Re: 我終於忍不住話工人, 我咁樣講是否對?
其實有幾多亞媽係好想返工而想將亞b交底比人湊吖? 老實講, 我哋同工人跟本唔相識, 基本上可以話係陌生人tim! 但無辦法, 反正我哋為咗頭家點都要返工, 老公一個做又大壓力! 請工人係講運氣, 但既然請咗, 要日日對住, 仲要住喺妳間屋;湊埋妳亞b. 我覺得相處好重要.
首先係要講尊重, 第二係溝通, 最忌係 "以為"
妳哋兩公婆應該重新改變同工人嘅相處同溝通, 再加小小體諒, 寬恕同dd溫柔, 如果日日要對住一個已經好憎嘅人,仲要比$3800, 對自己實在太痛苦law.
我祝福妳一家人由今日開始, 要多d諗起你哋擁有嘅所有嘢, 唔好成日將焦點放喺d負面嘅事情上面. 噤樣會好影響夫妻感情, 日常生活更加變到無晒衝勁, 慢慢就變得無意義. 屋企既然多咗一個未來主人翁, 應該變得充滿希望ga.
否則亞b 大d亦會感覺得到, 第日佢大個又好似妳噤諗嘢!
關於亞公同亞婆唔幫妳, 喺妳埋怨佢哋之前, 請妳諗吓:噤多年嚟, 佢哋已經盡咗做父母嘅責任喇, 如果妳決定要bb之前同佢哋講明要幫手而佢哋放妳飛機嘅就佢哋錯. 妳都做咗亞媽la, 理應更加體貼自己亞媽ga.
至於妳份工, 唉!!!!!! :-( 今時今日打工, 邊個無壓力吖, 同樣妳個工人咪一樣,) 但只要妳適當將d壓力變為推動妳ga力量咪好d哩, 多d同老公講開心嘢. 放工前去洗手間同執嘢嗰陣諗清楚自己仲有無做漏嘢, 無ga就鬆人, 一旦入咗電梯走人就洗腦, 搭車時放鬆心情, 打比honey談吓心 (千祈唔好講公事, 即使幾唔開心都好, 都已經過咗喇, 講多唗氣)
番到屋企按門鐘前, 用手捽吓塊疲累嘅面, 心中好感恩噤同自己講: 今日又可以好平安噤番到屋企, 一家人又可以開開心心一齊喇, 之後笑住入門口.
我希望妳可以做得到.
教導孩童, 使他走當行的路, 就是到老也不偏離.
天下間沒有教不會的孩子, 只有不會教的父母!