吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 兩個小朋友前做法官，傾下

自由講場今日: 231|主題: 1337700

收藏本版

發帖

返回列表

跳至頁

查看: 552 | 回覆: 15

兩個小朋友前做法官，傾下 [複製鏈接]

蜜棗

子爵府

積分: 11426

睛靈勳章畀面勳章 BK Milk勳章

1^#

發表於 14-3-7 23:43 |只看該作者 |倒序瀏覽 |打印

這樣的，先利申：並冇問題發生，只是在自我檢討一下作為一個媽媽，我可以點樣做得更好。
背景：一對仔女，大囡就6歲，嚟緊升小一，細囝今年K1. 並不算什麼小康之家，但心中富有。
好，這樣的，作為一個媽媽，或許我比較不同，我在陀大囡時已同老公有共識大家如何調教自己嘅小朋友，我哋是十分有共識的，所以長老干涉唔倒我哋，我重視小朋友感受，所以我嘅小朋友唔係十幾個興趣班的生活，我個囡話鐘意畫畫，所以只係學緊畫畫，佢想學跳舞，我都要諗下會唔會影響佢休息時間，所以考慮緊…純粹講下自己係一個點樣嘅媽咪
好喇！回歸正題，大囡好醒，講緊佢思想，佢好識睇我哋眉頭眼額，佢係識用方法令到我哋買玩具比佢果種，唔會瞓喺街度扭；但相反細佬就幾好動，亦叫作任性，我哋係對佢嚴啲啲，因為要好好管教，我記得入學時填亞囝份問卷，裡頭會問你最擔心小朋友個性邊方面？我填咗“情緒”，或許細仔仲細，要多少少時間調教，但好多時，我都睇得出家姐就緊個細佬，細佬慢慢得寸進尺，好多時，我哋呢啲作為兩個小朋友嘅媽咪，往往要做埋法官，去審判誰是誰非！
所以想請教下兩個小朋友的JM,去面對呢啲問題時你哋會點做一個判決？因為問題往往係唔會單單得對同錯呢兩面，黑色同白色之間都會有灰色，就以一個簡單嘅例子，一份泥膠玩具一齊玩，佢哋有時會爭把膠刀，我冇可能講“做家姐要就細佬”，呢個係我個人十分不認同嘅方法，佢哋喺我眼中一定係平等，又好似我放工返到屋企，入屋佢哋一齊叫我，想我抱下佢哋，邊個先邊個後都會鬧不快

0 1 0

爆愛車縫作

私人傳訊

Jayelle

侯爵府

積分: 21584

認識瑞士牛牛第二回認識瑞士牛牛第一回我的育兒心得勳章想生BB熱投冬日勳章陪月勳章畀面勳章

2^#

發表於 14-3-8 00:10 |只看該作者

回覆：兩個小朋友前做法官，傾下

叫佢地輪流玩，自己傾邊個先邊個後，輪幾耐，傾唔掂就冇得玩，教佢地多d互相包容、禮讓、遷就，可以嗎？

私人傳訊

canies

翡翠宮

積分: 96271

3^#

發表於 14-3-8 00:25 |只看該作者

回覆：兩個小朋友前做法官，傾下

我得一個，不過個人認為，小朋友嘅問題，除非有危險，否則都應該儘量比佢地自己解決。

至於放工抱邊個，咪放工入屋跪下，左右手各攬一個入懷囉，攪掂。

點評

foggyao 我正是這樣

發表於 14-3-8 16:47

私人傳訊

jenniecatcat

水晶宮

積分: 56409

4^#

發表於 14-3-8 00:28 |只看該作者

引用：這樣的，先利申：並冇問題發生，只是在自我

原帖由蜜棗於 14-03-07 發表
這樣的，先利申：並冇問題發生，只是在自我檢討一下作為一個媽媽，我可以點樣做得更好。
背景：一對仔女， ...

邊個上手先就邊個先，叫另一個等，排隊。同時同玩緊個講，玩一陣要俾第二個。

我的最愛: 老公, 仔仔, 同來緊既女女, 老豆

私人傳訊

花偶

大宅

積分: 4040

5^#

發表於 14-3-8 00:39 |只看該作者

回覆：兩個小朋友前做法官，傾下

我通常都係果幾句，再爭大家一齊唔好玩/先到先得/打交唔係問題，輸贏都都唔好走黎同我喊。

事關我屋企係兩位男生，極好動。

私人傳訊

陳曦

子爵府

積分: 11491

6^#

發表於 14-3-8 00:45 |只看該作者

引用：這樣的，先利申：並冇問題發生，只是在自我

原帖由蜜棗於 14-03-07 發表
這樣的，先利申：並冇問題發生，只是在自我檢討一下作為一個媽媽，我可以點樣做得更好。
背景：一對仔女， ...

我妹兩個小朋友，情況同你差唔多

最後解決方法係：每樣野都係一人一份，對，係每樣嘢，一件衫，一條底褲，甚至乎一隻碗仔一隻瓷羹，如買左新嘢比弟弟必定要買返份比家姐，否則有派鬧，係家姐嘈弟弟就係弟弟鬧家姐，各自處處玩針對
仲有要定家規，小朋友們如果要借用對方玩具，必須開聲借，當然對方有權唔借出，此時大人可提醒唔肯借出嗰個“下次你要借人地D嘢佢唔俾你你唔好同我投訴吖”
關於如何解決爭風呷醋：放工後回家，開門大叫一聲“我返來啦！”
邊個來迎接攬邊個，兩個一齊來就抱兩個，公平晒

點評

快樂ma 一人一份，可能會難D教佢地識同其他人分享發表於 14-3-8 10:09

私人傳訊

b888423

洋房

積分: 39

7^#

發表於 14-3-8 00:47 |只看該作者

回覆蜜棗的帖子

goodgoodgood

私人傳訊

喜喜天使

珍珠宮

積分: 33316

8^#

發表於 14-3-8 00:52 |只看該作者

引用：Quote:原帖由+蜜棗+於+14-03-07+發表這樣的

原帖由陳曦於 14-03-08 發表
我妹兩個小朋友，情況同你差唔多
最後解決方法係：每樣野都係一人一份，對，係每樣嘢，一件衫，一 ...

私人傳訊

steplim

大宅

積分: 4278

9^#

發表於 14-3-8 00:58 |只看該作者

回覆：兩個小朋友前做法官，傾下

我會話如果兩個都要，就兩個都無得玩，小朋友事就小朋友自己解決，還有出手打人就唔得。

私人傳訊

mammycat1818

子爵府

積分: 11522

10^#

發表於 14-3-8 01:20 |只看該作者

回覆：兩個小朋友前做法官，傾下

比佢地自己解決先后用嘅問題，如果解決吾到，仲要爭就一齊無。我吾會因為怕左佢地爭就一人一份，好多事家姐同細妹D野係吾同pattern,自細由BB開始懂事時就教佢地要share, 否則大家都無。

私人傳訊

陳曦

子爵府

積分: 11491

11^#

發表於 14-3-8 11:05 |只看該作者

回覆：兩個小朋友前做法官，傾下

點評

快樂ma 一人一份，可能會難D教佢地識同其他人分享發表於 2014-03-08 10:09:45

但係如果你淨係買玩具俾其中一個，另外一個冇，又何來分享之說？
當然有D嘢係唔需要買雙份嘅，比如玩具，但我地大人可一咁樣做到既公平有可以一人有一份（但又唔係一摸一樣的）：當其中一個要求買某樣玩具時，叫另外一個也揀一樣自己鐘意嘅玩具，否則厚此薄彼，不如不買。
買完玩具，比佢地各自保管。如果想玩人地嘅玩具，可開聲去借，好過一份玩具無主人，一人想玩時另外一個也去爭，爭來爭去玩又冇得玩，仲要激怒大人。
比如話泥膠係家姐嘅，咁家姐玩嗰陣時弟弟又想玩，咁弟弟就一定要問過家姐「家姐我可以同你一齊玩嗎？家姐你的泥膠刀可以借我用嗎？」
你以為小朋友真係會唔借嗎？
通常小朋友係唔•會•拒•絕•有•禮•貌•的要求的。唔信你可以試下。就算佢喺度食緊半舊餅仔，你問佢「你可以比我咬一啖試下係咩味道嗎？」
佢一定會即刻伸隻手仔過來俾你試下佢D餅仔好唔好味。
其實兄弟姊妹間相處如果也做到好似喺幼稚園一樣，大家互相禮貌待人，用語文明，既可以教識佢地唔系對外人有禮貌先係懂禮貌的好孩子，喺屋企，對屋企人，對家姐細佬妹一樣要有禮貌，咁先係真正的懂禮貌。