齊既甜蜜日子架喎！佢咁唔理個女，睇黎你個女出世後佢覺得個女已經佔有晒你所以視線同注意力忽略左佢，即係好似細路仔咁，爭寵...

你唔理佢只顧個女，佢咪唔理你囉，佢可能誤以為你既世界只有囡囡，所以佢都要有自己既世界，咁樣佢慢慢有左自己既生活，佢好快會覺得唔須要你地，好似你話帶囡囡去睇佢踢波咁，佢都拒絕你，再咁樣落去，佢遲d去左邊你都未必知，可唔可以放低囡囡幾日比父母睇住，你兩個去下旅行？

私人傳訊

ballball411

大宅

積分: 3107

發表於 07-6-15 19:49 |顯示全部帖子

Re: 我真係好唔開心, 好唔開心....................

我都想2個人, 但無可能
咁即係你老公都響往同你一齊既甜蜜日子架喎！<--- 我唔知佢仲想唔想, 不過我就好想....... 有時佢上網想坐係佢大腿上面, 但唔到2秒,個女已經走埋上黎, 跟住我唯有抱埋個女行開, 有時都想爹下,但..個感覺好唔同, 好似差咁d野咁
頭先又係講緊佢成日踢波既問題, 我話我只係接受到一個星期踢一次, 跟住佢就拉埋好多野講, 話我唔鐘意佢返工喎, 唔鐘意佢ot, 我跟本就無唔鐘意佢返工, 我識佢既時候佢已經要返工架啦, 唔鐘意ot, 咁係人都想個老公早d放工架啦, 我已經成日等埋佢放工一齊食, 等到11點幾都等, 咁都叫唔鐘意? 又話我有活動佢都唔介意係屋企睇女喎, 但係咁多年黎,我只係試過2次咋, 上個星期都係有d事, 出左旺角2個鐘, 跟住佢都抱埋個女一齊出黎啦......我有咩事, d時間都要睇住佢黎就, 但佢自己就好似老馮咁, 咩時間都可以有活動, 點解可以咁講野? 連返工,ot都拉埋黎講．．．

私人傳訊