吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 樓市動向› 好賤格的業主

樓市動向今日: 1|主題: 74458

收藏本版

發帖

返回列表

跳至頁

查看: 2903 | 回覆: 10

好賤格的業主 [複製鏈接]

plato223

男爵府

積分: 7154

1^#

發表於 07-8-3 23:30 |只看該作者 |倒序瀏覽 |打印

事原係舊年我係將軍澳東X城租左個單位(我第一次租樓),當時見到單位業主翻新個屋,(但全屋電氣就係新入伙直到而家)而且我都係諗住落住腳之後再買樓的.但當簽好哂約(全包,包括所有電器自然耗損業主要負責維修)去check樓時,發現個雪櫃唔凍,個業主呀媽(業主係個女,但有事就叫我找佢呀媽,佢話佢話媽負責哂一切事項)就話我剛剛開,等下就會凍,我話唔係喎,直頭係一d凍都無,佢之後就話佢買層樓返黎時已經係咁(佢都係剛剛買就放租),話不如開多一二日睇清楚先,但一二日後都係咁,之後叫Agent同佢講,我又唔知個Agent點同佢講,個答覆話唔肯换,後來我直接打去同佢講,傾左好耐佢先肯買個新(但係好cheap牌子,仲係個摩打好大聲,門邊會有倒汗水出個隻,唔緊要,有得用就算).

點知近期,個廁所水箱壞左,打去個業主打左成個星期都找佢唔到,後來找到佢同佢講,順便話埋俾佢聽個分體冷氣開耐有D"羅"味同唔凍,叫佢找代理check,之後佢叫我地自己找人同代理,張單俾番佢,廁所維修四百幾,冷氣上門check三百幾,個代理仲話冷氣流緊雪種,要維修千幾蚊,我叫佢自己絡聯番個業主,之後我等左幾日都唔見個業主覆我,我咪打去找去順便問佢收到張單寄番張cheque俾我未,佢話等埋張租單一齊寄俾我,我咪問佢係咪要交左租你先俾番d維修錢,佢話唔係咁意思,話一二日後寄俾我,我心諗,我未交租有無人咁蠢就寄租單俾我,之後我都交左租俾佢,佢連租單同支票寄番俾我.至於冷氣,佢話佢自己聯絡個代理了解一下,之後,佢個電話就熄左,我就找唔到佢,我第一次打俾個個女話搵唔到佢呀媽,佢話佢唔返工就唔會開電話,我咪叫佢呀媽聯絡番我,點知又係音訊全無,之後我再用第二個電話打俾佢個女問佢點,佢同我話,呢幾日我好夜返屋企,我呀媽訓左,同佢講唔到,佢真係當我傻,同一齊住都搵唔到,打番自己屋企都得啦,而家我打去,一係話未接通,一係就長響無人聽.佢間屋d燈仲係用d太陽管,熱到飛起個隻,我問過好多Agent都話佢衰格,仲同我講話如果佢死都唔理,叫我寫定封信mark有問題寄俾佢做証據.唔好俾佢賴番轉頭.

其實,佢間屋好多問題,浴江浸水入房,有次佢呀媽上黎睇冷氣時我都話左俾佢聽,佢淨係應左句"哦,係喎"就無理.直頭諗住有租收就算,完全唔理間屋d問題,我都未見過咁業主.

[ 本文章最後由 plato223 於 07-8-4 07:34 編輯 ]

0 0 0

私人傳訊

nausica

大宅

積分: 2339

2^#

發表於 07-8-3 23:55 |只看該作者

hi,
我想問包埋電器比普通咁租貴幾多架? 因為我之前搵極都搵唔到包電器的, 結果要自己買曬

私人傳訊

plato223

男爵府

積分: 7154

3^#

發表於 07-8-4 00:01 |只看該作者

其實我都唔係好清楚,我都係第一次租,我而家個度得595呎,要成$8000一個月,我Agent話如果唔包電器,就一定唔駛呢個價,但我所知好多時都係包埋電器和維修(除非你特登破壞),其實我都唔想用佢個d,但佢本身而經有,個業主又無話唔要,我又點可以叫佢攞走去.佢都係一心做業主,從來無諗過收番層樓自己住個隻.

原文章由 nausica 於 07-8-3 23:55 發表
hi,
我想問包埋電器比普通咁租貴幾多架? 因為我之前搵極都搵唔到包電器的, 結果要自己買曬

私人傳訊

楊桃

翡翠宮

積分: 75475

4^#

發表於 07-8-4 00:17 |只看該作者

你果度得500幾尺都要租$8000, 都唔平喎, 响邊區呀 ???

通常業主包埋電器傢俬既話都係會租貴啲架, 如果唔係通
常都平到500-800既 .......

但所有電器而有列响租約上面既話, 如果真係壞左都係業主
要負責維修架 .......

原文章由 plato223 於 07-8-4 00:01 發表
其實我都唔係好清楚,我都係第一次租,我而家個度得595呎,要成$8000一個月,我Agent話如果唔包電器,就一定唔駛呢個價,但我所知好多時都係包埋電器和維修(除非你特登破壞),其實我都唔想用佢個d,但佢本身而經有,個業主又無話唔要,我又點可以叫佢攞走去.佢都係一心做業主,從來無諗過收番層樓自己住個隻.

私人傳訊

plato223

男爵府

積分: 7154

5^#

發表於 07-8-4 07:31 |只看該作者

我租個度係將軍澳東港城,佢第一次做業主租樓俾人,但簽約時都講得好清楚一切維修係由佢負責,佢可能覺得肉赤,所以唔想做,租佢就識收,如果唔係佢理虧,都唔駛唔聽我電話熄埋,同個女係到扯貓尾.我今日會再打俾佢個女同佢講如果再唔覆我,我就會落去所有地產代理告之有關情況.因為雪櫃單埋,個Agent話佢咁,佢下次再放租時,會將佢的紀錄mark係部機,如分行有人call機睇時,都會知佢有咁情況.到時睇下仲有無人租佢層樓:tongue:

我初初見佢肯翻間屋,我都諗住住得企理d,竟然係咁,呢排我個囡好鐘意周圍劃公仔,我就由得我個囡劃下啦:tongue:

私人傳訊

小蕎媽媽

大宅

積分: 3580

6^#

發表於 07-8-4 09:36 |只看該作者

我都分享一吓我地做租客的心聲，我租左而家呢到唔夠一個月，我地入伙都話比佢知佢部冷氣好嘈，咁佢話係今年年頭新買的唔換，咪算啦，都叫做用到，同埋都係工人房，佢都唔係點用，冇所謂，但入左伙都唔夠2星期，佢直頭唔凍，壞左，咁佢都肯換，但佢話要save money，自己裝，咁我地唔埋佢，總之你整好就得。咁個業主叫左佢老豆同呀媽來整，整左上去但又唔用玻璃膠封好佢，咁落雨會入水，同埋咁樣會唔凍架重會好嘈。我老公話算啦自己整左佢。佢成日就叫老豆呀媽整，自己又唔整，我地真係好唔高興架。

講返轉頭，如果業主再唔埋，咁你可唔可以同佢講，自己揾人整然後係租都扣番。

原文章由 plato223 於 07-8-4 07:31 發表
我租個度係將軍澳東港城,佢第一次做業主租樓俾人,但簽約時都講得好清楚一切維修係由佢負責,佢可能覺得肉赤,所以唔想做,租佢就識收,如果唔係佢理虧,都唔駛唔聽我電話熄埋,同個女係到扯貓尾.我今日會再打俾佢個女 ...

小蕎媽媽

私人傳訊

plato223

男爵府

積分: 7154

7^#

發表於 07-8-4 13:07 |只看該作者

我到而家都聯絡唔到佢兩母女,留左言係佢電話又唔覆,但我問過代理,佢話任何情況都唔可以係租到扣,一係唔整,一整就係自己俾住先,如果佢唔應數,你仲要入小額錢債告佢.Agent都話佢地兩個望落去好似好好,估唔到係咁.

好彩我仲有3個月就滿約,如果有人想租東港城2房單位,希望唔好好似我咁咁好彩撞到咁業主,如有人想知佢資料,我都可以pm你地話俾你知

私人傳訊

noella

大宅

積分: 4359

8^#

發表於 07-8-5 13:44 |只看該作者

又唔駛咁被動既...
我都係租樓, 所以有d心得:
首先, 你租約上, 要視乎有冇寫包冷氣機, 如果有, 壞左, 房東當然有責任整, 如果整唔好, 要換, 你可以要佢換, 佢唔換, 你可以自己來。
先找個合格師傅check 機, check 完叫佢寫明是否壞機, 整機或換機, 整完或買完新機, 要比返張單房東, 費用係租上扣 (收據記得keep 副本) 佢唔可以告你
我冷氣機都係換左新。

另我屋企有漏水, 叫房東整,佢拖左我好耐, 當然我要同佢傾, 第一, 間屋有問題, 我係有權唔交租, 所以拿住尼點, 佢拖我, 我可以拖住唔交租, 當然, 我亦唔想咁衰, 我會要求減租, 直至減到佢整好為止。(以家每月減左我500蚊)

如果佢唔聽你電話, 你咪唔好交租住, 佢一定會搵你

唔駛煩丫, 法例是保障租客多於房東o家

私人傳訊

plato223

男爵府

積分: 7154

9^#

發表於 07-8-5 15:06 |只看該作者

租約上當然寫明冷氣壞左都係業主負責,而家係佢唔想傾,熄哂電話,但我問過Agent,咩情況下都唔可以係租到扣,而家我都諗住唔鬼理佢,租,我唔會唔交,費時做衰自己,但我已經寄左封信俾佢,同佢講,屋企有咩事我唔會負責,仲將佢屋企有問題的全部mark哂俾佢知,到時約滿唔好入我數,我最多忍多佢兩三個月,但呢排的天氣,真係熱到想死.