母乳餵哺 今日: 0 | 主題: 85707

積分: 4665

1^#

發表於 07-7-23 18:09 |只看該作者 |倒序瀏覽 |打印

由於我唔知道自己可以餵人奶餵到幾時, 所以一直都無買泵泵奶, 只係用人手擠出黎(已經差唔多兩個月啦), 有以下幾個問題想問, 希望各位幫幫手, 謝謝!

1. 我想知道係咪用奶泵會泵得多d? 我見我用手只係擠得好少, 咁電泵好定人手泵好呀?

2. 我見到好多媽咪每日都泵到幾十安奶, 我想知係咪每餐都要泵出黎架?

3. 我個囡囡每次只係食5mins左右,仲要係食一邊啫, 我試過想擠另一邊d奶, 但發覺只係得好少(0.5-1安), 仲要係好辛苦先得半安, 究竟咁樣係咪代表我唔夠奶呀?

我返工之後, 工作環境絕對唔容許我泵奶, 對於能唔能夠繼續餵人奶我都好懊惱, 好擔心我擠得咁少奶唔夠儲備囡囡一日既食量......屋企人成日叫我戒餵人奶, 我已經好煩, 仲要有以上既問題, 真係好down......希望大家幫幫忙啦!

0 0 0

哈哈~! 我要揍好呢隻妹~

私人傳訊回覆引用

pc9

積分: 4221

2^#

發表於 07-7-23 18:42 |只看該作者

hellocatcat,

欣賞你埋身餵BB.
餵飽BB之餘,還要擠奶作儲備,算很不錯了.
千萬別擔心自己不夠奶.
奶量不可能一步登天.要慢慢提升的.
意思是除了埋身餵之外,還要勤力泵奶.尤其是臨睡前,半夜及清晨的時候.奶量會最多.
泵得多,加上埋身餵,就更能刺激乳腺.

奶泵相信比用手擠好.尤其是趕時間.
當年我只用一個手泵.現在也許有更多更好的產品輔助.

工作地點泵奶問題.我想是豐儉由人.
工作再忙,都有午膳時間.每天午膳抽出十幾分鐘泵奶.
沒有空房間,就找個乾淨的洗手間.

希望你能堅持下去.

原文章由 hellocatcat 於 07-7-23 18:09 發表
由於我唔知道自己可以餵人奶餵到幾時, 所以一直都無買泵泵奶, 只係用人手擠出黎(已經差唔多兩個月啦), 有以下幾個問題想問, 希望各位幫幫手, 謝謝!

1. 我想知道係咪用奶泵會泵得多d? 我見我用手只係擠得好少 ...

私人傳訊回覆引用

ALAU

積分: 1380

3^#

發表於 07-7-23 19:12 |只看該作者

原文章由 pc9 於 07-7-23 18:42 發表
hellocatcat,

欣賞你埋身餵BB.
餵飽BB之餘,還要擠奶作儲備,算很不錯了.
千萬別擔心自己不夠奶.
奶量不可能一步登天.要慢慢提升的.
意思是除了埋身餵之外,還要勤力泵奶.尤其是臨睡前,半夜及清晨的時候.奶 ...

hellocatcat,

my BB is 23 days old, i now 用手擠 becos it is very painful to use the NUK Electric pump. It is the pump problem to make me pain, or any suggestion to 擠奶? I usually 擠奶 after bathing in afternoon, and usually have 3.5oz in total, don't you think it is enough for BB if keep growing?

私人傳訊回覆引用

yanlongma

積分: 5016

4^#

發表於 07-7-24 09:50 |只看該作者

1. 我又唔覺用泵會多d喎，係會無咁累，但又無用手咁清。我自己習慣用泵泵完再用手git下，咁會清d。

2. 佢地都係全泵媽媽呀，而且係慢慢增加的。你bb食落肚個d，你唔計家？

3. 唔好懷疑自己啦！都已經兩個月大啦！如果唔夠奶，bb又點會大呢？係咪？擠得少奶係因為身體已習慣bb的食量。另一邊乳房唔習慣要在呢個時候產奶麻！不過如果堅持每天定時泵奶，乳方慢慢就會習慣，奶量亦會增加。另外，你可以試下邊餵邊泵，因為有bb吸啜，另一邊會容易d出奶，會容易過你淨係泵一邊。

可唔可以lunch泵奶？快者15分鐘，慢者30分鐘，仲有30分鐘食飯！
泵一次奶唔夠的話，回家後就邊餵邊泵，都係唔夠，咪補奶粉囉！
仲有咩問題，post出來，睇下有無過來人俾到意見！

最緊要唔好down，成日諗住好down好down，就咩方法都諗唔到喇！

[ 本文章最後由 yanlongma 於 07-7-24 10:22 編輯 ]

私人傳訊回覆引用

積分: 4665

5^#

發表於 07-7-24 11:33 |只看該作者

首先多謝各位既意見!

我都知返工時抽10-15mins泵奶係必須, 但因為我是教書的, 仲要係男校, 我根本諗唔到邊到可以俾我lunch時泵奶, 個廁所又細到得一格, 唔可以霸住個廁所太耐, 仲要唔係太乾淨...唉...

我個囡囡好奇怪, 埋身餵就食5mins左右, 如果用奶樽餵佢, 佢一時食1安, 一時食2安, 有時仲食到3安, 所以每次我都要準備定3安奶俾我阿媽餵佢(如果我出咗街), 但係我好辛苦先擠到2安, 係我返工之後, 邊到夠佢食呀?

呢幾日試用奶樽餵囡囡, 日頭都好d, 佢都肯食, 但一到夜晚佢死都唔肯食奶樽, 喪喊半個鐘都唔肯食......最終我都屈服咗, 但我擔心返工後我唔同佢住(囡囡同我阿媽住), 半夜我根本餵唔到佢, 又擔心要阿媽半夜起幾次身會影響佢健康(醫生叫我阿媽唔好挨夜, 因為佢高血壓), 呀! 救命呀.......

哈哈~! 我要揍好呢隻妹~

私人傳訊回覆引用

藍寶石王子

積分: 6805

好媽媽勳章醒目開學勳章

6^#

發表於 07-7-24 15:18 |只看該作者

我有姐妹都係教書的，她就向校長講明bb係食母乳需要泵奶，而她的校長亦都明白，所以為她安排房間還特別多加把鎖，好讓她安心。

私人傳訊回覆引用

carlyli

別墅

積分: 569

7^#

發表於 07-7-24 16:30 |只看該作者

泵得幾得幾多,唔好內疚有壓力,奶水自然會多,介紹你睇本書:《從零歲開始》

私人傳訊回覆引用

yanlongma

積分: 5016

8^#

發表於 07-7-25 10:45 |只看該作者

返工方面，可唔可以好似藍寶石王子所講，試下同同事和校長商量一下。不要怕羞，做左媽媽，餵母乳係理想當然的。我所有的同事(男同女)都知道我要泵奶的！
夜晚可唔可以接bb回家過夜？不論是否餵母乳，單說照顧及教導，我覺得bb還是跟住媽媽比較好，感情是要靠相處來建立的，有了深厚感情，將來教育也比較容易。

原文章由 hellocatcat 於 07-7-24 11:33 發表
首先多謝各位既意見!

我都知返工時抽10-15mins泵奶係必須, 但因為我是教書的, 仲要係男校, 我根本諗唔到邊到可以俾我lunch時泵奶, 個廁所又細到得一格, 唔可以霸住個廁所太耐, 仲要唔係太乾淨...唉...

我 ...

私人傳訊回覆引用

eeb

水晶宮

積分: 51073

至尊種植勳章醒目開學勳章畀面勳章環保接龍勳章

9^#

發表於 07-7-25 12:31 |只看該作者

學校實有d房仔(lab prep room/儲物室之類)可以借用，只要妳唔怕同人講要用黎泵奶，應該都ok既。

私人傳訊回覆引用

積分: 4665

10^#

發表於 07-7-26 11:13 |只看該作者

原文章由 eeb 於 07-7-25 12:31 發表
學校實有d房仔(lab prep room/儲物室之類)可以借用，只要妳唔怕同人講要用黎泵奶，應該都ok既。

我又有另一個煩惱...就係係屋企人既壓力下, 我無得再埋身餵囡囡

原本好好地咁每日餵囡囡, 但因為我要出街既關係, 所以叫阿媽用奶樽餵佢, 點知佢死都唔肯食, 不停咁扭計同喪喊, 點逗佢都唔制, 足足5,6個鐘唔食. 由於我遲d要返工, 要靠阿媽幫手, 所以一定要訓練個囡食奶樽, 結果係阿爸阿媽既壓力下, 我無得埋身餵佢, 只可以泵出黎俾佢食, 我為咗唔可以餵囡囡喊咗兩日, 我好心痛, 每次一諗起就喊...

我原本諗住到返工時就由阿媽用奶樽餵, 放工就埋身餵, 餵得幾耐就幾耐, 但無諗過咁快就唔可以餵佢...我覺得好殘忍呀......

哈哈~! 我要揍好呢隻妹~

私人傳訊回覆引用

chingyung

民房

積分: 1255

11^#

發表於 07-7-26 12:11 |只看該作者

我既情況係同你一模一樣呀, bb唔肯用奶樽, 又受盡各方既壓力, 好唔開心, 所以返工之後被迫轉左全泵啦, 佢要一個多月先習慣用奶樽, 我都喊左好多次, 不過其實諗真d, 大家都係想bb好, 唔好因為無得再埋身餵而放棄同唔開心呀!
我BB依家就快4個月啦, 我都無補過奶粉, 自己就只有一個信念, 泵到幾多得幾多, 唔夠先補奶粉, 如果你係媽咪幫手湊bb, 做全泵媽咪都好架!! 其實你每日大約4-6個鐘, 每次泵30分鐘左右, 一定夠bb食架, 每日放工帶去婆婆到, 其實雪奶總好過奶粉嗎,如果放假係屋企就泵密d, 4個鐘左右泵45分鐘, 係就係辛苦好多, 不過見到bb健健康康肥肥白白, 咩都值得架!!
至於bb唔肯用奶樽, 你試下比佢食奶咀, 初初可能佢未必肯食奶咀架, 不過到佢啜下啜下時就拎個奶咀出黎, 塞支奶入佢個口, 試多幾次!!
同埋等佢好眼訓時先餵佢, 唔好自己餵, 比其他人餵!!!
繼續努力, 唔好咁易放棄啦!!!

原文章由 hellocatcat 於 07-7-26 11:13 發表

我又有另一個煩惱...就係係屋企人既壓力下, 我無得再埋身餵囡囡

原本好好地咁每日餵囡囡, 但因為我要出街既關係, 所以叫阿媽用奶樽餵佢, 點知佢死都唔肯食, 不停咁扭計同喪喊, 點逗佢都唔制, 足足5,6個鐘 ...

[ 本文章最後由 chingyung 於 07-7-26 12:33 編輯 ]

私人傳訊回覆引用

Cammy3007

公爵府

積分: 25532

12^#

發表於 07-7-26 13:05 |只看該作者

我既情況係同你2人一模一樣呀, 本來全埋身餵, 返工前1個月開始用奶瓶, 但bb唔肯用奶樽, 99就唔比我埋身餵, 又受盡各方既壓力, 好唔開心, (中醫及我家人都要我滿月後停餵, 因我身體一向唔好, 囡囡又食成個鍾, 冇得休息, 又冇得補), 但我深信人奶對bb最好 (好像中了毒), 所以冇理會其他人講什麼, 之後被迫轉左全泵啦, 我都喊左好多次, 不過冇因為冇得埋身餵而放棄, 但就勁唔開心:-(

我BB依家已3個月多月啦, 返工後奶量急轉直下, 由8oz 趺至現在2oz, 但自己就只有一個信念, 泵到幾多得幾多, 食得一餐得一餐, 現每日吃2-3餐,其他食奶粉, 係就係辛苦好多, 不過見到bb健健康康肥肥白白, 咩都值得架!!

私人傳訊回覆引用

fwc

積分: 4709

13^#

發表於 07-7-26 13:08 |只看該作者

我是教書的, 餵了囡囡一年了, 我7:30出門, 晚上7:00回家, 期間在學校沒有泵奶, 因為表面空堂有1-2堂,但因為學校細, 有人請假, 帶隊, 我差不多每日都要代堂, 加上只有一格廁所, 男女共用, 去完開門都有一兩個人排隊

起初頭一個月谷到好痛, 3-6個月時回家泵到13安士, 早上6:30泵到6安士, 夠囡囡食三餐, 我一日泵兩次

之後食固體食物, 奶量減少, 不過, 也夠用

暑假後, 我會早晚埋食餵,因為新校是下午校,我早上會埋食餵2次, 回家會不停供應

我會留一餐5安士便算

[ 本文章最後由 fwc 於 07-7-26 13:09 編輯 ]

[嵐嵐寶貝豬]

[17/7/06(birth) --2.745kg ] [ 22/1/0--6.44kg]

私人傳訊回覆引用

giraffe1215

複式洋房

積分: 427

14^#

發表於 07-7-26 14:42 |只看該作者

埋身食當然開心. 我BB 4個月大開始唔肯埋身食, 用奶樽就好快, 我初時都有點唔開心, 不過餵人奶最主要原因都係想BB健康, 係咪? 咁總之BB有人奶食就好啦, 飲人奶所用既方式係其次啦.
另外也有可能係佢飲奶速度快左, 用奶樽食可以快D.

開頭改用奶樽BB一定唔習慣, CRY只係佢既表達方式, 唔好太介懷, BB始終會肚餓, 肚餓時就會肯試.

原文章由 hellocatcat 於 07-7-26 11:13 發表

我又有另一個煩惱...就係係屋企人既壓力下, 我無得再埋身餵囡囡

原本好好地咁每日餵囡囡, 但因為我要出街既關係, 所以叫阿媽用奶樽餵佢, 點知佢死都唔肯食, 不停咁扭計同喪喊, 點逗佢都唔制, 足足5,6個鐘 ...

私人傳訊回覆引用

carlyli

別墅

積分: 569

15^#

發表於 07-7-27 20:33 |只看該作者

agree!

原文章由 giraffe1215 於 07-7-26 14:42 發表
埋身食當然開心. 我BB 4個月大開始唔肯埋身食, 用奶樽就好快, 我初時都有點唔開心, 不過餵人奶最主要原因都係想BB健康, 係咪? 咁總之BB有人奶食就好啦, 飲人奶所用既方式係其次啦.
另外也有可能係佢飲奶速度 ...

私人傳訊回覆引用

積分: 4665

16^#

發表於 07-7-27 21:09 |只看該作者

咁我想問下大家, 如果我唔能夠埋身餵, 咁係咪要每3個鐘頭泵一次呀? 咁奶量係咪先會keep到呢? 係咪勤力d泵奶量會增加架?

哈哈~! 我要揍好呢隻妹~

私人傳訊回覆引用

prettywife

積分: 6787

17^#

發表於 07-7-27 22:20 |只看該作者

由於我唔知道自己可以餵人奶餵到幾時, 所以一直都無買泵泵奶, 只係用人手擠出黎(已經差唔多兩個月啦====> you have done a good job!!!!

1. 我想知道係咪用奶泵會泵得多d?===> should be more effective and easy to control
我見我用手只係擠得好少, 咁電泵好定人手泵好呀?====> both are good depending on the brand of the pump. Avent manual is excellent. Medella electric is also good

2. 我見到好多媽咪每日都泵到幾十安奶,====can't comment on others. as for me, my max was about 19 oz. 我想知係咪每餐都要泵出黎架? ===> if you feel your breasts are full (hard) then you can pump

3. 我個囡囡每次只係食5mins左右,仲要係食一邊啫, 我試過想擠另一邊d奶, 但發覺只係得好少(0.5-1安), 仲要係好辛苦先得半安, 究竟咁樣係咪代表我唔夠奶呀? no. every mother should have enough milk for her own child. it's very natural and it's gift from heaven. I did it this way - i directly breastfed my bb on one breast and pump on the other breast at the same time. it helped stimulate milk production and what we call reflex

我返工之後, 工作環境絕對唔容許我泵奶, you may consider pumping before you go to work and pump right after you go back home. in between, you may bring a pump and pump out the milk in the restroom. maybe it takes 5-10 mins. you may not need to store this milk - it's like temp. release of the milk and you won't feel too uncomfortable. of course you may consider using your lunch time to pump

工作環境絕對唔容許我泵奶===> do you work outdoor?
as I know some breastfeeding mothers work on the plane and some have to work on the site (construction site, etc)
add oil!!!!!

私人傳訊回覆引用

pc9

積分: 4221

18^#

發表於 07-7-27 22:23 |只看該作者

最好埋身餵.抱著BB總好過抱著奶泵.
除非BB不住在你家.否則都建議每天至少一至兩次埋身餵.
若真要泵奶.一天至少四次.
晚上臨睡前,半夜和清晨尤其重要.

學校總有些房間可用.希望你努力.

原文章由 hellocatcat 於 07-7-27 21:09 發表
咁我想問下大家, 如果我唔能夠埋身餵, 咁係咪要每3個鐘頭泵一次呀? 咁奶量係咪先會keep到呢? 係咪勤力d泵奶量會增加架?

私人傳訊回覆引用

crystaltam

複式洋房

積分: 285

19^#

發表於 07-7-27 23:05 |只看該作者

我也是教書的, 我會用我的空堂來泵奶, 一切工作留待學生放學後才做, 所以搞到7:00pm才離校, 每天差不多是最遲走的一個, 很多同事會問我, 為何不早些回家看bb, 我會老實告訴他們我空堂要泵奶, 所以...... 其實我會告訴同事我bb餵人奶, 暑假前, 有時要全日看班(我是班主任), 到了泵奶時就會請同事來幫助看班, 我都會向男同事開聲請求幫忙, 他們很樂意的. 總之, 最要緊是bb有奶吃.
我起初, 在校泵三次, 好努力泵, 小息十五分鐘都去泵. 我用雙電泵, 出奶好快, 但搞到乳頭好痛. 之後, 我泵兩次, 約10-11am泵, 約3-4pm泵, ok呀, 所泵的奶量跟泵三次的差不多,
現在bb三個多月, 他滿月後我即上班了, 這兩個月的泵奶生活雖然要作很多安排, 但好開心, bb有得吃呀!

我還可以供過於求呢, 你勤力d泵, 可以的話放工後, 埋身吃, 不可以埋身亦要泵, 親愛的同工, 你一定得

.

我也有bb不肯吃奶樽的問題, 我會告訴自己他都要學, 並要習慣, 我會叫工人用樽餵, 星期六我在家, bb都要照用樽餵,

我要bb在15-20分鐘內吃完, 否則不給他吃(因為天氣熱, 奶易壞),就算bb哭, 不肯吃奶樽, 我也不會即埋身餵. 我發現bb如果吃得少之後那一餐會自己吃多一點, 或吃以往份量.

我是在雜物房泵, 自己清潔房間, 幸好房間有冷氣, 你盡量想辦法哪裡有房子, 或者與同事相討, 他們可能有好建議呢. 支持你呀

你用什麼奶樽? 或許bb奶樽的奶嘴不適合bb呢.

私人傳訊回覆引用