今日又返屯門醫院檢查。
真係如果有新界西既朋友需要生仔，我真係會推介你唔好徙錢搵私家醫院。雖然我未生得，未知生既時候同生完之後會點，但只看我來到就快完成既懷孕期，政府醫院既產科服務真係唔錯。不過又咁，我個case又比較特殊，同埋我無比較過私家醫院既。
當然，去得政府，就要有心理準備醫生會講d令你擔驚受怕、態度唔好既對白，同埋次次都唔會同一個醫生，或者一d你真係想知但佢又未必主動講既情況，仲要排期，如果有得照超聲波唔會有紀念品拎走。
因我既case真係特殊，我得到既照顧真係度身訂造。但以一般人人都會經歷既情況來講：做Oscar篩檢、兩次妊娠糖尿檢查、每個月既健康院例行產檢、醫院既產前講座咁，醫護人員都好nice，有問必答，清清楚楚，唔問既都主動講，甚至緊張過你。最重要係，當發現個胎有咩特別，醫護人員係會即時安排週詳既跟進。
而我上星期食詐糊去左產前房住左3日2夜，產前房係就係嘈d、夜晚無覺好瞓，又固定探病時間。但其他都真係幾OK，例如膳食，真係一d都唔難食，仲幾吸引添。又有得借風筒、電話，明知你靜雞雞差電又唔會阻止你。醫護人員又係好和善，當然病人本身都要合作既。
政府醫院其實都真係幾OK，希望產房、產後房都OK啦！
女兒~~~你現在先在天上看顧爸媽，過多半年就要帶齊野，再回來爸媽身邊啦！
發表於 
[/url]
返回列表
